དེབ་ཕྲེང་གཉིས་པའི་ནང་དུ་ཐ་སྙད་ ༢༥༠༠ ལྷག་ཡོད།

འདོན་སྤེལ། ༢༠༡༠/༠༧/༢༡

བཙན་བྱོལ་བོད་གཞུང་ཤེས་རིག་ལས་ཁུངས་ཀྱི་བརྡ་ཆད་གཏན་འབེབས་ལས་འཆར་གྱི་འོག་ནས་འདོན་བཞིན་པའི་ཨིན་བོད་ཤན་སྦྱར་གཏན་འབེབས་བརྡ་ཆད་ཀྱི་དེབ་ཕྲེང་གཉིས་པ་ཐོན་ཡོད་འདུག

རྩོམ་སྒྲིག་ཚོགས་ཆུང་གིས་དེབ་ཀྱི་ངོ་སྤྲོད་དུ་ཞུ་སྐུལ་གནང་དོན། བོད་ཀྱི་སྐད་ཡིག་སྨྲ་བ་རྣམས་ཀྱིས་འདིར་གཏན་འབེབས་ཟིན་པའི་བརྡ་ཆད་རྣམས་སྐབས་མ་འཆོལ་བར་གཅིག་གྱུར་བེད་སྤྱོད་ཀྱི་ལམ་ནས་བོད་ཀྱི་སྐད་ཡིག་གི་ངོ་བོ་སོར་གནས་དང་ཡར་རྒྱས་ལ་མཉམ་རུབ་དང་རམ་འདེགས་ཡོང་བའི་རེ་སྐུལ་ཞུས་ཡོད་པ་རེད།

གཞན་ཡང་ངོ་སྤྲོད་ནང་གསུངས་པ་ལྟར་ན། ལས་འཆར་འདི་མགོ་བཙུགས་ནས་བཟུང་ད་བར་དུ། འཛིན་སྐྱོང་དང་དངོས་ཁམས། རྫས་སྦྱོར། གསོ་བ་རིག་པ། སྐར་རྩིས། སྐྱེ་དངོས། རྩི་ཤིང་། ས་དཔྱད་རིག་པ། སེམས་ཀྱི་ཚན་རིག ཨང་རྩིས། ཟློས་གར་དང་རོལ་མོ། ཆ་འཕྲིན་ལས་རིགས་དང་ལག་རྩལ་སོགས་ཀྱི་བརྡ་ཆད་ཟིན་བྲིས་སུ་བཏབ་ཟིན་པ་རྣམས་བརྒྱུད་རིམ་ངེས་ཅན་ཁག་བརྒྱུད་བཞིན་པའི་ཁོངས་ནས། མཐའ་མའི་གཏན་འབེབས་ཀྱི་དུམ་བུ་དང་པོར་རིག་ཚན་དྲུག་སྟེ། འཛིན་སྐྱོང་དང་། དངོས་ཁམས། རྫས་སྦྱོར། གསོ་རིག སྐར་རྩིས། རྩི་ཤིང་བཅས་ཀྱི་ཤེས་བྱའི་ཁྱབ་ཁོངས་སུ་གཏོགས་པའི་ཐ་སྙད་གྲངས་ཆིག་སྟོང་ལྔ་བརྒྱ་ཙམ་ཡོད་པའི་དེབ་ཕྲེང་དང་པོ་ ༢༠༠༨ ལོར་འགྲེམས་སྤེལ་ཟིན་ཞིང་། ད་རེས་དེབ་ཕྲེང་གཉིས་པ་འདིར་ཡང་ཕལ་ཆེ་བ་གོང་གསལ་རིག་ཚན་ཁག་དང་འབྲེལ་བའི་བརྡ་ཆད་མ་གཏོགས་སྡེ་ཁག་བཞི་ཙམ་ནས་ཁས་ལེན་ཞུས་པ་ལྟར་ལག་བསྟར་མ་ཐུབ་པ་བྱུང་། རིག་ཚན་གཞན་རྣམས་ཀྱི་ཐ་སྙད་རྣམས་རང་རང་གི་ཐུན་མོང་མ་ཡིན་པའི་བརྡ་ཆད་ཡིན་པའི་བརྡ་ཆད་ཁོ་ནར་ངེས་ཀྱང་། ཆབ་སྲིད་དང་རྩིས། ཁྲིམས། ཚོང་ལས་སོགས་ཀྱི་བརྡ་ཆད་སྤྱོད་གོ་ཆེ་བ་ཁག་འཛིན་སྐྱོང་གི་ཚན་པའི་ཁོངས་སུ་འདུས་ཡོད་ཟེར།

བེད་སྤྱོད་དང་བདག་ཉར་སྟབས་བདེའི་ཆེད་དེབ་ཕྲེང་དང་པོ་ཡོངས་རྫོགས་འདིར་ཟླ་སྒྲིལ་བཏང་ཡོད་འདུག

