བོད་མིས་རང་སྲེག་བྱས་པ་ནས་ཀྲོང་ནན་ཧེ་ཡི་ཆད་སྐྱོན་ལ་ལྟ་བ།

འདོན་སྤེལ། ༢༠༡༣/༠༧/༢༣

                                                                                 ཁྲིན་པོ་ཀོང་གིས་བརྩམས། ལོ་མ་རྒྱལ་གྱིས་བསྒྱུར།

༢༠༠༩ ལོར་བོད་མིས་རང་སྲེག་བྱས་པ་ནས་བཟུང་ད་ལྟའིབར་བོད་མི་ ༡༡༩ ཡིས་རང་ལུས་མེར་བསྲེགས་བྱས་འདུག  དེའིཁྲོད་ནས་ ༡༠༢ འདས་གྲོངས་སུ་ཕྱིན་ཡོད། འདི་ནི་མིའི་རིགས་ཀྱི་ལོ་རྒྱུས་ཁྲོད་དུ་ཧ་ཅང་སྐྱོ་གར་ཅན་གྱི་ངོ་རྒོལ་ཞིག་ཡིན་པ་མ་ཟད། གནའ་ནས་ད་ལྟའི་བར་དུ་བྱུང་མྱོང་མེད་པ་ཞིག་ཀྱང་རེད།  

རྒྱ་གཞུང་གི་སྨྱུག་ཐོགས་པ་རེ་ཟུང་གིས་གཞུང་གིས་རང་སྲེག་མཁན་ནི་རེ་ཟུང་ཞིག་ཡིན་པ་དང་ རང་སྲེག་བྱེད་པའི་ས་ཆ་ཡང་ཉུང་ཤས་ཤིག་རེདཅེས་སྒྲོག་གི་ཡོད་པ་འདིཁ་གཡར་ཏེརང་སེམས་རང་གིས་གསོ་བ་དངརང་གིས་རང་ལ་འགྲེལ་བཤད་བརྒྱབ་སྟེ་མགོ་སྐོར་གཏོང་གི་འདུག འདི་ལྟ་བུའི་སྐྱོ་ལྷང་ལྷང་གི་རང་སྲེག་བྱེད་ཐབས་དང་བརྒྱ་ཁ་ལོངས་པའི་རང་སྲེག་གི་གྲངས་ཀ་དེ་ཚོ། འཛམ་གླིང་རྒྱལ་ཁབ་གང་རུང་ཞིག་དང་ས་ཆ་གང་རུང་ཞིག་(ཡིན་དང་ཡིན། རྒྱ་ནག་ཁོ་ན་ནས་དེ་ལྟར་བྱུང་སྲིད་པ་རེད)ནས་བྱུང་བ་ཡིན་ན།  སྐྱེ་བོ་ཐམས་ཅད་ཁ་གདེང་ཞིང་མིག་ཅེར་ནས་ཧ་ལས་ཤིང་ཧོན་འཐོར་འགྲོ་བ་མ་ཟད། འཛམ་གླིང་གི་མི་ཚང་མས་གསལ་གསལ་ཐིང་ཐིང་གིས་ཤེས་རྒྱུ་རེད། དོན་གྱིདེ་ནི་དེ་འི་དབང་བསྒྱུར་བྱེད་སྟངས་ལ་གནད་དོན་ཡོད་རྟགས་མཚན་ཙམ་མ་ཟད། གནད་དོན་ཚབས་ཆེན་ཞིག་ཡོད་པའི་རྟགས་མཚན་ཡང་རེད།

