མུན་ནག་དུས་རབས་ཀྱི་མྱོང་བྱང་

འདོན་སྤེལ། ༢༠༡༣/༠༨/༢༥

གཉན་མི།

བོད་མདོ་སྨད་མཛོད་དགེ་ནས་ཡིན་པའི་སྐུ་ཞབས་སྒྲོལ་མ་སྐྱབས་ལ་མི་གསོད་ནག་ཉེས་བཙུགས་ཏེ་སྲོག་ཁྲིམས་བཅད་པའི་གནས་ཚུལ་དང་འབྲེལ་བའི་གནད་དོན་འགའ་ཞིག

ཕྱི་ལོ་ ༢༠༡༣ ཟླ་ ༣ ཚེས་ ༡༣ ཉིན་གྱི་བོད་ནང་གི་དགོང་མོའི་ཆུ་ཚོད་ ༡༡ དང་ཕྱེད་ཀའི་སྟེང་། སི་ཁྲོན་ཆེན་ཞིང་རྔ་པ་ཁུལ་མཛོད་དགེ་རྫོང་སྟག་ཚ་གྲོང་རྡལ་དུ། རང་ལོ་ ༣༠ ཡིན་པའི་བོད་རིཊ་བུད་མེད་དཀོན་མཆོག་དབང་མོ་ཞུ་བ་ཞིག་གིས་རང་ལུས་མེར་བསྲེགས་བཏང་ནས་སྐུ་གྲོངས་པ་རེདཁོང་མོས་རང་ལུས་མེར་བསྲེགས་བཏང་མ་ཐག་མཛོད་དགེ་རྫོང་ས་གནས་ཉེན་རྟོག་པ་མང་པོ་ཞིག་འབྱོར་ཏེ་སྐུ་ཕུང་བཙན་ཁྱེར་བྱས་ཡོད་འདུག་ལ། ཉིན་དེའི་ཕྱི་དྲོར་ཉེན་རྟོག་པས་ཁོ་མོའི་བཟའ་ཟླ་སྒྲོལ་མ་སྐྱབས་འཛིན་བཟུང་དང་། དཀོན་མཆོག་དབང་མོས་རང་སྲེག་བྱེད་དོན་བཟའ་ཚང་ནང་ཁུལ་གྱི་རྙོག་དྲ་ཡིན་པའི་ཁས་ལེན་བྱ་དགོས་པའི་བཙན་བཀའ་བཏང་བར། སྒྲོལ་མ་སྐྱབས་ལཊ་ཀྱིས་ངོས་ལེན་མ་བྱས་སྟབས་ཁོང་ཡང་སྐབས་ཐོག་དེར་འཛིན་བཟུང་བཙན་ཁྲིད་བྱས་ཡོད།

ཉིན་ཤས་སྔོན་དེ་ཟླ་འདིའི་ཚེས་ ༡༥ ཉིན་རྔ་པ་ཁུལ་འབྲིང་རིམ་མི་དམངས་ཁྲིམས་ཁང་གིས། སྒྲོལ་མ་སྐྱབས་ལགས་སུ་ཆེད་དུ་མི་བསད་པའི་ཉེས་མིང་འོག་སྲོག་ཁྲིམས་ཀྱི་ཁྲིམས་ཐག་དང་། ཚེ་གང་ཆབ་སྲིད་ཀྱི་ཁེ་དབང་འཕྲོག་ཡོད་སྐོར་ཁྱབ་བསྒྲགས་བྱས་འདུངས་གནད་དོན་འདིའི་ཐོག་ལ་ཉེ་ཆར་མཛོད་དགེ་རྫོང་ཁོངས་སུ་གནད་དོན་དེའི་ཐོག་ལ་མང་ཚོགས་ཀྱིས་བསམ་ཚུལ་དང་གླེང་ཕྱོགས་ག་རེ་ཡོད་མིན་དངོས་སུ་མཐོང་རྟོགས་བྱུང་མཁན་གྱི་མི་སྣ་འགའ་དང་། དེ་མིན་གྱི་འབྲེལ་ཡོད་འགའ་ཞིག་བརྒྱུད་རྒྱུས་ལོན་བྱས་པའི་གནས་ཚུལ་འགའ་གཤམ་དུ་འགོད་རྒྱུ་ཡིན།