རྩོམ་སྒྲིག་པ་ཨཙའརྱ་ཀརྨ་སྨོན་ལམ་ལགས་ཀྱིས་འདི་ག་གསར་ཁང་ལ་བཤད་པ་ལྟར་ན། དེབ་ཕྲེང་གཉིས་པ་འདིའི་ནང་ཁྱོན་སྡོམ་ཐ་སྙད་གསར་པ་ ༢༥༠༠ ལྷག་ཡོད་ཟེར།

གསར་འགྱུར་སྤེལ་མཁན། ལུང་རིགས་རྒྱལ།

ཤོག་ངོས་འདི་ཐེངས་ ༡༠༣༣ ལ་བཀླགས་འདུག

རིག་པ་འདོན་པ།

བྱ་གཞུང་དཔལ་རྡོར།
༢༠༡༠/༠༧/༢༥ ཉིན་འདོན་སྤེལ་བྱས།

ཐ་སྙད་བོད་ནང་དང་བསྟུན་དགོས་ཞེས་བཤད་པ་དེ་རྒྱུ་མཚན་ཅུང་ཙམ་ཡོད་ཀྱང་། ཡིན་ནའང་བསྒྱུར་གཞིའི་སྐད་ཡིག་ལ་བརྟེན་ནས་ཅུང་མ་འདྲ་བ་ཡོང་བ་ཆོས་ཉིད་ཡིན། མཚམས་རེར་རྒྱ་ཡིག་དང་དབྱིན་ཡིག་གི་འགྱུར་གཞིའི་གོ་དོན་ལ་ཁྱད་པར་ཆེན་པོ་ཡོད། དེ་འདྲའི་སྐབས་སུ་ང་ཚོས་རང་ཉིད་ཀྱི་བསྒྱུར་གཞིའི་གོ་དོན་ལ་བསྟུན་པ་དེ་རྒྱུ་མཚན་ལྡན་པ་ཡིན། དེ་ལྟར་ཡོང་གི་ཡོད་མེད་བསྒྱུར་མཁན་ཚོས་ཧ་གོ་གི་རེད། དཔེར་ན། དབྱིན་ཇིའི་དཔེ་དེབ་བམ་ཐ་སྙད་སྐོར་ཞིག་བོད་ཡིག་ལ་འགྱུར་བའི་བོད་ཡིག་གི་འགྱུར་མ་དེ་གཞི་ལ་བཞག་ནས་སྐད་ཡིག་གསུམ་པ་ཧིན་དུ་ནང་བསྒྱུར་བ་དེ་དང། དབྱིན་ཡིག་གི་དཔེ་དེབ་དེ་གཞི་ལ་བཞག་ནས་ཧིན་དུ་ནང་བསྒྱུར་བ་གཉིས་ལ་ཁྱད་པར་ཆེན་པོ་ཡོད་པ་རེད། དེར་བརྟེན་དབྱིན་ཇི་ནས་བོད་ཡིག་ལ་བསྒྱུར་མཁན་ཚོས་རྒྱུ་མཚན་ལ་ལྟོས་བ་མེད་པར་བོད་ནས་ཡིན་པའི་ཐ་སྙད་ཡིན་ན་ཚད་མར་བཟུང་དགོས་ཀྱི་མེད་ལ།་དེ་ནི་རྒྱུ་མཚན་ཞིག་ཀྱང་ག་ལ་ཡིན། དེར་བརྟེན་འདིའི་ཐད་ཀྱི་དཀའ་ངལ་དེ་དག་སེལ་དགོས་ན་བོད་རྒྱ་དབྱིན་གསུམ་ལ་མཁས་པ་ཙམ་དུ་མ་ཟད། ཁྱད་ལས་ཕྱོགས་ལ་རྒྱུས་ཡོད་ཡིན་དགོས་པ་རེད། དེས་ན་བཙན་བྱོལ་ནང་དང་བོད་ནང་གང་ནས་ཀྱང་མི་དེ་འདྲ་མི་གཅིག་ཀྱང་སྟོན་རྒྱུ་མེད། དེར་བརྟེན་རང་གི་ཐུབ་ཚོད་ཅིག་བྱེད་རྒྱུ་ལས་མེད་པ་རེད། ཁ་ནས་བཤད་ན་སླ་ཡང། ལག་ལ་བཞག་ན་ལྐུག་པ་ཡིན་ཟེར་བ་རེད། དངོས་གནས་དེའི་སྐོར་གྱི་གནད་དོན་དེ་སེལ་འདོད་ཡོད་ན་དཀའ་ལས་རྒྱུན་རིང་པོ་ཞིག་རྒྱག་དགོས་པ་ལས། དེ་རིང་བརྗོད་གཞི་གསར་བ་ཞིག་ཡོང་ན་ཧོབ་ཏེ་དེར་འཇུས། སང་ཉིད་ཡང་གཅིག་སླེབས་ན་དེ་ལའང་རང་གིས་འཁྱོག་ཚད་ཅིག་བཤད། འདི་ལྟར་བྱས་ན་ང་ཚོར་ཅི་ཞིག་ཡོང་རྒྱུ་ཡོད་དམ། ངས་རེ་བ་ཡིན་ན་མཚམས་རེར་དུས་བབ་ཟིན་བྲིས་ནང་ལ་ཡོང་ནས་མིག་བཤེར་རེ་བྱེད་རྒྱུ་དང། དེ་མིན་གཙོ་བོ་ནི་རང་གི་སློབ་སྦྱོང་བྱེད་རྒྱུ་ལ་འབད་ན་རིགས་སོ།

