ངྷ་ས།

༢༠༡༤/༡༠/༠༡   རིག་པ།(༠)

དེ་རིང་དྷ་ས་དབུས་སྨན་རྩིས་ཁང་དུ་ལུས་སེམས་སྲོག་གི་བགྲོ་གླེང་དབུ་འཛུགས་གནང་ཡོད་ཅིང་། ད་རེབ་བོད་སྨན་གཅིག་པུ་མིན་པར་རྒྱ་གར་གྱི་སྨན་ལུགས་ཁག་ཅིག་དང་རྒྱ་ནག་གི་གནའ་དེང་གི་གསོ་བྱེད་ཆེད་འཁས་པ་སྐོར་ཞིག་བཅས་གདན་ཞུས་ཡོད་འདུག

༢༠༡༤/༡༠/༠༡   རིག་པ།(༠)

དེ་རིང་གཟའ་ལྷག་པའི་དགོང་མོ་དྷ་རམ་ས་ལར་བོད་མི་ཚོས་ཧོང་ཀོང་མི་མང་གི་དམངས་གཙོའི་ལས་འགུལ་ལ་གདུང་སེམས་མཉམ་སྐྱེད་དང་རྒྱབ་སྐྱོར་མཚོན་ཆེད་མར་མེ་ཁྲོམ་སྐོར་གནང་སོང་

༢༠༡༤/༡༠/༠༡   རིག་པ།(༡)

དེ་རིང་གངས་སྐྱིད་དུ་ནོ་བྷེལ་ཞི་བདེ་གཟེངས་རྟགས་བཞེས་མྱོང་མཁན་གཉིས་ཀྱིས་གསར་འགོད་གསལ་བསྒྲགས་སྤེལ་ཏེ། ཉེ་ལམ་ལྷོ་ཨ་ཧྥི་རི་ཀའི་གཞུང་གིས་༧གོང་ས་མཆོག་ཡུལ་དེར་ཕེབས་རྒྱུར་ཐོངས་མཆན་ཕུལ་མེད་པར་སྐྱོན་བརྗོད་དང་། བོད་མི་ཚོས་འཚེ་མེད་ཞི་བའི་ཐོག་ནས་རང་དབང་འཐབ་རྩོད་བྱེད་ཀྱིན་ཡོད་པར་བསྔགས་བརྗོད་བཅས་གནང་སོང་

༢༠༡༤/༠༩/༢༥   རིག་པ།(༣)

བོད་མིའི་སྒྲིག་འཛུགས་ཀྱི་ལས་བྱེད་ཚོས་མི་མང་ལ་ཞབས་ཞུ་ཡག་པོ་སྒྲུབས་ཨ། ད་རེབ་ཀྱི་གྲོས་ཚོགས་མཇུག་བསྡོམས་སྟེང་སྤྱི་འཐུས་ཚོགས་གཙོ་མཆོག་གིས། མི་མང་གིས་འཛིན་སྐྱོང་དང་ལས་བྱེད་ཚོས་བཀའ་མོལ་གནང་སྟངས་དང་ཚིག་བེད་སྤྱོད་གཏོང་སྟངས་སོགས་ཀྱི་ཐོག་ཡག་པོ་མ་མཐོང་བ་ཡིན་ན། ལས་བྱེད་བྱེ་བྲག་པར་བསམ་ཚུལ་ཡོད་པ་བཤད་མི་དགོས་པ་མ་ཟད། བོད་མིའི་སྒྲིག་འཛུགས་ཀྱི་ཀ་བ་གསུམ་ལ་མཐོང་སྣང་ཞན་པོ་ཆགས་འགྲོ་བཞིན་ཡོད་སྐོར་གསུངས་སོང་

༢༠༡༤/༠༩/༢༣   རིག་པ།(༢)

དེ་རིང་སྤྱི་འཐུས་གྲོས་ཚོགས་ནང་ཨ་རི་དང་ཡུ་རོབ་སོགས་བོད་རིགས་ཁེ་གཙང་གི་སློབ་གྲྭའམ་བསྟི་གནས་ཁང་འཛུགས་དགོས་པའི་ཐུགས་སྣང་གཞེན་སྐུལ་གྱི་གྲོས་འཆར་ཕེབས་པའི་ཐད། ཤེས་རིག་བཀའ་བློན་མཆོག་གིས་<ད་ལྟ་འགྲོ་མུས་ལྟར་བོད་རིགས་སྤྱི་མཐུན་ཚོགས་པ་ཚོས་བོད་ཕྲུག་ཚོར་བོད་ཡིག་བོད་སྐད་སློབ་ཁྲིད་ལ་ཤུགས་རྒྱག་དགོས་པ་ལས་སློབ་གྲྭ་དང་བསྟི་གནས་ཁག་སོགས་ཡོང་ཐུབ་ཁག་པོ་ཡིན་སྐོར་གསུངས་སོང་

