གཞོན་ནུའི་རང་བཙན་ལྟ་བ་དང་རང་བཙན་ཚོགས་འདུའི་དཀའ་རྙོག

འདོན་སྤེལ། ༢༠༡༣/༠༥/༡༠

བོད་ཀྱི་གཞོན་ནུ་ལྷན་ཚོགས་ཀྱི་རང་བཙན་ལངས་ཕྱོགས་ལ་འགྱུར་བ་གཏོང་དགོས་མིན་དང་ངྷ་སར་རང་བཙན་ཚོགས་འདུ་སྐོང་མིན་ཐོག་ས་གནས་ཁག་ཏུ་དགོངས་ཚུལ་སྣ་ཚོགས་འབྱུང་བཞིན་ཡོད་འདུག

ཉེ་བའི་ལོ་འགའི་ནང་བོད་རང་བཙན་དང་དབུ་མའི་ལམ་གྱི་སྐོར་ལ་བཙན་བྱོལ་བོད་མིའི་སྤྱི་ཚོགས་ཁྲོད་གླེང་སློང་ཤུགས་ཆེ་རུ་འགྲོ་བཞིན་ཡོད་པ་དང་། ལྷག་པར་དུ་༧གོང་ས་མཆོག་གིས་ས་ལུ་སྒར་དུ་བཀའ་རྡོར་སྒང་གསུམ་མི་མང་ལ་དབུ་མའི་ལམ་གྱི་བྱུང་རིམ་དང་གྲུབ་འབྲས་སྐོར་ལ་བཀའ་སློབ་གནང་རྗེས། བོད་ཀྱི་གཞོན་ནུ་ལྷན་ཚོགས་ཀྱི་ས་གནས་ཁག་ཏུགཞོན་ནུའི་རང་བཙན་ལངས་ཕྱོགས་ལ་མ་འོངས་པར་འགྱུར་བ་གཏོང་དགོས་མིན་དང་། ངྷ་རམ་ས་ལར་དབུས་གཞོན་ནུའི་གོ་སྒྲིག་འོག་རང་བཙན་ཚོགས་འདུ་ཞིག་བསྡུ་སྐོང་གནང་འཆར་ཡོད་པ་དེ་ཕྱིར་འཐེན་བྱེད་དགོས་མིན་བཅས་ཀྱི་ཐོག་བསམ་ཚུལ་སྣ་ཚོགས་འབྱུང་བཞིན་ཡོད་འདུག

གནས་ཚུལ་འབྱོར་གསལ་ལྟར་ན། དབུས་བོད་ཀྱི་གཞོན་ནུ་ལྷན་ཚོགས་ཀྱིས་ཕྱི་ཟླ་ ༥ པའི་ཚེས་ ༢༣ ། ༢༤ ། ༢༥ བཅས་ཉིན་གསུམ་རིང་བཞུགས་སྒར་ངྷ་རམ་ས་ལར། རྒྱལ་སྤྱི་རང་བཞིན་གྱི་རང་བཙན་ཚོགས་འདུ་ཞིག་ཚོགས་འཆར་ཡོད་པ་དེ་ཕྱིར་བསྡུ་བྱས་ཡོད་འདུག་པ་དང་། ལོ་ལྟར་གཞོན་ནུའི་ཚོགས་ཆེན་དེ་ཕྱི་ཟླ་བརྒྱད་པ་དགུ་བའི་ནང་འཚོགས་བཞིན་ཡོད་ཀྱང་། འདི་ལོའི་ཚོགས་ཆེན་དེ་ཕྱི་ཟླ་ ༥ པའི་ཚེས་ ༢༦ ཉིན་ངྷ་སར་འཚོགས་རྒྱུ་ཡིན་འདུག ད་རེབ་ཚོགས་འདུའི་སྟེང་སྐབས་བཅོ་ལྔ་པའི་དབུས་སྤྱི་ཁྱབ་རྒྱུན་ལས་རྣམས་འོས་འདེམས་བྱ་རྒྱུ་ཡིན་འདུག

ཧུན་སུར་ས་གནས་གཞོན་ནུའི་རྒྱུན་ལས་ཚེ་དབང་བསྟན་འཛིན་ལགས་ཀྱིས་གནང་ཚུལ་ངོ་སྤྲོད་གནང་བ་ལྟར་ན། ཉེ་ལམ་ཕྱི་ཟླ་ ༤ ཚེས་ ༡༧ ཉིན་རྒྱ་གར་ལྷོ་ཕྱོགས་སྦེལ་ཀོབ་ལུགས་ཟུང་བསམ་འགྲུབ་གླིང་དང་དང་བདེ་སླར། མོན་གྷོ། ཧུན་སུར། ཀོ་ལི་སྒར་བཅས་ཀྱི་ས་གནས་གཞོན་ནུའི་རྒྱུན་ལས་ ༣༠ ཙམ་སྦེལ་ཀོབ་ཏུ་ཚོགས་འདུ་ཚོགས་ཏེ་གྲོས་ཆོད་དོན་ཚན་ ༢ བཞག་ཡོད་པ་ལས། དང་པོ། ཕྱི་ཟླ་ ༥ཚེས་ ༢༣ ཉིན་ངྷ་རམ་ས་ལར་དབུས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག་རང་བཙན་ཚོགས་འདུ་ཞིག་འཚོགས་འཆར་ཡོད་པ་དེ་ཕྱིར་འཐེན་བྱ་དགོས་པ་དང་། གཉིས་པ། ཉིན་བཅུའི་ནང་ཚུན་དུ་དབུས་གཞོན་ནུའི་ཛ་དྲག་གི་ཚོགས་འདུ་ཞིག་སྐོང་དགོས་པ་བཅས་བཞག་ཡོད་འདུག

ངྷ་རམ་ས་ལའི་ས་གནས་གཞོན་ནུས་འདི་ག་གསར་ཁང་ལ་གནས་ཚུལ་བཏང་འབྱོར་ལ། ཕྱི་ཟླ་ ༤ ཚེས་ ༢༦ ཉིན་རྒྱ་གར་བྱང་ཕྱོགས་ཁུལ་གྱི་ངྷ་རམ་ས་ལ་དང་ལྡི་ལི། སིམ་ལ། ཅོང་ངྷ་ར་བཅས་ས་གནས་ ༤ ཡི་གཞོན་ནུའི་རྒྱུན་ལས་ ༩ ཙམ་ངྷ་རམ་ས་ལར་ཚོགས་ཏེ། གྲོས་གཞི་གཉིས་ཀྱི་ཐད་སྤྱི་མོས་གྲོས་ཚོད་དོན་ཚན་དགུ་བཞག་ཡོད་པ་ལས། གྲོས་གཞི་དང་པོ་༧གོང་ས་མཆོག་གིས་ལ་དྭགས་དང་ས་ལུ་སྒར་སོགས་སུ་བཀའ་སློབ་བསྩལ་བའི་ཐད། ༧གོང་ས་མཆོག་ནས་དམིགས་དཀར་གྱིས་གཞོན་ལྷན་གྱི་རང་བཙན་གཙང་མའི་ལངཕྱོགས་ལ་འགྱུརབ་གཏོང་དགོས་པའི་བཀའ་སློབ་ཕེབས་མྱོང་མེད་སྟབས་གཞོན་ལྷན་ནས་རང་བཙན་གྱི་ལྟ་བ་དང་ལངཕྱོགས་བརྟན་པོར་འཛིནདགོསཔ་དང་ གཞོན་ལྷན་གྱིས་རང་ཉིད་ཀྱི་ལྟ་བ་ལངས་ཕྱོགས་བརྟན་པོར་འཛིན་དགོས་ཀྱང་མཁྲེགས་བཟུང་མ་བྱས་པར་དབུ་མའི་ལམ་གྱི་ལངས་ཕྱོགས་ལ་གུས་བརྩི་ཞུ་དགོས་ཚུལ་སོགས་བཀོད་འདུག