བྱ་གཞུང་དཔལ་རྡོར།
༢༠༡༠/༠༧/༢༥ ཉིན་འདོན་སྤེལ་བྱས།

བོད་ནང་གི་མཁས་པ་ཁ་ལ་ཁྱེར་ནས་རང་ཉིད་མཁས་མདོག་མ་སྟོན། ཐ་སྙད་སྐོར་རྩོད་པ་རྒྱག་འདོད་ན་དང་པོ་དེའི་ནང་གི་ཐ་སྙད་རྣམས་ཀྱི་ཁྱད་ལས་ཕྱོགས་ཀྱི་གོ་དོན་དང་འབྱུང་ཁུངས་ཚང་མ་བློ་ལ་ངེས་པར་གྱིས། དེ་ནས་བསྒྱུར་བའི་ཐ་སྙད་འབྱོར་མིན་ལ་བརྟག་རྗེས་བསམ་ཚུལ་བཤད་ན་མཛེས་བ་ཡིན།་

བྱ་གཞུང་དཔལ་རྡོར།
༢༠༡༠/༠༧/༢༥ ཉིན་འདོན་སྤེལ་བྱས།

ཐ་སྙད་གཅིག་གྱུར་བྱེད་དགོས་ཟེར་ན་གང་འདྲ་ཞིག་ལ་གོ་བ་རེད་དམ། ཐ་སྙད་མི་འདྲ་བ་ཅུང་མང་པོ་ཞིག་ཡོད་ན་གཞི་ནས་ཐ་སྙད་དེ་དག་ལས་གང་ཞིག་འབྱོར་མིན་ལ་བགློ་གླེང་བྱས་ཏེ་གཏན་འབེབས་བྱེད་པ་ལས་ཐ་སྙད་གསར་བ་མི་འདྲ་མང་པོ་མེད་ན་ཐ་སྙད་གཅིག་གྱུར་ཡོང་ཤེས་ཀྱི་མ་རེད། དེར་བརྟེན་ད་དུང་བོད་ཕྱི་ནང་གཉིས་ཐ་སྙད་གཅིག་གྱུར་བྱེད་པའི་དུས་ཚོད་ལ་སླེབས་མེད་པར་ཐ་སྙད་གསར་བཟོ་བྱེད་པའི་སྒང་ཡིན། ཐ་སྙད་ཀྱི་འདེམས་ཀ་ཅུང་མང་ཙམ་ཡོད་སྐབས་གཞི་ནས་གཅིག་གྱུར་བྱེད་དགོས། གོང་གི་དྲ་གྲོགས་ཚོས་དབྱིན་དང་ཨིན་ལྟ་བུ་དང། ཀམ་པུ་ཊར་དང་རྩིས་འཁོར་ཟེར་བ་ལྟ་བུའི་རྒྱུན་ལྡན་གྱི་ཐ་སྙད་ཁ་ཤས་སྐོར་བ་བརྒྱབ་ནས་གླེང་གི་འདུག ཡིན་ནའང་ཐ་སྙད་གསར་བཟོ་ནི་དེ་ལས་ཧ་ཅང་རྒྱ་ཆེ་བ་ཞིག་ཡིན། དཔེར་ན། ཤེས་ལས་ཀྱི་ཐ་སྙད་གཏན་འབེབས་ནང་དུ་དངོས་ཁམས་རིག་པ་དང། རྫས་འགྱུར། སྐྱེ་དངོས། ས་ཁམས། རྩིས་རིག། གནམ་རིག་བཅས་ཕྱོགས་མང་པོ་ཞིག་ནས་བསྒྱུར་ཡོད་པས་ཞིབ་ཏུ་བརྟག་དགོས་པ་རེད། དེའི་ནང་གི་ཐ་སྙད་མང་ཆེ་ཤོས་ང་ཚོའི་ཟིན་བྲིས་པ་ཚོས་ཧ་གོ་བ་ཕར་ཤོག དྲི་མའང་སྣུམ་མྱོང་མེད་པ་ཤ་སྟག་རེད། དངོས་གནས་དྲང་གནས་དེའི་སྐོར་ལ་བཤད་འདོད་ཡོད་ན་ཞིབ་འཇུག་རྒྱ་ཆེན་པོ་ཞིག་བྱེད་དགོས་པ་རེད། དེ་མིན་ཁ་ལ་ཐོན་ཚད་ཅིག་གི་གང་ཡང་ཡོང་གི་མ་རེད། རྟག་པར་ང་ཚོས་གློག་ཀླཡིགཞད་དང་རྩིས་འཁོར། དབྱིན་ཇི་དང་ཨིན་ཇི། རིག་གཞུང་དང་ལེགས་བྱང་སོགས་སྤྱིར་བཏང་གི་ཐ་སྙད་སྐོར་ཞིག་ཁྱེར་ཡོང་ནས་ཐ་སྙད་གཅིག་གྱུར་བྱེད་ཐུབ་ཀྱི་མ་རེད་ལགས། ལྷག་པར་དུ་ཤེས་ལས་ཀྱི་ཐ་སྙད་གཏན་འབེབ་བྱེད་མཁན་གཙོ་བོ་ཀརྨ་སྨོན་ལམ་ཟེར་བ་དེ་ལོ་མང་པོར་ཡིག་སྒྱུར་ཐད་ལ་ཉམས་མྱོང་ཆེན་པོ་ཡོད་པ་ཞིག་ཡིན་པ་ཤེས་པར་གྱིས།

