བོད་མི་ཡིན་པའི་ཚོར་སྣང་ལོཊ་སུ་བཞག་སྟེ་ཉམས་ཞིབ་དྲང་མོ་བྱ་དགོས།

འདོན་སྤེལ། ༢༠༡༢/༠༢/༡༥

དེ་རིང་སྔ་དྲོར་བཀའ་ཤག་ཐོག་ཁང་དུ་དབུས་བོད་མིའི་སྒྲིག་འཛུགས་དམངས་གཙོའི་ཀ་བ་གསུམ་གྱི་མཛད་གཙོ་རྣམ་པ་དབུ་བཞུགས་ཐོག་བོད་ཀྱི་བྱུས་ཉམས་ཞིབ་ཁང་སྒོ་འབྱེད་མཛད་སྒོ་ཚོགས་ཡོད་ཅིང་ མཛད་སྒོའི་སྟེང་བཀའ་ཁྲི་བློ་བཟང་སེང་གེ་མཆོག་གིས་བོད་ཀྱི་སྲིད་བྱུས་ཉམས་ཞིབ་ཁང་གི་ལས་དོན་བྱེད་ཕྱོགས་སྐོར་ལམ་སྟོན་གནང་སོང་

དེ་རིང་སྔ་དྲོའི་ཆུ་ཚོད་ ༩།༣༠ སྟེང་བཀའ་ཤག་གསར་པའི་ཐོག་ཁང་དུ་བཀའ་ཁྲི་བློ་བཟང་སེང་གེ་མཆོག་གིས་གཙོས་པའི་དམངས་གཙོའི་ཀ་བ་གསུམ་གྱི་མཛད་གཙོ་རྣམ་པ་དང་། རང་དབང་ཅན་གྱི་སྡེ་ཚན་ཁག་གི་འགན་འཛིན་རྣམ་པ། ལྷན་ཁང་ཁག་གི་དྲུང་ཆེ་རྣམ་པ། དེ་བཞིན་ཆེད་དུ་གདན་འདྲེན་ཞུས་པའི་རིགས་གཅིང་རྐང་འཛིན་དང་ཆེད་ལས་ཉམས་ཞིབ་པ་ཁག་གཅིག བོད་ཀྱི་སྲིད་བྱུས་ཉམས་ཞིབ་ཁང་གི་ལས་བྱེད་རྣམ་དང་གསར་འགོད་པ་བཅས་མི་ ༧༠ ཙམ་ལྷན་བཞུགས་ཐོག བཀའ་ཁྲི་མཆོག་གིས་སྣང་གསལ་མར་མེ་ཞལ་ཕྱེས་ཤིང་སྲིད་བྱུས་ཉམས་ཞིབ་ཁང་གསར་འཛུགས་ཀྱི་མཚན་བྱང་སྒོ་འབྱེད་གནང་རྗེས། བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་ཐུབ་བསྟན་བསམ་འཕེལ་ལགས་ཀྱིས་ཉམས་ཞིབ་ཁང་གི་དགོས་པ་དམིགས་ཡུལ་སྐོར་ངོ་སྤྲོད་གནང་པ་ལྟར་ན། བཀའ་ཤག་གི་དགོངས་བཞེད་ལྟར་འབྱུང་འགྱུར་ལོ་ རིང་བཀའ་ཤག་གི་སྲིད་བྱུས་ཉམས་ཞིབ་ཆེད་གསར་འཛུགས་བྱས་པ་ཞིག་དང་ ཉམས་ཞིབ་ཁང་གི་ལས་དོན་ནི་བོད་ཀྱི་གནད་དོན་སྤྱི་དང་བཙན་བྱོལ་བོད་མིའི་སྤྱི་ཚོགས་ཀྱི་གནས་སྟངས། དེ་བཞིན་མི་མང་གི་བསམ་ཚུལ། བོད་མིའི་འཕྲཕུགས་ཀྱི་དཀའ་ངལ་སོགས་ལ་ངོས་འཛིན་དང་གདོང་ལེན་བྱ་ཕྱོགས་བཅས་ལ་བསམ་ཞིབ་གྲོས་བསྡུར་གནང་ཆེད་བཙུགས་པ་ཞིག་ཡིན་འདུག ཐུབ་བསྟན་བསམ་འཕེལ་ལགས་ཀྱིས་ བོད་ཀྱི་སྲིད་བྱུས་ཉམས་ཞིབ་ཁང་གི་ངོས་ནས་དམིགས་ཡུལ་ཅི་བཞིན་བཀའ་ཤག་ལ་ཐུགས་ཕནསོས་པའི་རེ་བ་དང་ཡིད་ཆེས་བྱེད་ཀྱི་ཡོད། བཀའ་ཤག་ལ་ཐུགས་ཕན་གསོ་ཕྱིར་ཉམས་ཞིབ་ཁང་གི་ལས་བྱེད་ཚང་མ་མཉམ་རུབཐོག་ལས་དོན་ལ་ཧུར་ཐག་བྱ་རྒྱུའི་ཆོད་སེམས་ཡོད།ཅེས་བརྗོད་སོང་