༢༠༡༤/༠༩/༡༩   རིག་པ།(༤)

ཉེ་བའི་ལོ་ཤས་ནས་ཡུ་རོབ་ཀྱི་རྒྱལ་ཁབ་སུད་སི་དང་ཧོ་ལན་ཌི། སྦེལ་ཇམ། ཧྥ་རན་སི་སོགས་ཀྱི་ནང་སྐྱབས་བཅོལ་བའི་བཅའ་ཁྲིམས་ཐད་འགྱུར་བ་ཕྱིན་ཏེ། བོད་སྐྱབས་བཅོལ་ཞུ་མཁན་ཚོར་དཀའ་ངལ་ཆེན་པོ་འཕྲད་བཞིན་ཡོད་སྟབས། ཡུ་རོབ་སྤྱི་འཐུས་ཐུབ་བསྟན་དབང་ཆེན་ལགས་དང་བཀྲས་མཐོང་དབང་པོ་ལགས་རྣམ་གཉིས་ལ་བཅར་འདྲི་ཞུས་ཡོད།

༢༠༡༤/༠༩/༡༨   རིག་པ།(༣༣)

དེ་རིང་སྔ་དྲོར་གྲོས་ཚོགས་ནང་སྤྱི་འཐུས་རྒྱུན་ལས་ནས་ཤེས་ཡོན་སྲིད་བྱུས་ལག་བསྟར་ཐོག་ཞིབ་འཇུག་ཚོགས་ཆུང་ཞིག་འཛུགས་དགོས་པའི་གྲོས་འཆར་ཞིག་འཁྱེར་ཡོང་སྐབས། ཤེས་རིག་ལས་ཁུངས་ནས་ཀྱང་དེ་སྔ་ནས་ཤེས་ཡོན་སྲིད་བྱུས་སྐོར་ལ་རྟོག་ཞིབ་ཚོགས་ཆུང་ཞིག་བཙུགས་ཡོད་ཚུལ་གསུངས་དེ་གྲོས་ཚོགས་ནང་དེའི་སྐོར་ལ་བགྲོ་གླེང་གནང་སོང་

༢༠༡༤/༠༩/༡༦   རིག་པ།(༩)

སང་ཉིན་རྒྱ་ནག་གི་སྲིད་འཛིན་རྒྱ་གར་ནང་སྐོར་སྐྱོད་མགོ་འཛུགས་གནང་གི་ཡོད་པ་དང་བསྟུན་ཏེ། དེ་རིང་སྤྱི་འཐུས་གྲོས་ཚོགས་ནང་དེའི་སྐོར་ལ་བགྲོ་གླེང་གནང་སྟེ། སྤྱི་འཐུས་ཚོས་ཞི་ཅིན་ཕིན་གྱིས་བོད་དོན་དཀའ་རྙོག་སེལ་རྒྱུ་དེ་ཁོ་རང་གི་ལས་འགན་གལ་ཆེ་ཤོས་ཡིན་པ་དང་རྒྱ་གར་ནང་གི་ས་མཚམས་ཀྱང་བོད་དོན་སེལ་ཐུབ་མིན་ལ་ཐུག་ཡོད་སྐོར་སོགས་ཀྱི་དགོངས་ཚུལ་གསུངས་སོང་

༢༠༡༤/༠༩/༡༦   རིག་པ།(༠)

དེ་རིང་སྔ་དྲོར་སྤྱི་འཐུས་གྲོས་ཚོགས་ནང་ད་ལྟའི་རྩིས་ཞིབ་དྲུང་ཆེ་མགོན་པོ་ཕུན་ཚོགས་ལགས་སྤྱི་ཁྱབ་རྩིས་ཞིབ་ལས་ཁུངས་ཀྱི་འགན་འཛིན་ལ་བསྐོ་བཞག་གནང་སོང་

༢༠༡༤/༠༩/༡༥   རིག་པ།(༨)

