རྩོམ་སྒྲིག་པའི་གཏམ།

༢༠༡༤/༡༢/༢༠   རིག་པ།(༠)

ཟླ་འདིའི་ཚེས་མགོར་རྒྱ་ནག་ནན་ཅིན་གྲོང་འཁྱེར་དུ་ལོ་ངོ་བརྒྱད་ཅུར་ཉེ་བའི་ཡར་སྔོན་གྱི་དོན་རྐྱེན་ཞིག་ལ་དྲན་གསོ་བྱས་ཡོད།

༢༠༡༤/༡༢/༡༠   རིག་པ།(༠)

ཉེ་ལམ་དྷ་རམ་ས་ལའི་རྒྱུད་སྟོད་གྲྭ་ཚང་དུ་རྗེ་ཙོང་ཁ་པས་དཔལ་གསང་བ་འདུས་པའི་འགྲེལ་པ་བཞི་སྦྲགས་བརྩམས་ཏེ་ལོ་ངོ་ ༦༠༠ འཁོར་བའི་རྗེས་དྲན་དང་བསྟུན་ཏེ་སྔགས་ཀྱི་བགྲོ་གླེང་ཞིག་ཚོགས་སོང་

༢༠༡༤/༡༢/༠༢   རིག་པ།(༠)

ཉེ་ལམ་བལ་ཡུལ་རྒྱལ་སར་ལྷོ་ཨེ་ཤ་ཡའི་རྒྱལ་ཁབ་བརྒྱད་ཀྱི་ཚོགས་འདུ་ཚོགས་པའི་སྟེང་། ཚ་གྲང་བར་གྱི་སྨན་པའི་དཀའ་ཟེར་བ་ལྟར། རྒྱ་གར་ནག་བར་གྱི་རྒྱལ་ཁབ་སྐོར་ཞིག་ཅི་བྱ་གཏོལ་མེད་ཆགས། བལ་གཞུང་གིས་ཀྱང་མདུན་ནས་རྒྱ་གར་ལ་ངོ་བསྟོད་བྱེད་བཞིན་རྒྱབ་ནས་རྒྱ་ནག་གི་བཀའ་གསུང་ཅི་སྒྲུབ་ཞུས་ཤིང་། པ་ཀི་སི་ཐན་གྱིས་ཀྱང་གོ་སྐབས་བཟུང་སྟེ་རྒྱ་གར་ལ་ཁ་གཏད་བཅག་ཅིང་། ཞོར་དུ་རྒྱ་ནག་ལ་དོན་ཕན་ལྡན་པའི་ལས་དོན་སྒྲུབ་རོགས་བྱས།

༢༠༡༤/༡༡/༢༠   རིག་པ།(༠)

ཉེ་ལམ་རྒྱ་ནག་པེ་ཅིན་དུ་ཨེ་ཤ་ཡའི་ཞི་བདེ་རྒྱ་མཚོའི་མངའ་ཁུལ་གྱི་དཔལ་འབྱོར་གླེང་སྟེགས་ཚོགས་འདུ་བསྡུས་པ་དང་བསྟུན་ཏེ། ཨ་རིའི་སྲིད་འཛིན་ཨོ་བྷ་མས་རྒྱ་ནག་ནང་ཉིན་གསུམ་རིང་གཟིགས་སྐོར་བྱས་ཤིང་། སྐབས་དེར་རྒྱ་ནག་གི་སྲིད་འཛིན་ཞི་ཅིན་ཕིན་དང་གྲོས་མོལ་བྱས་ཏེ། རྒྱ་ནག་གི་ཚོང་པ་དང་ཡུལ་སྐོར་སྤྲོ་འཆམ་པར་ཐོངས་མཆན་ལོ་བཅུ་དང་། སློབ་ཕྲུག་ཚོར་ལོ་ལྔ་བར་སྤྲོད་རྒྱུའི་ཐག་གཅོད་བྱས་མ་ཐག རྒྱ་ནག་ནང་གི་ཤེས་ཡོན་པ་དང་ཆབ་སྲིད་པའི་ཁྲོད་གླེང་ཕྱོགས་གསར་པ་ཞིག་བྱུང་ཡོད།

