སྐུ་གཅེན་རྒྱལ་ལོ་དོན་གྲུབ་མཆོག་ལ་གསེར་གྱི་གཟེངས་རྟགས་ཕུལ།

འདོན་སྤེལ། ༢༠༡༣/༠༥/༢༡

ཟླ་འདིའི་ཕྱི་ཚེས་ ༡༧ ཉིན་གྱི་སྔ་དྲོའི་ཆུ་ཚོད་ ༡༠ པའི་སྟེང་སུད་སི་ས་གནས་མདོ་སྨད་རྒྱུན་ལས་སྐབས་བརྒྱད་པའི་གོ་སྒྲིག་འོག སུད་སི་ས་གནས་ཨེན་སི་རྡན(EInsieden)ཞེས་པ་རུ། ༼ སུད་སི་མདོ་སྨད་མི་མང་གི་བཀའ་དྲིན་རྗེས་དྲན་གསེར་གྱི་གཟེངས་རྟགས་ཐེངས་དང་པོ ཞེས་བཀའ་བློན་ཁྲི་ཟུར་སྐུའི་གཅེན་པོ་རྒྱལ་ལོ་དོན་གྲུབ་མཆོག་ལ་འབུལ་ལམ་ཞུས་པའི་མཛདསྒོ་ཞིག་འཚོགཡོད་འདུ

མཛད་སྒོའི་སྟེང་སུད་སིའི་སྐུ་ཚབ་དོན་གཅོད་ཆོས་སྐྱབས་པ་ཚེ་བརྟན་བསམ་གྲུབ་མཆོག་དང་། སུད་སི་དང་ལེཀ་ཊེན་སིཊབོད་རིགས་མི་མང་གི་ཚོགས་གཙོ་གང་གཞི་ཚང་བློ་བཟང་། གཞན་སུད་སིའི་ཆོལ་ཁ་གསུམ་གྱི་ཚོགས་གཙོ་རྣམ་དང་། གཞུང་འབྲེལ་མིན་པའི་ཚོགས་སྡེ་ཁག་གི་ཚོགས་གཙོཧྥི་རན་སི་དང་འཇར་མན་ནས་ཕེབས་པའི་མདོ་སྨད་མི་མང་། སུད་སིགནས་སྡོད་མདོ་སྨད་མི་མང་བཅས་མི་མང་ ༡༠༠ ལྷག་ལྷན་འཛོམས་གནང་ཡོད་འདུག

སུད་སིའི་མདོ་སྨད་རྒྱུན་ལས་སྐབས་བརྒྱད་པའི་ཚོགས་གཙོ་འཇདཔལ་བཀྲ་ཤིས་ལགས་ཀྱིས་ངོ་སྤྲོད་གནང་བ་ལྟར་ན། ད་རེས་ཀྱི་གཟེངས་རྟགས་སྤྲོད་པའི་མཛད་སྒོ་དེ་ནི་སུད་སིའི་མདོ་སྨད་རྒྱུན་ལས་སྐབས་བརྒྱད་པའི་ཚོགས་ཆེན་ཐེངས་དང་པོ་དང་བསྟུན་ཏེ་ཚོགས་པ་ཞིག་ཡིན་ཞིང་། དེ་སྔོན་གྲོས་བསྡུར་རིམ་སོང་ལྟར། བོད་པའི་ཉེ་རབས་དཀའ་སྡུག་གཉན་འཕྲང་གི་ལོ་རྒྱུས་ཁྲོད་མཛད་རྗེས་རླབས་ཆེན་སྐྱོང་མཁན་བོད་ཀྱི་སྲིད་ཞུ་བ་ཞིག་ལ་བཀའ་དྲིན་རྗེས་དྲན་མཚོན་ཕྱིར་གསེར་གྱི་གཟེངས་རྟགས་འབུལ་གཏན་ཁེལ་བ་ལྟར། ཡུ་རོབ་གནས་སྡོད་མདོ་སྨད་ཕྱོགས་ཀྱི་ཤེས་ཡོན་པ་དང་རྒན་རབས་པ་མང་པོས་འོས་འདེམས་བརྒྱུད་གཟེངས་རྟགས་འབུལ་ཡུལ་གཏན་ཁེལ་གནང་བ་ཞིག་ཡིན་འདུག  
ཁོང་གིས་མུ་མཐུད་དུ་བརྗོད་དོན།
ཐོག་མར་གཟེངས་རྟགས་འབུལ་ཡུལ་གྱི་འོས་གཞི་མིང་འདོན་བྱས་པའི་ཁྲོད། འོས་ཐོབ་མང་ཤོས་ཨང་དང་པོ་བཀའ་བློན་ཁྲི་ཟུར་སྐུའི་གཅེན་པོ་རྒྱལ་ལོ་དོན་གྲུབ་མཆོག་དང་ཨང་གཉིས་པ་ཨ་མ་རྗེ་བཙུན་པད་མཆོག ཨང་གསུམ་པ་ཞིང་གཤེགས་དམ་པ་ཨ་ལག་འཇིགས་མེདམཆོག ཨང་བཞི་པ་བཀའ་ཀིརྟི་རིན་པོ་ཆེ་མཆོག་ཅས་ཆགས་ཡོད་སྟབས། གསེར་གྱི་གཟེངས་རྟགས་ཐེངས་དང་པོ་དེ་སྐུ་ངོ་མཆོག་ལ་འབུལ་ལམ་ཞུ་གཏན་ཁེལ་བ་རེད ” ཅེས་ངོ་སྤྲོད་གནང་ཡོད་འདུག 