དབང་སྒྱུར་པ་ཞིག་གི་ངོས་ནས་བཤད་ན།  ཀྲོང་ནན་ཧེ་ཡིས་ཕྱིར་རྟོག་དང་བསམ་གཞིགཁྱོན་ནས་བྱེད་ཀྱི་མི་འདུག བོད་མིའིརང་སྲེག་གི་ཐད་ལ་རྒྱ་གཞུང་གི་རྣམ་འགྱུར་ནི་ཚོར་བ་ཅི་ཡང་མེད་པའི་རྡོ་བ་ལྟར་བསྡད་ཡོད། རྒྱ་གཞུང་གིས་འགན་ཡོད་ཚད་ཕྱི་ལོགས་ཀྱི་ཏཱ་ལའི་བླ་མ་དང་བཙན་བྱོལ་བོད་གཞུང་གི་སྒང་ལ་གཡུག་གི་འདུག བདེན་དཔང་ཅི་ཡང་མ་རྙེད་སྟབས་ཕྱི་གསལ་ནང་གསལ་གྱིས་རང་སྲེག་ལ་ཉེས་འཛུགས་དང་ངོ་རྒོལ་བྱེད་མ་ཐུབ་པར། ཏཱ་ལའི་བླ་མའི་ཕྱོགས་ལ་ཉེས་འཛུགས་བྱེད་ཀྱིའདུག  རྒྱ་ནག་གི་བྱེད་ཐབས་ནི་རང་སྲེག་མཁན་གྱི་ཁྲིས་སུ་ཡོད་པའི་མི་ལ་ཁ་གྲགས་སུ་འཇུག་པ་དང་ ཡང་བཙོན་འཇུག་བྱེད་པ། ཁྲིམས་ཐག་གཅོད་པ། ཐ་ན་སྲོག་ཁྲིམས་ཀྱང་གཅོད་ཀྱི་ཡོད་པ་དེ་རེད།  དེ་ནི་འཇིགས་སུ་རུང་བའི་མི་ཡུལ་གྱི་གོད་ཆག་གི་སྒང་ལ་གོད་ཆག་འཕར་མ་ཞིག་ཀྱང་རེད།

རྒྱ་གཞུང་གིས་སྨྱུག་ཐོགས་པ་བེད་སྤྱོད་བཏང་སྟེ་བོད་མིས་རང་སྲེག་གི་རྒྱུ་རྐྱེན་ལ་ཞིབ་འཇུག་བྱེད་པའི་སྐབས་སུ། ཁོ་ཚོས་རྨོངས་འཆར་གྱི་སྒོ་ནས་འདི་ལྟར་རྗོད་ཀྱི་འདུག བོད་མིའི་རེའདུན་ཉག་ཅིག་ནི་དཔལ་འབྱོར་གྱི་མཐུན་འགྱུར་རོགས་རམགནང་དགོས་པ་དེ་ཡིནཟེར། ཐ་ན་དཔེ་མཚོན་ཅན་གྱི་དཔའབྱོར་རིག་པའི་མི་སྣས་ཀྱང་དེ་ལྟར་བཤད་ན། འདི་ངོ་མ་སེམས་ནས་བཟོད་ཐབས་མེད་པ་ཞིག་རེད།  ད་དུང་རྨོངས་གཏམ་གཞན་ཞིག་ནི་ བོད་ཤར་ཕྱོགས་ས་ཁུལ་ནི་ལྟོས་བཅས་ཀྱིས་སྲིད་ཇུས་གུ་ཡངས་ཡོད་པ་དང་ ཆོས་ཕྱོགས་ལ་ཡང་ཡར་རྒྱས་ཀྱི་རྣམ་པ་བྱུང་ཡོདཅེས་རྗོད་ཀྱིན་ཡོད། ད་དུང་བོད་ཤར་ཕྱོགས་སུ་བོད་ལྗོངས་ལས་ཆོས་ལུགས་རང་དབང་ཆེས་ཆེར་ལོངས་སུ་སྤྱོིད་ཀྱི་ཡོད་པ་དང་ དེ་དང་འབྲེལ་བའི་གྲུབ་འབྲས་ཀྱང་ཐོན་ཡོད་ཅེས་རྗོད་ཀྱི་འདུག བོད་ཤར་ཕྱོགས་ས་ཁུལ་ཡིན་ན་ཡང་རེད། བོད་ལྗོངས་ཀྱི་ས་ཁུལ་ཡིན་ན་ཡང་རེད། གང་ལྟར་དེ་ན་སྨྲ་བརྗོད་རང་དབང་ཙམ་ཡང་མེད་སྟབས། ཆོས་ལུགས་རང་དབང་གི་གུ་ཡངས་སྲིད་ཇུས་ཤིག་གང་ན་ཡོད།  ད་དུང ཏཱ་ལའི་བླ་མ་ཕྱིར་ཕེབས་འདུགཅེས་བའི་དཀྲོགས་<གཏམ་ལ་བརྟེན་ནས། མི་མང་པོ་ཞིག་གིས་རང་ཉིད་ལ་མ་འོངས་བའི་ལམ་ཁ་ཞིག་བཞག་འདུག དེ་བས། དཀྲོགས་གཏམ་ཞིག་གིས་མི་མང་པོ་ཞིག་ལ་ཤན་ཤུགས་ཐེབས་ཏེ་དོན་དག་དེ་འདྲའི་ཆེན་པོ་ཞིག་འཁྱོངཐུབ་ཀྱི་ཡོད་ན། རྒྱ་གཞུང་གིས་སྒྲོག་གིན་འི་”ཏཱ་ལའི་བླ་མས་མི་ཉུང་ཤས་ཤིག་ཚབ་མཚོན་མ་གཏོགས་བྱེད་མི་ཐུབ་”ཅེས་པ་དེ་ནི་རྫུན་གཏམ་ཆེན་པོ་ཞིག་མ་ཡིན་ནམ།