ད་ལྟ་རང་སྤྱི་འཐུས་གྲོས་ཚོགས་ནང་ད་ལྟའི་ཤེས་རིག་དྲུང་ཆེ་ལས་ཐོག་དངོས་གྲུབ་ཚེ་རིང་ལགས་ཤེས་རིག་བཀའ་བློན་དུ་སྤྱི་མོས་བདམས་ཐོན་བྱུང་སོང་

༢༠༡༤/༠༩/༡༥   རིག་པ།(༤)

དེ་རིང་སྤྱི་འཐུས་གྲོས་ཚོགས་ནང་བོད་སློབ་འཛིན་ཚོགས་སྐོར་ལ་དྲི་བ་དྲིས་ལན་གནང་དོན་ལྟར་ན། ད་སྔ་སྔོན་འགྲོའི་སློབ་གྲྭ་ ༣༣ དང་གཞི་རིམ་འོག་མའི་སློབ་གྲྭ་ ༤ རྩིས་ལེན་ཟིན་ཡོད་འདུག

༢༠༡༤/༠༩/༡༥   རིག་པ།(༠)

དེ་རིང་སྔ་དྲོར་གྲོས་ཚོགས་ནང་ད་ལྟའི་འཕྲོད་བསྟེན་དྲུང་ཆེ་ཤོ་ཟུར་བསོད་ནམས་ཆོས་འཕེལ་ལགས་བོད་མིའི་སྒྲིག་འཛུགས་ཀྱི་རང་དབང་ལྡན་པའི་སྡེ་ཚན་འོས་བསྡུ་ལྷན་ཁང་གི་འགན་འཛིན་ལ་བསྐོ་བཞག་གནང་སོང་

༢༠༡༤/༠༩/༡༤   རིག་པ།(༣)

སྤྱི་འཐུས་གྲོས་ཚོགས་ནང་སྲོལ་རྒྱུན་སོ་ནམ་འདེབས་ལས་སྐོར་ལ་དྲི་བ་དྲིས་ལན་གནང་སྐབས་ནང་སྲིད་བཀའ་བློན་མཆོག་གིས་སྲིད་བྱུས་དེས་ཐད་ཀར་ཕན་ཐོགས་མེད་ཀྱང་བརྒྱུད་ནས་ཕན་ཐོགས་ཀྱི་ཡོད་སྐོར་གསུངས་སོང་

༢༠༡༤/༠༩/༡༤   རིག་པ།(༢)

དེང་སྐབས་འཛམ་གླིང་ཐོག་དར་ཁྱབ་ཆེན་པོ་འགྲོ་བཞིན་པའི་ལུས་སྦྱོང་ཐོག བོད་པའི་རིག་གཞུང་དང་འབྲེལ་བའི་ལུས་སྦྱོང་ཆེད་མཁས་པ་གཉེན་རྩེ་སྤྲུལ་སྐུ་བློ་བཟང་དམ་ཆོས་ཉི་མ་མཆོག་གིས་དྷ་ས་ཁུལ་གྱི་དགེ་བཙུན་གཙོས་མི་མང་ལ་ལུས་སྦྱོང་ངམ། རྩ་རླུང་སྒྲུབ་སྒོམ་གྱི་རྨང་གཞིའི་ཤེས་བྱ་སློབ་ཁྲིད་སྦྱོང་བརྡར་གནང་རྒྱུ་ཡིན་འདུག

༢༠༡༤/༠༩/༡༣   རིག་པ།(༦)

འཛམ་གླིང་ཇེ་ནི་སི་ཟིན་ཐོའི་ནང་བོད་ཡིག་ལག་བྲིས་སྒྱུ་རྩལ་ཤོག་དྲིལ་རང་ཤོས་ཀྱི་མཚན་གནས་ཐོབ་མཁན་བོད་ཀྱི་ཡིག་གཟུགས་སྒྱུ་རྩལ་པ་འཇམ་དབྱངས་རྡོ་རྗེ་ལགས་ཀྱིས་ཡིག་གཟུགས་འགྲེམས་སྟོན་གནང་སོང་ལ། ཁྲི་ཟུར་ཟམ་གདོང་རིན་པོ་ཆེ་མཆོག་གིས་བོད་ཀྱི་ཡི་གེ་བྱུང་ཚུལ་སྐོར་ལ་གསུང་བཤད་གནང་སོང་

ཤོག་གྲངས་: [༡] ..༥༨[རྗེས་མ།]