ངྷ་ས།

བཙན་བྱོལ་བོད་གཞུང་དང་ལྷག་པར་དུ་བཞུགས་སྒར་ཁུལ་གྱི་གཞུང་མང་གིས། ཟླ་འདིའི་ཟླ་མཇུག་དང་ཟླ་རྗེས་མའི་ཟླ་མགོར་རྒྱ་གར་ཧི་མཱ་ཅལ་མངའ་སྡེར་ཐུགས་རྗེ་ཆེ་ཞུའི་ལས་འགུལ་སྤེལ་རྒྱུ་ཡིན་འདུག

རྒྱ་ནག་གཞུང་གིས་རྒྱལ་སྤྱིའི་ཚད་ལྡན་གྱི་གསར་འགོད་པ་གདན་ཞུ་བྱས་ཏེ། ཆུང་སྲིད་རིན་པོ་ཆེའི་སྐུ་འཁོར་དང་བཅས་པར་ཐུག་འཕྲད་ཀྱི་གོ་སྐབས་སྤྲོད་དགོས།

ཇི་སྲིད་༧པཎ་ཆེན་ཆུང་སྲིད་རིན་པོ་ཆེ་དང་ཁོང་གི་སྐུ་འཁོར་རྣམས་ལ་མཇལ་ཆེད་རྒྱལ་སྤྱིའི་རང་དབང་ཅན་གྱི་སྡེ་ཚན་ཞིག་བོད་ནང་ཞིབ་བཤེར་དུ་གཏོང་མ་ཐུབ་པ་དེ་སྲིད་དུ། ང་ཚོས་ངོ་རྒོལ་མཚམས་མི་འཇོག་ཅེས་བོད་ཀྱི་བུད་མེད་ལྷན་ཚོགས་ཀྱིས་བརྗོད་ཡོད།

ཐེངས་འདིར་རྒྱ་ནག་གིས་དགོངས་པ་ཆེར་བཞེས་གནང་སྟེ་འདས་གསོན་རྣམས་ཀྱི་ཆེད་དུ། ༧གོང་ས་མཆོག་སྐྱེ་རྒུ་མདོར་ཕེབས་རྒྱུར་རེ་བ་རྒྱག་གི་ཡོད་ཅེས་ཕྱི་དྲིལ་དྲུང་ཆེ་མཆོག་གིས་གསུངས།

སྡུག་བསྔལ་ནང་ཚུད་པའི་མང་ཚོགས་ཀྱིས་༧གོང་ས་མཆོག་ཞབས་བཅག་ཐུབ་པའི་རེ་བ་འཆང་གི་ཡོད་པ་ལྟར། ང་ཚོས་གསོལ་བ་སྨོན་ལམ་བཏབ་པ་ཡིན་ན་རྟགས་དང་རྟེན་འབྲེལ་གྱི་ཁྱད་པར་ཏན་ཏན་ཡོད་འདོག་ཁ་པོ་རེད་ཅེས་བཀའ་ཁྲི་མཆོག་གིས་གསུངས་ཡོད།

ཡུལ་ཤུལ་སྐྱེ་རྒུ་མདོའི་ས་ཡོམ་གྱི་གོད་ཆག་ཐད། ཀིརྟིའི་དགེ་རྩ་ཚོགས་པ་ནས་ཧིན་སྒོར་ཆིག་འབུམ་ ༡༠༠༠༠༠ དང་། ཀིརྟིའི་བྱེས་པ་གྲྭ་ཚང་ནས་ཧིན་སྒོར་ལྔ་ཁྲི་ ༥༠༠༠༠ བཅས་ཁྱོན་བསྡོམས་ཧིན་སྒོར་ཆིག་འབུམ་ལྔ་ཁྲི་ ༡༥༠༠༠༠ ཙམ་བོད་གཞུང་ནང་སྲིད་ལས་ཁུངས་བརྒྱུད་ཞལ་འདེབས་སུ་འབུལ་ལམ་ཞུ་རྒྱུ་ཡིན་ཟེར།

