དགེ་བཤེས་ལྷ་རམས་པ་ཚོས་དབྱིན་ཡིག་སྦྱོང་གི་འདུག

འདོན་སྤེལ། ༢༠༡༣/༠༥/༡༤

ཏཱ་ལའི་བླ་མ་མཐོ་སློབ་ཏུ་ཟླ་གསུམ་རིང་ལྷོ་ཕྱོགས་གདན་ས་གསུམ་ཕེབས་པའི་དགེ་བཤེས་ལྷ་རམས་པ་ཚོར་དབྱིན་ཡིག་སློབ་ཁྲིད་ཀྱི་ལས་རིམ་ཞིག་འགྲོ་བཞིན་ཡོད་འདུག  

རྒྱ་གར་གྲོང་ཁྱེར་བྷིང་ལོར་རྟེན་གཞི་བྱས་པའི་ཏཱ་ལའི་བླ་མ་མཐོ་རིམ་སློབ་གཉེར་ཁང་དུ། རྒྱ་གར་ལྷོ་ཕྱོགས་གདན་ས་གསུམ་གྱི་བསླབ་པ་མཐར་སོན་གྱི་དགེ་བཤེས་ལྷ་རམས་པ་ ༡༣ ཙམ་ལ། ཕྱི་ཟླ་ ༣ ཚེས་ ༡ ནས་ཕྱི་ཟླ་ ༦ ཚེས་ ༡ ཉིན་བར་དུས་ཡུན་ཟླ་གསུམ་རིང་། དབྱིན་ཡིག་སློབ་ཁྲིད་ཀྱི་ལས་གཞི་ཞིག་མགོ་འཛུགས་གནང་ཡོད་པ་དང་ཉེ་ཆར་འདི་གའི་གསར་འགོད་པས་ཁ་པར་བརྒྱུད་བོད་མི་མང་སྤྱི་འཐུས་དང་ཏཱ་ལའི་བླ་མ་མཐོ་སློབ་ཀྱི་སློབ་སྤྱི་བུ་མོ་ཚེ་རིང་ལཊ་སུབཅར་འདྲི་ཞུས་པར། ཐོ་སློབ་དེར་དགེ་བཤེས་ལྷ་རམས་པ་རྣམས་གདན་ཞུས་ཐོག་དབྱིན་ཡིག་བསླབ་ཁྲིད་དགོས་པའི་དགོས་དམིཊ་གཙོ་བོ་བར་ལམ་གདན་ས་ཁག་གི་དགེ་ལུཊ་རྒྱུགས་སྤྲོད་ཁོངས་ཚན་རིག་སློབ་ཚན་བཞག་ཡོདཅིང་། ལས་གཞི་དེར་དམིཊ་ཏེ་ཚན་རིག་གི་ཐ་སྙད་གང་འཚམ་བོད་ཡིག་ཏུ་བསྒྱུར་ཏེ་བེད་སྤྱོད་གཏོང་གི་ཡོད་ཀྱང་། ནང་ཆོས་དང་ཚན་རིག་བར་ཞིབ་བསྡུར་དང་ལྷག་པར་དུ་ཚན་རིག་ཤེས་བྱ་སློབ་སྦྱོང་བྱེད་པར་དབྱིན་ཡིག་ཤེས་ཚད་ཡག་པོ་མེད་ན་འགྲིག་ཐབས་མེད་སྟབས་གདན་ས་ཁག་གི་དགེ་བཤེས་ཚོར་དབྱིན་ཡིག་སྦྱོང་མགོ་བཙུགས་སྐོར་བརྗོད་བྱུང་

ཡང་ཁོང་མོས་མུ་མཐུད་དུ་བརྗོད་པར། ཐེངས་འདིར་གདན་ས་ཁག་ནས་དགེ་བཤེས་ལྷ་རམས་པ་ ༣༠ གདན་ཞུ་
གནང་ཡོད་ཀྱང་དངོས་སུ་ཕེབས་མཁན་དགེ་བཤེས་ ༡༣ ཙམ་བྱུང་ཡོད་པ་དང་ གཞན་རྣམས་དཔེ་ཁྲིད་ལ་འགྲོ་དགོས་པ་དང་ཡིག་རྒྱུགས་ལ་ཁེལ་བ། སྒེར་དོན་སོཊ་ཀྱིས་དུས་ཐོག་འབྱོར་ཐུབ་མེད་པ་དང་སྐབས་དེར་སྐུའི་གསུང་སྒྱུར་དགེ་བཤེས་རྡོ་རྗེ་དགྲ་འདུལ་གཙོས་མཁས་པ་ཁག་ཅིག་གིས། མཐོ་སློབ་དེར་༸གོང་ས་མཆོག་གིས་གསུང་བཞིན་པའི་ཆོས་དང་མ་འདྲེས་པའི་ཐོག་ཀུན་སྤྱོད་ཡར་རྒྱས་གཏོང་ཕྱོགས་ (Secular ethics) ཐོག་གཏམ་བཤད་སྤེལ་ཡོད་སྐོར་བརྗོད་བྱུང་ 