གྲོས་གཞི་གཉིས་པ་རང་བཙན་ཚོགས་འདུ་འཚོགས་དགོས་མིན་ཐད། གཞོན་ལྷན་གྱིས་ ༢༠༡༠ ཚོགས་ཆེན་སྐབས་གལ་ཆེན་དོན་ཆེར་བཞག་པའི་གྲོས་ཆོད་འོག རྒྱལ་སྤྱི་རང་བཞིན་ལྡན་པའི་རང་བཙན་ཚོགས་འདུ་ཞིག་གཞོན་ལྷན་གྱིས་གོ་སྒྲིག་ཞུ་གཏན་འཁེལ་བར་བརྟེན། བར་ལམ་རྒྱལ་སྤྱིའི་གྲོང་ཁྱེར་ཆེ་བ་འགར་སྔོན་འགྲོའི་ཚོགས་ཆེན་ཐེངས་ ༤ ཚོགས་རྗེས་རིང་མིན་ཟླ་འདིའི་ཕྱི་ཚེས་ ༢༣ ནས་ཉིན་གསུམ་རིང་རྒྱལ་སྤྱི་རང་བཞིན་ལྡན་པའི་ཚོགས་འདུ་འཚོགས་རྒྱུ་དེ་འཆར་གཞི་ལྟར་འཚོགས་ཐུབ་པ་གནང་གལ་ཆེ་བ་དང་། ༧གོང་ས་མཆོག་གིས་གཞོན་ལྷན་མིང་འབོད་གནང་སྟེ་ཐུགས་ཕམ་བྱུང་པའི་བཀའ་སློབ་ཕེབས་པ་གཞོན་ལྷན་གྱིས་གལ་ཆེར་རྩིས་ཐོག གཞོན་ལྷན་གྱི་ལངས་ཕྱོགས་འཛིན་སྟངས་དང་ལས་འགུལ་སྤེལ་ཕྱོགས་སོགས་ལ་ནོར་འཁྲུལ་ཤོར་ཡོད་མེད་བསྐྱར་ཞིབ་གནང་གལ་ཆེ་བས་ངེས་པར་དུ་ཛ་དྲག་ཚོགས་འདུ་ཞིག་སྐོང་གལ་ཆེ་བ་སོགས་བཀོད་འདུག

ཁ་པར་བརྒྱུད་རྒྱ་གར་ལྷོ་བྱང་བདེ་སྐྱིད་གླིང་ས་གནས་གཞོན་ནུའི་ཚོགས་གཙོ་ཀརྨ་ཆོས་གྲགས་ལགས་སུ་བཅར་འདྲི་ཞུས་དོན་ལྟར་ན། ཕྱི་ཟླ་ ༤ ཚེས་ ༢༦ ཉིན་རྒྱ་གར་ལྷོ་བྱང་བདེ་སྐྱིད་གླིང་དང་སྤོན་ཊ། པུ་རི་ཝ་ལཱ། ཧ་པར་པུར། མཱ་སུ་རི། རཱ་ཇི་པུར། ཚེ་རིང་དོན་ལྡན་གླིང་བཅས་ས་གནས་ ༧ གྱི་གཞོན་ནུའི་རྒྱུན་ལས་ ༡༦ ཙམ་བདེ་སྐྱིད་གླིང་དུ་ཚོགས་ཡོད་པ་དང་། ཚོགས་འདུ་དེའི་ཐོག་རིང་མིན་ངྷ་རམ་ས་ལར་འཚོགས་འཆར་གྱི་རང་བཙན་ཚོགས་འདུ་དེ་ཕྱིར་འགྱངས་བྱེད་དགོས་པའི་འབོད་སྐུལ་གྲོས་ཆོད་གཅིག་བཞག་ཡོད་འདུག

ས་གནས་གསར་འགོད་པའི་གནས་ཚུལ་བཏང་འབྱོར་ལྟར་ན། ཕྱི་ཟླ་ ༥ ཚེས་ ༥ ཉིན་ཨ་རིའི་ནེའུ་ཡོག་དང་ནེའུ་ཇིར་སེ་ས་གནས་གཞོན་ནུའི་ཚོགས་འདུ་ཞིག་བསྐོངས་ཏེ་བསམ་ཚུལ་བསྡུས་ཡོད་འདུག སྐབས་དེར་གཞོན་ནུ་ལྷན་ཚོགས་ཐོག་གླེང་ཕྱོགས་འདྲ་མིན་ཡོང་གི་ཡོད་པ་དང་མི་མང་གི་རྒྱབ་སྐྱོར་ཇེ་ཞན་དུ་འགྲོ་བཞིན་ཡོད་པ་ནི། གཞོན་ནུས་རང་བཙན་བརྩད་པའི་རྒྱུ་མཚན་གྱིས་བྱུང་བ་ཞིག་མིན་པར། འདོགས་ཁྱི་ལྟ་བུའི་མི་ངན་མི་རེ་ཟུང་གིས་གཞོན་ནུའི་སྡིངས་ཆ་སྤྱད་དེ། ༧གོང་ས་མཆོག་དང་བོད་གཞུང་ལ་ཁ་གཏོང་གི་ཡོད་པ་དེས་གཞོན་ནུར་མིང་ཆལ་ཕོག་གི་ཡོད་པ་དང་། མི་སྒེར་དང་ཚོགས་སྡེ་སུ་ཞིག་ཡིན་རུང་དམིགས་འབེན་རྒྱ་ནག་ལ་བཟུང་ནས་རྩ་དོན་རྩོད་དགོས་པ་ལས་༧གོང་ས་མཆོག་དང་བོད་གཞུང་གི་ཁ་གཏད་དུ་ལངས་བསྡད་ན་དེར་མང་ཚོགས་ཀྱིས་རྒྱབ་སྐྱོར་མི་བྱེད་པ། རང་སྐྱོང་ལྗོངས་ཟེར་པ་དང་དབུ་མའི་ལམ་གཉིས་ལ་ཁྱད་པར་མཐོང་གི་མེད་སྟབས་གཞོན་ནུའི་ངོས་ནས་རང་བཙན་དོར་མི་རུང་བའི་སྐོར་སོགས་ཀྱི་བསམ་ཚུལ་བྱུང་ཡོད་འདུག