རྒྱ་གར་གྱི་འབྲེལ་ཡོད་དཔོན་རིགས་ཚོ་ས་གནས་ཀྱི་རྩེད་འགྲན་ཁྲོད་ལས་བྲེལ་ཆེ་རུ་གྱུར་ཏེ། བདེ་སྲུང་ལས་ཁུངས་ཀྱི་ལས་བྱེད་མི་སྣ་གསུམ་གྱི་ཁྲིམས་ར་འཚོགས་རྒྱུ་འཕར་འགྱང་བྱས་འདུག

ཁ་སང་ཁམས་ཡུལ་ཤུལ་སྐྱེ་རྒུ་མདོར་ས་ཡོམ་ཚབས་བརྒྱབས་ཏེ། མི་ཤི་རྨས་ཀྱི་དོན་རྐྱེན་བློ་ཡུལ་ལས་འདས་པ་བྱུང་བའི་ཐད། དེ་རིང་སྔ་དྲོ་བོད་མི་མང་སྤྱི་འཐུས་ལྷན་ཚོགས་ཀྱིས་ཐུགས་གསོའི་འཚམས་འཕྲིན་ཕུལ་ཡོད།

སྐྱེ་རྒུ་མདོའི་རང་བྱུང་ས་ཡོམ་ཀྱི་གནོད་འཚེ་ཁྲོད་འདས་གྲོངས་སུ་ཕྱིན་པའི་ བོད་མི་རྣམས་ལ་གདུང་སེམས་མཉམ་བསྐྱེད་མཚོན་ཆེད་བཞུགས་སྒར་མི་མང་གིས་སྨོན་ལམ་ འཚོགས་ཡོད། 

ཨ་རིའི་སློབ་ཡོན་ནང་ལ་ཕེབས་མཁན་ཚོ་བཙན་བྱོལ་བོད་གཞུང་དང་། སྤྱི་ཚོགས་ཁྲོད་ཀྱི་མི་དྲག་གྲས་ཚོ་ཆགས་ཡོད། འོ་མའི་སྙིང་བོ་ལྟ་བུ་རེད། འོན་ཀྱང་ཕར་ཕེབས་ཚར་རྗེས་སོ་སོའི་འཚོ་བའི་ནང་མགོ་འཁོར་བསྡད་པ་ཡིན་ན། བོད་སྤྱི་པ་ལ་གྱོང་ཆགས་ཡོད་པ་མ་ཟད། སོ་སོ་སྒེར་ལ་མཚོན་ནའང་མི་ཚེ་སྐྱེལ་ཐབས་ཙམ་མ་གཏོགས། མི་ཚེ་སྐྱེལ་སྟངས་དེ་རྣམ་དཔྱོད་ལྡན་པ་ཞིག་མ་རེད། ཅེས་ཤེས་རིག་བཀའ་བློན་མཆོག་གིས་གསུངས་ཡོད།

ལྷ་མོའི་གཞུང་འདི་ནི་བོད་པ་གཅིག་པུར་མ་གཏོགས་གཞན་སུ་གང་ལའང་མེད་པའི་གཞུང་ཁྱད་པར་བ་ཞིག་ཡིན། སྤྱིར་བཏང་གི་གླུ་གཞས་ཞབས་བྲོ་ལྟ་བུར་མཚོན་ན། འཛམ་གླིང་གི་མི་ཚང་མས་ལད་ཟློས་བྱ་ཐུབ་པ་ཞིག་དང་འཁྲབ་ཐུབ་པ་ཞིག་རེད། དེ་དག་མིའི་རྒྱུད་དུ་ཉོན་མོངས་འཕེལ་བྱེད་ཅིག་ཀྱང་ཆགས་ཀྱི་ཡོད། བོད་པའི་ལྷ་མོའི་གཞུང་འདི། བོད་པ་རང་གི་མགྲིན་པ་ལས་མ་གཏོགས་ལུང་པ་གཞན་སུ་གང་གིས་ཀྱང་ལད་ཟློས་བྱེད་མི་ཐུབ་པ་ཞིག་ཆགས་ཡོད་ཟེར།