 ༡༽ དཀོན་མཆོག་དབང་མོས་མེར་བསྲེགས་མ་བཏང་བའི་སྔ་ནུབ་ཏུ་རང་གི་ཕ་པ་གཉིས་དང་མཉམ་དུ་དམིགས་བསལ་གྱི་ཟ་མ་ཟོས་ཤིང་། སྐབས་དེར་མོ་རང་གིས་ཕ་མ་གཉིས་ཀྱིས་ཚེ་མཇུག་ལ་སེམས་ཁྲལ་མང་པོ་མི་བྱེད་པར་དགེ་བསྒྲུབ་བྱས་ནས་འདུག་དགོས་པ་དང་། དེང་སྐབས་ས་གནང་གང་སར་བོད་དོན་ཆེན་མི་མང་པོ་ཞིག་གིས་རང་གི་ཚེ་སྲོག་གཏོང་བཞིན་པ་དེ་ཧ་ཅང་རླབས་ཆེན་ཡིན་ང་ཚོའི་ས་ཆ་འདི་ནས་མི་ཚང་མ་རང་གི་ལྟོ་རྒྱབ་ཀྱི་ཆེད་དུ་འབད་པ་ལས། བོད་དོན་ཆེད་གང་ཡང་བྱེད་མི་ཐུབ་པ་དེ་ཧ་ཅང་ཐ་ཆད་རེད་ཅེས་བཤད་འདུ

༢༽ དཀོན་མཆོག་དབང་མོའི་སྤུན་མཆེད་ཅིག་ནག་ཉེས་ཆུང་ངུ་ཞིག་གི་རྐྱེན་གྱིས་བཙོན་དུ་སོང་བ་འབྱོར་རྗེས། མོ་རང་གིས་ཁྱེད་རང་བོད་དོནཆེད་བཙོན་ཁང་དུ་སོང་བ་ཡོང་ན་ངས་དགའ་བསུ་བྱེད་ངེས་པ་དང་། གལ་སྲིད་ཁྱེད་རང་བོད་དོན་ཆེད་མེར་བསྲེགས་བཏང་ན་ངས་མིག་ཆུ་ཡང་མི་གཏོང་། འོན་ཀྱང་ཁྱེད་རང་བྱ་བ་ངན་པའི་རྐྱེན་བྱས་ཏེ་བཙོན་དུ་ཚུད་པ་ཧ་ཅང་ངོ་ཚ་རེད་ཅེས་བཤད་ཡོད་འདུག

༣༽ དཀོན་མཆོག་དབང་མོས་མེར་བསྲེགས་མ་བཏང་བའི་སྔོན་དུ་མོ་རང་གི་གྲོགས་པོ་ཞིག་ལ་ཁ་པར་བཏང་ནས། མོ་རང་གིས་བོད་དོན་ཆེད་མེར་བསྲེགགཏོང་ངེས་པ་ལྟ་བུ་ཞིག་བཤད་ཡོད་འདུག འོན་ཀྱང་གྲོགས་པོ་གཉིས་ཀྱིས་སྐབས་ཐོག་དེར་དེ་ཙམ་དོ་སྣང་སྤྲད་ཡོད་མི་འདུག ཕྱིས་སུ་དཀོན་མཆོག་དབང་མོའི་ནང་མིས་བརྟག་དཔྱད་བྱས་སྐབསམོ་རང་མེར་བསྲེགས་མ་བཏང་བའི་སྔོན་དེར་གྲོགས་པོ་དེ་ལ་ཁ་པར་བཏང་ཡོད་པ་ཤེས་རྟོགས་བྱུང་ཡོད་འདུག

༤༽ དཀོན་མཆོག་དབང་མོམོ་རང་སྡོད་སའི་ཁང་བའི་ར་སྐོར་ནས་ཕྱི་ལ་ཐོན་ཏེ། མཛོད་དགེ་རྫོང་བོད་སྨན་ཁང་གི་ཕྱོགས་སུ་འགྲོ་བའི་གཞུང་ལམ་གྱི་ཟུར་ནས་རང་ལུས་ལ་མེར་སྦར་ནས་སྐད་འབོད་བྱེད་ཞོར་རྒྱུག་ཡོང་གི་ཡོད་པ་ས་གནས་ཡུལ་མི་ཞིག་གིས་ངོས་སུ་མཐོང་འདུག་ཅིང་། ཅུང་མ་འགོར་བར་ཉེན་རྟོག་པ་དང་དམག་མི་མང་པོ་འབྱོར་ནས་མོའི་ལུས་སྟེང་གི་མེ་བསད་དེ་སྐྲ་ནས་བཟུང་སྟེ་དྲུད་སོང་བ་མཐོང་འདུ

