བོད་རྒྱ་འབྲེལ་མོལ་གྱིས་སྒུག་པའི་བཀའ་ཤག

འདོན་སྤེལ། ༢༠༡༣/༠༨/༠༥

འབྲོང་རུ་དམར།

༄༅།། དཔལ་ལྡན་བཀའ་ཤག་སྐབས་བཅུ་བཞི་པས་འབྲེལ་མོལ་རྒྱུན་མཐུད་ཡོང་ཐབས་ལ་འབད་བརྩོན་བྱེད་བཞིན་པའི་རྣམ་འགྱུར་ཐེངས་དུ་མར་བསྟན་པ་ལྟར། དུས་ནམ་ཞིག་ཡུལ་གང་དུ་འབྲེལ་མོལ་ཞུ་དགོས་བྱུང་ཡང་གྲ་སྒྲིག་ཨང་གསར་ཡོད་པ་ཡོངས་བསྒྲགས་གསུངས་ཟིན་པ་རེད། འོན་ཀྱང། འབྲེལ་མོལ་དངོས་གནས་གནང་འདོད་ཡོད་མེད་ད་ལྟ་ད་དུང་གསལ་ཁ་མེད་པའི་གནས་སྟངས་འོག་ལྷག་ཡོད་པ་དང། བཀའ་ཤག་སྐབས་སྔོན་མས་ལོ་རྒྱུས་ལྡན་པའི་རྒྱ་བོད་འབྲེལ་བ་ཁམས་དྭངས་༼ ལོ་རྒྱུས་ནང་གི་རྒྱ་བོད་འབྲེལ་ལམ་མཐའ་དག་དང་བསྡུར་ནས་བཤད། རྩོམ་པ་པོའི་མཆན། ༽ ཤིག་ ༢༠༠༢ ནས ༢༠༡༠ བར་བསྐྱར་གསོ་བྱས་པའི་ལེའུ་གསར་པ་དེའི་མཇུག་ཏུའང། རྒྱ་ནག་གཞུང་ཕྱོགས་ནས་འབྲེལ་མོལ་གནང་འདོད་མེད་པ་དང་གནད་དོན་གང་རུང་ལ་བརྟེན་ནས་འབྲེལ་མོལ་རྩ་ཆད་ཟིན་པའི་ངོས་འཛིན་གང་ཡང་བྱས་མེད་ཁར། དེ་ལས་ལྡོག་སྟེ་བོད་རྒྱ་འབྲེལ་མོལ་གྱི་སྒོ་ཆེན་ནམ་ཡང་ཕྱེ་ཡོད་པ་རྒྱུན་འཁྱོངས་གནང་ཡོད། རང་སྲེག་གི་བོད་ཀྱི་ལོ་ངོ་འདི་དག་གི་རིང་ལ་ཕྱོགས་གཉིས་ནས་དེ་བསྟུན་གྱི་སྲིད་བྱུས་དང་རྣམ་འགྱུར། གསལ་བསྒྲགས་སྣ་ཚོགས་སྤེལ་ཡང། བོད་རྒྱ་འབྲེལ་མོལ་གནང་འདོད་ཡོད་པ་ནི་རེ་བ་ཐམས་ཅད་ཀྱི་རྩེ་གྲས་ལྟ་བུར་གླེང་བ་རེད