༢༠༡༤/༡༡/༡༠   རིག་པ།(༠)

བདུན་ཕྲག་གཉིས་ཀྱི་སྔོན་ལ་ཁེ་ན་ཌའི་གྲོང་ཁྱེར་ཊོ་རོན་ཊོར་རྟེན་གཞི་བྱས་པའི་ཤེས་ཡོན་ལྷན་ཚོགས་ཀྱིས་ཁེ་ན་ཌའི་ནང་། རྒྱ་ནག་གི་ཁུང་ཙི་སློབ་གླིང་འཛུགས་རྒྱུར་མོས་མཐུན་མེད་པའི་ཐག་གཅོད་བྱས་པ་དེ། ནུབ་ཕྱོགས་སུ་རྒྱ་ནག་གཞུང་གི་དམིགས་ཡུལ་གཅིག་ལ་ཕམ་ཁ་ཉོས་པ་གསུམ་པ་དེ་རེད། ཐེངས་དང་བོར་ལོ་གཉིས་ཀྱི་གོང་ལ་ཨོ་སི་ཊོ་ལི་ཡའི་ཁུང་ཙི་སློབ་གླིང་ཞིག་ཏུ་གླེང་རྙོག་ཅིག་བྱུང་ཡོད་ཅིང་

༢༠༡༤/༡༠/༣༡   རིག་པ།(༠)

དེང་སྐབས་གནས་ཚུལ་ཡ་མཚན་ཅན་མང་པོ་ཞིག་གཅིག་རྗེས་གཉིས་མཐུད་དུ་ཡོང་གི་འདུག ཁག་ཅིག་ཁ་གསལ་ཁུངས་དག་གི་ངོ་བོའི་ཐོག་ནས་གཞུང་འབྲེལ་བརྒྱུད་ལམ་ཁག་ནས་ཡོང་གི་འདུག རིགས་ཤིག་མངོན་པར་མི་གསལ་བའི་ཚུལ་གྱིས་སྤྱི་ཚོགས་དྲ་འབྲེལ་དག་བརྒྱུད་ནས་ཡོང་གི་འདུག ཞི་ཅིན་ཕིན་རྒྱ་ནག་གི་སྲིད་འཛིན་དུ་བསྡད་པ་ནས་བཟུང་གནས་ཚུལ་ཡ་མཚན་ཅན་འདི་རིགས་ཀྱང་མགོ་བཙུགས་སོང་

༢༠༡༤/༡༠/༢༠   རིག་པ།(༠)

ཉེ་ཆར་དྷ་རམ་ས་ལར་༧གོང་ས་མཆོག་ལ་ཞི་བདེ་གཟེངས་རྟགས་ཐོབ་ཏེ་ལོ་ངོ་ཉེར་ལྔ་འཁོར་བའི་དུས་དྲན་མཛད་སྒོའི་སྟེང་། ཨི་རིན་གྱི་ནོ་བྷེལ་ཞི་བདེ་གཟེངས་རྟགས་ཐོབ་མཁན་ལྕམ་ཤི་རིན་ཨི་བྷ་ཌི་མཆོག་གིས་འདི་འདྲ་ཞིག་གསུངས་སོང་། ང་ཚོས་དཀའ་ཚེགས་ཆེ་བའི་གནས་སྟངས་འོག་རེ་བ་མ་བརླག་པར་སློབ་སྦྱོང་བྱས་པ་ཡིན་ན། དཀའ་ཚེགས་ཆེ་བའི་གནས་སྟངས་ཡོངས་རྫོགས་ཞོགས་པ་ཡིས་མཚན་མོ་བཅོམ་པ་ལྟར་སེལ་འགྲོ་ངེས་ཡིན།

༢༠༡༤/༡༠/༡༠   རིག་པ།(༠)

