ཁྱེད་རང་ཚོར་དཀའ་ངལ་ཡོད་པ་ང་ཚོས་ཚོར་གྱི་ཡོད།

འདོན་སྤེལ། ༢༠༡༣/༠༥/༢༦

བོད་ནས་གསར་དུ་འབྱོར་མཁན་མང་པོ་ཞིག་ལ་རྒྱ་གར་ནང་གནས་སྡོད་ཆོག་པའི་སྐྱབས་བཅོལ་ལག་དེབ་མ་རག་པའི་དཀའ་ངལ་འཕྲད་ཀྱི་ཡོད་པའི་སྐོར་བདེ་སྲུང་བཀའ་བློན་མཆོག་བཅར་འདྲི་ཞུས་དོན་ལྟར། ད་ཆར་ལམ་ཁ་གཞན་ཞིག་གི་ཐོག་འབད་བརྩོན་ཞུ་བཞིན་ཡོད་ཟེར།

ཕྱི་ལོ་ ༢༠༠༣ ལོའི་ཕྱི་ཟླ་ ༥ བའི་ཚེས་ ༣༠ ཉིན་ནས་བཟུང་རྒྱ་གར་གཞུང་གིས་བོད་ནས་རྒྱ་གར་ནང་སྐྱབས་བཅོལ་དུ་འབྱོར་བའི་རིཊ་ལ། བལ་ཡུལ་རྒྱ་གར་གཞུང་ཚབ་བརྒྱུད་རྒྱ་གར་ནང་འཛུལ་ཞུཊ་ཆོག་པའི་དམིཊ་བསལ་དེབ་དཀར་པོ་ཞིག་བཟོས་ཡོད་པ་ལྟར། འདས་པའི་ལོ་ཤས་རིང་ལག་དེབ་དེའི་ཐོག་ གནས་བསྐོར ཞེས་བཀོད་པའི་བོད་མི་མང་པོ་ཞིག་ལ་རྒྱ་གར་ནང་སྡོད་ཆོག་པའི་སྐྱབས་བཅོལ་ལག་དེབ་(RC)མ་རག་པའི་དཀའ་ངལ་ཆེན་པོ་འཕྲད་བཞིན་ཡོད།  

༢༠༡༠ ལོར་སྐྱབས་བཅོལ་ལག་དེབ་ནང་ གནས་བསྐོར འཁོད་པའི་མི་ ༥༠༠ ལྷག་དང་། སྐྱབས་བཅོལ་ལག་དེབ་མེད་མཁན་ ༢༠༠ཅས་ཁྱོན་མི་ ༧༠༠ ཡས་མས་ངྷ་རམ་ས་ལའི་པདྨ་ཐང་དུ་འཛོམས་ཏེ། ཆོལ་ཁ་གསུམ་གྱི་འཐུས་མིདང་གྲྭ་བཙུན་གྱི་འཐུས་མི་སོགས་མི་ ༣༠ བདམས་ཏེ། ལོ་དེར་སྔ་ཕྱི་ཐེངས་ ༣ ལ་བཀའ་ཤག་དང་བོད་མི་མང་སྤྱི་འཐུསབདེ་སྲུང་། ནང་སྲིད་བཅས་སུ་སྙན་ཞུ་ཕུལ་མཐར། བཀའ་ཤག་གིས་མིང་ཐོ་བསྡུ་རུབ་ཀྱིས་རྒྱ་གར་གཞུང་ལ་ཕུལ་དེ་སྐྱབས་བཅོལ་ལག་དེབ་ཅིག་བཟོས་ཡོད་ཀྱང་། ལག་དེབ་དེ་དོ་བདག་སོ་སོའི་ལག་ཏུ་འབྱོར་སྐབསཁག་ཅིག་གི་དུས་ཚོད་སྔར་ནས་རྫོགས་ཡོད་པ་དང་། ཁག་ཅིག་གི་དུས་ཚོད་ཉིན་བཅུ་གྲངས་ལས་མེད་པ་ཆགས་ཡོད། དེ་དག་ཡོངས་རྫོགས་ལ་བསྐྱར་རྒྱ་གར་(RC )ལས་ཁུངས་ཀྱིས་དུས་ཚོད་འཕར་འགྱངས་ངོས་ལེན་བྱས་མེད། ཕྱིས་སུ་སྐབས་གཉིས་པའི་མི་མང་གི་འཐུས་བདམས་ཏེ། སྔར་བཞིན་བཀའ་ཤག་སྐབས་བཅུ་བཞི་པ་དང་སྤྱི་འཐུས་སྐབས་བཅོ་ལྔ་པ། བདེ་སྲུང་ལས་བཅས་སུ་བཅར་ཏེ་སྙན་ཞུ་ཐེངས་མང་ཕུལ་ཡོད་པ་མ་ཟད། སྲིད་སྐྱོང་མཆོག་དང་བདེ་སྲུང་བཀའ་བློན་བཅས་ལ་ཐད་ཀར་ཐུག་སྟེ་རེ་སྐུལ་ཞུས་ཡོད་འདུག   

དཀའ་ངལ་དེའི་ཐད་འདི་གའི་གསར་འགོད་པས་སྐབས་གཉིས་པའི་མི་མང་འཐུས་མི་རིན་ཆེན་རྡོ་རྗེ་ལགས་སུ། བཀའ་ཤག་སྐབས་གསར་པའི་ལམ་སྟོན་གང་འདྲ་ཕེབས་ཡོད་མེད་དྲིས་པར། ཁོང་གིས། འདི་ལོའིལོ་མགོར་ང་ཚོ་སྲིད་སྐྱོང་མཆོག་གི་སར་བཅར་སྐབསཁོང་གི་ངོས་ནས་མི་མང་གི་དཀའ་ངལ་ཤེས་ཀྱི་ཡོད་ཀྱང་། རྒྱ་གར་གཞུང་གིས་དེ་སྔོན་མི་ ༧༠༠ ལྷག་ཡོད་ཀྱང་ཆར་མི་ ༣༠༠ ཙམ་ལས་མི་འདུག ལྷག་མ་རྣམས་གང་དུ་ཕྱིན་མིན་དྲིབཏང་ཡོང་གི་འདུག་ཟེར། ཉེ་ལམ་ཕྱི་ཟླ་ ༣ པའི་གྲོས་ཚོཊ་ནང་བདེ་སྲུང་བཀའ་བློན་མཆོག་གིས་སྐྱབས་བཅོལ་ལག་དེབ་ཐོག་དཀའ་ངལ་མེད་ཚུལ་དང་འཕར་འགྱངས་བྱས་ཡོད་སྐོར་གསུངབྱུང་། སྐབས་དེར་ང་ཚོ་ཡང་བསྐྱར་ཚོཊ་ཏེ་སྲིད་སྐྱོང་དང་བདེ་སྲུང་བཀའ་བློན་གཉིས་ཀར་ཐུག་ཏེ་གནས་ཚུལ་སྙན་སེང་ཞུས་ཀྱང་དཀའ་ངལ་ཤེས་ཀྱི་ཡོད། ལས་ཀ་འགྲོ་བཞིན་པ་ཡིནཟེར་བ་ཙམ་རེད ཅེས་བརྗོད་བྱུང་

ཁོང་ལ་ད་ལྟ་ལག་དེབ་མེད་པའི་གནས་སྐབས་རིང་དཀའ་ངལ་གང་དག་འཕྲད་ཀྱི་ཡོད་མེད་དྲིས་པར། ཁོང་གིས། ང་ལ་མཚོནལོ་བརྒྱད་དགུ་ཞིག་ལ་སྐྱབས་བཅོལ་ལག་དེབ་མེད་ལ་བསྡད་པ་ཡིན། ངས་དྲང་མོར་བཤད་ན་སྐྱབས་བཅོལ་ལག་དེབ་མེད་མཁན་ཚོ་ངྷ་རམ་ས་ལར་ལྷག་བསྡད་ཡོད་པ་རེད། མང་པོ་ཞིག་ཕྱིར་བོད་ནང་ལོག་ཚར