༧གོང་ས་མཆོག

༢༠༡༥/༠༡/༢༡   རིག་པ།(༡)

༧གོང་ས་མཆོག་གིས་སྨན་པ་མཁས་ཀྱང་ཀུན་སློང་བཟང་པོ་མེད་ཁོས་སྤྲད་པའི་སྨན་དེས་ཕན་དེ་ཙམ་མི་ཐོགས། གལ་ཏེ་སྨན་པ་དེ་ཙམ་མི་མཁས་ཀྱང་ཀུང་སློང་བཟང་པོ་ཡོད་ཁོའི་སྨན་དེཕན་ཐོགས་ཡོདཅེས་གསུངས།

༢༠༡༤/༡༢/༣༡   རིག་པ།(༠)

༧གོང་ས་མཆོག་གིས་དགའ་ལྡན་དུ་གསུང་ཆོས་དང་འབྲེལ་ཏེ་བཙུན་དགོན་བྱང་ཆུབ་ཆོས་གླིང་དུ་ཕེབས་ཏེ་བཙུན་མའི་སློབ་གཉེར་དང་འབྲེལ་ཏེ་ཕོ་མོ་འདྲ་མཉམ་སྐོར་གསུངས།

༢༠༡༤/༡༢/༣༡   རིག་པ།(༡)

༧གོང་ས་མཆོག་གིས་དགའ་ལྡན་དུ་ལམ་རིམ་ཆེན་མོའི་བཀའ་ཆོས་དང་བསྟུན་ཏེ་བྲག་གཡབ་མི་མང་གིས་བརྟན་བཞུགས་ཕུལ་སྐབས་ཁོང་གིས་དོལ་རྒྱལ་སྐོར་ལ་བཀའ་གནང་ཡོད།

༢༠༡༤/༡༢/༢༤   རིག་པ།(༢)

ཁ་སང་༧གོང་ས་མཆོག་གིས་ལམ་རིམ་གསུང་ཆོས་སྐབས་དགའ་ལྡན་ཁྲི་རིན་པོ་ཆེ་དང་མཁན་པོ་ཚོས་མེད་པ་གཅིག་ལ་ཡོད་མདོག་མདོག་བྱས་ནས་བསྡད་ན། བླུན་པོས་བླུན་པོམགོ་སྐོར་ཟེར་བ་ལྟར་དང་བསྟན་པ་སྤྱི་ལ་གནོད་ཀྱིན་ཡོད་སྟབས་དགེ་འདུན་པའི་ནང་གང་བྱུང་བྱེད་མཁན་བྱུང་ན་གནས་དབྱུང་གཏོང་དགོས་ཞེས་གསུངས

༢༠༡༤/༡༢/༢༢   རིག་པ།(༢)

ཁ་སང་༧གོང་ས་མཆོག་རྒྱ་གར་ལྷོ་ཕྱོགས་གྷེང་ལོར་ཏུམ་ཀོར་གཙུག་ལག་སློབ་གྲྭའི་བགྲོ་གླེང་དབུ་འབྱེད་དུ་ཕེབས་ཏེ། རྒྱ་གར་ནང་ལོ་སུམ་སྟོང་གོང་ནས་དར་བའི་ཆོས་ལུགས་རིས་མེད་ཀྱི་ལྟ་གྲུབདེས། ཆོས་ལུགས་ཚང་མར་གུས་བརྩི་ཞུ་བ་མ་ཟད། ཆོས་ཁས་མི་ལེན་མཁན་ཚོ་ལའང་གུས་འདུད་ཞུ་སྲོལ་ཡོད་སྟབས། དེང་གི་སྤྱི་ཚོགས་དངཧ་ཅང་འཚམ་པོ་ཆགས་ཡོད་ཅེས་གསུངས།

༢༠༡༤/༡༢/༡༨   རིག་པ།(༣)

༧གོང་ས་མཆོག་གིས་མ་འོངས་པར་ཏཱ་ལའི་བླ་མ་གླེན་པ་དང་ཞབས་འདྲེན་ཞུ་མཁན་དེ་འདྲ་ཡོང་མི་སྲིད་པ་ཞིག་མིན་སྟབས། དུས་རབས་མང་པོའི་ལོ་རྒྱུས་ཡོད་པའི་ཏཱ་ལའི་བླ་མའི་སྒྲིག་འཛུགས་འདི་ཡང་སྙན་གྲགས་ཅན་གྱི་ཏཱ་ལའི་བླ་མ་དང་མཉམ་དུ་མེད་པ་ཆགས་ན་དེ་ལས་ཡག་པ་ཞིག་ཡོད་པ་མ་རེད་གསུངས་འདུག