མཇུག་ཏུ་ནེའུ་ཡོག་ས་གནས་གཞོན་ནུའི་ཚོགས་གཙོ་འཕྲིན་ལས་སྐལ་བཟང་ལགས་ཀྱིས། མི་རེ་ཟུང་༧གོང་ས་མཆོག་གི་ཁ་གཏད་དུ་ལངས་ནས་རྩོམ་ཡིག་སྣ་ཙོགས་སྤེལ་བ་མ་ཟད། གཞོན་ནུའི་སྡིངས་ཆ་བེད་སྤྱད་དེ་༧གོང་ས་མཆོག་ལ་མཚན་སྨོད་ཟུར་ཟ་བྱས་དང་བྱེད་བཞིན་པ་དང་། གྲོས་ཚོགས་ར་བ་ནས་ཀྱང་༧གོང་ས་མཆོག་ལ་ཐུགས་ཕམ་བཟོ་གཞིའི་སྐད་ཆ་བཤད་པ་སོགས་ལ་བརྟེན་ཏེ། ༧གོང་ས་མཆོག་གིས་གནད་དོན་རེ་ཟུང་ཐད་བཀའ་མི་གནང་ཐབས་མེད་བྱུང་བ་གཞོན་ནུས་ངོས་ལེན་དང་མ་འོངས་པར་དེའི་རིགས་མི་འབྱུང་བ་བྱ་ཆེད་ད་རེབ་མི་མང་གི་དགོངས་འཆར་ཁག་ཕྱི་ཟླ་ ༥ ཚེས་ ༢༦ ཉིན་ཚོགས་འཆར་གྱི་གཞོན་ནུའི་ཚོགས་ཆེན་སྟེང་བསླེབ་ཐུབ་པ་བྱ་རྒྱུ་ཡིན་སྐོར་བརྗོད་ཡོད་འདུག

གསར་འགོད་པ། བནྟེ་སྐྱབས།

ཤོག་ངོས་འདི་ཐེངས་ ༣༤༡༧ ལ་བཀླགས་འདུག
རིག་པ་འདོན་པ།
བཀྲ་ཤིས་ལྷ་མོ།
༢༠༡༣/༠༥/༡༢ ཉིན་འདོན་སྤེལ་བྱས།
Ser drug deny'said མ་གཞི་རྒྱ་གར་ནང་བརྟེན་གཞི་བྱས་པའི་གཞོན་ནུ་ལྷན་ཚོགས་ནང་རྒས་པོ་རྒས་མོས་ཁེངས་སྡད་པ་དེ་ཚོ་ད་ཆ་རྒས་ཡོལ་འགྲོ་དགོས་ཚོད་ཡིན། འདི་ཚོས་བོད་ཀྱི་མི་རབས་གསར་པ་གཞོན་ནུ་དང་གཞོན་ནུ་མའི་མདུན་ལམ་དང་དམིགས་ཡུལ་ཡོད་ཚད་རྟ་ལམ་བོང་བུས་བཀགས་བསྡད་པ་མ་ཚད། ད་ཆ་མི་རབས་གསར་པའི་ལྷན་སྐྱེས་རང་བཞིན་གྱི་ཐོབ་ཐང་དང་ལང་ཕྱོགས་ཕུགས་འདུན་བཅས་པ་སྟེང་གི་ལྷ་ལ་གནོད་རབས་དང་འོག་གི་ཀླུ་ལ་གནོད་རབས་བཤད་ནས་གཏོར་བླགས་གཏོང་རྩིས་ཀྱི་ཇུས་ངན་གནམ་ས་ཁེངས་པ་ཞིག་བཤམས་རྩིས་ཡོད་པ་རེད། མ་གཞི་རྒས་པོ་རྒས་མོ་འདི་ཚོ་འཆི་ཁར་རང་ཡུལ་དྲན་ནས་ལོ་མང་འཐབ་རྩོད་བྱས་པའི་འབྲས་བུ་མ་སྨིན་གོང་ནས་བློས་བཏང་གིས་ད་ཆ་ཀྲུང་གོས་གཞིས་འགུགས་བྱུང་ན་སྙམ་པ་ནི་ཅི་ཁག། ཁ་རྒྱུན་ལ་མི་རྒས་ན་ཡུལ་དྲན། བྱ་རྒས་ན་ཚང་དྲན་བྱས་པ་རེད། འོན་ཀྱང་ཡ་མཚན་པ་ཞིག་ལ་ཀྲུང་གོས་ཡུལ་བགྱར་ངོ་ལོག་ཤོག་ཁག་གཞིས་འགུགས་བྱ་རྩིས་ཀྱི་འཆར་གཞི་ཞིག་པེ་ཅིང་གི་བསམ་བློའི་ནང་ཕར་ཟད་རྨི་ལམ་ལ་ཡང་འཁོར་མྱོང་མེད་པ་དེ་རེད། འོན་ཀྱང་བོད་མི་རིགས་འདི་ཡོད་ཚད་རེ་བར་བཅོལ་བའི་ལམ་ལུགས་རྒྱུན་འཛིན་འོག་ད་དུང་རེ་ཐག་མ་ཆད་བར་མིག་གཉིས་ཀ་བཀབ་ནས་འགྲོ་རྒྱུ་ནི་སྨྲོས་མེད་རེད། ཁ་རྒྱུན་ལ། བོད་རེ་བས་ཕོངས། རྒྱ་དོགས་པས་ཕོངས། ཞེས་པ་ལྟར་ཕོངས་ས་འདི་གཉིས་ལས་ནམ་ཡང་རྒལ་ཐུབ་ཀྱི་མ་རེད་དོ། it's true. They don't need Tibet. They need China.
འཇམ་གཅེས །
༢༠༡༣/༠༥/༡༡ ཉིན་འདོན་སྤེལ་བྱས།
དེང་གི་དུས་འདིར་རང་རིགས་མི་ཉུང་བ་ཞིག་ནས་བརྒྱུད་ལམ་འདྲ་མིན་ནང་དུ་དབུ་རང་ གི་རྩོད་གླེང་མི་ཉུང་བ་ཞིག་གནང་བཞིན་འདུག་པས་ངས་ཀྱང་དེ་དག་ཕྱོགས་བསྡོམས་ རོབ་ཙམ་ཐོག་ནས་ཚིག་ཁ་ཤས་བཤད་ན་འདོད། སྤྱིར་རྩོད་གླེང་འདི་དག་ཁ་ཁོག་མཚུངས་པའི་སྒོ་ནས་གནང་མཁན་ཞིག་ཡིན་ཕྱིན་ཆེད་ དགའ་འོས་པ་ཞིག་རེད་མོད། ཡིན་ནའང་བློ་ཕམ་དགོས་པ་ཞིག་ལ་དེ་ལས་ལྡོག་སྟེ་ཡོད་ཚད་ཁ་ཡི་མཛེས་རྒྱན་དུ་ འགྱུར་བཞིན་པའི་སྣང་ཚུལ་ཞིག་ངང་གི་ཡོང་གི་འདུག