རྒྱ་གཞུང་གི་མགོ་ཁྲིད་ཚོ་དང་སྨྱུག་ཐོགས་པ་ཚོ་ཕན་ཚུན་ལ་གོ་ལོག་ཐེབས་ཏེ།  བྱ་ངན་སྤྱོད་ངན་དེ་མུ་མཐུད་ནས་རྒྱུན་འབྱམས་བྱེད་ཀྱིའདུག ཚང་མས་བསམ་གཞིགས་ཀྱི་ཁ་ཕྱོགས་ནི་གཅིག་ཁོ་ན་ལ་འཁོར་ཏེ་ཕྱོགས་སུ་ལྷུང་ཡོད།  དེ་ནི་མཁྲེགས་འཛིན། མཁྲེགས་འཛིན། དེ་ལས་མཁྲེགས་འཛིན། ཁ་གཏད་རྣམས་ནི་ཁྲག་སྦྱོར། ཁྲག་སྦྱོར། དེ་ལས་ཁྲག་སྦྱོར། ཕྱི་ལོགས་ཀྱི་བརྒྱུད་ལམ་ཁག་ན་རྒྱ་གཞུང་གིས་མཚོ་སྔོན་ཕྱོགས་ལ་ཅུང་གུ་ཡངས་བྱས་ཏེ། ཏཱ་ལའི་བླ་མའི་སྐུ་པར་སྒྲིག་བཤོམ་བྱེད་ཆོག་གི་འདུག་ཅེས་བསྒྲགས་པའི་སྐབས་སུ་ཡང་ རྒྱ་གཞུང་གི་མགོ་ཁྲིད་ཚོས་འཕྲལ་དུ་དེ་ལྟར་ཡིན་པའི་ངོས་ལེན་བྱས་མི་འདུག

བལྟས་ཡོང་ན། རྒྱ་གཞུང་གི་མིགདུག་ཅན་བྱེད་ན་འདོད་པ་ལས། མི་བཟང་པོ་ཞིག་བྱེད་འདོད་ཁྱོན་ནས་ཡོདས་མ་རེད། རྒྱ་གཞུང་གི་སྲིད་གྲོས་ཀྲོའུ་ཞི་ཡིས་ཁ་གསལ་མངོན་གསལ་གྱི་ངང་ནས་ ངེས་པར་དུ་ཏཱ་ལའི་རུ་ཚོགས་ལ་རྒོལ་བའི་དར་ཆ་མཐོན་པོར་བསྒྲེང་དགོས་ཞེས་བསྒྲགས་འདུག  སྲིད་གྲོས་ཀྱི་དགོངས་དོན་དང་ཆབ་སྲིད་ཀྱི་གྲོས་ཆོད། དེ་ནས། སྲིད་གྲོས་ཀྱི་ཀྲོའུ་ཞི་ཞིག་ཡིན་པའི་ཆ་ནས། མི་རིགས་མཐུན་སྒྲིལ་གྱི་འོས་འགན་དེ་ཕྲག་ཏུ་ལེན་འོས་བ་ཞིག་ཡིན་ཡང་བོད་མི་ཚོ་མི་རིགས་ཁ་བྲལ་གཏོང་མཁན་གྱི་ཉེས་ཅན་ཞིག་ཏུ་བལྟས་ཏེ། མགོ་མཇུག་ལྡོག་པའི་ལས་ཀ་འབའ་ཞིག་བྱེད་ཀྱིཡོད