༥༽ ཕྱི་ཉིན་སྒྲོལ་མ་སྐྱབས་ཚུད་པའི་ནང་མི་རྣམས་ཀྱིས་མོ་རང་འཚོལ་སྐབས། དངོས་སུ་མཐོང་བའི་མི་དེས་མདང་དགོང་བུད་མེད་ཅིག་གིས་མེར་བསྲེགས་གཏོང་སྐབས་ཉེན་རྟོག་པས་དྲུད་སོང་བ་དང་། མོ་རང་ཁྱི་རོ་བཞིན་དྲུད་ནས་འགྲོ་སྐབས་མགོ་ལྤགས་ཀྱང་བཀོག་འདུག་པ་མ་ཟད། མོ་རང་གི་ལྷམ་ཡ་གཅིག་ཀྱང་ཤུལ་དུ་ལུས་སོང་བས། ཁྱེད་ཅག་གིས་རྩད་གཅོད་བྱོས་ཞེས་བཤད་ཡོད་འདུ

༦༽དེ་རྗེས་ཉེན་རྟོག་པས་དཀོན་མཆོག་དབང་མོའི་ནང་མི་ལ་དཀོན་མཆོག་དབང་མོ་ཡིན་མིན་ངོས་འཛིན་བྱེད་ཆེད་མོའི་ཕུང་བོ་མེ་ལ་མ་བསྲེགས་པའི་སྔོན་དུ་སྐད་བཏང་ནས་ལྟ་རུ་བཅུག་ཡོད་འདུག སྐབས་དེར་དངོས་སུ་མཐོང་མཁན་ཚོས་དཀོན་མཆོག་དབང་མོའི་ལུས་སྟེང་ནས་ཁྲག་བཞུར་ལུགས་དང་། མེས་ཚིག་མཚམས་སུ་ཆུ་ཐུམ་བབ་ལུགས་སོགས་ཀྱི་སྟེང་ནས་མོ་ནི་གསོན་པོར་མོ་རང་གིས་བསྲེགས་པ་ཞིག་ཡིན་པ་གསལ་བོར་མཐོང་ཐུབ་ཡོད་པ་མ་ཟད། གནས་ཚུལ་དངོས་སུ་མཐོང་མཁན་ཞིག་གིས་བཤད་པ་ལྟར། མོ་རང་གི་མགོ་ལྤགས་ཀྱང་བཀོག་ཡོད་འདུག འོན་ཀྱང་མོ་རང་གི་ལྷམ་གཉིས་དེ་རུ་འདུག་པས་ཧ་ལམ་ཁོང་ཚོས་རྗེས་ནས་ཁྱེར་སོང་བ་འདྲ་ཞེས་བཤད།

 ༧༽སྐབས་དེར་ས་ཁུལ་གྱི་གོ་ཁྲིད་ཚོས་དཀོན་མཆོག་དབང་མོའི་ནང་མི་དག་ལ། མོ་རང་གཟའ་ཚང་ནང་ཁུལ་གྱི་དོན་རྐྱེན་གྱི་དབང་གིས་མེར་བསྲེགས་བཏང་བ་ངོས་ལེན་བྱས་ན། ཁྱེད་ཚང་ལ་མི་སྟོང་ལྟ་བུསྒོར་ཁྲི་ ༥༠ ཡན་རག་ངེས་ཡིན་པ་དང་། གལ་སྲིད་དེ་ལྟར་ཁས་མ་བླངས་ཚེ། སྒྲོལ་མ་སྐྱབས་ལ་གནས་ཚུལ་ཇི་འབྱུང་མི་ཤེསཚུལ། ཁོང་གཉིས་ཀྱི་བུ་མོ་ཆུང་ཆུང་དེའི་མདུན་ལམ་ལ་ཡང་ཉེན་ཁ་ཆེན་པོ་ཡོང་སྐོར་སོགས་ཀྱི་སྡིགས་ར་བསྐུལ་འདུག