་བ་རེད། སྐྱབས་བཅོལ་ལག་དེབ་མེད་ན་ཕྱི་རྒྱལ་དུ་འགྲོ་འདོད་མཁན་ཚོས་ཡིག་ཆ་གཅིག་ཀྱང་ཁྲིམས་མཐུན་གྱིས་བཟོ་ཐུབ་ཀྱི་ཡོད་པ་མ་རེད་ལ། ངྷ་རམ་ས་ལར་ཚོང་ཙག་ཙིག་བརྒྱབ་སྟེ་སྡོད་མཁན་ཚོར་ཡང་། ཐ་ན་སོལ་རླངས་ལག་དེབ་ཙམ་ཡང་བཟོ་ཐུབ་ཀྱི་ཡོད་པ་མ་རེད། སྤྱི་འཐུས་དང་བཀའ་ཤག་ནང་ངྷ་ས་གཡས་གཡོན་ཏུ་སྡོད་མཁན་ཚོར་ཁང་པ་རྒྱག་རྒྱུའི་སྐད་ཆ་ཞིག་ཡོང་གི་འདུག ངས་བལྟས་ན་ཁང་པ་ལས་ཨང་དང་པོ་སྐྱབས་བཅོལ་ལག་དེབ་བརྟན་པོ་ཞིག་བྱ་རྒྱུ་གལ་ཆེ་ཤོས་རེད་དྲན་ཡོདཅེས་བརྗོད་བྱུང་

ཉེ་ལམ་གསར་འགོད་པས་བོད་མིའི་སྒྲིག་འཛུཊ་བདེ་སྲུང་བཀའ་བློན་འབྲོང་ཆུང་དངོས་གྲུབ་མཆོག་ལ་སྐྱབས་བཅོལ་ལག་དེབ་ཀྱི་གནས་སྟངས་གང་འདྲ་ཆགས་ཡོད་མེད་བཀའ་འདྲི་ཞུས་པར། ཁོང་གིས། ང་ཚོའི་ངོས་ནས་རྒྱ་གར་གཞུང་ ལྷ་རབ་བྱུང་ན་སྤྱི་འགྲོས་སྤྱི་མཚུངས་ཀྱིས་ལོ་རེར་འཕར་འགྱངས་ཡོང་རྒྱུའི་རེ་བ་ཞུས་ཡོད་ལ། དེ་མིན་པའི་གནས་སྐོར་གྱི་ལེའུ་དེར་རྒྱ་གར་གཞུང་གིས་དམིཊ་བསལ་དགོངས་པ་བཞེས་ཏེ། སྤྱི་འགྲོས་སྤྱི་མཚུངས་ཤིག་བཟོ་ཐུབ་པ་གནང་རོཊ་ཞེས་འབོད་སྐུལ་ཞུ་བཞིན་ཡོདཅེས་གསུངས་སོང་ ཡང་ཁོང་ལ་སྐྱབས་བཅོལ་ལག་དེབ་མེད་མཁན་ཚོའི་དཀའ་ངལ་རིགས་སེལ་ཐབས་ཀྱི་ལམ་ཁ་གཞན་ཡོད་མེད་དྲིས་པར།དེ་སྔོན་ལོ་གཅིག་རིང་འཕར་འགྱངས་བྱས་ཐུབ་ཡོད་ཀྱང་། ད་ཆར་འཕར་འགྱངས་མ་ཐུབ་པར་འགག་བསྡད་ཡོད། དེའི་ཐད་ཆད་པ་དང་ཉེས་པ་གང་ཡོད་ཀྱང་བོད་མིའི་སྒྲིག་འཛུཊ་ཀྱིས་ཕུལ་རྒྱུ་ཞེས་ཞུས་ཡོད། དེ་དོ་བདག་སོ་སོའི་ནོར་འཁྲུལ་ལ་བརྟེན་ནས་བྱུང་བ་མ་རེད། དོ་བདག་སོ་སོར་ཁྲིམས་ཐོག་ནས་བྱེད་རོགས་མ་བྱས་པ་དེ་འདྲ་འགྱངས་ཆད་རིཊ་ཕོག་གི་ཡོད་ན།  