གཟེངས་རྟགས་དེ་སྐུ་གཅེན་རྒྱལ་ལོ་དོན་གྲུབ་མཆོག་ལ་འབུལ་དགོས་པའི་རྒྱུ་མཚན་ནི། དཀའ་སྡུག་རྙོག་འཛིང་ཧ་ཅང་ཆེ་བའི་བོད་ཀྱི་ཉེ་རབས་ལོ་རྒྱུས་ཁྲོད་ས་དབང་མཆོག་གིས་སྐུ་ཚེ་ཧྲིལ་བོར་བོད་བསྟན་སྲིད་མི་རིགས་ཆེདསྐུ་ངལ་དང་མཛད་རྗེས་རླབས་ཆེན་བཞག་པརམདོ་སྨད་མི་མང་གིས་ངོས་འཛིན་དང་མ་འོངས་ལོ་རྒྱུས་ནང་གཟི་བརྗིད་ལྡན་པའི་མཛད་རྗེས་གནས་ཐུབ་པའི་ཆེད་དུ་ཡིནཚུལ་བརྗོད་འདུག

ཐོག་མར་གཟེངས་རྟགས་གོ་སྒྲིག་པ་ཚོས་ས་དབང་མཆོག་ཉིན་དེའི་མཛད་སྒོ་སྟེང་གདན་འདྲེན་ཞུས་ཡོད་ཀྱང་དགུང་ནའི་བབ་དང་གཟུགས་གཞི་བདེ་མིནགྱི་དབང་གིས་ཕེབས་མ་ཐུབ་སྟབས། ད་རེབ་ཀྱི་གཟེངས་རྟགས་དེ་སུད་སིར་གནས་སྡོད་ཨ་ཁུ་གཅོད་པ་ཐར་ལགས་ཀྱིས་ས་དབང་མཆོག་གི་ཚབ་བྱས་ཏེ་བཞེས་ཡོད་འདུག  