འོན་ཀྱང་དཔལ་ལྡན་བཀའ་ཤག་སྐབས་བཅུ་བཞི་པས་བོད་རྒྱ་འབྲེལ་མོལ་གནང་འདོད་ཡོད་པའི་རྣམ་འགྱུར་བསྟན་པ་ཙམ་ལས། བོད་རྒྱ་འབྲེལ་མོལ་ཅི་ཞིག་ཡིན་པ་དང་ཅི་ལྟར་བྱེད་དགོས། བོད་རྒྱ་འབྲེལ་མོལ་མིན་པའི་ལམ་ཁ་གཞན་མེད་པའི་གལ་གནད་རང་བཞིན། དེ་བཞིན་བོད་རྒྱ་འབྲེལ་མོལ་ཡོང་བ་ལ་རང་ཕྱོགས་ཀྱི་སུས་ཀྱང་བསྒྱུར་ཏུ་མི་བཏུབ་པའི་གནས་སྟངས་མཐའ་དག་མི་མང་ནང་སྔོག་འདོན་གསལ་བཟོ་བྱེད་རྒྱུ་གལ་ཆེར་བཟུང་མེད་ལ། བཙན་བྱོལ་སྒྲིག་འཛུགས་སམ་ཡང་ན་དེའི་སྣེ་མོའི་མཉམ་གནམ་འོག་འདིར་འབྲེལ་མོལ་ཡོང་གཞི་གཏན་ནས་མེད་པ་ཀུན་གསལ་ཡིན་པ་ཤེས་བཞིན་དུ། འབྲེལ་མོལ་ཐབས་འཚོལ་གྱི་རྒྱུད་ལམ་དང་དེའི་མཇུག་འབྲས། འབྲེལ་མོལ་གནང་མཁན་གྱི་སྐུ་ཚབ་བསྐོ་བཞག འབྲེལ་མོལ་གནང་གཞི་རྩ་དོན་ཐད་ནན་བརྗོད་དང་ཕྱོགས་སྟོན། ཡང་ན་ཁ་གསལ་གང་ཡང་བྱས་མེད་པས། བོད་རྒྱ་འབྲེལ་མོལ་ལ་ཕྱོགས་གཉིས་ཀྱི་ཤེས་ཡོན་ཅན་དང། མི་མང་ནང་རེ་བ་ཇེ་ཆུང་དང་འཐོམ་གཞིའི་གནས་ཚུལ་ཞིག་ཆགས་འགྲོ་ཉེན་ཡོད། སྐབས་བཅོ་ལྔའི་སྤྱི་ལྷན་ཚོགས་དུས་རེ་འགར་གོང་གི་གནད་དོན་ཐད་སྐར་རྟགས་ཅན་གྱི་དྲི་བ་རིམ་བསྟུད་དུ་ཞུས་ཡོད་ཀྱང། དྲི་བའི་ནང་དོན་མ་མཁྱེན་པའི་ཚུལ་གྱིས་དྲིས་ལན་དྲི་བ་དང་འགལ་ཟླར་ཕྱིན་པ་སྣ་ཚོགས་ཐོན་པ་མ་ཟད། ངོས་གཞན་ནས་དེ་དག་གོ་སྐབས་ལྟ་བུར་ངོས་འཛིན་གྱིས་སྤྱི་འཐུས་ཀརྨ་ཆོས་འཕེལ་སོགས་རང་བཙན་ཞལ་ནས་གསུང་མཁན་ཚོས་སྒེར་དང་སྒྲིག་འཛུགས་ཀྱི་རྣམ་པ་ཅི་རིགས་ནས། སྲིད་སྐྱོང་གསར་པར་བསྟོད་བསྔགས་དང། དབུ་མའི་ལམ་དང་དེའི་འདྲེན་པ་ཚོར་གཞི་མེད་སྐད་ཆ་བཀྲམ་མགོ་བརྩམས་པས། རྒྱ་བོད་ཕྱོགས་གཉིས་ནས་དཔལ་ལྡན་བཀའ་ཤག་གི་''གོ་སྐབས་ནམ་བྱུང་ལ་དབུ་མའི་ལམ་ལ་འགྱུར་བ་མེད་པ་ནན་བརྗོད་''ཅེས་པའི་ཚིག་དེ་དོགས་སློང་བྱས་ཤིང། མདུན་དུ་ལྷག་པའི་རྙོག་ལས་དེ་རིགས་ལ་གསལ་བཤད་ནུས་པ་ལྡན་པ་ཞིག་ཀྱང་མ་གནང་བ་ནི་དབུ་མའི་ལམ་དང་འབྲེལ་མོལ་གཉིས་ཀར་གཞི་རྩའི་ཆ་ནས་བར་ཆད་ཆེན་པོ་ཞིག་ཏུ་གྱུར་ཡོད