ལས་ཀ་ཞིག་གི་ཆེད་དུ་གངས་ཅན་སྐྱིད་གཤོངས་ལ་སྐོར་བ་ཞིག་བརྒྱབ། ཞོར་དུ་ཕྱི་དྲིལ་སྒོ་ཁའི་དེབ་དང་ཡིག་ཆ་རིན་མེད་དག་ལ་མིག་བཤེར་ཞིག་བྱས་པ་ཡིན། རྒྱ་ཡིག་བོད་ཡིག་དབྱིན་ཡིག་གསུམ་ཀའི་དེབ་དང་ཚགས་པར། ཡིག་ཆ་སོགས་མང་པོ་ཞིག་སྒྲིག་འདུག ཕར་བལྟས་ཚོད་ཀྱིས་གྲ་འགྲིག་པོ་དང་སྤུས་དག་པོ་ཞིག་སྒྲིག་འདུག དེ་དག་རེ་རེ་ལ་ཞིབ་ལྟ་བྱས་སྐབས། མང་པོ་ཞིག་ལོ་བཅུ་གྲངས་གོང་གི་ཡིག་ཆ་རྙིང་པ་ཁག་རེད། བཀའ་ཤག་སྐབས་བཅུ་གཉིས་བཅུ་གསུམ་གྱི་དབུ་མའི་ལམ་གྱི་ངོ་སྤྲོད་དེབ་དམར་པོ་དང་སེར་པོ་སོགས་རེད།

༢༠༡༤/༠༩/༣༠   རིག་པ།(༠)

གྲོས་ཚོགས་ཚོགས་དུས་བརྒྱད་པ་དེ་རྒྱ་ནག་གི་སྲིད་འཛིན་ཞི་ཅིན་ཕིན་རྒྱ་གར་ནང་སྐོར་སྐྱོད་བྱས་པ་དང་། བོད་ནང་གི་སློབ་ཕྲུག་ཅིག་གིས་རྒྱ་གཞུང་ཉེན་རྟོག་ཁང་གི་སྒོ་ཁར་རང་ལུས་མེར་བསྲེགས་བཏང་བ་སོགས་ཛ་དྲག་གི་གནས་ཚུལ་སྐོར་ཞིག་དང་མཉམ་དུ་རྫོགས་སོང་། ལོ་གཅིག་ལ་གྲོས་ཚོགས་ཐེངས་གཉིས་རེར་ཚོགས་ཏེ་བོད་མིའི་སྒྲིག་འཛུགས་ཀྱི་དངུལ་རྩིས་གཏན་འབེབས་དང་ལས་བསྡོམས་བསྐྱར་ཞིབ་གནང་གི་ཡོད་ལ། ཞོར་དུ་བོད་པའི་རྩ་དོན་དང་བོད་ཕྱི་ནང་གི་སྤྱི་ཚོགས་ཁྲོད་ཀྱི་གནད་དོན་དག་ལའང་བགྲོ་གླེང་དང་ཐག་གཅོད་གནང་གི་ཡོད།

༢༠༡༤/༠༩/༢༠   རིག་པ།(༠)

རྒྱ་ནག་གི་སྲིད་འཛིན་ཞི་ཅིན་ཕིན་རྒྱ་གར་ནང་གཟིགས་སྐོར་ཐོག་མ་གནང་། རྒྱ་གར་གྱི་སྲིད་བློན་མུ་དྷེ་ཡིས་ཀྱང་རྒྱ་ནག་གི་སྲིད་འཛིན་ལ་གཞུང་འབྲེལ་ཐུག་འཕྲད་དང་པོ་བྱས། ད་རེབ་རྒྱ་དཀར་ནག་གི་མགོ་ཁྲིད་བར་སླར་ཡང་ཨ་སྒོར་ཐེར་འབུམ་འགའ་ཡི་ཚོང་དོན་གྲོས་ཆོད་བཞག་སོང་། རྒྱ་གར་གཞུང་གིས་འདས་པའི་ལོ་ངོ་བཅུ་གྲངས་ནང་རྒྱ་ནག་དང་ཚོང་འབྲེལ་བྱས་པའི་གྱོང་གུད་ཀྱི་བུ་ལོན་སྒྲུབ་འཇལ་མ་ཐུབ་པར་ལྷག་ཡོད་པའི་སྟེང་། ད་རེས་སླར་ཡང་རིན་སྤྲད་དེ་རྒྱ་ནག་གི་ལག་ནས་གྱོང་ཆེན་ཞིག་ཉོ་རྒྱུར་མིང་རྟགས་བཀོད་སོང་