དེ་བཞིན་བོད་ཀྱི་སྲིད་བྱུས་ཉམས་ཞིབ་ཁང་གི་དྲུང་འཕར་བློ་བཟང་ལགས་ཀྱིས་བདེ་སྲུང་ཉམས་ཞིབ་ཀྱི་ཐོག་མའི་བྱུང་རིམ་དང་འབྲེལ་ལས་དོན་སྒྲུབ་ཕྱོགས་སྐོར་ངོ་སྤྲོད་གནང་པ་ལྟར་ན། རྒྱ་ནག་གིས་བོད་བཙན་འཛུལ་བྱས་རྗེསབོད་ནང་གི་གནས་ཚུལ་ཕྱི་ལོགས་ནས་ཤེས་རྟོགཧ་ཅང་དཀའ་བའི་གནས་བབ་འོག བོད་ནང་གི་གནས་ཚུལ་ལ་རྒྱུས་ལོན་དང་ འཛམ་གླིང་རྒྱལ་ཁབ་ཁག་གིས་བོད་དོན་ཤེས་རྟོགས་གཏོང་ཐབས་སུ་ ༡༩༧༣  ལོའི་ཟླ པར་བཀའ་ཤག་གིས་བོད་འབྲེལ་ཉམས་ཞིབ་དང་བོད་གནས་ཉམས་ཞིབ་ཆེད་འཛུགས་གནང་ཡོད་པ་དང་  ༡༩༧༥ ཟླ་ ནང་ནས་ཉམས་ཞིབ་སྡེ་ཚན་དེ་གཉིས་བདེ་སྲུང་ལས་ཁུངས་འོག་ཟླ་སྒྲིལ་གྱིས་ད་སྔ་བདེ་སྲུང་ཉམས་ཞིབ་ཏུ་གྱུར་ཡོད་ཅིང་ ཉམས་ཞིབ་ཁང་གིས་བོད་དང་རྒྱ་ནག་གི་རླུང་ཕྲིན་དང་བརྙན་འཕྲིན། དྲ་རྒྱ། རྩོམ་ཡིག རྒྱ་གཞུང་གི་ཡིག་ཆ་སོགས་ལ་ལྟ་ཉན་ཀློག་གསུམ། བོད་སྒྱུར་སོགས་བྱས་ཏེ་དཔྱད་གཞིའི་ཡིག་ཆ་མཁོ་བསྡུ། དཔེ་དེབ་ཕྱོགས་སྒྲིག ཉམས་ཞིབ་ཀྱི་དེབ་དང་ཡིག་ཆ་རིགས་གང་མང་པར་འགྲེམས་རིགས་བྱས་ཡོད་འདུག