བཙན་བྱོལ་མི་མང་གི་ཆབ་སྲིད་གོ་རྟོགས་ནི་ཉིན་བཞིན་ཡར་རྒྱས་ཕྱིན་པ་དང། དབུ་མའི་ལམ་གྱིས་བསྐྲུན་ངེས་པའི་འཕྲལ་ཕུགས་ཀྱི་གནས་བབ་ལ་མོས་པ་ཇེ་བརྟན་དུ་སོང་བ་དང་མཉམ། མི་མང་རང་བཞིན་གྱི་ཚ་རླབས་གསར་པ་ཞིག་དང་རྣམ་འགྱུར་གསར་པ་ཞིག་ཐོན་ཏེ། གཞིས་ཆགས་ཆེ་ཁག་ལྔ་གཙོས་སེར་སྐྱ། རྒན་གཞོན། ཕོ་མོ་དབྱེར་མེད་ཀྱི་བཙན་བྱོལ་བོད་མིའི་ཁྲོད་མངགཙོ་ལམ་ནས་མི་མང་གི་ཡིན་ལུགས་ཚུལ་མཐུན་གྱིས་འགན་འཁྱེར་བའི་རྣམ་པ་ཤུགས་ཆེར་ཞིག་བསླེབས་ཏེ། སྐད་གྲགས་ལྡན་པའི་གཞོན་ནུའི་སྒྲིག་འཛུགས་ཀྱང་ཅུང་ཙམ་མིན་ན་དབུས་རྒྱུན་རེ་ཟུང་གི་བྱས་ཉེས་འོག་སྒོ་རྒྱག་དགོས་འཁེལ། མ་སྐུལ་དང་བས་ཀུན་ནས་བསླངས་ཏེ་ཐམས་ཅད་པོས་དབུ་མའི་ལམ་གྱི་ཤེས་རྟོགས་བསྟན་པ་དང། ཡིད་ཆེས་ཀྱི་ཟབ་ཚད་བསྟན་པ། ཁ་རྒྱགས་འདྲ་ཆགས་ཙམ་གྱིས་དངོས་ཡོད་གནས་སྟངས་མི་མཚོན་པའི་མི་ཚེའི་ཚེ་ལམ་ཡག་ཤོས་དབུ་མའི་ལམ་གྱི་དར་ཆ་དགུང་དུ་འཕྱར་བ་ན། འདི་འདྲའི་མི་མང་རང་བཞིན་གྱི་འགན་བླངས་པའི་སྐབས་དེར། ང་ཚོ་ཏག་ཏག་ཡུ་གུར་བ་ཚོ་ལྟར་མགོ་མེད་པར་གྱུར་བ་ཚང་མར་ངོས་འཛིན་གཅིག་གྱུར་བྱུང་བ་དེ་ལྟར་རེད། ༢༠༠༨ ལོར་གནམ་ས་བླ་འོག་བརྗེ་བའི་སྐབས་ཀྱི་རྒྱ་བོད་ནང་མོལ་དེ་དང་དེའི་ཁོར་ཡུག་ལ་བསྡུར་ན། རང་སྲེག་གིས་འཇིག་རྟེན་གཞོམ་དུ་བསྲེགས་པའི་ཟས་བརྗེད་གཉིད་བྲལ་གྱི་ཆབ་སྲིད་གནས་བབ་རྦ་ཀློང་འཁྲིག་པ་དེ་དང། མི་མང་རང་ངོས་ནས་ཀྱང་སྔར་ལྷག་དབུ་མའི་ལམ་གྱི་འབྲེལ་མོལ་ལ་ཡིད་ཆེས་རྩེ་གཅིག་ཡིན་པ་གསལ་སྟོན་གནང་བ་ལ་དཔག་ན། དཔལ་ལྡན་བཀའ་ཤག་སྐབས་བཅུ་བཞི་པས་ཆབ་སྲིད་ཀྱི་གོ་སྐབས་དེ་དག་གཅིག་ཀྱང་ལེན་མ་ཐུབ་པར། ལས་དོན་ཙག་ཙིག་རེ་འགའི་སྟེང་འཁོར་ཏེ། དོན་དམ་དབུ་མའི་ལམ་དང་དེའི་འབྲེལ་མོལ་ལ་ཤུགས་ག་ཚོད་བསྐྱོན་མིན་ཚང་མས་ཤེས་གསལ་དེ་ལེགས

