ཚིག་ཚོན་པོ་འཁུར་དུས་སྐྱབས་ཧམ་པར་བཅོལ་དགོས།

འདོན་སྤེལ། ༢༠༡༣/༠༨/༡༧

ཨ་ཚོགས་ཀླུ་མཁར་བྱམས། 

 སེམས་ལྷོད་ལ་འབབ་རྒྱུ་ནི་ལས་སླ་བོ་ཞིག་མིན། སེམས་འདི་རྙོག་འཛིང་ཆེ་བའི་སྤྱི་ཚོགས་ཀྱི་སྣང་ཚུལ་སྣ་ཚོགས་དང་འབྲེལ་ཞིང་ ཞིབ་མོར་བཤད་ན་ད་བར་ང་ཚོར་བསྟན་ཅིང་གདམ་པ་དག་ནི་སེམས་ཁྲལ་དང་   སུན་འཚེར། འཕྱ་སྨོད་བཅས་ཡིན་ཞིང་ མདོར་ན་སྤྱི་ཚོགས་ཀྱི་ཁོ་ར་ཁོར་ཡུག་ཚང་མ་(གཟབ་ནན་དམིགས་གཏན་ཏུ་བཞག་ནས་བསྐྲུན་ཞིང་གྲུབ་པས་སོ།།

                                                                                                ཨོ་ཞའོ་(OSHO) ཞལ་ནས།

ཉིན་པོར་ང་གནམ་ཐང་ནས་ཐད་གར་ཚོགས་འདུར་ཕྱིན་པར་བརྟེན་ཐང་ཆད་པའི་ཁར།  ཚོགས་འདུ་གོ་བཙུགས་མ་ཐག་དགེ་རྒན་དང་ བོད་ཀྱི་སྐུ་ཚབ།   ད་དུང་རྩ་སྟོང་དུ་ཕྱིོན་པའི་རྒྱལ་ཁབ་ཟེར་བ་སོགས།  ལྗིད་ཁོག་ཅན་གྱི་ཚིག་ཚོན་པོ་འདི་དག་ནི་གད་པའི་ལག་གི་ཕྱགས་མ་བཞིན། རེ་རེ་གོ་ཡོདུས་མཐར་ངའི་ཀླད་པ་སྟོང་པ་སྟོང་རྐྱང་བཟོས་སོང་ ལས་རིམ་ལྟར་ན་གཏམ་བཤད་བྱེད་མཁན་དང་པོ་ང་རེད་འདུག དེ་བས་སྐུ་ཞབས་ཐིམ་མུའུ་ཇུ་ལགས་སྔོན་ཆད་ངོ་ཤེས་ཀྱི་མེད་མོད། ཁོང་ལ་ཐོག་མར་ཁྱེད་ཀྱིས་གཏམ་བཤད་གནང་རོགས་ཞེས་རེ་སྐུལ་མི་ཞུ་ག་མེད་ཆགས། ཁོས་དང་ལེན་གནང་བ་དེས་ང་ཅུང་ལྷོད་ལ་བབས་སོང་ རྒྱ་མིར་མཚང་འབྲུ་དགོས་ན་ངེད་གཉིས་ཀྱི་རིག་ལམ་འདྲ་སེ་འདུག་ཀྱང་ མི་འདི་རྒྱ་སྐད་ང་ལས་བདེ་བོ་ཡོད་པ་ཙམ་མ་ཡིན་པར། སྐད་ཆར་གོ་རིམ་ལྡན་ཞིང་གཏན་ཚིགས་ཀྱིས་ཕྱུག་པ་ཞིག་རེད། ངས་ཆུ་ཚོད་ཕྱེད་ཀར་ཆུ་རྒྱུག་རྒྱུག་ཡིན་པའི་གཏམ་བཤད་དེར་ཉན་རྗེས། ཡ་ད་འདི་ནས་དེ་བར་བཤད་དགོས་བསམ་པའི་སྐྱ་ཐིག་ཅིག་སེམས་ངོར་གྲུབ་ཏུ་བཅུ

ང་གནམ་ཐང་ལ་ལེན་མཁན་ནི་ཐའེ་བོད་མཛའ་གྲོགས་ཚོགས་པའི་བུ་མོ་ཀྲི་ལན་རེད། མོ་རང་དང་གྲོགས་མོ་གཉིས་ཀྱིས་འཇེབ་འཁོར་ཉ་འདྲ་བ་ཞིག་ཁྲིད་འདུག  ཐའོ་ཡོན་གནམ་ཐང་ནས་ཚོགས་འདུ་འཚོགས་ཡུལ་བར་ཆུ་ཚོད་གཉིས་མ་ཟིན་ཙམ་ལ་འགྲོ་དགོས་འདུག  ལམ་སྐབས་ནས་ཁོང་གཉིས་ཀྱིས་རི་ཆུ་ནགས་གསུམ་དང་གྲོང་དང་གྲོང་ཁྱེར་སོགས་ངོ་སྤྲོད་བྱས་པར་ཉན།   མཐར་ཁོད་ཡངས་པའི་ཞང་ཁ་ཞིག་གི་ནང་སླེབས། དེར་ཐོག་སོ་བཞི་ལྔ་ཅན་གྱི་ཁང་བརྕེགས་ཤིག་ཡོད་པ་ནི་ཁྲིན་ཏེན་ནན་རྗེས་དྲན་ཁང་ཡིན་པ་དང་ ཉི་མ་དེར་ང་ཚོའི་ཚོགས་འདུ་འཚོགས་སའང་དེ་རེད