༢༠༡༤/༡༢/༠༤   རིག་པ།(༤)

༧གོང་ས་མཆོག་གིས་དྷ་སར་སོག་རིགས་ཚོར་བྱང་ཆུབ་ལམ་རིམ་ཆེན་མོའི་བཀའ་ཆོས་གནང་སྐབས། ཁལ་ཁ་རྗེ་བཙུན་དམ་པའི་ཡང་སྲིད་སོག་ཡུལ་དུ་འཁྲུངས་དགོས་སྐོར་དང་། ཁྲི་བྱང་རིན་པོ་ཆེའི་ཡང་སྲིད་ལ་འབྲེལ་བ་ཡང་ཡང་ཞུས་ཀྱང་ཉན་འཇོག་བྱས་མ་སོང་སྟབས་ད་ལྟ་རིན་པོ་ཆེ་ངོས་དང་འབྲེལ་བ་གཏན་ནས་མེད་ཅེས་སོགས་གསུངས།

༢༠༡༤/༡༢/༠༢   རིག་པ།(༠)

༧གོང་ས་མཆོག་གིས་སོག་པོའི་ཆོས་ཞུ་བ་གཙོ་བོར་གྱུར་བའི་ཕྱི་རྒྱལ་དང་བོད་པ་ཚོར་ལམ་རིམ་ཆེན་མོའི་གསུང་ཆོས་གནང་སྐབས། ཁྱེད་རང་ཚོ་དོལ་རྒྱལ་མཚམས་འཇོག་བྱ་རྒྱུར་ཞེད་སྣང་སྐྱེ་ན། སེམས་ནང་དོལ་རྒྱལ་མཚམས་འཇོག་བྱས་པ་དེ་སྒེར་སོ་སོ་དོལ་རྒྱལ་ལ་མ་དགའ་བ་མིན་པར། ཏཱ་ལའི་བླ་མའི་ཐོག་མ་དོལ་རྒྱལ་བསྟེན་ཏེ་ཕྱིས་སུ་སྐྱོན་མཐོང་ནས་མཚམས་འཇོག་བྱས་པ་ལྟར་ང་ཚོར་ལམ་སྟོན་གནང་བའི་རྗེས་སུ་འབྲང་གི་ཡོད་སྟབས། དོལ་རྒྱལ་ཁྲོ་ན་ཏཱ་ལའི་བླ་མའི་སྟེང་ཁྲོ་རོགས། གནོད་པ་གཏོང་རྒྱུ་ཡོད་ན་ཏཱ་ལའི་བླ་མར་གནོད་པ་གཏོང་ཤོག་ཅེས་གསུངས་སོང་

༢༠༡༤/༡༡/༢༩   རིག་པ།(༠)

༧གོང་ས་མཆོག་གིས་ད་ལྟའི་དུས་ཚོད་འདིའི་ནང་ཆོས་སྤྱི་དང་ལྷག་པར་དཔལ་ནཱ་ལེན་ཊའི་མཁས་པ་ཚོས་མཛད་པའི་གཞུང་དེ་དག་ལ་འགྲེལ་བཤད་ཅིག་རྒྱག་དགོས་ན་བོད་ཡིག་ལས་ལྷག་ཅིག་གཅིག་ཀྱང་མེད་སྟབས། ད་ལྟ་ཀླུ་སྒྲུབ་ཡབ་སྲས་དང་ཕྱོགས་གླང་ཆོས་གྲགས། ཐོགས་མེད་སོགས་ཕེབས་ན་བོད་པར་ལག་ཁྱེར་ཨང་དང་པོ་སྤྲོད་ངེས་ཡིན་གསུངས།

༢༠༡༤/༡༡/༢༤   རིག་པ།(༡)

༧གོང་ས་མཆོག་རྒྱ་གར་ལྡི་ལིར་སྲིད་བློན་ནེ་རུ་འཁྲུངས་ཏེ་ལོ་བརྒྱ་དང་ཉེར་ལྔ་འཁོར་བའི་དུས་དྲན་དང་རྒྱལ་སྤྱིའི་ཧིན་རྡིའི་ཆོས་ལུགས་ལྷན་ཚོགས་བཅས་སུ་ཆིབས་བསྒྱུར་བསྐྱངས་ཏེ། འཛམ་གླིང་ཐོག་མི་རིགས་དང་ཆོས་ལུགས་མི་འདྲ་བ་ཡོད་པ་དེར་གཙིགས་ཆེན་བྱེད་པ་ལས་མ་འཆམ་མ་མཐུན་པ་འབྱུང་བཞིན་ཡོད་སྐོར་གསུངས་འདུག