༢༠༡༤/༠༩/༡༠   རིག་པ།(༠)

ཞི་ཅིན་ཕིན་རྒྱ་ནག་གི་སྲིད་འཛིན་དུ་བསྡད་རྗེས། ཁོས་རྒྱ་ནག་གཞུང་གི་ཆབ་སྲིད་རྩ་བའི་སྒྲོམ་གཞིར་འགྱུར་བ་གང་ཡང་གཏོང་ཐུབ་མེད་ཀྱང་། ནང་ཁུལ་གྱི་སྲིད་བྱུས་མང་པོ་ཞིག་ལ་བཅོས་བསྒྱུར་དག་སྒྲིག་དང་། གཞུང་གི་སྒྲིག་འཛུགས་ཁག་ཏུ་ཡན་ལག་དང་ཉིང་ལག་མང་པོ་གསར་འཛུགས་བྱས་ཡོད། དེའི་ཁྲོད་ཀྱི་གྲགས་ཆེ་ཤོས་གཅིག་ལྐོག་ཟ་རུལ་སུངས་དང་དབང་ཆ་ལོག་སྤྱོད་བྱེད་མཁན་ཚོའི་ཐོག་སྟག་དང་སྦྲང་ནག་མཉམ་རྡུང་གི་གཙང་ཕྱག་ལས་འགུལ་དེ་ཆགས་ཡོད།

༢༠༡༤/༠༨/༣༠   རིག་པ།(༠)

ཁ་ཐོགས་ཚད་ཀྱིས་༧གོང་ས་མཆོག་གི་བཀའ་དགོངས་བསྒྲུབ་དགོས་ཟེར་བ་དང་། ལག་ཐོགས་ཚད་ཀྱིས་༧གོང་ས་མཆོག་ལ་ཞབས་ཞུ་སྒྲུབ་བཞིན་ཡོད་མདོག་སྟོན། དོན་དངོས་ཐོག་༧གོང་ས་མཆོག་གི་བཀའ་དགོངས་ཚུལ་བཞིན་སྒྲུབ་མཁན་ཉིན་མོའི་སྐར་མ་དང་། ཆོ་ག་ཕྱག་ལེན་གྱི་ངོ་བོར་ཉི་མ་སྐྱེལ་མཁན་དང་ཁ་ནས་མ་ཎི་བཞིན་བགྲང་སྟེ་ལག་ལེན་སྣ་གཅིག་མ་བསྟར་མཁན་མཚན་མོའི་སྐར་ཚོགས་ཡིན། ༧གོང་ས་མཆོག་གི་བཀའ་དགོངས་ལོག་འགྲེལ་བརྒྱབ་ནས་རང་གི་མངོན་འདོད་སྒྲུབ་མཁན་ཡང་བཙན་བྱོལ་སྤྱི་ཚོགས་ནང་ཉུང་ཉུང་མིན།

༢༠༡༤/༠༨/༢༠   རིག་པ།(༠)