བཀའ་ཁྲི་བློ་བཟང་སེང་གེ་མཆོག་གིས་བོད་ཀྱི་སྲིད་བྱུས་ཉམས་ཞིབ་ཁང་གི་ལས་དོན་བྱེད་ཕྱོགས་སྐོར་ལ་བཀའ་སློབ་ལམ་སྟོན་གནང་དོན།  རྒྱལ་ཁབ་དང་སྒྲིག་འཛུགས་གང་འདྲ་ཞིག་ཡིན་པ་དེར་ལས་འཆར་དང་སྲིད་བྱུས་གཏན་འབེབབྱ་རྒྱུར་བློ་འདོད་པ་དང་ཉམས་ཞིབ་པ་གལ་ཆེན་པོ་ཡིན་པ་དང་ འབྱུང་འགྱུར་ལོ་ དང་ ༥༠ ནང་རྒྱ་ནག་དང་ཨ་རིའི་འབྲེལ་བ་གང་འདྲ་ཆགས་རྒྱུ་ཡིན་མིན། རྒྱ་ནག་དང་ཡུ་རོབ་བར་གྱི་འབྲེལ་ལམ་གང་འདྲ་ཆགས་རྒྱུ་ཡིན་མིན། དེ་དག་གིས་བོད་ནང་གི་གནས་ཚུལ་ལ་འགྱུར་ལྡོག་ག་རེ་བཟོ་མིན་སོགས་ཀྱི་ཐད་སྔོན་དཔག་བྱ་རྒྱུར། འདས་པའི་ལོ་རྒྱུས་དང་ད་ལྟའི་གནས་བབ་ལ་སློབ་སྦྱོང་དཔྱད་ཞིབ་ལེགས་པོ་བྱས་ཏེམ་འོངས་པར་སྔོན་དཔག་བྱ་<དགོས་པ་དང་ དེ་འདྲའི་དཔྱད་ཞིབ་ཀྱི་སྔོན་དཔག་གིས་སྲིད་བྱུས་དང་ལས་འཆར་སྒྲིག་རྒྱུར་སྔོན་དུ་འགྲོ་ཐུབ་པ་ཞིག་དང་ལམ་སྟོན་བྱ་ཐུབ་པ་ཞིག་ཆགས་ཡོང་གི་རེད།  གལ་སྲིད་ལམ་སྟོན་བྱ་མ་ཐུབ་ཀྱང་ཉེན་ཁ་གང་འདྲ་འཕྲད་ཉེན་ཡོད་པའི་རིགས་རྟོགས་ཐུབ་ངེས་པ་ཞིག་བྱ་དགོས་པ་དང་ བོད་ཀྱི་སྲིད་བྱུས་ཉམས་ཞིབ་ཁང་འདིས་བོད་ནང་གི་ཆབ་སྲིད་དང་ཁོར་ཡུག་སོགས་གནད་དོན་རེ་རེ་བཞིན་གཏིང་ཟབ་པོའི་ཐོག་ནས་ཞིབ་འཇུག་ཅིག་བྱ་ཐུབ་པ་ཡིན་ན། བཀའ་ཤག་དང་གྲོས་ཚོགས་ནང་གི་སྲི་ཞུ་བ་ཚོར་བསམ་ཚུལ་བརྗེ་ལེན་བྱ་རྒྱུར་ཕན་ཐོགས་འབྱུང་རྒྱུའི་རེ་བ་བཟུང་ཡོད་པར་གསུངས་སོང་