༢༠༡༤/༡༡/༡༡   རིག་པ།(༡)

དེ་རིང་སྔ་དྲོར་དྷ་ས་ཐེག་ཆེན་གཙུག་ལག་ཁང་དུ་༧གོང་ས་མཆོག་གིས་ལྷོ་ཀོ་རི་ཡའི་ཆོས་ཞུ་བ་གཙོ་བོར་གྱུར་བའི་སེར་སྐྱ་མི་མང་ལ་ཉིན་གྲངས་ ༣ རིང་གི་གསུང་ཆོས་དབུ་འཛུགས་གནང་སོང་

༢༠༡༤/༡༡/༠༧   རིག་པ།(༠)

ཉེ་ལམ་༧གོང་ས་མཆོག་གིས་ཨ་རིའི་ནེའུ་ཡོག་དང་ནེའུ་འཇར་སེ་བོད་རིགས་མི་མང་ལ་བཀའ་སློབ་གནང་སྐབས། ང་ཚོའི་སྟོབས་ཤུགས་ཡོང་ས་ནི་བདེན་པ་དང་། འཚེ་བ་མེད་པ། ཀུན་ལ་ཕན་པའི་སྟོབས་ཤུགས་དང་། གུང་ཁྲན་ཏང་གི་སྟོབས་ཤུགས་ཡོང་ས་མེ་མདའ་རེད། འཕྲལ་དུ་མེ་མདའི་སྟོབས་ཤུགས་དེ་ཆེ་བ་ཡོད་ཀྱང་ཕུགས་རྒྱང་རིང་པོའི་ཆ་ནས་བདེན་པའི་སྟོབས་ཤུགས་ཆེ་བ་ཡིན་ཞེས་གསུངས།

༢༠༡༤/༡༠/༢༧   རིག་པ།(༠)

༧གོང་ས་མཆོག་གིས་ཁེ་ན་ཌའི་ནང་གི་མཛད་འཕྲིན་གྲུབ་སྟེ་ཨ་རིའི་ནང་ཞབས་སོར་འཁོད་ཡོད་ཅིང་། དེ་གའི་མི་མང་ལ་སློབ་ཕྲུག་ཚོར་བྱམས་བརྩེ་གཞི་ལ་བཞག་པའི་ཤེས་ཡོན་སློབ་གསོ་སྤྲོད་དགོས་པ་གལ་འགངས་ཆེན་པོཡིན་སྐོར་གསུངས་འདུག

༢༠༡༤/༡༠/༡༤   རིག་པ།(༠)

༧གོང་ས་མཆོག་ཟླ་འདིའི་ཚེས་ ༡༧ ཉིན་དྷ་རམ་ས་ལའི་རྒྱུག་རྩེད་སྤོ་ལོའི་ཐང་ཆེན་དུ་རྩེད་འཆར་ཡོད་པའི་རྒྱ་གར་དང་ཝོ་སེ་ཨིན་ཌེ་སི་རྒྱུག་རྩེད་སྤོ་ལོའི་འགྲན་བསྡུར་དབུ་འབྱེད་དུ་ཆིབས་བསྒྱུར་བསྐྱང་རྒྱུ་ཡིན་འདུག

༢༠༡༤/༠༩/༢༢   རིག་པ།(༡)

༧གོང་ས་མཆོག་གིས་རྒྱལ་ས་ལྡི་ལིར་ཚོགས་པའི་ཆོས་ལུགས་འདྲ་མིན་གྱི་ལྷན་ཚོགས་ཐོག འཛམ་གླིང་ནང་ཆོས་ལུགས་ཕན་ཚུན་གྱི་མཐུན་ལམ་གལ་ཆེན་ཆགས་ཡོད་སྟབས། ཆོས་ལུགས་དབུ་ཁྲིད་ཚོས་དམིགས་ཡུལ་ངེས་ཅན་ཞིག་གི་ཐོག་འགྲོ་ཐུབ་པའི་གོ་བསྡུར་གནང་དགོས་སྐོར་གསུང་འདུག

ཤོག་གྲངས་: [༡] ..༡༣[རྗེས་མ།]