བོད་ནང་གི་མི་ཞིག་དང་དྲ་ཐོག་ནས་ཁ་བརྡ་བྱས། ཁོ་རང་སྐད་ཆ་གཞན་བཤད་པར་སྤྲོ་བ་མི་འདུག ངེད་གཉིས་ཀྱི་ཁ བརྡའི་གོ་རིམ་ནང་ཁོས་དཔལ་འབྱོར་སྐོར་ཡང་དང་བསྐྱར་དུ་གླེང་ཡོང་གི་འདུག དེང་སྐབས་བོད་ནང་གི་གཞོན་སྐྱེས་ཚོས་ལྭ་དང་ཅ་དངོས་སོགས་རྒྱལ་ཁབ་རིམ་པ་དང་རྒྱལ་སྤྱི་རིམ་པའི་ཚོང་རྟགས་སྐད་གྲགས་ཅན་བཀོལ་སྤྱོད་བྱེད་བཞིན་འདུག་ཟེར། གྲོགས་པོ་གྲོགས་མོ་འདུ་འཛོམ་དང་གཉེན་སྒྲིག་གི་ཆོ་ག་སོགས་ཀྱང་སྐར་མ་རིམ་པའི་གསོལ་མགྲོན་ཁང་དུ་བཤམ་པ་དང་། སྟོན་ཐོག་གི་སྡེར་ཁ་ཡང་ཅི་ཙམ་ཟ་ཐུབ་མིན་ལས་ཅི་ཙམ་ལྷག་ཡོད་མེད་ཀྱིས་སྟོན་མོ་ཚད་མཐོ་དམན་གཞལ་གྱིན་འདུག་ཟེར།

༢༠༡༤/༠༨/༠༩   རིག་པ།(༠)

ཉེ་ལམ་དྷ་སར་བོད་པའི་བུད་མེད་ཚོར་ཁྲིམས་དོན་གྱི་ནུས་སྟོབས་གོང་འཕེལ་གཏོང་ཕྱོགས་སྐོར་ལ་ཟབ་སྦྱོང་ཞིག་སྤྲད་སོང་། སྔོན་ཆད་ཀྱང་བུད་མེད་ལྷན་ཚོགས་ཀྱིས་སྣེ་འཁྲིད་དེ་བུད་མེད་ཀྱི་ནུས་སྟོབས་དང་འཕྲོད་བསྟེན། འགན་དབང་སོགས་ཀྱི་སྐོར་ལ་ཟབ་སྦྱོང་དང་བགྲོ་གླེང་རབ་དང་རིམ་པ་ཚོགས་ཡོད། བོད་མིའི་སྒྲིག་འཛུགས་ནས་ཀྱང་བུད་མེད་ཐད་གཞུང་གི་སྲིད་བྱུས་རང་བཞིན་གྱི་ཐོག་ནས་ལས་འགུལ་སྤེལ་བཞིན་ཡོད།

༢༠༡༤/༠༨/༠༡   རིག་པ།(༠)

རྩ་དོན་འཐབ་རྩོད་བྱེད་མཁན་ཞིག་གི་ངོས་ནས་བཤད་ན། མི་མང་གི་ཤེས་ཡོན་དང་སེམས་ཤུགས་དེ་ཧ་ཅང་གལ་ཆེན་ཡིན། ལྷག་པར་དུ་འཐབ་རྩོད་ལས་འགུལ་སྣེ་འཁྲིད་པའི་ཤེས་ཡོན་དང་གདེང་སྤོབས་དེ་ད་ལྟའི་དུས་འདིར་འཐབ་རྩོད་པའི་མི་འབོར་དང་མཚོན་ཆ་ལས་ཀྱང་གལ་ཆེན་ཡིན། ཤེས་ཡོན་དང་སེམས་ཤུགས་གཉིས་ལ་གཙོ་ཕལ་མེད། ཤེས་ཡོན་ཡོད་ཀྱང་སེམས་ཤུགས་མེད་ན་འཐབ་རྩོད་ལ་ཁ་ཕྱོགས་མེད་ལ། སེམས་ཤུགས་ཡོད་ཀྱང་ཤེས་ཡོན་མེད་ན་འཐབ་རྩོད་ལ་རྣོ་ངར་མེད།

ཤོག་གྲངས་: [༡] ..༡༤[རྗེས་མ།]