རིག་འཛིན།
༢༠༡༠/༠༧/༢༥ ཉིན་འདོན་སྤེལ་བྱས།

བོད་ནང་ནས་བཟོ་བཞག་པའི་ཐ་སྙད་གསར་པ་དག་དང་མཐུན་པར་ཤོག་

འཇམ་དཔལ་རྣོན་པོ།
༢༠༡༠/༠༧/༢༣ ཉིན་འདོན་སྤེལ་བྱས།

བོད་ནང་གི་རྒྱ་བོད་དབྱིན་གསུམ་གྱི་མིང་མཛོད་ལྟ་བུར་མཚོན་ན་ཐ་སྙད་གཅིག་ཁྲི་ལྷག་ཅིག་ཡོད་པས་ཚིག་རེ་ཟུང་གི་མཚོན་ཐུབ་ཀྱི་མ་རེད།

འཇམ་དཔལ་རྣོན་པོ།
༢༠༡༠/༠༧/༢༣ ཉིན་འདོན་སྤེལ་བྱས།

ཇིང་སྲས་མིག་གསུམ་པ་ལགས། ༼མིང་ཚིག་ཁ་ཤས་ལ་ཨུ་ཚུགས་ཚད་ནས་འགྲོ་མི་དགོས་ཀྱི་འདུག་བསམ་བྱུང་།༽ཟེར་བ་འདི་ཕྱོགས་གཅིག་ནས་བཤད་ན་བདེན་པ་རེད། དཔེར་ན་དབྱི་ཇི་ཡི་གེ་དང་། དབྱིན་ཇི་ཟེར་བའི་ཐ་སྙད་འདི་སྔར་ནས་བོད་ལ་རླུང་ལྟར་དུ་གྲགས་ཟིན་པ་ཞིག་རེད། ཡང་བསྐྱར་འདི་ལ་ཨིན་ཇི་ཞེས་གསར་འགྱུར་ཞིག་བྱས་དགོས་པའི་རྒྱུ་མཚན་ཅི་ཞིག་འདུག ངས་བལྟས་ན་འདི་རིགས་རང་དགར་ལོ་ཙཱ་བའི་ཁྱད་ཆོས་འདོན་འདོད་ཀྱི་གྲགས་འདོད་ཙམ་ཞིག་མ་གཏོགས་ལྷག་བསམ་རྣམ་དག་ཅིག་མིན་པ་ཚོད་དཔག་བྱེད་ཀྱིན་ཡོད། བོད་ནང་གི་མཁས་པ་རྣམས་ཀྱི་ལྷག་བསམ་རྣམ་དག་གི་ཐོག་བོད་ཀྱི་རིག་གཞུང་ལ་ཞབས་ཞུ་སྒྲུབ་འདོད་གཅིག་པུ་ལས་གཞན་པའི་དམིགས་ཡུལ་གང་ཡང་མེད་པ་གསལ་བོ་རེད་ལ། བོད་ཆོལ་ཁ་གསུམ་གྱི་མཁས་དབང་མང་པོའི་བགྲོ་གླེང་དཔྱད་བརྡུར་ཡང་ཡང་བྱས་ཏེ་གཏན་ལ་ཕབས་པ་རེད། དེར་བརྟེན་ཚིག་རེ་རེ་ལ་ཡང་དགོས་པ་དང་རྒྱུ་མཚན་རྣམ་དག་རེ་བཤད་ཀྱི་ཡོད་པ་རེད།
ལར་ནས་སྔོན་བྱོན་བོད་ཀྱི་མཁས་པ་རེ་རེ་ལ་གསུང་འབུམ་པོད་བཅུ་ཕྲག་མང་པོ་ཡོད་ཅིང་ཚིག་དོན་གཉིས་ཀའི་ཆ་ནས་ཁྱད་ཆོས་མང་དུ་ཡོད་རེད། དེང་སང་བཙན་བྱོལ་ནང་ལྟ་བུ་ལ་མཚོན་ན་མི་མང་པོའི་ཚོགས་པ་བཙུགས་ཏེ་ཧིན་སྒོར་ས་ཡ་མང་པོའི་འགྲོ་སོང་བཏང་བའི་མཐར་དེབ་རེ་ཟུང་སྟོན་རྒྱུ་ཡོད། ལ་ལ་དེ་ཡང་སྟོན་རྒྱུ་མེད་པ་ལྟ་བུ་རེད། དྲང་མོ་བཤད་ན་བཙན་བྱོན་ནང་གི་རྩོམ་ཡིག་མང་ཆེ་བ་ལྟོ་ཕོག་དང་འཚོ་བའི་དོན་དུ་ལས་ཀ་བྱས་པ་ཆགས་བསྡད་འདུག