ཅུང་འགོར་སོང་བ་འདྲ། ཚོགས་བཅར་བ་ཚང་མས་ཕྱི་ལོག་ན་སྒུག་བསྡད་འདུག  ང་བྲེལ་འཚུབ་ངང་ཚོགས་ཁང་ནང་འཛུལ་སྐབས་རྒྱ་སྒོའི་གཡས་ཕྱོགས་སུ་(དགེ་རྒན)ཀླུ་མཁར་བྱམས་བྱོན་པ་ལེགས་ཅེས་པའི་བརྡ་སྦྱོར་ཆེ་ཐག་ཆོད་ཅིག་དང་  ཕར་ཕྱོགས་དེར་(ཐའེ་ཝན་ཡང་རྩ་སྟོང་དུ་འགྲོ་བའི་རྒྱལ་ཁབ་ཅིག་ལ་མི་འགྱུར་བའི་ཆེད)ཅེས་པའི་མཚོན་ཁྲ་ཅན་གྱི་སྦྱར་བྱང་དེ་གཉིས་མཐོང་སོང་ དེ་མཐོང་འཕྲལ་ངའི་སེམས་པ་ལྗིད་ཏིག་གེར་ཕྱིན་པ་དང་ ལམ་སྐབས་ནས་གླིང་ཕྲན་(formosa) ལྗོངས་བཀོད་ལ་བློ་གཡེང་བྱས་པའི་སྤྲོ་སྣང་ཡང་ངང་གིས་ཡལ། ང་ལྟ་བུ་མི་ཚེ་སྦྱར་བྱང་ངོས་ནས་རྫོགས་གྲབས་ཡོད་པའི་མི་ཞིག་ལ་མཚོན་ན། མགོ་བོས་མི་ཐེག་པའི་མིང་དང་ བློས་མི་ལྕོགས་པའི་བརྗོད་གཞིར་ངན་གོམས་ལ་སོང་ཡོད་མོད།  དགེ་རྒན་ཞིག་ཡིན་ན་སྨན་པ་ནང་བཞིན་ནད་པར་མཁོ་བའི་སྨན་ཞིག་སྤྲོད་དགོས་ངེས་རེད། སོང་ཙང་ང་གཞན་ལ་ཕན་པ་ཞིག་ཁྲིད་དམ། ཡང་གཅིག་བཤད་ན། ངའི་བག་ཆགས་ཀྱི་མཐུག་སར་(དགེ་རྒན་)ཞེས་པའི་གོ་བབ་ང་ལས་མཐོ་མ་ཟད། ལྷ་ལས་ཀྱང་མཐོ་བའི་ཡིན

ཉི་མ་དེར་དགེ་རྒན་ལས་ཀྱང་ལྗིད་བའི་ཐ་སྙད་ཅིག་ངའི་མགོར་བསྐྱོན་པ་ནི་བོད་ཀྱི་སྐུ་ཚབ རེད། སྐུ་ཞབས་ཐིམ་མུའུ་ཇུ་ངེད་གཉིས་ཁ་ཐུར་འཁོར་ཏེ་བསྡད་མ་ཐག  གཙོ་སྐྱོང་བས་ངོ་སྤྲོད་གནང་སྐབས་བོད་ཀྱི་སྐུ་ཚབ་ཅེས་པའི་ཚིག་འདི་ངའི་རྣ་རྩར་རྡོ་ནང་བཞིན་ལྷུང་སོང་  ལྷོ་སོག་སྐུ་ཚབ་)ཅེས་པ་དེར་རྒན་ཐིམ་མུའུ་ཇུ་ཡང་ཅུང་བདེ་བོ་མ་བྱུང་བ་འདྲ། ཁོས་ང་འདིར་ཅིག་གི་ཚབ་བྱས་ནས་ཡོང་མེད་ཅེས་དང་པོ་ནས་འགྲེལ་བརྗོད་གནང་སོང་ ད་ཆ་བོད་དང་བོད་ཀྱི་ཚབ་གནང་མཁན་དེ་ཚོ་ང་དང་ང་འདྲ་བ་རྐྱང་ཡིན་སྟབས། ངས་བསམ་བློ་ཞིབ་མོར་བཏང་རྗེས། ང་ཅིག་གི་ཚབ་ཡིན་དང་མིན་གྱི་གསལ་བཤད་ཐོལ་པ་མ་བྱས། ཕྱི་ཉིན་གསར་འགྱུར་ཁག་གི་ནང་དུའང་བོད་ཀྱི་སྐུ་ཚབ་ཟེར་ནས་མང་པོ་ཐོན་འདུག  དྲང་མོར་བཤད་ན། ང་བོད་ཀྱི་ཚབ་བྱེད་ཐུབ་མིན་ནི་བཤད་སྟངས་ཙམ་ཡིན་མོད། མི་ང་འདི་ཅིག་གི་ཚབ་བྱ་རྒྱུར་དགའ་བོ་མེད་སྟབས་ཚིག་དེ་བདེ་པོ་མ་བྱུང་