ཡོངས་གྲགས་ཡིན་པའི་རྒྱུ་མཚན་ཙམ་པོ་བ་འདི་དག་གི་ངོས་ཐད་གཅིག་པུ་ནས་གླེང་ནའང་འདྲ། རྒྱུ་མཚན་གནས་ལུགས་ཀྱི་ཁ་ཟས་འཇུ་ས་<མེད་པའི་བཀའ་ཤག་བཅུ་བཞི་པའི་རང་གཤིས་ནས་བཤད་ནའང་འདྲ། གཞུང་ལུགས་དང་དངོས་བྱུང་གཉིས་ཀ་སྦྲགས་ནས་མིག་ཡོད་ཚད་ཀྱི་སྤྱོད་བྱ་མིན་པའི་འཁྲབ་སྟོན་རྣམས་བསྟར་ཆགས་སུ་སྤྲོས་དཔྱད་ནའང་འདྲ། དེ་དག་ཐམས་ཅད་''སོ་ན་བའི་ཐོག་ལ་མངར་མོ་''ཆགས་འགྲོ་སྟབས། ངས་གདུལ་བྱའི་བློ་དང་བསྟུན་ནས་བཀའ་ཤག་ལ་དབུ་མའི་ལམ་དང་དེའི་འབྲེལ་མོལ་ཐད་ཤུགས་ནུས་རྩལ་དུ་འདོན་དགོས་པའི་འབོད་སྐུལ་འགའ་ཞུ་རྒྱུ་ཡིན།།

༡ དབུ་མའི་ལམ་གྱི་སྲིད་བྱུས་ཀྱི་རྒྱས་བཤད་མཐའ་མ་༼ བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་༽སྟེང་སྔར་བྱས་གོང་དུ་སྤེལ་རྒྱུར་ལྷག་བསམ་རྣམ་དག་དང་ནུས་པ་ཡོད་དགུ་རྩལ་དཀྲུགས་གནང་རོགས།

༢ དབུ་མའི་ལམ་གྱི་བོད་རྒྱ་འབྲེལ་མོལ་དངོས་གནས་གནང་འདོད་ཡོད་ན་༸གོང་ས་མཆོག་ལ་གསོལ་འདེབས་ཞུས་ཏེ་སྐུ་ཚབ་བསྐོ་བཞག་དང། སྐུ་ཚབ་ལ་འབྲེལ་བ་མཐུད་ཐབས་ཀྱི་འགན་ཆ་ཚང་གནང་རོགས། 

༣ རང་སྲེག་དང་འབྲེལ་བའི་འཁྱོག་བཤད་འགའ་ལས། གཞི་རྩའི་དཔལ་ལྡན་བཀའ་ཤག་གི་གནང་སྒོ་ཁག་ལ་རྒྱ་གཞུང་ནས་དོ་སྣང་མེད་ཁུལ་ལྟ་བུར་གཡུག་བཞག་པའི་སྣང་ཚུལ་ཞིག་སྔོན་དང་བསྡུར་ན་ཡོང་གི་འདུག་པས། འགྱུར་བ་མེད་པའི་སྲིད་བྱུས་བརྒྱུད་བོད་དོན་ལ་དོ་སྣང་བྱེད་དགོས་པའི་རྣམ་པ་མངོན་ཐབས་ལ་འབད་རོགས།