རྒྱ་གཞུང་གི་སྒྱུག་ཐོགས་པ་དག་གིས་བོད་མི་ལ་འདི་ལྟར་ཁྱད་གསོད་བྱེད་ཀྱི་འདུག  རངསྲེག་བྱེད་པ་ནི་ཁ་ཆེ་བ་ཚོའི་སྤྱོད་སྟངས་ཏེ།  འགད་རྫས་དང་མཉམ་དུ་བཀད་པ་དང་གཅིག་པ་རེདཅེས་རྗོད་ཀྱི་འདུག  དེ་ན་རྒྱ་གཞུང་གིས་དོན་དམ་གྱིསཅི་ཞིག་ལ་རེ་ལྟོས་བྱས་ཡོད་དམ།  ང་ཚོས་ཁ་ཕྱིར་འཁོར་ནས་བསམ་གཞིགས་ཤིག་བྱེད། གལ་ཏེ། བོད་མི་ ༡༠༢ པོ་འདི་རང་སྲེག་མ་བྱས་པར་རྒྱ་གཞུང་ལ་དྲག་པོས་རྒོལ་འཛིང་བྱས་ཡོད་ན། རྒྱ་གཞུང་གི་དམག་མི་ཚོའི་མེ་མདའི་ཁ་ནས་དམར་གསོད་བཏང་ཡོད་ལ་རྒྱ་གཞུང་སྔར་བཞིན་སྐྱིད་སྣང་གིས་འདུག་རྒྱུ་རེད། འོན་ཀྱང་ལག་དམར་གྱི་མིང་བྱང་བཞག་པ་དང་ལོ་རྒྱུས་ལ་བསྐྱར་དུ་ཁྲག་ལན་ཞིག་གི་ཁ་གྲངས་མང་དུ་བཏང་བ་རེད།

གལ་ཏེབོད་མི་ ༡༠༢ པོ་འདི་རང་སྲེག་མ་བྱས་པར་ལུས་ཐོག་ལ་གད་རྫས་བཏགས་ཏེ་རྒྱ་གཞུང་ལ་དྲག་རྒོལ་གྱིས་རྒྱ་དམག་དང་མཉམ་ཤི་བརྒྱབ་ཡོད་ཚེ། རྒྱ་གཞུང་གིས་དེ་ལ་བརྟེན་ནས་ཁོ་ཚོ་ལ་གདོན་འདྲེས་ཞེས་འབོད་པ་མ་ཟད། འཇིགས་སྐུལ་རིང་ལུགས་ཞེས་པའི་མིང་བཏགས་ཏེ་ཁྱབ་བསྒྲགས་བྱེད་ངེས་ཡིན། འོན་ཀྱང་དེས་རྒྱ་གཞུང་ལའང་གྱོང་གུད་གང་འཚམ་ཞིག་ཕོག་ཏུ་བཅུག་ཡོད་ལ། དེ་ལ་བརྟེན་ཏེ་སེམས་ནང་འཇིགས་སྐྲག་ཅིག་ཀྱང་སློང་ངེས་ཡིན་པ་སྨྲོས་མ་དགོས་པ་རེད། གལ་ཏེ། བོད་མི་ ༡༠༢ པོ་འདི་རང་སྲེག་མ་བྱས་པར་ལྐོག་གསོད་ཚོགས་ཆུང་ཞིག་བཙུགས་ཏེ། བཀོད་པ་དང་འཆར་གཞི་སྣ་ཚོགས་སྒྲིགཏེརྒྱ་གཞུང་གི་མགོ་ཁྲིད་ཚོ་ལྐོག་གསོད་བྱས་པ་ཡིན་ན། རྒྱ་གཞུང་ལ་མཚོན་ན། དེ་དག་ཡོད་ཚད་འཇིགས་སྣང་དང་གནོན་ཤུགས་ཆེན་པོ་ཁོ་ན་རེད