ཁོང་མོས་མུ་མཐུད་དུ་བརྗོད་དོན་ལ། དབྱིན་ཡིག་སློབ་ཁྲིད་དེ་ཏཱ་ལའི་བླ་མ་མཐོ་སློབ་ཀྱིས་གོ་སྒྲིག་ཞུ་དོན། དགེ་བཤེས་རྣམ་པ་དང་མཐོ་རིམ་སློབ་མ་ཚོའི་བར་འབྲེལ་ལམ་བཟང་དུ་གཏོང་ཆེད་དང་། དགེ་བཤེས་ལྷ་རམས་པ་མང་པོ་ཞིག་འཛིན་གྲྭ་ཐོན་རྗེས་ཡར་མར་དབྱིན་ཡིག་སློབ་སྦྱོང་ལ་ཕེབས་ཏེའགྲོ་སོང་ཆེན་པོ་གཏོང་གི་ཡོད་སྟབས། དཀའ་ངལ་དེ་རིགས་སེལ་ཐབས་ལ་མཐུན་འགྱུར་ཞུས་པ། ཏཱ་ལའི་བླ་མ་མཐོ་སློབ་ཀྱི་སློབ་ཕྲུག་རེར་ཟླ་རེའི་འགྲོ་སོང་ཧིན་སྒོར་ ༣༥༠༠ རེ་ཡིན་ཡང་ བོད་ཁྱིམ་སྤྱི་ཁྱབ་ཡིག་ཚང་གིས་དགེ་བཤེས་རྣམ་པར་ཧིན་སྒོར་ ༢༥༠༠ ལས་སྤྲོད་དགོས་ཀྱི་མེད་པ་དང་ ཨ་རི་ནས་ཡིན་པའི་དགེ་རྒན་ཉམས་མྱོང་ཅན་ཞིག་དང་། ཏཱ་ལའི་བླ་མ་མཐོ་སློབ་སློབ་སྤྱི་གཞོན་པ་འབུམ་རམས་པ་པདྨ་དབྱངས་ཅན་ལཊ་གཉིས་དབྱིན་ཡིག་དགེ་རྒན་དུ་བསྐོ་བཞག་བྱས་ཡོད་ཚུལ་སོགས་ངོ་སྤྲོད་གནང་སོང་

གསར་འགོད་པས་ཏཱ་ལའི་བླ་མ་མཐོ་སློབ་ཏུ་དབྱིན་སྦྱོང་བཞིན་པའི་སེར་སྨད་དགེ་བཤེས་ལྷ་རམས་པ་བློ་བཟང་དབྱིག་གཉེན་ལགས་སུ་བཅར་འདྲི་ཞུས་པར། དབྱིན་ཡིག་སྦྱོང་དོན་གཙོ་བོ་ཟ་སྐད་འཐུང་སྐད་ཙམ་མིན་པར་༸གོང་ས་མཆོག་གིས་དུས་རབས་ཉེར་གཅིག་པའི་ནང་པ་ཞིག་བྱ་དགོས་པའི་ལམ་སྟོན་གནང་བ་ལྟར། དུས་རབས་དང་མཐུན་པའི་ནང་པ་ཞིག་བྱ་དགོས་ན་དེང་དུས་ཤེས་ཡོན་དབྱིན་ཡིག་མེད་དུ་མི་རུང་བ་ཆཊ་ཡོད་སྟབས་ཆེད་དུ་དབྱིན་ཡིག་སྦྱོང་དུ་ཡོང་ཚུལ་དང་ མ་གཞི་ཁོང་ལ་དབྱིན་ཇིའི་རྨང་གཞི་ཡག་པོ་མེད་ཀྱང་དགེ་རྒན་ཚོས་འཛིན་གྲྭ་ཚོཊ་སྟངསདང་། སློབ་གྲྭའི་ཁོར་ཡུག་གི་མཐུན་རྐྱེན་འཛོམས་པོ་ཡོད་པ་བཅས་ཀྱིསདུས་ཡུན་ཐུང་ངུའི་ནང་གང་འཚམ་ཡར་རྒྱས་འགྲོ་ངེས་ཡིན་པའི་ཡིད་ཆེས་ཡོད་པ་དང་ གལ་སྲིད་ཟླ་གསུམ་གྱི་སློབ་ཁྲིད་དེར་གྲུབ་འབྲས་ཡག་པོ་བྱུང་ན་སློབ་སྤྱི་མཆོག་གིས་བསྐྱར་དུ་སློབ་སྦྱོང་དུས་ཡུན་ཟླ་ ༣ ནས་དང་ དེ་ནས་ལོ་ ༡ དང་ ༢ གཉིས་སུ་སྤར་འཆར་ཡོད་སྐོར་བརྗོད་བྱུང་བས་དེ་ལ་ཧ་ཅང་དགའ་ཡོད་སྐོར་བརྗོད་བྱུང་