༤ བོད་རྒྱ་ཞི་མོལ་གྱི་ཚོགས་ཆུང་ཐེངས་རེ་འགའ་སྐོང་འཚོགས་གནང་བ་ལྟ་བུས་མི་མང་གི་ཡིད་ཚིམས་མི་ཐུབ་ལ། མིང་ལས་དོན་གལ་ཆེན་ཡིན་ན་ངེས་པར་དུ་བོད་རྒྱ་ཞི་མོལ་རང་ལ་མཁས་པའི་ཚོགས་མི་མང་དུ་གཏོང་རྒྱུ་དོན་འཁེལ་གནང་རོགས།

༥ ད་བར་གྱི་བོད་རྒྱ་འབྲེལ་མོལ་མང་ཆེ་བ་གཙོ་བོ་སྐུ་ཚབ་ཀྱིས་འབྲེལ་མཐུད་ཐབས་ཤེས་རྩལ་དཀྲུགས་དང། ༸གོང་ས་མཆོག་དང་བཀའ་ཤག་གི་ལམ་སྟོན་ལས་བྱུང་བ་ཡིན་སྟབས། འབྲེལ་མཐུད་མི་སྣའི་སྐོར་རང་དང་མི་མཐུན་པའི་གང་ཟག་ལ་གཟིགས་ཕྱོགས་འཛིན་པ་ཡོངས་སུ་ནོར་འཁྲུལ་ཞིག་རེད་འདུག་པས། སྤྱི་དོན་གཙོ་བོར་འཛིན་པའི་འདུ་ཤེས་མཚན་མོའི་རྨི་ལམ་དུའང་མ་བརྗེད་རོགས།

༦ སྲིད་སྐྱོང་མཆོག་དེ་སྔ་པེ་ཅིདུ་ཕྱི་སྡོད་རྒྱ་མིའི་རྣམ་པར་ཕེབས་ཟིན་པ་དང། རྒྱ་རིགས་མཁས་དབང་གྲོགས་པོ་མང་སྟབས། དེ་དག་ལའང་ཡོངས་བསྒྲགས་ཀྱིས་འབྲེལ་མོལ་ཐད་རོགས་འདེགས་ཡོང་བའི་འབོད་སྐུལ་ཚ་ནན་ཞིག་གནང་རོགས།

༧ ཤེས་ཡོན་སྲིད་བྱུས་དང་དེའི་སློབ་སྟོན་པ་བསྐོ་བཞག་སྐོར་ཕྱག་ལས་གནང་བ་ལྟར་མིན་པར། མི་མང་གི་མངོན་འདོད་ལ་གསན་པ་དང། བོད་ཀྱི་རྩ་དོན་ལ་མཁས་པ། ཕྱོགས་ལྷུང་རྩ་བྲལ་ཐོག་བདེན་པ་ཚེ་ནོམ་དུ་འཛིན་མཁན་ཞིག་སྐུ་ཚབ་རང་བཞིན་གྱིས་ཆགས་ཡོད་སྟབས། འོས་མི་འདོན་སྟངས་མ་ནོར་བ་ཞིག་གནང་རོགས།

༨ བོད་རྒྱ་འབྲེལ་མོལ་ཐད་དཔལ་ལྡན་བཀའ་ཤག་བཀའ་བློན་མི་རེ་ངོ་རེ་ལའང་མངགཙོའི་འགྲོ་ལུགས་ལྟར་བསམ་ཚུལ་གསུངས་ཆོག་པའི་གོ་སྐབས་བསྐྲུན་ཏེ། ལྷན་རྒྱས་ནས་མཉམ་རུབ་ཐོག་འབྲེལ་མོལ་བསྐྱར་མཐུད་གནང་ཐབས་མ་འཕྱི་མ་ནོར་བ་ཞིག་གནང་རོགས།