བོད་མིས་རང་སྲེག་བྱས་པ་དེས་ཕ་རོལ་པ་ཞིག་ལ་རྨས་སྐྱོན་ཅི་ཡང་བཟོས་མེད།  རྒྱ་གཞུང་ལ་མཚོན་  ཕལ་ཆེར་ཉེན་ཁ་ཆུང་ཤོས་ཀྱི་ངོ་རྒོལ་ཞིག་རེད། ཀྲུང་ནན་ཧེ་ལ་མཚོན་ན། བོད་མི་ཚོས་རང་སྲེག་མ་བྱན་བསམ་བཞིན་ཡོད་ཀྱང་བོད་ཐོག་འཛིན་པའི་གདུག་རྩུབ་ཅན་གྱི་སྲིད་ཇུས་དེའགྱུར་བ་གཏོང་རྒྱུའི་རྣམ་འགྱུར་ཙམ་ཡང་མེད། དེ་བཞིན་ཏཱ་ལའི་བླ་མ་ཕེབས་ཏེ་རང་སྲེག་མཚམས་འཇོག་བྱེད་པར་རེ་བ་བྱེད་ཀྱིཡོད་ན་ཡང་ ཏཱ་ལའི་བླ་མ་དང་མཉམ་དུ་གྲོས་མོལ་བྱེད་འདོད་མེད། ཀྲུང་ཧེ་ཡི་རེ་འདུན་དེ་ཚོ་ནི་དངོས་ཡོད་དང་མཐུན་པའི་རེ་ལྟོས་ཤིག་མ་རེད། རང་སྐྱོན་རང་སེལ་ཞེས་བའི་སྐད་ཆ་འདི་ནི་ཀྲུང་ནན་ཧེའི་སྟེང་ལ་སྤྱད་ན་ཏག་ཏག་ཡིན་པ་ལས། ཏཱ་ལའི་བླ་མའི་ཕྱོགས་སུ་སྦྱོར་རྒྱུ་ཞིག་མ་རེད།

བོད་མིརང་སྲེག་བྱེད་པའི་རེ་འདུན་གཙོ་བོ་གཅིག་ནི་ཏཱ་ལའི་བླ་མ་བོད་ལ་ཕེབས་འཇུག་རྒྱུ་དེ་རེད།ཡིན་ན་ཡང་ རྒྱ་གཞུང་གི་མགོ་ཁྲིད་ཚོས་དེ་ལྟར་བྱེད་ཐུབ་ཀྱི་མེད་པ་མ་ཟད་བསམ་བློ་ཅི་ཡང་མི་གཏོང་བར་ངོ་རྒོལ་བྱེད་རྐྱང་བྱེད་ཀྱིའདུག  སྣེ་མོ་འདི་ལ་བལྟས་ན། བོད་མིས་གཅིག་རྗེས་གཉིས་མཐུད་དུ་རང་སྲེག་བྱེད་པའི་རྩ་བའི་རྒྱུ་རྐྱེན་དེ་ནི། རྒྱ་གཞུང་གིབོད་ཐོག་འཛིན་པའི་སྲིད་ཇུས་དེ་མཁྲེགས་འཛིན་དང་ཨུ་ཚུགས།  གདུག་རྩུབ་བཅས་ཡིན་ས་རེད། ཏཱ་ལའི་བླ་མ་ཕྱིར་རང་ཡུལ་དུ་ལོག་པར་བཅུག་ན། དེ་ནི་ཕྱོགས་གཉིས་ཀར་ཁེ་ཕན་ཡོད་པའི་བྱེད་ཐབས་ཤིག་ཡིན་ཡང་ཀྲུང་ནན་ཧེ་ཡིས་ཕྱོགས་གཉིས་ཀར་རྨ་ཁ་བཟོ་ན་འདོད་ཀྱི་ཡོད་པ་རེད། ཡང་ན། ཀྲུང་ནན་ཧེ་ཡི་བསམ་པརརང་ཕྱོགས་ནས་ཕར་ལ་རྨས་སྐྱོན་བཟོ་ཐུབ་ཀྱང་བོད་ཕྱོགས་ནས་ཚུར་རྨས་སྐྱོན་བཟོ་མི་ནུས་འདོད་ཀྱི་ཡོད། འོན་ཀྱང་མ་འོངས་བའི་ལོ་རྒྱུས་ཀྱི་ཆུ་བོའི་གཞུང་ནས་བོད་མི་རིགས་ཡུན་རིང་དུ་གནས་ཐུབ་བམ། ཡང་ན་རྒྱ་གཞུང་ཡུན་རིང་དུ་གནས་ཐུབ་བམ།