ད་ཆར་ཏཱ་ལའི་བླ་མ་མཐོ་རིམ་སློབ་གཉེར་ཁང་དུ་ཁྱོན་དགེ་ལས་ ༤༠ ལྷག་དང་སློབ་ཕྲུག་ ༡༩༠ ཙམ་ཡོད་འདུག

གསར་འགོད་པ། དཔལ་ལྡན།  

ཤོག་ངོས་འདི་ཐེངས་ ༢༡༥༡ ལ་བཀླགས་འདུག
རིག་པ་འདོན་པ།
ཡུལ་གྱར་བ།
༢༠༡༣/༠༦/༠༧ ཉིན་འདོན་སྤེལ་བྱས།
᫗ᨵ་᪍ᨕ་བྱུང་འདུག
དྷ་ས་ལ་སོགས་པའི་སྲང་ལམ་ན་འཁྱམ་མྱུལ་གྱིས་དབྱིན་སྐད་འདྲ་སྦྱོང་ཐབས་ཀྱིས་ཆོས་མགོ་མ་མཐོན་པ་ལས་ཡག་པ་རེད་ལ་ཚོགས་པ་སྒྲིག་འཛུགས་ན་ཡོད་ན་འདྲ་གི་མ་རེད།
དེང་དུས་དགེ་འདུན་པར་དབྱིན་ཇིའི་ཤེས་བྱ་ཡོད་ན་རྒྱན་རེད་ལྷ་རམ་པ་རྣམས་བཀྲིས་བདེ་ལེགས།
མི་རྒོད།
༢༠༡༣/༠༥/༡༧ ཉིན་འདོན་སྤེལ་བྱས།
ཧ་ཧ་ཧ་བཀྲ་ཤིས་བདེ་ལེགས་དགེ་བཤེས་ལ་རྣམས་པ། ཐུགས་རྗེ་གཟིགས་བུད་མེད་རྣམས་དང་སྙིང་གྲོགས་མེད་པ་ཞིག་གནང་རོགས། སླད་ཕྱིན་དོན་དངོས་སུ་ཉེར་གཅིག་པའི་ནང་པ་ཡིན་ད། ཨ་རི་པའི་ནང་པ་མིན་ད་
sangkye
༢༠༡༣/༠༥/༡༥ ཉིན་འདོན་སྤེལ་བྱས།
ཨོ་ད་ཡག་པོ་རེད། དགེ་བཤེས་ལྷ་རིམས་པ་ཚོའི་དཀའ་ངལ་སེལ་ཆེད་མཐོ་སློབ་ཀྱི་བུ་མེད་ཚོ་མཉམ་ཏུ་བཞག་ན་ཏ་ལའི་བླ་མའི་མཐོ་སློབ་དར་རྒྱས་ལ་འགྲོ་རྒྱུ་དེ་ཐག་གིས་བཅད། དགེ་བཤེས་ལྷ་རིམ་ཚོ་ཧཧཧཧཧཧཧ
བསྟན་འཛིན་དོན་ཡོད།
༢༠༡༣/༠༥/༡༤ ཉིན་འདོན་སྤེལ་བྱས།
དོགས་འདྲི། བོད་མི་མང་སྤྱི་འཐུས་བུ་མོ་ཚེ་རིང་ཟེར་བ་འདི་དེ་སྔོན་བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ། ད་ལྟའི་དབུས་གཙང་སྤྱི་འཐུས་སྦེ་ཚེ་རིང་ཟེར་བ་དེ་རེད་དམ། གལ་སྲིད་ཡིན་ན་མོ་རང་ཏཱ་ལའི་བླ་མཐོ་སློབ་ཀྱི་འགན་འཛིན་ཇི་ལྟར་ཆགས་པ་རེད་དམ། འདིའི་སྐོར་སུ་ཞིག་གིས་གསལ་བོ་ཤེས་ན་ངོ་སྤྲོད་ཅིག་གནང་རོགས།
རིག་པ་འདོན་པ།
རིག་པ་འདོན་ན་ངེས་པར་དུ་དེབ་སྐྱེལ་བྱེད་དགོས།
འདི་ལ་བསྣུན་ཏེ་དེབ་སྐྱེལ་བྱེད་རོགས།