གངས་ལྷ་མེ་ཏོག
༢༠༡༠/༠༧/༢༣ ཉིན་འདོན་སྤེལ་བྱས།

བོད་གཞུང་ཤེས་རིགས་ལས་ཁུང་ནི་དོན་དངོས་ཐོག་བོད་སྤྱི་ལ་བསམ་བློ་གཏང་གྱི་ཡོད་ན་བདག་གི་དྲན་སོང་། གང་ཡིན་ཟེར་ན། ཉེ་སྔོན་བོད་ནས་རྒྱ་བོད་དབྱིན་གསུམ་གྱི་བོད་ཀྱི་ཐ་སྙད་གསར་པའི་དེབ་ཞིག་བཙན་འབྱོར་ནང་འབྱོར་ཡོད་ན་ཡང་། ཤེས་རིགས་ལས་ཁུངགིས་ཨིན་བོད་ཤན་སྦྱར་གཏན་འབེབས་བརྡ་ཆད་ཞེས་པའི་དཔེ་དེབ་དེ་ནི་བོད་ནང་ནས་འགྲེམ་སྤེལ་བྱས་པའི་དཔེ་དེབ་དེ་དང་འགྲན་བསྡུར་བྱས་རྒྱུ་རེད། ཡིན་ན་ཡང་དཔེ་དེབ་དེ་ཡི་མིང་ལ་བརྗོད་བདེ་མོ་ཞིག་དང་། སྤྱི་སྐད་ཞིག་དང་མི་མཚུང་པའི་ཐ་སྙད་ཞིག་ཀྱང་བཀོད་འདུག གང་ལགས་ཞེ་ན། ཨིན་ཞེས་བརྗོད་ན་དེང་སང་མིང་མཛོད་ཕལ་མོ་ཆེ་དང་མི་མཐུན་པར་ཞིག་གྱུར་ཡོད།

ཇིང་སྲས་མིག་གསུམ་པ།
༢༠༡༠/༠༧/༢༣ ཉིན་འདོན་སྤེལ་བྱས།

མིང་ཚིག་ཁ་ཤས་ལ་ཨུ་ཚུགས་ཚད་ནས་འགྲོ་མི་དགོས་ཀྱི་འདུག་བསམ་བྱུང་།
དཔེར་ན། གློག་ཀླད་ལ་རྩིས་འཕྲུལའམ་ཡང་ན་འཕྲུལ་ཆས།
ཁ་པར་ལ་བརྡ་འཕྲིན་འམ་ཡང་ན་བརྡ་འཇོག་སོགས།
དེ་ལྟར་སྔོན་མ་ནས་བསྒྱུར་ཚར་བའི་མིང་ཚིག་དེ་དག་ལ་ཨུ་ཚུགས་ཀྱིས་ཡང་ནས་བསྐྱར་དུ་བསྒྱུར་ན་སློབ་མཁན་དང་ཁྲིད་མཁན་སུ་ཡིན་རུང་་དཀའ་ངལ་འཕྲད་མི་སྲིད་པ་མ་རེད།