༨༽ སྒྲོལ་མ་སྐྱབས་བཀག་ཉར་བྱས་པའི་སྐབས་དངོས་སུ་མཐོང་བའི་མི་ཞིག་གིས། བཀག་ཉར་ཁང་དུ་སྒྲོལ་མ་སྐྱབས་ཉིན་གཉིས་གསུམ་རེའི་རྗེས་ལ་ཁྲིད་འགྲོ་བ་དང་། ཚུར་བསླེབས་རྗེས་རོ་འདྲ་བོར་གྱུར་ཏེ་ཁ་ཡང་གྲག་ཐུབ་ཀྱི་མི་འདུག

ཡང་ཉིན་གཉིས་གསུམ་གྱི་རྗེས་དེ་ལྟར་བྱས་ཏེ་ཚད་ལས་བརྒལ་བའི་རྡུང་རྡེག་མནར་གཅོད་གཏོང་གི་འདུག་མོད། ཁོས་ཁས་ལེན་ཅི་ཡང་བྱེད་ཀྱི་མེད་པ་འདྲ་ཞེས་བཤད་འདུག

༩༽འདི་ཟླའི་ཚེས་བཅུ་བཞི་བཅོ་ལྔ་ཡས་མས་ཞིག་ལ་དཀོན་མཆོག་དབང་མོའི་ནང་མིར་སྒྲོལ་མ་སྐྱབས་ལ་ཁྲིམས་ཐག་གཅོད་རྒྱུ་ཡིན་པས་ཁྲིམས་རར་ཡོང་དགོས་ཚུལ་གྱི་བརྡ་ཁྱབ་འབྱོར་ཡོད་འདུག ཁྲིམས་གཅོད་ཀྱི་ཚོགས་འདུའི་སྐབས་ཁྲིམས་ཁང་གིས་སྒྲོལ་མ་སྐྱབས་ཀྱིས་ཁོ་རང་ཉིད་ཀྱིས་ག་རེ་བྱས་ཡོད་མེད་ཐད་སྐད་ཆ་སྔོན་ལ་བཤད་དུ་འཇུག་གི་ཡིན་ཞེས་བཤད་ཡོད་འདུག སྐབས་དེར་སྒྲོལ་མ་སྐྱབས་ཀྱིས་ཁོ་དང་དཀོན་མཆོག་དབང་མོའི་བར་ལ་བཟའ་འཁོན་སོགས་གང་ཡང་བྱུང་མེད་པ་དང། མོ་ནི་མོ་རང་ཉིད་ཀྱིས་མེར་བསྲེགས་བཏང་བ་ཞིག་ཡིན་ཚུལ་བཤད་འདུག

༡༠༽ དེ་ནས་ནང་མི་གཞན་སུར་ཡང་སྐད་ཆ་བཤད་པའི་གོ་སྐབས་སྤྲད་མི་འདུག་པ་མ་ཟད། ཁྲིམས་རར་ཡོད་པའི་སྲིད་གཞུང་གི་གོ་ཁྲིད་ཚོ་ཁོང་ཁྲོ་ཆེན་པོ་ལངས་པའི་རྣམ་འགྱུར་དང་བཅས། དེ་རིང་གི་ལས་དོན་ལམ་འགྲོ་མ་སོང་བས་ད་ཚོགས་འདུ་གྲོལ་རྒྱུ་ཡིན་ཞེས་བཤད་ཡོད་འདུ