ཐའེ་ཝན་ཡང་(རྩ་སྟོང་དུ་འགྲོ་བའི་རྒྱལ་ཁབ་ཅིག་ལ་མི་འགྱུར་པའི་ཆེད་) ཅེས་པར་ཚིག་ངོས་ན་ང་སྐྲག་དགོས་ས་ཅང་མེད་མོད། ཡུས་ཕེན་གྱི་ངོ་སྤྲོད་གཏམ་བཤད་སྐབས། བརྗོད་གཞི་འདིའི་རྒྱབ་ལྗོངས་གླེང་མ་ཐག མོ་རང་གིས་སེམས་མགོ་གནོན་མ་ཐུབ་པར་མིག་ཆུ་ཤུར་ཤུར་ཐོན་བཞིན་འདུག  རྣམ་འགྱུར་དེས་ང་ལ་(ཁྱོད་རང་)གནས་འདིར་སྤྲོ་འཆམ་ལ་ཡོང་བ་མ་ཡིན་པར། གཟབ་ནན་གྱིས་གདོང་གཏད་དགོས་པའི་གནད་དོན་ཞིག་གི་ཁ་གཏད་དུ་ཡོད་པར་དྲན་སྐུལ་ལམ། གནོན་ཤུགས་འཕར་མ་སྤྲད་སོང་

ལས་རིམ་ནང་ལྟར་གཏམ་བཤད་ཀྱི་ཁ་རེས་འཁོར་བ་དང་ ངས་ཀྱང་ཁྲལ་ལས་ཙམ་ཞིག་འགྲོ་ཐབས་བྱས།  ཀུན་གྱིས་དོ་སྣང་བྱེད་ས་རང་ལུས་མེར་བསྲེགས་རེད། སྐོར་བསྐྱོད་གཏམ་བཤད་ཚང་མའི་ནང་དུའང་མེར་བསྲེགས་ཀྱི་དྲི་བ་མང་པོ་སླེབས་སོང་ ངས་ཀྱང་གནད་དོན་འདིར་གང་གཟབ་གཟབ་བྱས་ཤིང་ མེར་བསྲེགས་ཐད་ང་རང་གི་བསམ་ཚུལ་བརྗོད་སྐབས། ཆེད་དུ་དོ་སྣང་བྱ་དགོས་པའི་ཕྱོགས་དམིགས་འདོན་བྱས་པ་དང་ དང་པོ་བོད་ཀྱི་མེར་བསྲེགས་གཏོང་མཁན་མང་ཆེ་བས་ཞལ་ཆེམས་བཞག་ནས་འགྲོ་བཞིན་འདུག  དེ་ནི་སྙིང་ནད་རྩོད་རྒྱུ་ཁོ་ན་ལས་རེ་བ་གང་ཡང་མེད་པའི་ཚད་ལ་ལྷུང་མེད་པའི་རྟགས་མཚན་ཡིན་སྟབས། དེ་ཡག་ཕྱོགས་ཀྱི་གནས་ཚུལ་རེད། ཁོ་ཚོར་དགོས་འདུན་ཡོད་སྟབས་སྐྱོབ་མཁན་ཞིག་ཡོད་ན། ལག་པ་འཆིང་སའི་གཞི་ཡོད་པ་དང་  དགོས་འདུན་དེ་ཚོའང་བོད་ལ་རང་དབང་རང་བཙན་དགོས། ༧གོང་ས་མཆོག་བོད་ལ་གདན་འདྲེན་ཞུ་དགོས། ཆོས་དང་རིག་གཞུང་ལ་བརྩི་འཇོག་བྱ་དགོས་ཟེར་བ་ལྟ་བུ། མདོར་ན། འགྲོ་བ་མིའི་གཞི་རིམ་ཐོབ་ཐང་གི་སྐད་ཆ་རྐྱང་རེད། མ་གཏོགས་རང་སྲོག་གཅོད་མཁན་མང་པོ་ཞིག་དང་ ཁྱད་པར་དུ་རང་དང་མཉམ་པོར་གཞན་ཀྱང་ཁྲིད་ནས་འགྲོ་མཁན་༼འཇིགས་སྐུལ་བར༽མཚོན་ན། ཤི་ཁར་དགོས་འདུན་ཙམ་ཡང་མེད་པར་ནག་ཁུངས་ནང་འགྲོ་རྐྱང་ཡིན་ལ། དེ་ནི་མི་ཡུལ་འདིར་རེ་ཐག་རྦད་དེ་ཆད་སོང་བའི་རྟགས་མཚན་ཡིན་སྟབས། ཚད་དེར་སླེབས་དུས་སྐྱོབ་ཐབས་མེད་པ་ཆགས་པ་རེད། 