ཆེས་དགོས་གལ་ཆེ་བ་ཞིག་ནི། རང་རིགས་ནང་ཁུལ་དུ་ལག་པའི་ནང་དུ་ལག་པ་དང་། སེམས་པའི་ནང་དུ་སེམས་པ་བཞག་ཟེར་སྲོལ་བཞིན་ནང་ཁུལ་མཐུན་ལམ་དགོས་པ་ལས་རང་ལྟ་ མཆོག་འཛིན་དང་མདུང་མོའི་སོ་ཁ་ཕུ་ནུའི་ནང་དུ་བསྣུན་རེས་བཟོ་བཞིན་འདི་མུར་ སྐྱོད་ཚེ་གོད་ཆགས་འབྱུང་ཡུལ་ནི་སྤྱི་པའི་རྩ་དོན་གྱི་ར་བ་ལས་བརྒལ་མི་སྲིད།

བསམ་ བློ་ནར་སྨིན་ཟིན་པའི་བོད་རིགས་ཞིག་ཡིན་ཕྱིན་ཁྱོད་ལ་རང་བཙན་དགོས་སམ་ཞེས་ དྲིས་ཚེ་མི་དགོས་ཟེར་མཁན་ཞིག་ཡོད་དམ། གལ་སྲིད་ཡོད་ན་དེ་ནི་སེམས་ཁམས་ཐང་པོ་མེད་པ་དང་། ཡང་ན་ལུས་ངག་ཡིད་གསུམ་རྒྱ་སྒོར་ཁོ་ན་ལ་སྐྱབས་བཅོལ་མཁན་གྱི་མི་བུ་ཐལ་ཤལ་ཞིག་ ལ་ངོས་འཛིན་པར་ཐེ་ཚོམ་གང་ཡང་མི་དགོས། ཁྱེད་ཚོས་བསམ་བློ་ཐོངས་དང་། གོ་ལ་གཅིག་གྱུར་གྱི་དུས་རབས་འདི་ཡི་ནང་དུ་ཤར་ནུབ་ཀྱི་ཡུལ་གྲུ་དུ་མར་གནས་ པའི་རྒྱལ་ཁབ་དག་ནི་སོ་སོའི་དཔལ་འབྱོར་དང་། དམག་དོན། ཆབ་སྲིད། ས་ཁྱོན་སོགས་ཀྱི་བདག་དབང་ལ་ཐོབ་ཤོར་ཁོ་ནའི་དབང་གི་དྲང་བདེན་དང་གནས་ལུགས་ལ་ གུས་བཀུར་དེ་ཙམ་མེད་པའི་དུས་རབས་ཞིག་ལ་གྱུར་ཟིན་པར་ཁྱེད་ཚོས་མི་འདོད་དམ།

དེའི་ ཕྱིར། མ་འོང་བོད་མིའི་རྩ་དོན་གྱི་ཆེད་དུ་སོ་སོའི་ཐོབ་ཐང་དང་ལོ་རྒྱུས་ཀྱི་རྒྱབ་ ལྗོངས་ཞིག་ལ་རེ་སྟོང་བཅང་ནས་རང་བཙན་གཙང་མ་ཞིག་རྩོད་པ་ཡིན་ན་དེ་ནི་ཆེས་མཛེས་ སྡུག་ལྡན་པའི་མཁའ་དབྱིངས་ཀྱི་འཇའ་ཚོན་ལ་ལག་པས་རེག་འདོད་ལྟ་བུའི་སྟོང་བསམ་ ཞིག་ལས་མ་འདས། ང་སྐབས་རེར་དགོངས་མོར་ཉལ་ནས་བསམ་བློ་འདྲ་མིན་རེ་འཁོར་སྐབས། ད་ལྟའི་དུས་འདིར་ས་ཆེན་འདིའི་སྒང་དུ་གནས་པའི་གཟུར་གནས་མཁས་དབང་ཁག་དང་། ཆབ་དཔལ་རིག་གསུམ་ལ་ཆེད་མཁས་པ། དེ་བཞིན་རྒྱལ་ཁབ་འདྲ་མིན་སོ་སོའི་སྲིད་འཛིན་དང་སྲིད་བློན་སོགས་ཀྱིས་ཆེས་ གུས་འདུད་ཞུ་སའི་སྐྱེས་བུ་སྙན་གྲགས་ཆེ་ཤོས་ཤིག་ནི་༸གོང་ས་ཆེན་པོ་ཆགས་ཡོད། ཡིན་ཡང་བོད་རིགས་མགོ་སྟོང་ཁག་ཅིག་གིས་དུག་ཆུའི་མྱོས་པ་བཞིན་དུ་དངོས་ཤུགས་ ཅི་རིག་ནས་མཚན་སྨོད་དང་ཟུར་ཟ་འདྲ་མིན་བཟོ་བ་མཐོང་དུས་ནམ་ཞིག་བོད་ལ་རང་བཙན་ ཞིག་ཐོབ་པའི་དབང་དུ་བྱས་ཀྱང་ད་ལྟའི་བལ་ཡུལ་གྱི་ཆབ་སྲིད་ལས་སྡུག་པའི་གནས་བབ་ ཞིག་མི་ཡོང་བའི་ངེས་པ་གཏན་ནས་མི་འདུག་དྲན་གྱི་འདུག