རྒྱ་གཞུང་གི་མགོ་ཁྲིད་ཚོ་ནི་ཕན་སེམས་ཅན་ཞིག་ཡིན་པར་རེ་ལྟོས་མི་བྱེད། ཡིད་ཕངས་པ་ཞིག་ལ་ཐ་ན་ཁོ་ཚོ་བློ་རིག་འཛོམས་པོ་རྐྱང་རྐྱངཡང་མ་རེད། ཆེས་དམའ་ས་ནས་བཤད་ན་ཡང་བོད་རྒྱའི་འབྲེལ་བ་ནི་ལོ་རྒྱུས་ལ་ངོས་འཛིན་གྱིམ་འདང་བ་ཞིག་རེད། དེ་ནི་རྒྱ་གཞུང་གི་དཔོན་པོ་ཚོར་བློ་རིག་དབེན་པའི་རྟགས་མཚན་ཞིག་ཀྱང་རེད། ཀྲུང་ནན་ཧེ་ཡིས་རྟག་པར་ ཆབ་སྲིད་ལྷན་ཚོགས་ཀྱི་སྦྱོང་བརྡརཅེས་པ་ཞིག་གོ་སྒྲིག་བྱེད་ཀྱིའདུག་མོད། དེ་ལས་དུས་ཚོད་ཅིག་བཏོན་ཏེ་བོད་ཀྱི་ལོ་རྒྱུས་ལ་སློབ་སྦྱོང་བྱེད་པ་དང་ བོད་རྒྱ་གཉིས་ཀྱི་མགོ་ཁུངས་སྔ་གཞུག་གི་གནས་ཚུལ་དག་ལ་རྒྱུས་ལོན་ཞིག་བྱན་ཅིམི་ཆོག  དེ་ནི། ལོ་རྒྱུས་དང་ཆོས་ལུགས་ཀྱི་རྒྱུན་ཤེས་རྣམས་རང་རྒྱུད་ལ་ངེས་པར་བྱེད་པ་དེ་ནི་དབང་བསྒྱུར་པ་ཞིག་གི་ཆེས་མ་མཐའི་ཤེས་བྱའི་སྒྲིག་གཞིའིཚད་ཐིག་དེ་རེད།


མ་རྩོམ་གྱི་འབྲེལ་ http://www.rfa.org/mandarin/pinglun/chenpokong/cpk-07162013121101.html

ཤོག་ངོས་འདི་ཐེངས་ ༢༢༣༧ ལ་བཀླགས་འདུག
རིག་པ་འདོན་པ།
ཆབ་བྲག་ལྷ་མོ་སྐྱབས།
༢༠༡༣/༠༧/༢༤ ཉིན་འདོན་སྤེལ་བྱས།
འདི་ལྟ་བུའི་རྒྱ་ཡིག་གི་མ་རྩོམ་གང་མང་ཞིག་རྒྱ་ཡིག་གི་དྲ་ཚིགས་སྣ་ཚོགས་དང། QQ /skype ལ་སོགས་བརྒྱུད་དེ་རྒྱ་ནག་ནང་ཁུལ་ལ་ཁྱབ་རྒྱུར་ཐབས་ཤེས་དང་འབད་བརྩོན་བྱེད་དགོས། འདི་བོད་མི་སྒེར་བ་སོ་<སོས་ཀྱང་ནུས་པ་ཞིག་རེད།
རིག་པ་འདོན་པ།
རིག་པ་འདོན་ན་ངེས་པར་དུ་དེབ་སྐྱེལ་བྱེད་དགོས།
འདི་ལ་བསྣུན་ཏེ་དེབ་སྐྱེལ་བྱེད་རོགས།