འོན་ཀྱང་རྒྱ་ནག་གཞུང་འབྲེལ་ཉིན་རེའི་ཚགས་པར་དང་འབྲེལ་བའི་(global times) གོ་ལའི་དུས་བབ་གཙོས་བའི་བརྒྱུད་ལམ་འགའ་ཞིག་ཏུ་སྒྲོལ་མ་སྐྱབས་ཀྱིས་རང་གི་ནག་ཉེས་ཁས་བླངས་ཟིན་པ་དང་། ཁོང་ལ་སྲོག་ཁྲིམས་དང་ཚེ་གང་ཆབ་སྲིད་ཁེ་དབང་འཕྲོག་པའི་ཁྲིམས་ཆད་བཅད་ཡོད་ཅེས་བསྒྲགས་ཤིང་། ཡང་བརྒྱུད་ལམ་འགའ་ཞིག་ཏུ་སྒྲོལ་མ་སྐྱབས་ལ་ས་གནས་ནས་ཐག་གཅོད་བྱས་ཟིན་ཡང་། མཐའ་མའི་ཐག་གཅོད་ཟི་ཁྲོན་ཞིང་ཆེན་གྱི་ཁྲིམས་ཁང་ག་གེ་མོ་ཞིག་ནས་ཐག་གཅོད་བྱེད་རྒྱུ་ཡིན་ལུགས་ཀྱང་བསྒྲགསའདུག

གང་ལྟར་གནས་ཚུལ་འདི་ནི་རྒྱལ་ཁབ་ཅིག་གི་ཁྲིམས་ལུགས་དེ་དྲང་བདེན་དང་མིའི་ཐོབ་ཐང་སྲུང་སྐྱོབ་བྱེད་པ་ལས་ལྡོག་སྟེ། དྲང་བདེན་མིན་པ་དང་། མིའི་ཐོབ་ཐང་རྡོག་རོལ་གཏོང་བའི་ལག་ཆ་རུ་གྱུར་བའི་མུན་ནག་གི་དུས་རབས་སུ་གནས་པའི་དཔང་རྟགས་དང་དེའི་མྱོང་བྱང་ཡིན་ལ། དེ་ལྟའི་མུན་ནག་གི་དུས་རབས་ནང་དུ་བོད་ཀྱི་ཡུལ་མི་དཀྱུས་མ་ཧ་ཅང་མང་པོ་ཞིག་གིས་དྲང་བདེན་གྱི་ཆེད་དུ་རང་སྲོག་དོར་བའི་མཚོན་རང་བཞིན་གྱི་ལོ་རྒྱུས་ཀྱང་ཡིན་པས། དུས་རབས་ཀྱི་མྱོང་བྱང་དང་མཚོན་དོན་གྱི་ལོ་རྒྱུས་འདི་ཚོ་མ་མཐའ་ཡང་ང་ཚོ་དང་མིའི་རིགས་ཀྱི་ལོ་རྒྱུས་ནང་གནས་དགོས་ཀྱི་རེད།

 

ཤོག་ངོས་འདི་ཐེངས་ ༡༧༩༦ ལ་བཀླགས་འདུག
རིག་པ་འདོན་པ།
རྨེའུ་དཀོན་རྒྱམ།
༢༠༡༣/༠༨/༢༧ ཉིན་འདོན་སྤེལ་བྱས།
བསྟན་ཆོས་ལགས།
ཁྱེད་ཀྱིས་དོ་སྣང་བྱས་པར་དགའ་སོང་། འདིར་དྲ་བྱང་ཞིག་བཞག་ཡོད། དེའི་ནང་དུ་རྒྱལ་གཅེས་པ་ཁོང་གི་སྐོར་གྱི་གནད་ལ་སྨིན་པའི་རྩོམ་ཡིག་དབྱིན་བསྒྱུར་བྱས་ཡོད་པ་ཡོད།

གཤམ་གྱི་དྲ་བྱང་ལ་གཟིགས་རོགས་ཞུ། གལ་སྲིད། ད་རུང་འདིའི་སྐོར་གྱི་དྲི་བ་སོགས་ཡོད་ན། མུ་མཐུད་ནས་འབྲེལ་བ་བྱེད་རོགས་ཞུ།

ད་ནི། འདི་ཙམ་ལས་འཐབ་རྩོད་ཅིག་གང་འདྲ་བྱེད་དགོས་པ་རེད་དམ། ངས་ནི་ང་རང་འཐབ་རྩོད་པ་རྣམ་འགྱུར་བཟུང་ཡོད་རུང་། ངའི་འཐབ་རྩོད་ལ་ནུས་པ་དང་ཁ་ཕྱོགས་གང་འདྲ་ཡོད།

༡༽
https://sites.google.com/site/kungamtimes/save-dolma-kyab-life

༢༽
http://kungam.wordpress.com/2013/08/26/news/

༣༽
https://sites.google.com/site/kungamtibet/china-puts-husband-of-tibetan-self-immolator-on-death-row