འགྲོ་བ་མི་ཞིག་ ཡིན་ཕྱིན་ཆོས་ལུགས་དད་མོས་རང་དབང་ཡིན་དགོས་པ་ནི་ཡོངས་གྲགས་སུ་ངོས་འཛིན་དང་ ཁྲིམས་སུ་བཅས་ཡོད་པས་བོད་རིགས་དག་ལ་ཡང་དེ་ལྟར་གདམ་ཁ་ཡོད་ཆོག །ཡིན་ཡང་ཉིན་རེའི་འཚོ་བའི་ཆ་རྐྱེན་ནང་དུ་མེད་དུ་མི་རུང་བ་ཞིག་ནི་འགྲོ་བ་ མིའི་བཟང་སྤྱོད་ཡིན་པར་ངོ་ཤེས་པའི་སྒོ་ནས་བོད་མི་རིགས་འདིའི་ཆེད་དུ་སྐུ་ངལ་ འཛེམས་མེད་དུ་སྐྱོན་གནང་མཁན་ཞིག་ལ་མི་འོས་པའི་བྱ་སྤྱོད་སྤེལ་མཁན་མི་སྒེར་བ་དང་། ཚོགས་པ་སུ་འདྲ་ ཞིག་ཡིན་རུང་ཡིད་ཆེས་དང་ཆ་འཇོག་བྱེད་འོས་པའི་གནས་མ་ཡིན་པས་ཀུན་གྱིས་ཡིད་ གཟབས་དགོས་སོ།། །།
འབྲུག་གྲགས་རྒྱལ་པོ།
༢༠༡༣/༠༥/༡༡ ཉིན་འདོན་སྤེལ་བྱས།
ང་ཚོ་ཡང་དག་པའི་མང་གཙོའི་ལམ་དུ་སྐྱོད་ཀྱི་ཡོད་ཚེ་མང་མོས་ཐག་གཅོད་ཀྱི་སྲིད་བྱུས་ཐོག་ཤར་སྐྱོད་ངེས་པར་བྱེད་གལ། གལ་ཏེ་སྲིད་བྱུས་དེ་ལ་རང་ཉིད་མོས་པ་མེད་ན་ཡང་ཇི་སྲིད་མང་མོས་ཐག་གཅོད་ཀྱིས་འགྱུར་བ་མ་ཕྱིན་བར་དེ་སྲིད་དུ་སྲིད་བྱུས་དེ་ལ་ངོས་ལེན་དགོས་པ་རེད།
ཀརྨ་རྡོ་རྗེ།
༢༠༡༣/༠༥/༡༡ ཉིན་འདོན་སྤེལ་བྱས།
༧གོང་ས་མཆོག་གིས་གཞོན་ལྷན་མིང་འབོད་གནང་སྟེ་ཐུགས་ཕམ་བྱུང་པའི་བཀའ་སློབ་ཕེབས་པ་གཞོན་ལྷན་གྱིས་གལ་ཆེར་རྩིས་ཐོག གཞོན་ལྷན་གྱི་ལངས་ཕྱོགས་འཛིན་སྟངས་དང་ལས་འགུལ་སྤེལ་ཕྱོགས་སོགས་ལ་ནོར་འཁྲུལ་ཤོར་ཡོད་མེད་བསྐྱར་ཞིབ་གནང་གལ་ཆེ་བས་ངེས་པར་དུ་ཛ་དྲག་ཚོགས་འདུ་ཞིག་སྐོང་གལ་ཆེ་བ་སོགས་བཀོད་འདུག ་ཟེར།
ཡང་
མི་མང་གི་རྒྱབ་སྐྱོར་ཇེ་ཞན་དུ་འགྲོ་བཞིན་ཡོད་པ་ནི། གཞོན་ནུས་རང་བཙན་བརྩད་པའི་རྒྱུ་མཚན་གྱིས་བྱུང་བ་ཞིག་མིན་པར། འདོགས་ཁྱི་ལྟ་བུའི་མི་ངན་མི་རེ་ཟུང་གིས་གཞོན་ནུའི་སྡིངས་ཆ་སྤྱད་དེ། ༧གོང་ས་མཆོག་དང་བོད་གཞུང་ལ་ཁ་གཏོང་གི་ཡོད་པ་དེས་གཞོན་ནུར་མིང་ཆལ་ཕོག་གི་ཡོད་པ་དང་། མི་སྒེར་དང་ཚོགས་སྡེ་སུ་ཞིག་ཡིན་རུང་དམིགས་འབེན་རྒྱ་ནག་ལ་བཟུང་ནས་རྩ་དོན་རྩོད་དགོས་པ་ལས་༧གོང་ས་མཆོག་དང་བོད་གཞུང་གི་ཁ་གཏད་དུ་ལངས་བསྡད་ན་དེར་མང་ཚོགས་ཀྱིས་རྒྱབ་སྐྱོར་མི་བྱེད་པ། རང་སྐྱོང་ལྗོངས་ཟེར་པ་དང་དབུ་མའི་ལམ་གཉིས་ལ་ཁྱད་པར་མཐོང་གི་མེད་སྟབས་གཞོན་ནུའི་ངོས་ནས་རང་བཙན་དོར་མི་རུང་བའི་སྐོར་སོགས་ཀྱི་བསམ་ཚུལ་བྱུང་ཡོད་འདུག ་ཟེར།
གསེར་འབྲུག་སྡེར་ལྔ་
༢༠༡༣/༠༥/༡༡ ཉིན་འདོན་སྤེལ་བྱས།
རིན་ཆེན་བསམ་གྲུབ་ཀྱི་དྲི་བ་ཆོ་མེད་ལ་ལན་དེ་དང་མཚམས་པ་ཞིག་འདེབས་འདོད་བྱུང་
བོད་ཀྱི་གཞོན་ནུ་ལྷན་ཚོགས་ཀྱི་ཚོགས་མི་ག་ཚོད་ཡོད་མིན་དེ་གནད་འགག་ཅིག་མ་རེད། བོད་ཀྱི་གཞོན་ནུ་ལྷན་ཚོགས་བཙུགས་དགོས་པའི་དམིགས་ཡུལ་དང་རྒྱབ་ལྗོངས་ཤེས་དགོས་པ་དེ་གལ་ཆེན་པོ་རེད། བོད་དང་བོད་མི་རིགས་འདི་གསོན་པོར་གནས་དགོས་ན། བོད་དང་བོད་མི་རིགས་འདི་དམངས་གཙོ་ཡང་དག་པ་དང་སྨྲ་བརྗོད་རང་དབང་ལྡན་པའི་སྤྱི་ཚོགས་ཅིག་ཡིན་དགོས་ན། ཆབ་སྲིད་ཚོགས་པ་འདྲ་མིན་ཡོད་དགོས་པ་དེ་དམངས་གཙོ་ཡར་ཐོན་ཅན་གྱི་རྒྱལ་ཁབ་ལ་དཔེ་ལོངས་ལ་དེ་གནད་འགག་དང་རྒྱུ་མཚན་ངེས་ཅན་ལྡན་ཡོད་པ་རེད། དེ་མིན་ན་ཆ་རྐྱེན་གང་ཡང་མེད་པར་གཅིག་བསྡུས་རིང་ལུགས་གུང་ཁྲན་དམར་ཤོག་མེས་རྒྱལ་ཁྱིམ་ཚང་ཆེན་མོའི་པང་དུ་སྔ་ས་ས་ནས་ལོག་འགྲོ་ན་ཁེ་ཕན་ཆེ་གི་རེད།