ཀརྨ་རྡོ་རྗེ།
༢༠༡༠/༠༧/༢༣ ཉིན་འདོན་སྤེལ་བྱས།

རྩོམ་བྲིས་པའི་ཆེད་བརྗོད་རྩིས་ཆས་ཉེ་འགྲམ་གྱི་རྩིས་འཕྲུལ་འཁྲུལ་ནང་ལ་ལ་ལེགས་བྱང་དང་འཚོ་དབུགས་ཉམས་པའི་རྐྱེན་གྱིས་འབྲས་ནད་སྐྲན་ཁྱབ་འཕེལ་ཕྱིན་པའི་སྐོར་མཐོ་སློབ་ཁང་གིས་གསལ་བསྒྲགས་གནང་འདུག

ད་ཚར་ཅིག་ཀློགས་དང་། ཚིག་མཛོད་མེད་ནའང་། མི་གོ་བ་ཅི་འདུག

ཀརྨ་རྡོ་རྗེ།
༢༠༡༠/༠༧/༢༣ ཉིན་འདོན་སྤེལ་བྱས།

དབྱིན་ཨིན་ཚིག་གཉིས་མང་དྲགས་འདུག་གསུངས་པ་བདེན་ཡང་། དབྱིན་ཚིག་བོད་ནས་གསར་བཟོ་དང་ཨིན་ཚིག་ཕྱི་ནས་གསར་བཟོས་ཀྱིས་འགྲན་རྩོད་ཟེར་བ་མི་འཐད་དེ། དབྱིན་ཚིག་༧རྒྱལ་དབང་སྐུ་ཕྲེང་༡༣པའི་སྐབས་ད་ལྟའི་བར་བེད་སྤྱད་པ་སྤྱི་མཚུངས་ཡིན་པ་དང་། དབྱིན་ཞེས་ཡི་གེ་དྲུག་གི་ཚབ་ལ་ཨིན་ཞེས་ཡི་གེ་འབྲུ་གསུམ་གྱིས་འཐུས་པ་དང་། ༧གོང་ས་༡༤པའི་སྐབས་ཀྱི་བོད་རིགས་རྣམས་ཨིན་སྐད་མཁས་པ་དང་བོད་སྐད་སློབ་ཚུལ་ལའང་མཁས་པས་ཨིན་ཚིག་ཅེས་བྲིས་པ་འཐད་པར་སེམས།

བཟོད་པ་ལྷ་རྩེ།
༢༠༡༠/༠༧/༢༣ ཉིན་འདོན་སྤེལ་བྱས།

བོད་ནང་དང་བཙན་བྱོལ་སྤྱི་ཚོགས་གཉིས་ཀྱི་བར་འགྲན་རྩོད་ཧ་ཅང་ཆེ་བས་བོད་ནང་དུ་ཐ་སྙད་གསར་པ་ཞིག་སྟོན་ན་དེའི་རྗེས་སུ་བཙན་བྱོལ་ནང་དུ་ཐ་སྙད་གསར་པ་ཞིག་སྟོན་པ་དང་།

བཙན་བྱོལ་ནང་སྤྲུལ་སྐུ་ཞིག་ངོས་འཛིན་བྱས་ན་དེའི་རྗེས་སུ་བོད་ནང་དུ་ཡང་སྤྲུལ་སྐུ་ཞིག་ངོས་འཛིན་བྱེད་པ་སོགས་ནི་རྒྱུན་ལྡན་ཞིག་གི་གནས་ཚུལ་རེད།
དེ་སྔ་བོད་ནས་དབྱིན་བོད་ཞེས་པའི་ཐ་སྙད་ཞིག་སྤེལ་ཡོད་ཀྱང་། ད་རེས་བཙན་བྱོལ་གཞུང་ནས་ཨིན་བོད་ཀྱི་ཐ་སྙད་གསར་པ་ཞིག་གནང་ཡོད།

དེ་གཉིས་དོན་གཅིག་མིང་གི་རྣམ་གྲངས་ལྟ་བུ་ཞིག་ལ་ངོས་འཛིན་གནང་མཆོག་ཀྱང། དེ་འདྲ་མང་གྲགས་ན་བོད་ཀྱི་སྐད་ཡིག་ལ་ཕན་པ་ལས་གནོད་པའི་རྐྱེན་དུ་གྱུར་སྲིད་པས་གཅིག་འགྱུར་གྱི་ཐ་སྙད་བཟོ་འགྱུར་འབད་རྩོན་གནང་དགོས་སམ།

དེ་མིན་ད་ལྟ་བོད་ཡིག་ཐོག་བོད་ཕྲུག་རྣམས་མགོ་བོ་ན་ནས་དཀའ་ངལ་ཞིག་ཕྲད་བཞིན་པར་སོང་དགོངས་པ་ངེས་པར་བཞེས་དགོས་འདུག