ཕྱི་ཚེས་ ༡ ཉིན་གྱི་མཚན་མོའི་ཆུ་ཚོད་དགུ་བ་ཙམ་ལ་ངྷ་ས་གངས་སྐྱིད་དུ་རྒྱ་གར་ཡུལ་མི་འགའ་ དང་གངས་སྐྱིད་ཀྱི་མཚན་སྲུང་བའི་བར་དུ་ཁ་རྩོད་བྱུང་བ་དང་། སྐབས་དེར་བོད་གཞུང་བདེ་སྲུང་ལས་བྱེད་གསུམ་གྱིས་བར་འདུམ་བྱས་སྐབས་ཡུལ་མི་དང་ བདེ་སྲུང་མི་སྣའི་བར་དུ་ལག་འཛིང་ཤོར་ཏེ་རྒྱ་གར་ཡུལ་མི་གསུམ་དང་། བདེ་སྲུང་མི་སྣ་གཅིག་བཅས་ལ་རྨས་སྐྱོན་བྱུང་ཡོད་འདུག་ལ། ཕྱི་ཉིན་དེར་བདེ་སྲུང་གི་མི་སྣ་དེ་གསུམ་ཀང་རཱ་རྫོང་གི་བཙོན་ཁང་དུ་བཀག་ཉར་ བྱས་ཡོད་འདུག

༼ ཀ་ཡི་མི་རབས ༽ ཞེས་པའི་གློག་བརྙན་ཞིག་བོད་གཞུང་ཟློས་གར་ཁང་དུ་མང་ཚོགས་ལ་སྤྱན་འབུལ་ཞུ་སྐབས། བོད་གཞུང་ཤེས་རིག་བཀའ་བློན་མཆོག་གིས་དེའི་ནང་གི་བོད་ཡིག་གི་དག་ཆ་ཁ་ཤས་ནོར་འདུག་གསུངས་པ་ལྟར། ད་ལྟ་དག་ཆ་བཟོ་བཅོས་དང་བསྐྱར་སྒྲིག་བྱེད་ཀྱིན་ཡོད་ཟེར།  

བཀའ་ཤག་སྐབས་བཅུ་བཞི་བར་བཀའ་བློན་ཁྲི་པ་ཕུལ་དུ་བྱུང་བ་ཞིག་ཕེབས་ཆེད། བོད་ཀྱི་བུད་མེད་ལྷན་ཚོགས་ཀྱིས་ད་ལོའི་ཕྱི་ཟླ་ ༧ པ་ནས་ལོ་རྗེས་མའི་ཕྱི་ཟླ་ ༦ པའི་བར་མི་མང་ལ་གོ་རྟོགས་སྤེལ་བའི་ལས་འགུལ་ཞིག་བརྩམ་རྒྱུ་ཡིན་པ་མ་ཟད། མང་ཚོགས་ལ་བཀའ་ཁྲིའི་འོས་གཞི་འོས་འདེམས་བྱེད་དུ་བཅུག་སྟེ་གསལ་བསྒྲགས་བྱ་རྒྱུ་ཡིན་འདུག འོན་ཀྱང་བུད་མེད་ལྷན་ཚོགས་རང་ལ་བཀའ་ཁྲིའི་འོས་གཞི་དམིགས་འཛུགས་མེད་ཟེར།

འདས་བའི་མི་ལོ་བཅུའི་རིང་ང་ཚོས་ནུས་པ་གང་ཡོད་བཏོན་ཏེ། དབང་བོ་སྐྱོན་ཅན་ལ་མཐུན་རྐྱེན་གང་ལེགས་བསྐྲུན་ཐུབ་པ་བྱུང་ཡོད་ལ། མ་འོངས་པར་ཡང་གང་ཐུབ་ཀྱིས་དཔེ་མཛོད་ཁང་དང་ལུས་རྩལ་འཕྲུལ་ཆས་སོགས་བསྐྲུན་ཏེ་ལེགས་བཅོས་གཏོང་རྒྱུ་ཡིན་ཟེར།