༢༠༡༢་ལོར་དུས་དབང་ག་པར་གནང་བ་རེད། ངའི་དྲན་པའི་ཡུལ་ལ་མི་འདུག། མ་གཞི་དུས་དབང་ག་དུས་ཡིན་ཡང་ཞལ་འདེབས་བསྡུ་སློང་བྱེད་མཁན་མང་ཤོས་ནི་གྲྭ་པ་དང་ཨ་ནི་ཚོ་རེད། གསུང་ཆོས་ར་བའི་གཡས་གཡོན་ཟེར་རྒྱུ་མི་འདུག་གང་ལྟར་ས་སྟོང་ཡོད་ཚད་ཀྱི་གྱང་ངོས་སུ་དགོན་པ་གཅིག་གཅིག་ཆོས་སྡེ་གཉིས་གཉིས་བྲིས་པ་རྐྱང་རྐྱང་རིག་རྒྱུ་འདུག་ལ། དེའི་མདུན་དུ་གཟན་ཤམ་གྱོན་པའི་ན་གཞོན་དེ་ཚོའི་མིག་ཟུར་གཞོན་ནུ་མར་བསྡིར་མཁན་ཕལ་ཆེ་བས་མདུན་ཅོག་སྟེང་ཞལ་འདེབས་ཀྱི་འཛིན་སྦྱང་དང་སྨྱུ་གུ་ཐོགས་ནས་ཞལ་འདེབས་བསྡུས་པ་ཚང་མ་ག་པར་ཕྱིན་པ་རེད། ཁོ་ཚོས་ཞལ་འདེབས་བསྡུས་པ་དེ་ཚོ་བོད་དང་བོད་མི་རིགས་ཀྱི་རྩ་དོན་འཐབ་རྩོད་ཀྱི་ཆེད་གང་དུ་བཏང་འདུག། ཁོ་རང་ཚོའི་ཟ་བཏུང་ཆེད་མིན་ན་ཅི་རེད། དེའི་ནང་དུ་ཁྱེད་རང་ཡང་ཚུད་ཡོད་མེད་མི་ཤེས། མ་གཞི་གཞོན་ནུས་ཁྱེད་ཚོའི་དཀོར་ཟས་ལེན་པར་ཚང་ཁ་བརྒྱབ་ཡོད་ན་ཅི་ཁག།
དེ་ལྟ་བས་ན་གཞོན་ནུ་ཡག་ན་སྡུག་ན་དུས་དབང་ཡོད་ཚད་ཀྱི་ཆོས་ཞུ་བ་ཚོར་ཁ་ཡོད་ལག་ཡོད་ཀྱིས་ཧ་ལམ་ཆུ་ཚོད་ཉེར་བཞི་རྒྱང་བསྒྲག་མདུན་སྐད་འགག་འགག་བརྒྱབ་ནས་ཕན་ཚུན་ཐུག་ཕྲད་དང་བོར་བླགས་སོགས་ཀྱི་དཀའ་ངལ་ཡོང་སུ་བསེལ་གྱིན་པ་རེད་ལ། མེ་འཁོར་དང་རླང་འཁོར་བབ་ཚུགས་ཡོད་ཚད་ལ་སྐད་བརྡ་མི་འཕྲོད་པ་དང་མེ་འཁོར་གྱིས་མཚན་དགུང་ཕབས་ནས་འགྲོ་འདུག་མི་ཤེས་མཁན་ཚོར་ཁ་ཚ་དགོས་གཏུགས་ཀྱིས་རོགས་ཕན་གང་ལེགས་བྱེད་ཀྱི་འདུག། གཞོན་ནུ་ལྟ་བུ་མི་དམངས་ལ་ཁ་ཡོད་ལག་ཡོད་ཀྱི་རོགས་ཕན་བྱེད་མཁན་གྱི་གྲས་སུ་ཚོགས་པ་གཞན་སུ་འདུག། ནམ་རྒྱུན་ཚོགས་པ་ང་ཡིན་ཟེར་མཁན་དབུ་མའི་ལས་འགུལ་ཁང་ཟེར་བ་ལྟ་བུའི་ཚོགས་པ་དེ་ཚོ་མཐོང་མཐོང་རིག་རིག་མི་འདུག་ལ་གལ་ཏེ་ཡོད་དབང་དུ་བཏང་ཡང་བླ་མ་དང་མཐོ་རིམ་དབང་འཛིན་མི་སྣར་སྤྲེལ་ལད་ཀྱི་ཟློས་གར་འཁྲབ་རྒྱུ་ཞིག་མ་གཏོག་སྤྱི་ཚོགས་ཞབས་ཞུ་དང་དམངས་དཀྱུས་ལ་ཁ་ཚ་དགོས་གཏུགས་ཀྱིས་རོགས་ཕན་བྱེད་རྒྱུ་ཞིག་མོ་གཤམ་གྱི་བུ་དང་ནམ་མཁའི་མེ་ཏོག་རང་རེད། མ་གཞི་ཁྱོད་གཞོན་ནུ་ལྷན་ཚོགས་ལ་ཞལ་འདེབས་ག་ཚོད་བརྒྱབས་ཡོད་པ་རེད། དེ་འདྲའི་རྩད་གཅོད་བྱེད་དགོས་པའི་རྒྱུ་མཚན་ཞིག་ཁྱོད་ལ་དམིགས་ཡུལ་ངེས་ཅན་ཞིག་ཡོད་ངེས་རེད། འོན་ཀྱང་ང་གཞོན་ནུ་ལྷན་ཚོགས་ཀྱི་ཚོགས་མིའི་ཁོངས་སུ་མེད་ལ་འབྲེལ་བ་ཡང་མེད། རེད་དེ་ལྟ་བ་དང་ལང་ཕྱོགས་གཅིག་པ་ཡིན། ཁྱོད་ཀྱི་དྲི་བ་ཆོ་མེད་འདིར་ངས་ལན་ཆོ་མེད་ཅིག་མ་བརྒྱགས་རང་བརྒྱགས་ཆགས་སོང་
བོད་ཀྱི་གཞོན་ནུ་ལྷན་ཚོགས་ཀྱིས་རང་གི་ལྟ་བ་དང་ལངས་ཕྱོགས་སྐྱར་བཤད་ཡང་བཤད྄་བྱས་པར་བཙན་བྱོལ་སྒྲིག་འཛུགས་གཞུང་གི་སྲིད་ཇུས་དང་༧གོང་ས་མཆོག་གི་བཀའ་ལ་མ་བརྩིས་པ་ཇི་ལྟར་ཆགས་པ་རེད། བོད་ཀྱི་གཞོན་ནུ་ལྷན་ཚོགས་ཀྱི་ཆབ་སྲིད་ཀྱི་ཁེ་དབང་དང་ཐོབ་ཐང་དེ་སུས་ཕྲོགས་ཟིན་པ་རེད། མི་རིགས་ཀྱི་ལྷན་སྐྱེས་རང་བཞིན་གྱི་ཐོབ་ཐང་དེ་སུ་གཅིག་གིས་ཕྲོགས་དབང་མེད། བོད་ནང་གཞིས་ལུས་མི་དམངས་ཀྱི་ཆབ་སྲིད་ཐོབ་ཐང་དང་ཁེ་དབང་ཡོང་རྫོགས་རྒྱ་གཞུང་གིས་ཕྲོགས་པ་རེད་འོན་ཀྱང་། བཙན་བྱོལ་དམངས་གཙོའི་སྤྱི་ཚོགས་ནང་ཆབ་སྲིད་ཁེ་དབང་དང་ཐོབ་ཐང་མེད་པ་ཞིག་ཡིན་ཚོད་མ་རེད།