སྐུ་གཅེན་རྒྱལ་ལོ་དོན་གྲུབ་མཆོག་གིས་ཐེངས་འདིའི་མཛད་སྒོའི་སྟེང་ཆེད་དུ་བཀའ་སློབ་བརྙན་པར་ཐུང་ངུ་ཞིག་གནང་ཡོད་པའི་ནང་ཐེངས་འདིར་གཟེངས་རྟགས་འབུལ་མཁན་རྣམས་ལ་བཀའ་དྲིན་ཆེ་ཞུ་རྒྱུ་དང་། ལྷག་དོན་ཁྱེད་རྣམས་ཀྱིས་བོད་སྤྱི་བའི་ལས་དོན་ཐད་འགན་བླངས་ཏེ་འདི་ལྟ་བུའི་གཟེངས་རྟགས་མཛད་སྒོ་ཞིག་གོ་སྒྲིག་གནང་བ་ཧ་ཅང་ཡག་པོ་རེད། ང་མཛད་སྒོ་དེར་བཅར་འདོདཆེན་པོ་བྱུང་ཡང་ལོ་འི་བབ་དང་གཟུགས་པོའི་གནས་སྟངས་ཀྱི་དབང་གིས་བཅར་མ་ཐུབ་པར་དགོངས་འགལ་མེད་པ་ཞུརྒྱུ་ཡིན” ཞེས་དང་། ཁོང་གིས་མུ་མཐུད་དུ། “ སྤྱིར་བོད་ཀྱི་དཀའ་ངལ་འདི་ནི་༧གོང་ས་བཅུ་གསུམ་པ་མཆོག་སྐུ་གཤེགས་པའི་རྗེས་སུ་བོད་གཞུང་གི་མཛད་གཙོ་རྣམས་ཀྱིས་རྒྱ་ནག་གི་གནས་སྟངས་མ་མཁྱེན་པ་དང་། རྒྱ་གར་གྱི་གནས་སྟངས་མ་མཁྱེན་པ། རྒྱལ་སྤྱིའི་གནས་སྟངས་མ་མཁྱེན་པ། ཐ་ན་བོད་རང་གི་སྐབས་བབ་གནས་སྟངས་ཀྱང་མ་མཁྱེན་འི་དབང་གིས། གཞུང་ཤག་ནང་ཁུལ་བར་ཁྲུག་འཛིང་འཐེན་ཁྱེར་བྱས་ལ་བརྟེན་ནས་བྱུང་བ་དང་། ལྷག་དོན་༧གོང་ས་བཅུ་གསུམ་པ་མཆོག་གི་<ཞལ་གདམས་ནང་། ང་ཚོ་བོད་པ་རྣམས་ཀྱིས་ཡག་པོ་མ་བྱས་པ་ཡིན་ན། ནམ་ཞིག་ཉིན་མཚན་མི་འཁྱོལ་བའི་དཀའ་ངལ་ཞིག་ཡོང་ངེས་པའི་བཀའ་སློབ་གནང་བ་ལྟར། སྐབས་ཐོག་དེའི་བོད་པ་ཚོས་གནས་སྐབས་ཀྱི་ཕྱོགས་ཞེན་ཙམ་ལ་མགོ་འཁོར་ཏེ་བསྡད་སྟབས། ང་ཚོའི་མགོ་ཐོག་ལ་ཉིན་མཚན་མ་འཁྱོལ་བའི་དཀའ་ངལ་ཞིག་དངོས་སུ་ཡོང་བ་རེད” ཅེས་གསུངས་འདུག

ས་དབང་ཆེན་པོ་མཆོག་གིས་མུ་མཐུད་དུ། “ ཐེངས་འདིར་ཁྱེད་རང་ཚོས་ང་ལ་ཆ་འཇོག་འདྲ་ཞིག་བྱས་ཏེངས་ལས་ཀ་རླབས་ཆེན་ཞིག་བྱས་འདུག་ཟེར་ནས་རྗོད་ཀྱི་ཡོད་པ་རེད། ཡིན་ནའང་ངས་ཅི་ཡང་འཇོན་ཡོད་པ་མ་རེད། ངས་མི་ཚེ་ཧྲིལ་བོར་ལྷག་བསམ་རྣམ་དག་བྱས་ནས་ལས་ཀ་ཆུང་ཚག་རེ་བྱས་པ་དེ་ངའི་ལས་འགན་རེད། ཁྱད་པར་དུ་ལས་ཀ་བྱེད་མཁན་ང་གཅིག་པུ་མ་རེད། ང་ཚོ་ཚང་མས་དཀའ་ལས་མང་པོ་བརྒྱབ་པ་རེད་ལ། དཀའ་ལས་རྒྱག་མཁན་མང་པོ་ཞིག་ནི་ད་ལྟ་གཤེགས་ཚར་བ་རེད། ཡིན་ནའང་ང་ད་དུང་མ་ཤི་བར་བསྡད་ཡོད་པའི་སྐབས་འདིར། ང་ཚོས་ཕྱི་ལོ ༡༩༣༦ ལོ་ནས་བོད་དོན་ཆེད་སོ་སོས་གང་འཇོན་ལྟར་ལས་ཀ་བྱས་པའི་བརྗེད་ཐོ་ཞིག་བྲིས་ནས་ཚར་ཡོད། དེ་མི་འགྱངས་བར་ཁྱོད་ཚོས་གཟིགས་ཐུབ་གྱི་རེད། དེ་བས་ཁྱེད་རང་ཚོས་དེར་གཟིགས་ན་མང་པོ་ཞིག་དེ་ནས་ཤེས་ཡོང་གི་རེདཅེས་གསུངས་ཡོད་འདུག  