བཀའ་ཁྲི་མཆོག་གིས་མུ་མཐུད་གསུང་དོན།  ཉམས་ཞིབ་ཁང་ལ་འཆར་གཞི་ཆེན་པོ་དང་སྒྲིག་གཞི་གཏིང་ཟབ་པོ་ཞིག་ཡོད་པ་ཙམ་གྱིས་འགྲིག་གི་མེད་པ་དང་ གཙོ་བོ་ཉམས་ཞིབ་པ་སྤུས་ཚད་ལྡན་པ་དགོས་རྒྱུ་གལ་ཆེན་པོ་ཡིན་པ་ཙམ་མ་ཟད། ཁོང་གི་རེ་བར་བོད་ཀྱི་སྲིད་བྱུས་ཉམས་ཞིབ་ཁང་འདི་གངས་སྐྱིད་ར་བའི་ནང་གི་ཀླད་པ་དཀྲུག་ས་ཞིག་(Intelectual house) ཆགས་ཐུབ་པ་བྱ་རྒྱུ་དེ་ཡིན་པར་གསུངས་སོང་ལ། ཉམས་ཞིབ་བྱེད་ཕྱོགས་སྐོར་ལ་ཁོང་གིས་ང་རང་གི་ལོ ༡༦ ཙམ་གྱི་ཉམས་ཞིབ་ཀྱི་ཉམས་མྱོང་ལ་གཞིགས་ན། སྤྱིར་དཔེ་དེབ་མང་པོ་ཡོད་རེད་ལ། དགེ་རྒན་གྱི་བཀའ་སློབ་ལམ་སྟོན་ཀྱང་ཡོད་རེད། འོན་ཀྱང་ ཉམས་ཞིབ་དངོས་དེ་སོ་སོས་དེབ་ཀློག་སྟེ་ཞིབ་འཇུག་བྱེད་སྐབས་དང་ ལྷག་པར་དུ་ཉམས་ཞིབ་ཀྱི་རྩོམ་ཡིག་འབྲི་སྐབས་ད་གཟོད་ཉམས་ཞིབ་ཀྱི་རིན་ཐང་རྟོགས་ཡོང་གི་རེད།ཅེས་བརྗོད་སོང་ལ། དེ་བཞིན་ཉམས་ཞིབ་ཀྱི་རྩོམ་ཡིག་འབྲི་སྐབས་ཁུངས་ལྡན་ཐོག་ནས་བསྒྲུབ་དགོས་པ་ལས། ཉམས་ཞིབ་སྐབས་རང་ཉིད་བོད་མི་ཡིན་པའི་ཚོར་སྣང་དེ་ལོགས་སུ་ཞག་སྟེ་ཞིབ་འཇུག་བྱ་དགོས་པ་རེད། བདེན་པ་གང་ཡོད་པ་རྣམས། ཁུངས་སྐྱེལ་ཐུབ་པར་བྱ་རྒྱུ་དེ་ཉམས་ཞིབ་པ་དག་གི་འགན་ཡིན་པར་གསུངས་སོང་

མཐར་བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་ཐུབ་བསྟན་བསམ་འཕེལ་ལགས་སུ་བཀའ་འདྲི་ཞུས་པ་ལྟར་ན། བོད་ཀྱི་སྲིད་བྱུས་ཉམས་ཞིབ་ཁང་གི་ཉམས་ཞིབ་པ་ཕལ་ཆེ་བ་དེ་སྔའི་བདེ་སྲུང་ཉམས་ཞིབ་ཁང་གི་ཉམས་ཞིབ་པ་རྣམས་ཡིན་པ་དང་ དེ་བཞིན་ཕྱི་དྲིལ་ལས་ཁུངས་ཀྱི་འགྲོ་བ་མིའི་ཐོབ་ཐང་ཚན་པ་དང་ ཁོར་ཡུག་ཚན་པ། ཡིག་སྒྱུར་ཚན་པ། རྒྱ་ཡིག་ཚན་པ། ཕྱི་དྲིལ་བོད་གནས་ཉམས་ཞིབ་ཚན་པ་བཅས་ཀྱང་ཚུད་ཡོད་འདུག འོན་ཀྱང་ ད་ལྟའི་ཆར་ལས་ཁུངས་དམིགས་བསལ་མེད་པར་སྡེ་ཚན་སོ་སོའི་འོག་གནས་ཡོད་འདུག ཉམས་ཞིབ་ཁང་གི་འཆར་གཞི་ལྟར་ན། རྗེས་ཕྱོགས་བོད་དང་རྒྱ་གར། ཕྱི་རྒྱལ་སོགས་ཀྱི་ཆེད་མཁས་པ་ཁག་གདན་ཞུས་ཀྱིས་ཟླ་རེར་མཁས་པའི་བགྲོ་གླེང་དང་ ཟླ་ རེའི་ནང་བགྲོ་གླེང་བ་མང་ཙམ་རེ་གདན་ཞུས་བགྲོ་གླེང་ ལོ་རེའི་ནང་མཁས་པའི་བགྲོ་གླེང་ཚོགས་ཆེན། དེ་བཞིན་བོད་རིགས་འབུརམས་པ་ཚོ་དང་མཉམ་དུ་བགྲོ་གླེང་དང་བསམ་ཚུལ་ཉམས་མྱོང་སྤེལ་རེ་སོགས་བྱ་འཆར་ཡོད་འདུག