འོ་ན་ཁྱོད་ཀྱིས་གོང་གི་མཆན་ཐུང་ནང་གི་༼བཙན་བྱོལ་བོད་གཞུང་༽ཞེས་པའི་ཐ་སྙད་དེ་བེད་སྤྱོད་བྱས་པ་དེས་སྒྲིག་འཛུགས་སུ་བསྒྱུར་རྗེས་ཀྱི་ཕྱི་རོལ་དུ་ཐ་སྙད་འདིའི་རྙོག་གླེང་བརྒྱུད་བཙན་བྱོལ་སྒྲིག་འཛུགས་དང་༧རྒྱལ་བ་རིན་པོ་ཆེའི་བཀའ་ལ་བརྩི་འཇོག་མ་བྱས་པ་མ་རེད་པས།
རང་བཙན་བཤད་ནས་བོད་སྤྱི་པའི་ཆེད་དུ་བསམ་པ་རེད་སྒེར་གྱི་ཁེ་ཕན་ཆེད་དུ་རེད། ཁྱོད་རིག་པ་སྐྱག་རྐུབ་ནང་ལ་གཏད་མེད་ན་ཤེས་ཚོད་རེད། རྒྱུ་མཚན་ད་ཆ་ལམ་དབུ་མ་འདི་མཐོ་དམན་བར་གསུམ་ལ་འགྲོ་རྒྱུགས་ཆེ་བས་རང་བཙན་གྱི་ལང་ཕྱོགས་འཛིན་མཁན་དེ་ཚོ་གཡས་ཁག་གཡོན་ཁག་ངན་ཁག་ཡོད་དགུ་དཀྲིས་ནས་སྤྱི་ཚོགས་ནས་མཐའ་འབུད་གཏོང་གྲབས་བྱས་ཙང་རྒྱུན་ལས་གཉིས་མ་གཏོག་ལྷག་མེད་པར་བོད་སྤྱི་པའི་རྩ་དོན་ཆེད་དུ་དགོངས་པ་རང་ཞུས་ཆགས་པ་རེད་དོ།
གསེར་འབྲུག་སྡེར་ལྔ་
༢༠༡༣/༠༥/༡༡ ཉིན་འདོན་སྤེལ་བྱས།
མ་གཞི་རྒྱ་གར་ནང་བརྟེན་གཞི་བྱས་པའི་གཞོན་ནུ་ལྷན་ཚོགས་ནང་རྒས་པོ་རྒས་མོས་ཁེངས་སྡད་པ་དེ་ཚོ་ད་ཆ་རྒས་ཡོལ་འགྲོ་དགོས་ཚོད་ཡིན། འདི་ཚོས་བོད་ཀྱི་མི་རབས་གསར་པ་གཞོན་ནུ་དང་གཞོན་ནུ་མའི་མདུན་ལམ་དང་དམིགས་ཡུལ་ཡོད་ཚད་རྟ་ལམ་བོང་བུས་བཀགས་བསྡད་པ་མ་ཚད། ད་ཆ་མི་རབས་གསར་པའི་ལྷན་སྐྱེས་རང་བཞིན་གྱི་ཐོབ་ཐང་དང་ལང་ཕྱོགས་ཕུགས་འདུན་བཅས་པ་སྟེང་གི་ལྷ་ལ་གནོད་རབས་དང་འོག་གི་ཀླུ་ལ་གནོད་རབས་བཤད་ནས་གཏོར་བླགས་གཏོང་རྩིས་ཀྱི་ཇུས་ངན་གནམ་ས་ཁེངས་པ་ཞིག་བཤམས་རྩིས་ཡོད་པ་རེད། མ་གཞི་རྒས་པོ་རྒས་མོ་འདི་ཚོ་འཆི་ཁར་རང་ཡུལ་དྲན་ནས་ལོ་མང་འཐབ་རྩོད་བྱས་པའི་འབྲས་བུ་མ་སྨིན་གོང་ནས་བློས་བཏང་གིས་ད་ཆ་ཀྲུང་གོས་གཞིས་འགུགས་བྱུང་ན་སྙམ་པ་ནི་ཅི་ཁག། ཁ་རྒྱུན་ལ་མི་རྒས་ན་ཡུལ་དྲན། བྱ་རྒས་ན་ཚང་དྲན་བྱས་པ་རེད། འོན་ཀྱང་ཡ་མཚན་པ་ཞིག་ལ་ཀྲུང་གོས་ཡུལ་བགྱར་ངོ་ལོག་ཤོག་ཁག་གཞིས་འགུགས་བྱ་རྩིས་ཀྱི་འཆར་གཞི་ཞིག་པེ་ཅིང་གི་བསམ་བློའི་ནང་ཕར་ཟད་རྨི་ལམ་ལ་ཡང་འཁོར་མྱོང་མེད་པ་དེ་རེད། འོན་ཀྱང་བོད་མི་རིགས་འདི་ཡོད་ཚད་རེ་བར་བཅོལ་བའི་ལམ་ལུགས་རྒྱུན་འཛིན་འོག་ད་དུང་རེ་ཐག་མ་ཆད་བར་མིག་གཉིས་ཀ་བཀབ་ནས་འགྲོ་རྒྱུ་ནི་སྨྲོས་མེད་རེད། ཁ་རྒྱུན་ལ། བོད་རེ་བས་ཕོངས། རྒྱ་དོགས་པས་ཕོངས། ཞེས་པ་ལྟར་ཕོངས་ས་འདི་གཉིས་ལས་ནམ་ཡང་རྒལ་ཐུབ་ཀྱི་མ་རེད་དོ།
བསྟན་དར།
༢༠༡༣/༠༥/༡༠ ཉིན་འདོན་སྤེལ་བྱས།
རིན་ཆེན་བསམ་འགྲུབ་ལགས་སུ་ངས་ལན་ཞིག་རྒྱག་ཆོག 1 བོད་ཀྱི་གཞོན་ནུ་ལྷན་ཚོགས་ཀྱིས་ཚོགས་མི་ཁྲི་གཉིས་ཡོད་ཟེར་གྱི་ཡོད་པ་དེ་སྔོན་ཆད་ཀྱི་སྐད་ཆ་རེད་དེང་སྐབས་ཚོགས་མི་2000་ལྷག་མེད་པ་ངས་ཐག་གིས་གཅོད་ཐཱུབ། 2 དུས་འཁོར་དབང་ཆེན་ཐོག་ཞལ་འདེབས་ཀྱིས་ཁེ་བཟང་བླངས་པ་ཚང་མས་རྡ་རམ་ས་ལའི་དབུས་ཁུངས་ལ་Apple་རྟགས་ཅན་གྱི་གློག་ཀླད་ཆེ་ཐག་ཆོད་བཅུ་གྲངས་ཤིག་ཉོས་ཚར་བ་རེད། 3 གཞོན་ནུས་རང་བཙན་རྩོད་ཀྱི་ཡོད་པ་དེ་བོད་སྤྱི་བའི་དོན་དག་མ་རེད་ལ་གཞོན་ནུ་ལྷན་ཚོགས་ཀྱི་དོན་དུ་ཡང་མ་རེད། མི་སྒེར་བ་ཁག་ཅིག་གི་ཁེ་ཕན་དང་མངོན་འདོད་ཆེད་དུ་རེད། རྐང་བཙུགས་ཏེ་བོད་གཞུང་དང་༧གོང་ས་མཆོག་ལ་ཀྱག་ཀྱག་བྱས་ཏེ་སྐད་གྲགས་ཆེན་པོ་བཟོ་བཞིན་ཡོད་པ་རེད།