སུད་སིའིསྐུ་ཚབ་དོན་གཅོད་མཆོག་གིས་གསུངས་བཤད་གནང་དོན། “ ལྷ་སྲས་སྐུ་ངོ་མཆོག་ཁྱེད་རང་ངོ་མཇལ་ཡོད་མེད་གསལ་བོ་མི་ཤེས་ཀྱང་། ང་རང་ངྷལ་ཧོར་སློབ་གྲྭར་འགྲོ་སྐབས། སྐུ་ངོ་མཆོག་ལ་ཐེངས་མང་པོ་མཇལ་མྱོང་ཡོད། སྐུ་ངོ་མཆོག་བོད་ཀྱི་རྩ་དོན་ཐོག་ལྷག་བསམ་རྣམ་དག་དང་། སེམས་ཤུགས་ཧ་ཅང་ཆེན་པོ་ཡོད་མཁན་ཞིག་ཡིན་པ་མ་ཟད། སྐུ་ན་ཆུང་དུས་ནས་བོད་དོན་ཐད་འགན་ཁུར་བླངས་ཏེ་མཛད་རྗེས་རླབས་ཆེན་བཞག་གནང་ཡོད་པ་རེད། ལྷག་པར་དུ་ཨ་རིའི་གསང་བའི་ལས་ཁུངས་དང་རྒྱ་གར། ཡུ་རོབ། མཉམ་འབྲེལ་རྒྱལ་ཚོགས་སོགས་སུ་འབྲེལ་བ་གནང་སྟེབོད་དོན་རྒྱལ་སྤྱིའི་སྒང་ལ་སྐྱེལབའི་ཕྱག་ལས་དང་པོ་དེ་གནང་ཡོད་པ་རེད། དེ་བཞིན་ཡབ་གཞིས་སྐུ་འཁོར་ཚང་མས་བོད་ཀྱི་དཀའ་ངལ་ཐད་འགན་རླབས་ཆེན་བཞེས་གནང་བ་སོགས་ནི་ང་ཚོས་བཀའ་དྲིན་རྗེས་དྲན་བྱ་འོས་པ་ཞིག་རེད ཅེས་གསུངས་འདུག  

དེའི་རྗེས་སུད་སི་དང་ལེཀ་ཊེན་སིཊཡན་བོད་རིགས་མི་མང་གི་ཚོགས་གཙོ་མཆོག་གིས་མཛད་སྒོ་དང་འབྲེལ་བའིསྐོར་ལ། སྐུ་ངོ་མཆོག་གི་ལོ་རྒྱུས་དང་འབྲེལ་བའི་གསུང་བཤད་ནང་གསལ་དོན། སྐུ་ངོ་མཆོག་གིས་བོད་ཀྱི་ཉེ་རབས་ལོ་རྒྱུས་ནང་མཛད་རྗེས་རླབས་ཆེན་བཞག་ཡོད་པ་ནི་ང་ཚོས་བཀའ་དྲིན་རྗེས་དྲན་བྱེད་འོས་པ་ཞིག་དང་། ལྷག་དོན་རྒྱལ་སྤྱིའི་ནང་བོད་དོན་ཆེད་ཕྱག་ལས་མང་པོ་གནང་བ་སོགས་ནི་ང་ཚོས་བཀའ་དྲིན་ཞུ་འོས་པ་ཞིག་རེདཅེས་སོགས་གསུངས་འདུག