སྒྲིག་འཛུཊ་ཀྱི་ཕུལ་རྒྱུ་ཡིན་ཞེས་གསལ་པོ་ཞུས་ཡོད་པ་རེད། ད་ཆར་ང་ཚོས་ཕུཊ་ཀྱི་དཀའ་ངལ་སེལ་ཆེད་རྒྱུན་རིང་པོར་སྡོད་ཆོག་པ་(Longterm stay) བཟོ་ཐབས་སུ་དགོངས་ཞེས་གནང་རོཊ་ཞེས་ཞུས་ཏེ་བཀའ་མོལ་འགྲོ་བཞིན་པ་རེད། ཁ་སང་ཁེ་ཉིན་སྲིད་སྐྱོང་མཆོག་ལྡི་ལིར་ཡོད་དུས་དེའི་སྐོར་ལ་བཀའ་མོལ་གནང་ཡོད་པ་རེད། ད་ལྟའི་ཆར་རྒྱ་གར་གཞུང་གི་ཅོག་ཙེའི་སྒང་དུ་བཞག་ཡོད་པའི་དབང་གིས་ཚང་མར་ཐུགས་འཚབ་མ་གནང་རོཊ། ཁྱེད་རང་ཚོར་དཀའ་ངལ་ཡོད་པ་ང་ཚོས་ཚོར་གྱི་ཡོད  ཅེས་གསུངས་བྱུང་

གསར་འགོད་པ། དོན་གོ

ཤོག་ངོས་འདི་ཐེངས་ ༢༠༦༠ ལ་བཀླགས་འདུག
རིག་པ་འདོན་པ།
ཅང་མེད།
༢༠༡༣/༠༥/༢༧ ཉིན་འདོན་སྤེལ་བྱས།
RC ལ་འབྲེལ་ཡོད་བཀའ་ལས་བྱེད་ཐུན་མོང་ནས་གསོན་དང་། ་མི་དམངས་ཚོའི་དཀའ་ངལ་ཤེས་ཀྱིན་ཡོད་ཟེར་བ་གནས་སྐབས་ཙམ། ༢༠༠༣ལོ་ནས་བར་ཐོན་པའི་གསར་འབྱོར་༧༠༠་བརྒྱ་ལྷག་ལ་RCགྱིན་དཀའ་ངལ་འཕྲད་ཀྱིན་ཡོད་པའི། ཁྱེད་ཚོའི་དེའི་སྐོར་ལ་ནམ་ཞིག་ལ་ཆེད་ལས་བྱས་པ་ཡིན། གསར་འབྱོར་བ་ཚོ་ཧིན་སྐད་དང་དབྱིན་སྐད་རང་རྐང་མི་ཚུག་པའི་ཕྲུ་གུ་འདྲ་བའི། ཁོང་ཚོ་RCསྐོར་གྱི་ནུས་པ་ཅི་ཡང་ཡོད་པ་མ་རེད།
དངོས་གནས་བྱས་ན་བཙན་བྱོལ་བོད་མིའི་བདེ་སྡུག་ལ་ཁྱེད་ཚོས་གཟིགས་དགོས་མོད། རྡ་ས་མ་ཡིན་པའི་གསར་འབྱོར་བ་རྒྱ་གར་ནང་དུ་བཀྲམ་སྡད་ཡོད། ན་ཉིན་2012/6ནང་རྡ་སའི་གསར་འབྱོར་མ་གཏོགས་སྙན་ཞུ་མ་ཕུལ་སྟབས། ས་གནས་གཞན་ཁག་ཏུ་RCདུས་ཚོད་བསྣུར་བ་དཀའ་ངལ་གང་འདྲ་འཕྲད་ཡོད་མེད་ཤེས་སོང་ངམ། ཉེ་སྔོན་ནང་བཞིན་ང་ཚོའི་སྤྱི་ཚོགས་ནང་ལ་འདྲ་མིན་སྣ་ཚོགས་ཡོང་བ་མང་ལ། དེའི་རིགས་ལས་བྱེད་མི་སྣའི་བོད་པའི་སྤྱི་ཚོགས་བདག་སྐྱོང་མ་བྱས་པའི་གནད་དོན་ཞིག་ཏུའོ།