བློ་འཕེལ།
༢༠༡༣/༠༥/༡༠ ཉིན་འདོན་སྤེལ་བྱས།
གཞོན་ནུའི་ལངས་ཕྱོགས་སུ་འགྱུར་བ་གཏོང་མིན་གཙོ་བོ་མ་རེད་ལ་གཞོན་ནུ་དང་ལངས་ཕྱོགས་གཅིག་པའི་ཚོགས་སྡེ་གཞན་པ་ཡང་ཡོད་པ་རེད། ད་ལམ་གཙོ་བོ་༸གོང་ས་མཆོག་གི་བཀའ་སློབ་སྣང་མེད་དུ་མ་བཞག་པར་བསམ་ཤེས་དང་ཉན་ཤེས་བྱེད་རྒྱུ་གནད་ཀྱི་དམ་པ་རེད།
སྔོན་ཆད་༸གོང་ས་མཆོག་གིས་ད་ལྟའི་སྲིད་སྐྱོང་གི་འོས་བསྡུའི་སྐབས་གསུངས་པ་བཞིན་ད་ལམ་གཞོན་ནུ་ལ་ཤ་གཅུས་གནང་བ་དེ་འགག་རྩའི་སློབ་སྟོན་དུ་བསམ་དགོས་པ་མ་ཟད་ཕྱིན་ཆད་སྡོམ་སེམས་ཀྱང་ངེས་པར་དགོས།
གཞན་ཡང་ལྷོ་ཕྱོགས་ཧུན་སོར་གཞིས་སྡོད་གནད་ཡོད་ཁ་ཤས་ཀྱིས་མ་བསྐུལ་དང་བླངས་ཀྱིས་༸གོང་ས་མཆོག་གི་བཀའ་སློབ་སྤྱི་བོར་བླངས་པ་སོ་སོའི་བསོད་ནམས་ཀྱི་བགོ་སྐལ་རེད་ལ་ཐུགས་རྗེ་ཆེ་ཞུ་འདོད་བྱུང་
རིན་ཆེན་བསམ་འགྲུབ།
༢༠༡༣/༠༥/༡༠ ཉིན་འདོན་སྤེལ་བྱས།
ང་རང་ལ་བོད་ཀྱི་གཞོན་ནུ་ཚོགས་པར་དྲི་བ་ཁ་ཤས་ཡོད། (༡) དེང་སྐབས་བོད་ཀྱི་གཞོན་ནུ་ཚོགས་པར་དྲང་མོ་དྲང་རྐྱང་བཤད་ན་ཚོགས་མི་ག་ཚོད་ཅིག་ཡོད། (༢) བོད་ཀྱི་གཞོན་ནུ་ཚོགས་པའི་2012་ལོའི་དུས་འཁོར་དབང་ཆེན་སྐབས་མི་མང་ལ་ཞལ་འདེབས་བསྡུས་པའི་དངུལ་དེ་དང་། བོད་རྒྱལ་ཁབ་བསྐྱར་འཛུགས་ཟེར་བར་དངུལ་བསྡུས་པ་དེ་དག་ག་བ་འཁྱེར་ཡོད་དམ། (3)བོད་ཀྱི་གཞོན་ནུ་ཚོགས་པའི་བཙན་བྱོལ་བོད་གཞུང་གི་སྲིད་བྱུས་དང་། གོང་ས་སྐྱབས་མགོན་རིན་པོ་ཆེ་མཆོག་གི་བཀའ་ལ་མི་བརྩི་བར་བོད་རང་བཙན་ཁོ་ན་ཡང་བཤད་བསྐྱར་བཤད་བྱས་ཏེ་ལོགས་སུ་འཐོན་པའི་རྒྱུ་མཚན་དེ་དོན་ངོ་མའི་ཐོག་ནས་བོད་སྤྱི་བའི་ཆེད་ལ་བསམ་བློ་གཏོང་གི་ཡོད་པ་ཡིན་ནམ་རང་ཉིད་ཀྱི་ཚོགས་པའི་ཆེད་དུ་ཡིན། འདི་དག་ལ་ལན་ཞིག་འདེབས་གནང་ཡོང་བ་ཞུ།།།
ཉེར་གཅིག་པའི་ཅོང་བརྡ།
༢༠༡༣/༠༥/༡༠ ཉིན་འདོན་སྤེལ་བྱས།
ད་གཞོན་ནུར་ནུས་པ་མེད་པའི་རྟགས་སྟོན་གྱིན་འདུག
གལ་སྲིད་གཞོན་ནུའི་ལངས་ཕྱོགས་ལ་འགྱུར་བ་ཕྱིན་ཚེ།
གཞོན་ནུར་ནམ་ཡང་བློས་གཏོད་ཡ་མེད་པ་ཕྱིར་མངོན་པ་རེད།
ལྷག་པ།
༢༠༡༣/༠༥/༡༠ ཉིན་འདོན་སྤེལ་བྱས།
ངས་གོ་ཚོད་བྱས་ན་ཁ་སང་དེ་རིང་རྡ་རམ་ས་ལའི་གཞོན་ནུའི་དབུས་ལས་ཁུངས་ནང་དུ་ལས་བྱེད་གཉིས་མ་གཏོགས་ཡོང་མཁན་མི་འདུག ལས་བྱེད་གཞན་དག་གིས་རྩ་དགོངས་ཞུས་པ་དང་སྒེར་གྱི་དགོངས་པ་ཞུས་པ་སོགས་བྱས་ཏེ་རང་རང་སར་ཕྱིན་ཚར་བ་རེད་ཟེར་བ་ཞིག་གོ་སོང་
གལ་སྲིད་འདི་བདེན་པ་ཡིན་ན་ཐབས་སྐྱོ་བོ་ཞེ་དྲག་རེད་། གཞོན་ནུའི་ནང་ནས་ཁེ་བཟང་ལེན་རྒྱུ་ཡོད་ཚད་ཚང་མ་བླངས་ཚར་ནས་དུས་ཚོད་རྫོགས་གྲབས་ཡོད་དུས་སྐབས་ལ་ལས་ཁུངས་སྟོང་པར་བསྐྱུར་བཞག་ཡོད་པར་བློ་ཕམ་བྱུང་
རིག་པ་འདོན་པ།
རིག་པ་འདོན་ན་ངེས་པར་དུ་དེབ་སྐྱེལ་བྱེད་དགོས།
འདི་ལ་བསྣུན་ཏེ་དེབ་སྐྱེལ་བྱེད་རོགས།