གཉིས་ནས་རྒྱ་ནག་གི་སྤྱི་འབངས་ཀྱིས་བོད་<ཀྱི་རང་སྲེག་ལ་གདུང་སེམས་མཉམ་སྐྱེད་ཙམ་ཡང་མེད་པར། གླེང་མ་དགོས་པ་གཙོ་འདོན་བྱེད་ཀྱིན་འདུག་ན། དེ་སྡུག་ཕྱོགས་ཀྱི་གནས་ཚུལ་རེད། སྔར་འཇར་མན་ནྭ་ཙིས་མི་སྡེབ་གསོད་གཏོང་སྐབས་སྤྱི་འབངས་ཀྱིས་མི་སྨྲ་བའི་བརྟུལ་ཞུགས་བཟུང་བར་བརྟེན། མི་རྣམས་དྲག་སྤྱོད་པས་མི་བསད་པ་ལས་ཀྱང་མང་ཚོགས་ལ་མི་སེམས་མེད་པ་དེར་ཧང་སང་པ་རེད། རྒྱ་ནག་གི་སྤྱི་འབངས་ཀྱང་གནས་ཚུལ་དེ་འདྲ་ཞིག་གི་འོག་ཡོད་སྟབས། དེ་ནི་ཉེན་ཁ་ཆེན་པོ་རེད་ཟེར་བ་སོགས་དྲང་ཕྱོགས་ནས་གསལ་བཤད་གང་ཐུབ་དང་ ཞོར་དུ་ངས་༼རྒྱ་མིས་རང་སྐྱོང་གིས་བོད་ལ་མེར་བསྲེགས་ཁྱེར་ཡོང་བ་རེད། བོད་རང་བཙན་མེད་ན་མེར་བསྲེགས་མཚམས་ཆད་ཐུབ་ཀྱི་མ་རེད།༽ཟེར་བ་སོགས། སྐད་ཆ་རང་བཙན་སྒང་འཁྲིད་གང་ཐུབ་བྱས་ཀྱང་ སྐོར་བ་རེ་བརྒྱབ་ནས་སླར་ཡང་མེར་བསྲེགས་ཁོ་ནའི་སྒང་འབབ་ཡོང་གི་འདུག་ལ། མགྲོན་བདག་ཕྱོགས་ནས་ཀྱང་མེར་བསྲེགས་སྐོར་མང་ཙམ་བཤད་རྒྱུར་རེ་སྐུལ་བྱས་སོང་ ཁོ་ཚོར་ཡང་ཁག་མི་འདུག དེང་སྐབས་ཐའེ་ཝན་གྱི་ཡུལ་མི་དཀྱུས་མ་ཚོར་མཚོན་ན། བོད་དོན་ལབ་ན་རང་ལུས་མེར་བསྲེགས་ཡིན་པ། འཐབ་རྩོད་ཀྱི་ངོ་བོ་ཡང་ཆོས་དད་རང་མོས་ཁོ་ན་ཡིན་པ། མེར་བསྲེགས་གཏོང་མཁན་ཡང་གྲྭ་བ་དང་ཨ་ནེ་རྐྱང་ཡིན་པ།  མེར་བསྲེགས་མཚམས་ཆད་སོང་ན་བོད་དོན་ཡང་རྫོགས་འགྲོ་བ་ལྟ་བུ་ལས་སླ་བོ་ཞིག་ལ་ངོས་འཛིན་བྱེད་བཞིན་འདུག  