༩ ཞོར་དུ་དབུ་མའི་ལམ་དང་དེའི་ཉམས་ལེན་ཐད་རང་ཉིད་བློས་གཏོང་གནང་མཁན་གྱི་ལས་འགུལ་བ་གླིང་ཚ་ཚེ་བརྟན་རྡོ་རྗེ་ལྟ་བུར་བདག་པོ་རྒྱབསྟེསྲིད་བྱུས་དེ་ཁ་ཞེ་གཉིས་མེད་འཛིན་གྱི་ཡོད་པ་ཆེ་ཆུང་གང་དུའང་འཐུས་མ་ཤོར་བ་ཞིག་གནང་རོགས།

༡༠ ༸གོང་ས་མཆོག་གི་སྐུ་ཚབ་མཉམ་མ་གཏོགས་གཞན་བོད་རྒྱ་འབྲེལ་མོལ་གནམ་འོག་འདིར་ཡོང་གཞི་མེད་པའི་དངོས་ཡོད་གནས་ཚུལ་ཁས་ལེན་གཙང་མ་གནང་སྟེ་ཉིན་གཅིག་ཀྱང་འཕྲོ་བརླག་ལ་མི་གཏོང་རོགས་ཞུ།།

༡༡ སྲིད་སྐྱོང་མཆོག་ཕྱོགས་ཕེབས་ལ་མཉེས་པོ་ཡོད་ནའང། ཕྱོགས་ཕེབས་སྐབས་དང་ལྷག་པར་གཞིས་ཆགས་མི་མང་ནང་བོད་རྒྱ་འབྲེལ་མོལ་དང་དབུ་མའི་ལམ་གྱི་སྐོར་གོ་རྟོགས་སྤེལ་རྒྱུའི་གཏམ་བཤད་ཚད་ལྡན་གནང་ཐབས་ལ་ཅི་ནས་འབད་རོགས་ཞེས།།

 