མཉམ་ཞུགས
༢༠༡༣/༠༥/༢༧ ཉིན་འདོན་སྤེལ་བྱས།
སྐད་ཆ་དྲང་མོར་བཤད་ཚེ"ཁྱེད་རང་ཚོར་དཀའ་ངལ་ཡོད་པ་ང་ཚོས་ཚོར་གྱི་མི་འདུག"ཅེས་བརྗོད་ཚེ་སྐུ་ངོའི་སེམས་གཏམ་དང་བར་ཐག་ཉེ་བ་ཡོད། ང་ཚོའི་སྐུ་ངོ་ཚོ་ལ་སྐྱབས་བཅོལ་ལག་དེབ་ཀྱི་ཐོག་དཀའ་ངལ་འཕྲད་པའི་ཉམས་མྱོང་ཅི་ཡང་མེད་པར་བརྟེན་ཁ་བཤད་ལས་ལག་ལེན་ཐོག་བསྐྱེལ་རྒྱུ་ཧ་ཅང་ཁག་པོ་ཡིན་པར་སེམས།གལ་ཏེ་དེ་འདྲ་མིན་ཚེ་སྐུ་ངོ་རྣམ་པས་སོ་སོ་དང་སོ་སོའི་ནང་མི་རྣམས་འབྱོར་ལྡན་རྒྱལ་ཁབ་མི་སེར་བཟོ་རྒྱུར་དུས་འགྱངས་དང་འཐུས་ཤོར་ཅ་ཡང་མེད་པར་བཟོ་རྒྱུ་ནུས་པ་དང་ཐབས་ལམ་ཆ་ཚང་བྱང་ཆུད་པ་རྐྱང་རྐྱང་ཡིན་པས་སོ་སོའི་ལས་དོན་ནང་བཞིན་དོ་སྣང་དང་ཐབས་ཤེས་བྱས་ཚེ་སྐྱབས་བཅོལ་ལག་དེབ་ཀྱི་དཀའ་ངལ་ནི་སྔ་ས་སངས་ཚར་ཡོད་པ་ཧ་ཅང་གསལ་བོ་རེད།འོན་ཀྱང་ང་ཚོ་སྐུ་ངོ་ཚོ་སྤྱི་དོན་ཐོག་ཁ་བཤད་ཆུའི་ལྦུ་བ་ལས་ལག་ལེན་གསེར་གྱི་ཐིག་པ་ལ་དེ་འདྲའི་མྱོས་པོ་མེད་པར་བརྟེན་དཀའ་སྡུག་ལ་གདོང་ལེན་བྱེད་བཞིན་པ་ཁྱེད་རྣམས་ནས་ད་དུང་མུ་མཐུད་ནས་གསུང་བཤད་སྙན་པོ་དེར་ཉན་བཞིན་ད་དུང་སྐུ་ལས་ཏོག་མྱང་དགོས་ཁེལ་ས་རེད་བསམ་གྱི་འདུག ཉིན་རེ་བཞིན་དཀའ་སྡུག་དང་འཇིགས་སྣང་ནང་འཚོལ་བ་བསྐྱེལ་བཞིན་པ་ཁྱེད་རྣམས་ལ་གདུང་སེམས་མཉམ་བསྐྱེད་ཡོད།
ཀརྨ་རྡོ་རྗེ།
༢༠༡༣/༠༥/༢༧ ཉིན་འདོན་སྤེལ་བྱས།
སྤྱི་འཐུས་དང་བཀའ་ཤག་ནང་ངྷ་ས་གཡས་གཡོན་ཏུ་སྡོད་མཁན་ཚོར་ཁང་པ་རྒྱག་རྒྱུའི་སྐད་ཆ་ཞིག་ཡོང་གི་འདུག ངས་བལྟས་ན་ཁང་པ་ལས་ཨང་དང་པོ་སྐྱབས་བཅོལ་ལག་དེབ་བརྟན་པོ་ཞིག་བྱ་རྒྱུ་གལ་ཆེ་ཤོས་རེད་དྲན་ཡོད” ཅེས་བརྗོད་བྱུང་། ་ཟེར།