སྐབས་ཤིག་ནས་ང་མེར་བསྲེགས་དང་འབྲེལ་བའི་དྲི་བ་དེ་ཚོར་འུ་ཐུག་སོང་ དེར་བརྟེན་ངས་ནི་མེར་བསྲེགས་གནང་ན་དཔའ་བོ་ཡིན་མིན། བློས་གཏོང་ཅན་ཡིན་མིན། འཐབ་རྩོད་ཀྱི་མིག་དཔེར་འོས་མིན་མི་ཤེས། དེ་ཁྱེད་རང་ཚོས་བསམ་བློ་གཏོང་རྒྱུ་ཞིག་རེད། ང་ལ་ཁྱོད་རང་བོད་མེར་བསྲེགས་ཤི་གྲངས་ཨང་ཉི་ཤུ་བ་སྐབས་དེར་མེར་བསྲེག་ཞལ་གྲངས་བརྒྱ་དང་བཅུ་དགུ་ཡིན་པ་ཡོདབྱེད་མ་ཐུབ་པའི་རྒྱུ་མཚན་ག་རེ་ཡིན་ཟེར་ནས་དྲིས་ཚེ། ངས་ལན་ཞིག་བརྒྱག་གི་རེད་དེ། སྐད་ཆ་དེ་ངའི་སེམས་གཏམ་ཡིན་མིན་ཁྱེད་ཅག་གིས་ཧ་གོ་གི་མ་རེད་འདྲ་བོ་ལན་གྱག་གྱག་དེ་འདྲ་ཡང་རྒྱག་དགོས་ཐུག་སོང་  ང་ཚོའི་ཚོགས་འདུའི་སྐོར་ཕྱི་ཉིན་བརྒྱུད་ལམ་དེ་འདྲའི་ནང་སླེབས་སྐབས། ངས་བཤད་པའི་བསམ་ཚུལ་ཞེ་དྲག་མཐོང་ཡ་མི་འདུག་ལ། ཁྱད་པར་དུ་གལ་ཆེན་དོན་ཆེན་གྱི་ཚུལ་དུ་བཤད་པའི་རང་བཙན་སྐོར་རེ་གཉིས་ཙམ་རེད།   གཅིག་བྱས་ན་གོ་བརྡ་མ་འཕྲོད་པ་ཡིན་ཡང་སྲིད།  གཞན་རྒྱ་མི་བོད་ནང་འཛུལ་སྐབས་མི་ས་ཡ་གཅིག་དང་འབུམ་གཉིས་རྐྱེན་ཤི་བྱུང་ཚུལ། མེར་བསྲེགས་ཀྱི་སྔ་རྗེས་སུ་རྒྱ་གཞུང་གིས་དགོན་སྡེ་ཁག་གི་ཆུ་དང་གློག་བཅད་པ། རྒྱལ་བ་རིན་པོ་ཆེའི་སྐུ་པར་བཤམ་མ་བཅུག་པ་སོགས་ནམ་རྒྱུན་གྱི་སྐད་ཆ་རྣམས་འཁོད་འདུག་ལ། དེ་ངས་བཤད་པ་རེད་འདྲ་བོ་བྲིས་འདུག ངས་དེ་ལྟར་ཞིབ་བརྗོད་བྱས་མེད་མོད། ཡུས་ཕིན་གྱིས་བོད་ངོ་སྤྲོད་བྱེད་སྐབས་མོས་འགྲེལ་བརྗོད་དེ་ལྟར་གནང་ཡོད་པ་འདྲ། གནས་ཚུལ་དེ་ལས་ངས་ཐའེ་ཝན་གྱི་བརྒྱུད་ལམ་ཁག་དུའང་གྲངས་འབོར་ལ་གཙིགས་འཛིན་བྱེད་པ་ལས། བསམ་ཚུལ་དང་ལྟ་གྲུབ་གསར་འགྱུར་ཆགས་ཐུབ་ཀྱི་མེད་ཁར། བརྒྱུད་ལམ་མང་ཆེ་བའི་ནང་བོད་རང་བཙན་ལ་ཚད་བཀག་ཅིག་མེད་འགྲོ་སྙམ་པ་བྱུང་