གཞནམཛད་སྒོ་དེ་དང་འབྲེལ་ཏེ་མདོ་སྨད་ས་རྒྱུན་ངོས་ནས་སུད་སིའིནང་ཡོད་པའི་བོད་པའི་བྱིས་པ་རྣམས་ལ་བོད་སྐད་ཡིག་ལ་དོ་སྣང་ཡོང་ཆེད། ས་གནས་མདོ་སྨད་ཀྱི་རང་ལོ་ ༡༦ མན་གྱི་བྱིས་པ་ཚོར་ཕ་སྐད་འགྲན་བསྡུར་གྱི་ལས་འགུལ་ཞིག་སྤེལ་ཡོད་འདུག

ཚེས ༡༩ ཉིན་སུད་སིའི་ས་གནས་མདོ་སྨད་རྒྱུན་ལས་སྐབས་བརྒྱད་པའི་ལོ་གསུམ་རིང་གི་རྩིས་ཁྲ་རྩིས་ལེན་དང་སྐབས་དགུ་བའི་རྒྱུན་ལས་གསར་འདེམས་བཅས་གནང་ཡོད་འདུག ཐེངས་འདིར་རྒྱུན་ལས་ ༥ བདམས་ཐོན་བྱུང་ཡོད་པ་དག་ནི། ཧ་ཀ་ཚང་ཚེ་རིང་དབང་རྒྱལདང་ཕུར་བུ་མེ་མེ་སོའོ་ཧྥར། མདང་རྩེ་ཚང་བསོད་ནམས་བརྟན་པ། དཀོན་མཆོག་བཀྲ་ཤིས། བློ་བཟང་བཅས་ཡིན་འདུག སུད་སི་ས་གནས་མདོ་སྨད་རྒྱུན་ལས་ཁང་དེ་ནི་ཕྱི་ལོ ༡༩༨༦ ཟླ ༥ ཚེས་ ༢༣ ཉིན་དབུ་བརྙས་པ་ཞིག་ཡིན་པ་དང་༡༩༩༣ ལོའི་ཟླ ༤ ཚེས་ ༢༩ ཉིན་སུད་སི་གཞུང་གི་ཁྲིམས་ལུགས་ལྟར་དེབ་སྐྱེལ་ཡོད་འདུག

           

 