Dawai Shonu
༢༠༡༣/༠༥/༢༧ ཉིན་འདོན་སྤེལ་བྱས།
བོད་གཞུང་བཀའ་ཤག་ཡིན་ནའང་རེད། བདེ་སྲུང་ལས་ཁུངས་ཡིནའང་རེད། འབྲེལ་ཡོད་ལས་ཁུངས་སུ་ཡིན་ནའང་གནས་ཚུལ་འདིའི་སྐོར་ཁ་གསལ་འགྲེལ་བརྗོད་རྒྱག་དགོས་པ་རེད། སྐྱབས་བཅོལ་ལག་དེབ་བཟོ་མ་ཐུབ་པའི་རྒྱུ་མཚན། དཀའ་ངལ་ག་རེད་འཕྲད་བཞིན་པ་སོགས་མི་ཚང་མས་ཧ་གོ་ཡས་ཀྱི་གསལ་བཤད་བྱས་ན་གོ་བ་ལོག་རྟོགས་ཡོང་མི་སྲིད། དེ་མིན། སུའི་ནོར་འཁྲུལ་ཡིན་ཤེས་དཀའ་ལ་མི་མང་ཚོས་གོ་མ་ཚོད།

དང་པོ། དང་པོ་ཡིག་ཆའི་ནང་གནས་སྐོར་ཞེས་འཁོད་སྟངས་གང་འདྲ་རེད། སུ་བཀོད་པ་རེད། ག་རེ་བྱས་ནས་བཀོད་པ་རེད།
གཉིས་པ། སྐྱབ་ས་བཅོལ་ལག་དེབ་སོ་སོས་ག་རེ་བྱས་ནས་བཟོ་ཐུབ་ཀྱི་ཡོད་མ་རེད། ངའི་ནང་མིའི་ལག་དེབ་ཚང་མ་སོ་སོ་སྒེར་གྱིས་འབྲེལ་ཡོད་རྒྱ་གར་ལས་ཁུངས་ལ་བཅར་ནས་བཟོས་པ་ཡིན།
གསུམ་པ། བོད་ནས་རྒྱ་གར་ལ་བྱོར་བསྡད་མཁན་ཚོས་ཡུལ་ཁྲིམ་དང་ལུག་སྲོལ་དང་མཐུན་པའི་སྤྱོད་པ་བསྟན་པ་ཡག་པོ་ཡོང། བོད་ནང་བྱས་པ་ནང་བཞིན་རྒྱ་གར་ལུང་པར་བྱེད་ན་རྟག་རྟག་ཅིག་བསྡད་ཀྱི་མ་རེད། དེས་རྒྱ་གར་བ་ཚོའི་སེམས་ནང་དོགས་པ་རྣམ་རྟོག་མི་ཡོང། སྐྱབས་བཅོལ་ལག་དེབ་ཐོབ་ཡས་ལའང་ལས་སླ།
ཉེར་གཅིག་པའི་ཅོང་བརྡ།
༢༠༡༣/༠༥/༢༧ ཉིན་འདོན་སྤེལ་བྱས།
དང་ཐོག་གནས་སྐོར་འཁོད་པ་ནི་གཞུང་གི་ནོར་འཁྲུལ་ཡིན་ཙང་
གཞུང་གིས་ལྷག་བསམ་རྣམ་དག་གིས་གསར་འབྱོར་ཚོར་རོགས་རམ་
གནང་དགོས། དེ་མ་ཚད་གཞུང་གི་ལས་ཁུངས་ཁག་གིས་གསར་འབྱོར་
བརྩི་བཀུར་བྱེད་དགོས
རིག་པ་འདོན་པ།
རིག་པ་འདོན་ན་ངེས་པར་དུ་དེབ་སྐྱེལ་བྱེད་དགོས།
འདི་ལ་བསྣུན་ཏེ་དེབ་སྐྱེལ་བྱེད་རོགས།