རྒྱ་གར་གྱི་རྟོག་པ་རྒྱ་ཡན་པའི་སློབ་དཔོན་ཆེན་མོ་ཨོ་ཞོས་བཤད་པ་ལྟར། སེམས་ནི་སྣང་བའི་རྗེས་སུ་མ་འབྲང་བར་ལྷོད་ལ་འབབ་རྒྱུ་ནི་ལས་སླ་བོ་ཞིག་མིན་ཐག་ཆོད་རེད། སེམས་དེ་ལྟར་འཁྲིག་ཡོང་དུས་སྐྱབས་ཧམ་པར་བརྟེན་པ་ལས་ཐབས་གཞན་མེད་པར་གྱུར། ཡོད་ཆོག་པ་ནི་དོན་གྱི་ང་རྒྱལ་སྟེ་སྤོབས་པ་ཡིན་ངེས་མོད།  ཁ་ཉིན་གྱི་སྤོབས་པར་དེ་རིང་ཡིད་རྟོན་མེད་པ་ཞིག་ཏུ་འགྱུར་ཚར་དུས། མགྲོན་ཐུན་འདིར་མཚོན་ནའང་གྲ་སྒྲིག་རྐང་གཅིག་མེད་པར་ཕྱིན། ཐ་ན་རྒྱལ་དར་ཞིག་ཀྱང་ཁྱེར་མེད།  དེ་ངའི་ཧམ་པ་མིན་ན་གང་རེད། ལྷོ་སོག་སྐུ་ཚབ་སྐུ་ཞབས་ཐིམ་མུའུ་ཇུ་དང་ ཡུ་གུར་སྐུ་ཚབ་མ་ཧ་མཌིཨེ་ཧམ་རྣམ་གཉིས་ཀྱིས་བརྗོད་གཞིར་འབབ་པའི་གྲ་སྒྲིག་འཐུས་ཚང་གནང་འདུག་ཁར། གང་ལ་ཕྱིན་ན་སོ་སོའི་ལུང་པའི་རྒྱལ་དར་དེ་ཁྱེར་ཡོད་ཡོད་པ་རེད། སྟབས་འགྲིག་པ་ཞིག་ལ། བོད་ཀྱི་རྒྱལ་དར་ནི་ཐའེ་ཝན་ན་མི་ཆོས་རིང་ལུགས་ཀྱི་དར་ཆ་འདྲ་ཞིག་ཆགས་ཏེ་ག་ས་གང་དུ་འདུག  ངས་དེ་ཡང་ཐའེ་ཝན་ནང་བོད་དོན་གོ་རྟོགས་སྔོན་ནས་ཡོད་པར་བརྟེན་མང་པོ་བཤད་མི་དགོས་པའི་ཁག་དཀྲི་ས་བྱས། དེར་བརྟེན། མགྲོན་ཐུན་འདིར་(བོད་ཀྱི་སྐུ་ཚབ་ཚོགས་གྲལ་དུ་བཤམ་དུས་ལྷ་སྐུ་ཞིག་གི་ཚབ་འཁྱོང་ཡོད་ན་ལས། གནད་དོན་བཤད་སར་རམ་འདེགས་ཀྱི་རོལ་མོ་ནང་བཞིན་ཡོད་མེད་ལ་ངེས་པ་མེད་པར་གྱུར། འོན་ཀྱང་ ཧམ་པའི་ཤེས་འཇོན་གྱི་ཚབ་བྱས་ཟིན་པའི་རི་ངོགས་འདིར། ངས་བྱས་རབས་དང་ ངས་འཇོན་རབས་མ་བཤད་ན་སྡུག་གྱོང་ཡིན་ཡང་ ཐའེ་ཝན་ལྟ་བུ་ཤེས་རིག་དར་རྒྱས་ཆེ་བའི་སྤྱི་ཚོགས་ཤིག་གི་ནང་རུས་<གསེང་ནས་ངོ་གནོང་དགོས་པ་ནི་(ཧམ་ དེ་རེད།

རྩོམ་པ་པོའི་མཆན:   [ ཕྱི་ཟླ་ ༥ པའི་ནང་ཐའེ་ཝན་གྱི་རྒྱལ་ས་ཐའེ་པེ་རུ་<< ཐའེ་ཝན་ཡང་རྩ་སྟོང་དུ་འགྲོ་བའི་རྒྱལ་ཁབ་ཅིག་ལ་མི་འགྱུར་བའི་ཆེད་དུ། ལྷོ་སོག་དང་ཡུ་གུར། བོད་བཅས་ཀྱི་ཐོག་ན་བློ་སྐྱེད་གང་ཡོད། >>ཅེས་པའི་ཚོགས་འདུ་ཞིག་ལ་བཅར་སྐབས་ཀྱི་མཐོང་ཐོས་དང་ བརྒྱུད་ལམ་ཁག་གིས་བཅར་འདྲི་བྱས་པ་གཞིར་བཞག་སྟེ། སྙན་ཞུའི་རྩོམ་ཡིག་གི་འབྲི་ཐབས་སྤྱད་དེ་བྲིས་པའི་དུམ་ཚན་ཞིག་ཡིན། ]