ཀརྨ་རྡོ་རྗེ།
༢༠༡༠/༠༧/༢༢ ཉིན་འདོན་སྤེལ་བྱས།

རྩོམ་བྲིས་པའི་ཆེད་བརྗོད་རྩིས་འཕྲུལ་འཁྲིས་ཀྱི་རྩིས་ཆས་ནང་ལ་ལེགས་བྱང་དང་འཚོ་དབུགས་ཉམས་པའི་རྐྱེན་གྱིས་འབྲས་ནད་སྐྲན་ཁྱབ་འཕེལ་ཕྱིན་པའི་སྐོར་མཐོ་སློབ་ཁང་གིས་གསལ་བསྒྲགས་གནང་འདུག

oxygen འཚོ་དབུགས།
culture རིག་གཞུང་། ལེགས་སྦྱངས།
editorial ཆེད་བརྗོད།
college མཐོ་རིམ་སློབ་གྲྭ
cancer འབྲས་ནད་སྐྲན།
computer འཕྲུལ་ཆས།
culculator = རྩིས་ཆས།

དྲང་སྲོང་།
༢༠༡༠/༠༧/༢༢ ཉིན་འདོན་སྤེལ་བྱས།

དྲ་གྲོགས་འགའ་རེའི་འདིར་བོད་ནང་གི་ཐ་སྙད་དང་བཙན་བྱོལ་བའི་ཐ་སྙད་འདོགས་སྟང་སོར་ཡིན་པའི་ཚིགས་ཁ་ཤེས་རེ་བྲིས་འདུག འོན་ཀྱང་ད་དུས་རྗེས་ལོན་བྱེད་མ་ཐུབ་པའི་ཆ་མང་པོ་ཞིག་མཐོང་།
བོད་ནང་ལའང་མདོ་དབུས་ཁམས་གསུམ་གྱི་ས་ཆར་ཐ་སྙད་མི་འདྲ་མང་པོ་ཡོད་པ་དང་། བཙན་བྱོལ་གཤོལ་བོད་པའི་སྐད་ལ་ཡང་དེ་བཞིན་དུ་ཐ་སྙད་འདྲ་མིན་སྣ་ཚོགས་བེད་སྤྱོད་བྱེད་བཞིན་པ་རེད།
འོན་ཀྱང་ཐ་སྙད་གསར་བཟོ་བྱེད་སྐབས་ཅི་ཡང་མི་ཤེས་པའི་བླུན་པོ་རྣམས་ཀྱིས་སར་སོང་ནས་ཧིན་སྒོར་༣༠ རེད་སྤྲད་དེ་ཐ་སྙད་ཉོས་ནས་དེ་ཕྱོགས་བསྒྲིགས་ཕྱེད་པ་འདི་ནི་བོད་གཞུང་ཤེས་རིག་ལང་ཁུང་གི་འགྲོ་ལུགས་རེད།
བོད་ནང་ལ་མཚོན་ན་བོད་མདོ་དབུས་ཁམས་གསུམ་གྱི་མཁས་པ་རྣམས་ཚོགས་ནས། ཐ་སྙད་གསར་པའི་འབྱུང་ཁུངས་ཤེས་པའི་སྒོ་ནས་རྒྱུ་མཚན་བཙལ་ཞིང་དགག་དགོས་སོ་སོར་བྱེས་དེ་ཐ་སྙན་མིང་མཛོད་སོགས་བསྒྲིག་ཀྱིན་ཡོད།
གང་ལྟར་ཡང་ཐ་སྙད་གསར་པ་དེ་ཚོ་ལ་དཔྱད་ཞིབ་ལེགས་པོ་མ་བྱས་པར་གང་བྱུང་མ་བྱུང་བྲིས་ན་མ་འོངས་པའི་བོད་ཀྱི་ཤེས་རིགས་དང་གཅིག་འགྱུར་ལ་གནོད་པ་ཧ་ཅིང་ཆེ་བས་ཐུགས་གཟབ་གནང་རོགས།

ཅོ་རི་ཉི་མ།
༢༠༡༠/༠༧/༢༢ ཉིན་འདོན་སྤེལ་བྱས།

བོད་གཞུང་ཤེས་རིག་ལས་ཁུངས་ལ་བཀའ་དྲིན་ཆེ་ཞུ་རྒྱུ་དང་ཐ་སྙད་གསར་པ་གཏན་འབེབས་བྱས་པ་རྣམས་བོད་ཕྱི་ནང་གཉིས་ཀའི་ངེས་པ་ཏུ་བརྩི་འཇོག་བྱེད་དགོས་ཀྱི་རེད་སྙམ།

བོད་གཞུང་ཤེས་ལས་ཁུངས་ཀྱིས་གཏན་འབེབས་བྱས་པ་རྣམས་བོད་ཕྱི་ནང་གཉིས་ཀྱི་བོད་རིགས་རྒྱ་ཆེན་མི་དམངས་ཀྱིས་ཁས་ལེན་དགོས་པར་མ་གཏོགས་ང་རང་ཚོའི་བོད་མི་རིགས་ཀྱི་ཆེད་དུ་བཙན་བྱོལ་བོད་གཞུང་ལས་ལྷག་པ་སུ་ཡང་མེད།