ཤོག་ངོས་འདི་ཐེངས་ ༣༨༥༡ ལ་བཀླགས་འདུག
རིག་པ་འདོན་པ།
གཡག
༢༠༡༣/༠༥/༢༩ ཉིན་འདོན་སྤེལ་བྱས།
བོད་དོན་བློས་བཏང་མཁན་མང་པོ་ཞིག་ཡོད་དང་ཡོད།ཆོལ་གསུམ་ཅིག་སྒྲིག་གི་འོས་གཞི་ཞིག་འདོན་ནས་བྱས་རྗེས་རླབས་ཆེན་བཞག་མཁན་གནང་ལ་གཟེངས་རྟགས་ཞིག་ཕུལ་པ་ཡིན་ན་དཔེ་མི་སྲིད་ཡག་པོ་འདུག་སྙམ།
རྒྱ་ཞིང་མྱི་དཀར
༢༠༡༣/༠༥/༢༧ ཉིན་འདོན་སྤེལ་བྱས།
གོང་ནས་མི་ཁ་ཤས་ཞིག་གིས་ལོ་རྒྱས་ལ་འཁྱོག་བཤད་དང་ཆོས་ལུགས་དང་ཆོལ་ཁའི་ཕྱོགས་ཞེན་སོགས་ཀྱིས་ཀུན་ནས་བསླང་ནས་ཚིག་ངན་སྐྱོན་བརྗོད་དམའ་འབེབ་གུས་མེད་སྐུར་འདེབས་སོགས་ཀྱི་སྒོ་ནས་གཏམ་གླེང་མང་པོ་བྱས་སོང་ཡིན་ན་ཡང་གནས་ལུགས་དང་བདེན་ཚིག་དྲང་གཏམ་སོགས་ལས་ལྡོག་དེ་ཕྱོགས་ཞེན་གྱི་སྐད་ཆ་རྐྱང་རྐྱང་གླེང་སོང་བས་བློ་ཕམ་ཧ་ཅང་ཡོད་རྒྱུ་མཚན་བོད་མི་རིགས་ཀྱི་ཆེད་དུ་འཛེམ་དོགས་མེད་བར་མི་ཚེ་བསྐྱེལ་ནས་མཐའ་འཆོལ་བའི་མི་བུ་ཞིག་ལ་མཚོན་ན་རང་མི་རིགས་དང་སྤུན་ཟླའི་རང་ཉིད་ལ་ཡིད་ཆེས་དང་རྒྱབ་སྐྱོར་མ་བྱེད་ན་རང་ཉིད་ཀྱིས་བསྒྲུབ་འདོད་བའི་བྱ་བ་གང་ཡོད་ལམ་འགྲོ་མི་ཡོང་བ་རྟན་ཁེལ་བ་རེད་དཔེར་ན་རྒྱལ་བློན་མཆོག་གི་མི་རིགས་ཀྱིས་ཆེད་དུ་ཕྱག་ལས་གནང་བའི་ནང་ཕལ་ཆེ་བ་དེ་འདྲ་ཞིག་དུ་གྱུར་བ་རེད་ཡང་ཅིག་བཤད་ན་ཅི་ཁག་སྐབས་དེ་དུས་ཞིག་ལ་མཚོན་ན་ཁ་མ་གཏོགས་ཚང་མ་ཡིག་རྨོངས་བ་རྐྱང་རྐྱང་རེད་དབང་ཡོད་དང་གོ་ས་མ་གཏོགས་མི་ཤེས་བའི་བླུན་རྒན་རྐྱང་རྐྱང་རྒྱལ་བློན་མཆོག་ལ་ཅི་ཁག་ད་དུང་བླུན་རྒན་དེ་དག་གི་བག་ཆགས་ཀྱིས་བསླད་བླུན་ཕྲུག་ར་ཟུང་ཡོད་པ་འདྲ་སྙིང་རྗེ།
རྒྱ་ཞིང་མྱི་དཀར
༢༠༡༣/༠༥/༢༧ ཉིན་འདོན་སྤེལ་བྱས།
བཀུར་བར་འོས་བའི་སྐུའི་གཅེན་པོ་རྒྱལ་བློ་དོན་འགྲུབ་མཆོག་ལ་བཀྲིས་བདེ་ལེགས་གྲངས་མེད་ཞུ།
བསྟན་ཆོས།
༢༠༡༣/༠༥/༢༧ ཉིན་འདོན་སྤེལ་བྱས།
སོག་ཚའི<བོད་ལྗོངས>ལ་འགྲེལ་བཤད་གནང་བར་བཀའ་དྲིན་ཆེ་ཡང། དེ་དུས་ཀྱི་བོད་ལྗོངས་དེ་ཆོལ་ཁ་གསུམ་པོ་ཡིན་དེ་ཕར་སྤྲོད་རྒྱུ་ཡིན་ཚུལ་གསུང་ཨེ་ཡོད་ལ།