བསྟན་ཆོས།
༢༠༡༣/༠༨/༢༧ ཉིན་འདོན་སྤེལ་བྱས།
གཉན་མི་ལགས་བཀའ་དྲིན་ཆེ། དུས་བབ་རྩོམ་ལས་པ་རྣམ་པ། འདི་དབྱིན་ཡིག་དང་རྒྱ་ཡིག་ལ་ཡོད་བདག་ལ་བསྐུར་རོགས་ཞུ། མེད་ན་གང་མགྱོགས་བསྒྱུར་རོགས་ཞུ། tenzin.choegyal15@ gmail.com དབྱིན་རྒྱ་སུས་གང་ནས་རྙེད་ན་བདག་ལ་གང་མགྱོགས་བསྐུར་རོགས་ཞུ། བཀའ་དྲིན་ཆེ།
རྨེའུ་དཀོན་རྒྱམ།
༢༠༡༣/༠༨/༢༦ ཉིན་འདོན་སྤེལ་བྱས།
རྩོམ་པ་པོ་གཉན་མི་ལགས་ཀྱིས་ཐུགས་སྣང་ཆེན་པོའི་ཐོག་ནས་སྒྲོལ་མ་སྐྱབས་ལགས་ཀྱི་གནས་ཚུལ་ཇེ་གསལ་དང་ཕྱོགས་སྡོམ་གནང་བར་བཀའ་དྲིན་ཞུ།

ཉིད་ཀྱི་རྩོམ་ཡིག་གི་ཁ་བྱང་དང་ནང་དོན་གཉིས་ཀ་དེ་ཙམ་མཛའ་མོ་ཞིག་ཡིན་པ་མཐོང་མ་སོང་། དེར་དམིགས་བསལ་གྱིས་རྒྱུ་མཚན་འདྲ་ཡོད་དམ།

གང་ལྟར། དུས་ཐོག་ཏུ་འདི་ལྟ་བུའི་ཕྱོགས་སྡོམ་རང་བཞིན་གྱི་རྩོམ་ཡིག་སྐབས་ཐོག་ཏུ་སྤེལ་དགོས་པ་ནི། འཐབ་རྩོད་ཀྱི་རླབས་རིས་དཀྱིལ་དུ་ཚུད་པའི་རྩོམ་པ་པོ་རྣམས་ཀྱི་སྤྱིར་བཏང་གི་འགན་འཁྲི་ཞིག་མ་རེད་དམ
གཉན་མི།
༢༠༡༣/༠༨/༢༦ ཉིན་འདོན་སྤེལ་བྱས།
རྩོམ་ཡིག་འདིར་ཁ་གསབ་བྱེད་དགོས་པ་ཞིག་ལ། རྒྱ་ནག་གི་གསར་འགྱུར་བརྒྱུད་ལམ་ནང་བཀོད་པ་ལྟར་ན། སྒྲོལ་མ་སྐྱབས་ཆང་གིས་བཟི་ནས་རང་གི་ཆུང་མའི་སྐེ་བགགས་ཏེ་བསད་པ་དང་། དེ་རྗེས་རང་གིས་བསད་པ་གཞན་གྱིས་མི་ཤེས་པའི་ཆེད་དུ་ཁོ་མོའི་ཕུང་བོ་མེ་ལ་བསྲེགས་པ་རེད་ཅེས་བཤད་ཡོད།

དེའི་ཕྱིར་ཕྲན་གྱི་རྩོམ་ཡིག་འདི་རྒྱ་ནག་གིས་ཉེས་འཛུགས་དེ་དང་རྦད་དེ་ལྡོག་ཕྱོགས་སུ་གྱུར་བའི་དངོས་ཡོད་ཀྱི་བྱུང་བ་དང་། འབྲེལ་ཡོད་ས་གནས་ཡུལ་མིའི་བསམ་ཚུལ་དག་ཕྱོགས་བསྡུས་བྱས་པ་ཞིག་ཡིན།
རིག་པ་འདོན་པ།
རིག་པ་འདོན་ན་ངེས་པར་དུ་དེབ་སྐྱེལ་བྱེད་དགོས།
འདི་ལ་བསྣུན་ཏེ་དེབ་སྐྱེལ་བྱེད་རོགས།