བོད་གཞུང་ཤེས་རིག་ལས་ཁུངས་ཀྱི་གཏན་འབེབས་བྱས་པའི་ཐ་སྙད་གསར་པ་རྣམས་ཡག་པོ་བྱུང་ཡོད་ན་རེད། མེད་ནའང་རེད། ང་རང་ཚོའི་བོད་གཞུང་ཤེས་རིག་ལས་ཁུངས་ལ་འཇོན་སྟངས་དང་ཤེས་ཚོད་འདི་ལས་མེད་པ་རེད།

བཙན་བྱོལ་ཕེབས་ནས་མི་ལོ་ལྔ་བཅུ་འགྲོ་ཚར་བ་རེད། ཡིན་ནའང་ད་ལྟ་བར་དུ་བོད་མི་རིགས་ཀྱི་རིག་གནས་ལ་ཕུགས་རྒྱང་རིང་པོའི་བསམ་བློ་བཏང་མ་ཐུབ་པ་རེད།

བཙན་བྱོལ་བོད་གཞུང་ཤེས་རིག་ལས་ཁུགས་ཀྱིས་ངོས་ནས་གཏན་འབེབས་བྱས་ཟིན་པ་རྣམས་རིན་མེད་ཐོག་ཀམ་པུང་དྲའི་རྒྱུད་ནས་བེད་སྤྱོད་བྱེད་ཐུབ་པ་ཞིག་གནང་ན་རྒྱལ་ཁབ་༣༧་ནང་དུ་ཁ་འཐོབ་གནས་པའི་བོད་མི་ཚོའི་ཀྱང་ཐ་སྙད་གསར་པའི་དཔེ་དེབ་དེར་མཇལ་ཐུབ་ངེས་རེད།

དེ་ལྟར་མ་ཡིན་པར་དཔེ་དེབ་གཅིག་དཔར་བསྐྲུན་བྱས་ནས་རིན་གང་མཐོ་ཙམ་བྱ་ནས་ཙོང་རྩིས་ཡིན་ན་ཡག་པོ་མ་རེད། རིན་མེད་ཐོག་ཏུ་བོད་མི་རྣམས་ཀྱི་བེད་སྤྱོད་གཏོང་ཐུབ་པ་ཞིག་ངེས་པ་ཏུ་བཟོ་དགོས་ཀྱི་རེད་འདོད།

དེ་མིན་དེབ་གཟུགས་སུ་བཀོད་ནས་བཞག་པ་ཡིན་ན་འཛམ་གླིང་ཐོག་ཏུ་བོད་ཡིག་ལ་དུང་ཞེན་ཟབ་པའི་བོད་མི་རྣམས་ཀྱིས་དེབ་དེར་རག་པ་ལ་ཡང་ལོ་གཅིག་གཉིས་ཙམ་རེ་འགོག་འགྲོ་གི་རེད་སྙམ།

བཀའ་དྲིན་ཆེ་ཤེས་རིག་ལས་ཁུངས།

ཀརྨ་རྡོ་རྗེ།
༢༠༡༠/༠༧/༢༢ ཉིན་འདོན་སྤེལ་བྱས།

བཙན་བྱོལ། calculator
བོད་ནང་། culculator = རྩིས་ཆས།

བཙན་བྱོལ། computer ཀམ་པུ་ཊར།
བོད་ནང་། computer འཕྲུལ་ཆས།

བཙན་བྱོལ། cancer འབྲས་ནད།
བོད་ནང་། cancer

བཙན་བྱོལ། Academic ཤེས་ཡོན་གྱི།
བོད་ནང་། Academic

བོད་ནང་། academy གཙུག་ལག་སློབ་ཁང་།
བོད་ནང་། academy སློབ་གླིང་།

བཙན་བྱོལ། college མཐོ་རིམ་སློབ་གྲྭ
བོད་ནང་། college སློབ་གླིང་།

བཙན་བྱོལ། editorial རྩོམ་སྒྲིག་པའི་གཏམ།
བོད་ནང་། editorial ཆེད་བརྗོད།

བཙན་བྱོལ། culture རིག་གཞུང་། ལེགས་སྦྱངས།
བོད་ནང་། culture

བཙན་བྱོལ། oxygen
བོད་ནང་། oxygen འཚོ་དབུགས།

ཤོག་གྲངས་: [༡] ༢ ༣ [རྗེས་མ།]

རིག་པ་འདོན་པ།
རིག་པ་འདོན་ན་ངེས་པར་དུ་དེབ་སྐྱེལ་བྱེད་དགོས། འདི་ལ་བསྣུན་ཏེ་དེབ་སྐྱེལ་བྱེད་རོགས།