ཤོག་ངོས་འདི་ཐེངས་ ༢༤༠༧ ལ་བཀླགས་འདུག
རིག་པ་འདོན་པ།
གསེར་འབྲུག་སྡེར་ལྔ་
༢༠༡༣/༠༨/༢༠ ཉིན་འདོན་སྤེལ་བྱས།
ཕྱོགས་ཞེན་ཆེ་ས་ན་
དྲང་བདེན་བཤད་ས་མེད།
རྨོངས་དད་ཆེ་ས་ན་
སྨྲ་བརྗོད་རང་དབང་མེད།
དབང་བཀའ་བཙན་ས་ན་
བདེ་སྡུག་ཞུ་ས་མེད།
དབང་དཔུང་ངོམས་ས་ན་
ཉམས་ཆུང་ཐར་ས་མེད།
མདོར་ན་ལྟ་གཅིག་ལམ་གཅིག་སྟེང་བསྐྱོད་དགོས་ས་ན་
དམངས་གཙོ་ཡང་དག་ཅིག་མི་འབྱུང་ཁོ་ཐག།
འབྲོག་ཕྲུག་བྷེ་ལོ།
༢༠༡༣/༠༨/༡༩ ཉིན་འདོན་སྤེལ་བྱས།
ང་ཆེ་ཁོ་བཙན་འཆད་པའི་སྐབས་མ་ཡིན། །
ང་བཟང་ཁྱོད་སྡུག་སྨྲ་བའི་གནས་མ་ཡིན། །
ང་ཁྱོད་ང་ཁྱོད་ཟེར་བའི་དུས་མ་ཡིན། །
ཐམས་ཅད་རང་དབང་རང་ཡུལ་བྲལ་མིན་ནམ །

ཕྱི་མཐུན་ནང་མཐུན་རྩ་དོན་ངང་གིས་མཐུན། །
ང་མཐུན་ཁྱོད་མཐུན་སྤྱི་དོན་ལྷན་གྱིས་མཐུན། །
ངོ་མཐུན་ལྐོག་མཐུན་སེམས་པ་གཏིང་ནས་མཐུན། །
འདི་ནི་དགྲ་སྡུག་གཉེན་གྱི་གཞི་མ་ཡིན། །
ཀླུ་མཁར་བྱམས།
༢༠༡༣/༠༨/༡༩ ཉིན་འདོན་སྤེལ་བྱས།
མཉམ་ཞུགས་ཅན་སོགས་ལ་