རྒོད།
༢༠༡༣/༠༥/༢༦ ཉིན་འདོན་སྤེལ་བྱས།
བསྟན་ཆཽས་ལགས།
ངས་བསམ་ཚུལ་དང་མཐུན་པ་བྱུང་ནས་ངས་དཔར་ལོག་རྒྱག་ནས་དྲྭ་ཚིགས་འདིར་ཐོག་བཀོད་བཞག་ཞིག་ལས་གཞན་གང་ཡང་མེད།
ངས་བསམ་པ་ཁྱེད་རང་འདིར་ཐོག་ལ་ཡ་མཚན་སྐྱེས་དགོས་པ་གང་ཡང་མཐོང་མ་སོང།
འབྲོང་བུ་སོག་ཚ།
༢༠༡༣/༠༥/༢༤ ཉིན་འདོན་སྤེལ་བྱས།
དྲྭ་གྲོགས་བསྟན་བཅོས་ལགས། སྐབས་དེར་བོད་ལྗོངས་ཞེས་པར་ཁྱེད་ཀྱི་མ་མཁྱེན་ན། དེ་ཡི་ཚེ་དེའི་དུས་ཁོང་བཙན་བྱོལ་བོད་གཞུང་གི་བཀའ་བློན་ཁྲི་པ་ཡིན་པ་དང། མ་ཟད་བཙན་བྱོལ་བོད་གཞུང་དེ་ཆོལ་ཁ་གསུམ་ལས་གྲུབ་པའི་དམངས་གཙོའི་སྒྲིག་འཛུགས་ཤིག་ཡིན་པར་བརྟེན། ཆོལ་གསུམ་གྱི་ས་ཁུལ་ནས་མ་ཡིན་པར་གཞན་རྒྱའི་ས་ཆ་སྤྲད་པའི་ཐོབ་ཐང་ཁོང་ལ་མེད་པས། རྒྱུ་མཚན་དེ་འདྲ་ལ་བརྟེན་ནས་རོབ་ཙམ་བཤད་པ་ཡིན།
བསྟན་ཆོས།
༢༠༡༣/༠༥/༢༤ ཉིན་འདོན་སྤེལ་བྱས།
ཡང་རྐུ་དང་རྐུན་མ་གཉིས་ལགས། "ཁོ་རང་བཀའ་བློན་ཁྲི་པ་བྱས་སྐབས་ཁེ་ན་ཌར་གསར་འགོད་གསལ་བསྒྲགས་ཤིག་གི་སྟེང་ (Give and Take) ཕར་སྤྲད་ཚུར་ལེན་ཞེས་གོང་གསལ་ལྟས་ངན་ ༨༡ གི་ལོ་རྒྱུས་ལ་གཞི་བཅོལ་བའི་བོད་ལྗོངས་བློས་བཏང་གི་གཏམ་བཤད་བྱས་པའི་རྟགས་མ་ཡིན་འགྲོ།" ཞེས་པའི་དྲ་བྱང་བསྐུར་རོགས་ཞུའོ།།
བསྟན་ཆོས།
༢༠༡༣/༠༥/༢༤ ཉིན་འདོན་སྤེལ་བྱས།
མིག་སོག་ལགས། "ཕར་སྤྲོད་ཚུར་ལེན་གྱིས་བོད་ལྗོངས་བློས་བཏངས"སྟངས་ཇི་ལྟར་ཡིན་ནམ། སྐབས་འདིའི་བོད་ལྗོངས་ཞེས་པ་ངེས་འཛིན་གནང་ནས་ཅིག་གསུང་རོགས་ཞུ
བསྟན་ཆོས།
༢༠༡༣/༠༥/༢༤ ཉིན་འདོན་སྤེལ་བྱས།
མིག་གིས་འབྲོང་བུ་སོག་ཚ་ལ་རྐུ་བྱས་འདུག རྐུན་མ་དང་རྐུན་མགོ་མི་ནོན་པ་གཉིས། ཧཧ།
དྲང་བདེན་གྱི་སློང་མོ་བ།
༢༠༡༣/༠༥/༢༣ ཉིན་འདོན་སྤེལ་བྱས།
གངས་ཅན་ཆོས་ལྡན་རིགས་པའི་ཕ་ས་ནས།
ཆོས་མེད་ལྟ་བ་ཁྱེར་མཁན་ཕོ་རྒོད་ཁྱེད་།།
གསེར་གཟིགས་ཕྱག་ཏུ་སྲིད་དོན་འདིར།།
གུས་པ་འོས་པའི་ཤེས་ཚིག་འདི་ལྟར་ཐོར་།།