༢༠༡༣། ༨། ༥། ཉིན་སྲིད་སྐྱོང་གི་ཕྱོགས་ཕེབས་ལོ་གཉིས་ལ་འཚམས་ཞུའི་ཚབ་ཏུ།།
ཤོག་ངོས་འདི་ཐེངས་ ༢༩༠༩ ལ་བཀླགས་འདུག
རིག་པ་འདོན་པ།
ཀརྨ་རྡོ་རྗེ།
༢༠༡༣/༠༨/༡༡ ཉིན་འདོན་སྤེལ་བྱས།
༩ ཞོར་དུ་དབུ་མའི་ལམ་དང་དེའི་ཉམས་ལེན་ཐད་རང་ཉིད་བློས་གཏོང་གནང་མཁན་གྱི་ལས་འགུལ་བ་གླིང་ཚ་ཚེ་བརྟན་རྡོ་རྗེ་ལྟ་བུར་བདག་པོ་བརྒྱབ་སྟེ་སྲིད་བྱུས་དེ་ཁ་ཞེ་གཉིས་མེད་འཛིན་གྱི་ཡོད་པ་ཆེ་ཆུང་གང་དུའང་འཐུས་མ་ཤོར་བ་ཞིག་གནང་རོགས། ་ཟེར།
ཀེ་ཏ་
༢༠༡༣/༠༨/༠༩ ཉིན་འདོན་སྤེལ་བྱས།
སྲིད་སྐྱོང་ལྷན་རྒྱས་ཀྱི་སྙན་ལ་འཇུག་པོ་རང་ཨེ་ཡོད་བསམས། འབྲོང་རུ་དམར་ད་འབྲོང་རུ་དམར་རང་རེད།།
ཤར་མདའ།
༢༠༡༣/༠༨/༠༦ ཉིན་འདོན་སྤེལ་བྱས།
འུ་ཚོས་ངེས་པར་བསམ་བློ་གཏོང་དགོས་པ་ཞིག་རེད་དྲན་སོང་གང་ཡིན་ཟེར་ན་བོད་རྒྱ་འབྲེལ་མོལ་ཟེར་བ་འདི་རྒྱ་བོད་གཉིས་ཀྱི་ཕན་ཚུན་གྲོས་མཐུན་ཡོང་དགོས་པ་ཞིག་ཡིན་པ་ལས་བོད་མི་གཅིག་བུའི་ཐག་གཅོད་གནང་ཐུབ་ཞིག་མ་རེད་མ་ཟད་སྲིད་སྐྱོང་གིས་ད་ལྟར་ལོ་ངོ་གཉིས་མ་ཟིན་ཙམ་གྱི་རིང་ལ་དཀའ་བ་ཆད་དུ་བསད་ནས་འབད་བརྩོན་བྱེད་བཞིན་པ་འདི་ལ་གཟིགས་དང་ད་དུང་འདི་ལྟར་འོས་པ་ཞིག་རེད་དམ་༧གོང་ས་མཆོག་གིས་དུས་རྟག་ཏུ་སྲིད་སྐྱོང་བོད་མི་རིགས་ཀྱི་དབུ་ཁྲིད་ཡིན་པ་སེམས་ལ་འཛིན་དགོས་པའི་བཀའ་སློབ་རྣམས་ལ་གསོན་དང་འུ་ཚོས་སྲིད་སྐྱོང་ལ་འདི་ལྟར་བརྗོད་ཚོད་ཞིག་ཡིན་ནམ་གང་བོད་མི་ཚང་མ་རྡོག་རྩ་གཅིག་སྒྲིལ་བྱེས་ནས་འབོད་བརྩོན་བྱེད་དགོས་པ་ལས་སྲིད་སྐྱོང་གཅིག་བུས་འགྲུབ་པ་ཐུབ་པ་ཞིག་མ་རེད།  འུ་ཚོས་རང་ཉིད་ཀྱི་བོད་མི་རིགས་འདིའི་ཆེད་དུ་ཉི་མ་རེ་རེ་བཞིན་གང་ཉིད་ཀྱིས་ལས་ཀ་ག་རེ་བྱེད་ཀྱི་ཡོད་ངེས་པར་བསམ་བློ་གཏོང་དགོས་པ་ཞིག་རེད་འུ་ཚོ་ལས་ལྷག་པའི་འགན་ཞིག་ཡོད་པ་དང་འགན་དེ་ཁུར་ནས་རང་ནུས་གང་ཡོད་ཀྱི་འབད་བརྩོན་བྱེད་བཞིན་ཡོད་མ་མཁྱེན་ན་དགེ་མཚན་ཆེ་བཀྲིན་ཆེ་ཞུ་རང་ཉིད་ཀྱི་བསམ་ཚུལ་ཙམ་བཀོད་པ་ཡིན།
འདྲེ་མགོ་རྡོ།
༢༠༡༣/༠༨/༠༥ ཉིན་འདོན་སྤེལ་བྱས།
ད་ཕྱོགས་ཡོངས་ནས་སྲིད་སྐྱོང་བློ་བཟང་སེང་གེ་མཆོག་གི་ཁ་སྟོབས་ག་འདྲ་ཞིག་ཡིན་མིན་ཚང་མར་ངོ་འཕྲོད་ཀྱི་ཡོད་པ་འདྲ། བདེན་ལུང་པ་གཉིས་ཀ་ཕུ་ཐག་རིང།། རྫུན་ཨབ་པྲ་གཉིས་ཀའི་རྔ་མ་ཐུང།། ཟེར་བ་བཞིན་བོད་མི་ཚོས་རང་གི་མདུན་ལམ་དང་འབྲེལ་བའི་གནད་དོན་གལ་ཆེའི་རིགས་ལ་བསམ་བློ་གཟབ་ནན་གཏོང་དགོས་པའི་བསླབ་བྱ་གསོན་པོ་ཞིག་ད་ནི་དངོས་སུ་མྱངས་ཡོད་སྟབས། མ་འོངས་པར་གཟབ་གལ་ཆེའོ།།
རིག་པ་འདོན་པ།
རིག་པ་འདོན་ན་ངེས་པར་དུ་དེབ་སྐྱེལ་བྱེད་དགོས།
འདི་ལ་བསྣུན་ཏེ་དེབ་སྐྱེལ་བྱེད་རོགས།