ཕྱོགས་ཞེན་ཆེ་ས་ནས།
ང་ཚོ་ཕམ་སྲིད་ཀྱང་
བདེན་པ་བརྡར་ས་ནས།
ང་ཚོ་ཕམ་མི་སྲིད།
སྣང་བར་མི་འགྲོ་ན།
ཡུན་གྱིས་ལྟོས་ར་ཆོག
ཀླུ་མཁར་བྱམས།
༢༠༡༣/༠༨/༡༩ ཉིན་འདོན་སྤེལ་བྱས།
མི་ཆུང་ལ་
ཁ་ཡོད་ལག་ཡོད་ཅིག
ཁ་བ་ཅན་ལ་མེད།
ཁ་ཚོད་མཐོང་པོ་ཡང་
ཁ་སང་དེ་རིང་འདིར།
ཁ་ཚ་དགོས་གཏུགས་ཡིན།
མཉམ་ཞུགས
༢༠༡༣/༠༨/༡༨ ཉིན་འདོན་སྤེལ་བྱས།
བསྟན་འཛིན་བརྩོན་འགྲུས་ཀྱི་གནས་སྟངས་ཅི་ཡིན་དང་ཁོ་ལ་ཕམ་ཉེས་བྱུང་ཡོད་མེད་ངས་ཤེས་ཀྱི་མེད།ཁོའི་སྐྱོན་གང་ཡིན་ཡང་ང་ལ་གསལ་བོ་བཤད་རྒྱུ་མེད།ཡིན་ནའང་དོན་གྲུབ་ལྷ་དར་ཟེར་བའི་མི་དེ་དངོས་གནས་འཇོན་ཐང་གང་ཡང་མེད་པ་ཞིག་ལ་ཁ་ཕོ་ཁོ་ལས་ཆེ་བ་ཞིག་བཤད་བསྡད་མཁན་གྱི་མི་ཞིག་ཡིན་པ་སྔོན་མ་ནས་ངས་ཚོར་མྱོང་ལ་སྟབས་ཡག་པ་ཞིག་ལ་དེང་སྐབས་ང་ཙམ་མ་ཡིན་པར་རྡ་སར་མཚོན་པའི་བཙན་བྱོལ་སྤྱི་ཚོགས་དང་ལྷག་པར་གཞི་ལུས་བོད་མི་རྣམས་ཀྱི་ནང་དུའང་ཁོའི་གདོང་རུས་ངོ་མ་ཤེས་མཁན་ཇེ་མང་དུ་འགྲོ་གི་འདུག་ཟེར་བ་ནི་ཧ་ཅང་གི་གནས་ཚུལ་ཡག་པོ་ཞིག་རེད་བསམ་གྱི་འདུག།ཀླུ་དཀར་བྱམས་ཟེར་བ་འདི་ཡང་དོན་གྲུབ་ལྷ་དར་དང་མི་གཤིས་ཧ་ཅང་འདྲ་བའི་མི་ཞིག་ཏུ་མཐོང་གི་ཡོད་ལ་ཁོ་ཡང་དོན་གྲུབ་ལྷ་དར་དང་འདྲ་བར་བོད་མི་སྤྱིས་ཁོའི་རང་གཤིས་ངོ་མ་དེ་གང་མགྱོགས་མཐོང་ཐུབ་པའི་རེ་བ་བྱེད་ཀྱི་ཡོད།མ་ཟད་རྣམ་དཔྱོད་ལྡན་པའི་ང་ཚོ་བོད་གངས་ཅན་པ་རྣམས་ཁོ་ཚོ་ལྟ་བུའི་མིའི་མགོ་སྐོར་འོག་ཏུ་ཚུད་དེ་ལྷག་མི་སྲིད་ཡིད་ཆེ་ཡོད།
ཚེ་རྡོར།
༢༠༡༣/༠༨/༡༧ ཉིན་འདོན་སྤེལ་བྱས།
༢༠༡༣ ལོར་ཕམ་ཉེས་སུ་སོང་བའི་མི་སྣ་ཁག གཞོན་ནུའི་ཚོགས་གཞོན་དོན་འགྲུབ་ལྷ་དར། ངྷ་སའི་ལས་འགུལ་བ་བསྟན་འཛིན་བརྩོན་འགྲུས། དགུ་བཅུ་གསུམ་ཚོགས་གཞོན་ཨ་ཚོགས་ཀླུ་མཁར་བྱམས་གསུམ་ཡིན། དོན་འགྲུབ་ལྷ་དར་ཁོང་སྤྱིར་བཏང་མི་རླུང་རྟ་རྒུད་པ་ཞིག་ཡིན། བོད་ནང་གི་རང་དགོན་དང་། རྒྱ་གར་ནང་ས་ར་མཐོ་སློབ། ནོར་གླིང་། གསོག་སྒར། མཐར་གཞོན་ནུ་ལྷན་ཚོགས་བཅས་སུ་ལབ་གླེང་མང་། བསྟན་འཛིན་བརྩོན་འགྲུས་རྡ་རམ་ས་ལ་ཙམ་མ་རེད་བཙན་བྱོལ་བོད་མི་ཁྱོན་ཡོངས་སུ་ངོས་འཛིན་ཇེ་གསལ་དུ་འགྲོ་བཞིན་ཡོད་ལ་བོད་ནང་དུའང་གླེང་སློང་རེ་ཟུང་འདུག ཨ་ཚོགས་ཀླུ་མཁར་བྱམས་ལ་འདས་པའི་ལོ་ངོ་ལྔ་དྲུག་གོང་ཁོ་རང་གི་ཁ་སྟོབས་དེའི་དབང་གིས་ན་གཞོན་ཚོར་བའི་རྗེས་འབྲང་པ་ཚོའི་ནང་དགའ་མོས་བྱེད་མཁན་རེ་ཟུང་ཡོད་མོད་རིམ་གྱིས་གོ་གནས་ཇེ་དམའ་རུ་སོང་ཡོད་ལ། ན་ནིང་ད་ལོར་རྦད་དེ་མར་ཆགས་ཏེ་དེང་སྐབས་ཁོས་བདེན་པ་ཞིག་བཤད་ཀྱང་ཡིད་ཆེས་མེད་པ་དང་དོ་སྣང་མེད་པ་ཆགས་ཡོད། གནས་ཚུལ་འདི་དག་མཐར་གཏུག་ན་ཧོལ་རྒྱུག་ཆེ་དྲགས་པས་ཡིན་པར་ངོས་འཛིན་མི་བྱེད་ཐབས་མེད་དོ།།
མི་ཆུང་
༢༠༡༣/༠༨/༡༧ ཉིན་འདོན་སྤེལ་བྱས།
སྐྱོབ་ཧམ་པར་བཅོལ།
ཁ་ནས་ཧམ་པ་བཤད།
ལག་གི་སྦར་མཐིལ་ན།
མཛུབ་མི་བཞི་རང་ཡིན།

མི་ཚེ་སྐྱེལ་སྟངས་ཞིག
འཚོ་ཐབས་བཅོལ་སྟངས་ཞིག
དོན་གྱི་མདུན་ས་ན།
ཁ་སྟོང་ཚིག་སྟོང་འགའ།
ཨ་མཆོད་འཇམ་དཔལ་ཚུལ་ཁྲིམས།
༢༠༡༣/༠༨/༡༧ ཉིན་འདོན་སྤེལ་བྱས།
གནད་དོན་དེ་འདྲ་ཞིག་ཡིན་རྒྱུ་རེད།
རིག་པ་འདོན་པ།
རིག་པ་འདོན་ན་ངེས་པར་དུ་དེབ་སྐྱེལ་བྱེད་དགོས།
འདི་ལ་བསྣུན་ཏེ་དེབ་སྐྱེལ་བྱེད་རོགས།