གསར་འགོད་པ། བནྡེ་སྐྱབས།

ཤོག་ངོས་འདི་ཐེངས་ ༡༦༥༧ ལ་བཀླགས་འདུག
རིག་པ་འདོན་པ།
ཁ་བཏགས་དཀར་པོ།
༢༠༡༢/༠༣/༠༢ ཉིན་འདོན་སྤེལ་བྱས།
༄། ད་ལྟ་བར་ང་ཚོའི་ཉམས་ཞིབ་ནི་ཡིག་ཆ་འགའ་ཤས་ཕབ་བསྒྱུར་ཙམ་ལས། གཞན་གྱི་ཉམས་ཞིབ་ལྟར་འཛིན་སྐྱོང་དང་འབྲེལ་བའི་མི་སྣ་ཚོར་ཆབ་སྲིད་དཀའ་སྙོམས་ཀྱི་དགོས་མཁོའི་ཡིག་ཆ་མཁོ་འདོན་ཙམ་མ་ཟད་བསམ་བློའི་དབྱེ་ཞིབ་ལམ་སྟོན་ཐུབ་ཀྱི་མེད་པར་སོང་། ད་ཐེངས་སྲིད་བྱུས་ཉམས་ཞིབ་ཁང་གསར་པ་འདིར་སྤྱི་ཚོགས་སྟེང་གི་ཤེས་ཡོན་ལྡན་ཚད་མཐོའི་མི་སྣ་གདན་ཞུས་ཀྱི་དེ་ལྟར་ཡོང་བའི་རེ་བ་ཞུ་གི་ཡོད།
དམར་ཁ་ཚ།
༢༠༡༢/༠༢/༡༦ ཉིན་འདོན་སྤེལ་བྱས།
འཆར་གཞི་ཅི་ཙམ་ཡོད་ཀྱང་ལག་ལེན་ལ་ཐུག་ཡོད་པ་རེད། ད་བར་འཆར་གཞི་བཏོན་པ་རེད་ལ་ད་དུང་ཡང་འཆར་གཞི་གླེང་བ་འདིའི་མིང་ལ་འཆར་གཞིའི་ནང་ནས་རྒས་ཟེར་བ་རེད་གོ་སོང་ངམ།


ཤིང་ལོ།
༢༠༡༢/༠༢/༡༥ ཉིན་འདོན་སྤེལ་བྱས།
རྣམ་དཔྱོད་རྩལ་དུ་བཏོན།།
མདོ་དོན་གང་དུ་བཞག།
གཟི་བརྗིད་ཙམ་ཞིག་ལས།།
རི་བོང་རྭ་ཡིན་པཱ།།
རིག་པ་འདོན་པ།
རིག་པ་འདོན་ན་ངེས་པར་དུ་དེབ་སྐྱེལ་བྱེད་དགོས།
འདི་ལ་བསྣུན་ཏེ་དེབ་སྐྱེལ་བྱེད་རོགས།