ཁ་བ་རིགས་པའི་ས་ཁམས་གཙང་མིའི་ནང་།།
རིགས་པའི་གཞུང་ལུགས་མོའི་རྗེས་དྲངས་པ།།
ཕ་རྒྱུད་དབུས་ཡིན་མ་རྒྱུད་ཨ་མདོ་བ།།
གླང་དར་གཉིས་པ་ཁྱེད་ལ་འོས་པ་མཐོང་

ཨ་མདོ་ཁྲ་མོའི་རྣམ་ཤེས་གསེར་ལ་འགྱུར།།
གུང་ཐང་ཚང་གི་གཟི་འོད་དེ་རིང་འདོན།།
དགྲ་བོའི་གདོང་ལ་གུས་པ་བྱེད་མཁས་ལྷ།།
མི་ལོ་འདི་དག་ལོ་རྒྱས་ཁྱེད་ཀྱིབསྐྲུན།
རྒོད།
༢༠༡༣/༠༥/༢༣ ཉིན་འདོན་སྤེལ་བྱས།
ཧ་ཧ།ངེད་བསམ་པ་སྐུ་ཞབས་ཨབ་བྷ་མྭ་ཡི་གཟེངས་རྟགས་གནང་པ་རེད་བསམ་བྱུང།
དེ་རེད་མི་འདུག་
ངོ་མ་གསེར་གྱི་གཟེངས་རྟགས་དེ་རྫིག་པོ་བཟོས་འདུག་
ང་ལ་དེ་འདྲའི་ཞིག་བཟོ་རོགས།གངས་སེང་ཡོད་པ་ཞིག་བཟོ་རོགས།
གང་ལྟར་གསེར་མང་པོ་ཞིག་ཡོད་པ་འདྲ།
བེད་སྤྱོད་གཏོང་བའི་དུས་ཚོད་རེད།
མིག
༢༠༡༣/༠༥/༢༣ ཉིན་འདོན་སྤེལ་བྱས།
ལྟས་ངན་ ༨༡ ལོར་ཏིང་ཞའུ་ཕིང་གིས་མགོ་སྐོར་འོག་ཚུད་དེ་ད་ལྟའང་ལང་རྒྱུ་མེད་པ་ཟོས་པ་དང་གཅིག ཁོ་རང་བཀའ་བློན་ཁྲི་པ་བྱས་སྐབས་ཁེ་ན་ཌར་གསར་འགོད་གསལ་བསྒྲགས་ཤིག་གི་སྟེང་ (Give and Take) ཕར་སྤྲད་ཚུར་ལེན་ཞེས་གོང་གསལ་ལྟས་ངན་ ༨༡ གི་ལོ་རྒྱུས་ལ་གཞི་བཅོལ་བའི་བོད་ལྗོངས་བློས་བཏང་གི་གཏམ་བཤད་བྱས་པའི་རྟགས་མ་ཡིན་འགྲོ། ཧ་ཧ།
རྐུན་མ་ལ་དཔའ་དར་དང་། སྤྱང་ཀི་ལ་ཚེ་ཐར་ཞེས་པའི་དཔེ་ལས་མ་འདས། དྲྭ་གྲོགས་ཚོ་ཕེབས་དང་། ཁོས་བོད་ཀྱི་ལོ་རྒྱུས་ནག་པོ་ཟོས་པའི་བྱུང་རིམ་ཁག་བཤད་རྒྱུ་ཡོད་པས་ང་ཚོ་ལྟས་མོ་ལྟ་ཆོག
ཀརྨ་རྡོ་རྗེ།
༢༠༡༣/༠༥/༢༣ ཉིན་འདོན་སྤེལ་བྱས།

སིད་སི་མ་རེད། སུད་སི་རེད།

Dawai Shonu
༢༠༡༣/༠༥/༢༢ ཉིན་འདོན་སྤེལ་བྱས།
རང་རང་གིས་གཟེངས་རྟགས་བཟོས། རང་རང་གི་ལུང་ཚན་མི་ལ་ཕུལ ། ལུང་ཚན་ཤོག་ཁག་ཕྱོགས་ལྷུང་གི་སྤྱོད་ངན།
ཧོར་བུ་ཡེ་ཤེས
༢༠༡༣/༠༥/༢༢ ཉིན་འདོན་སྤེལ་བྱས།
ཚོགས་པ་གཞན་དང་རྒྱལ་ཁབ་གཞན་ནི་ཕུལ་མཁན་མེད །དེ་ནི་ལོ་རྒྱུས་ཤེས་མཁན་མང་བ་རེད། ངོ་མ་ལོ་རྒྱུས་ནང་བཞག་འདོད་ཡོད་ན་ཨ་མ་རྗེ་བཙུན་པདྨ་ལ་ཕུལ་ན་དོན་དང་ལྡན་པ་ཞིག་རེད །
ཤོག་གྲངས་: [༡] [རྗེས་མ།]
རིག་པ་འདོན་པ།
རིག་པ་འདོན་ན་ངེས་པར་དུ་དེབ་སྐྱེལ་བྱེད་དགོས།
འདི་ལ་བསྣུན་ཏེ་དེབ་སྐྱེལ་བྱེད་རོགས།