བོད་མིའི་སྒྲིག་འཛུཊ་ཀྱི་ལས་དོན་ལ་གཞོཊ་འདེཊ་བྱ་རྒྱུའི་དམ་བཅའ་ཡོད།

འདོན་སྤེལ། ༢༠༡༣/༠༥/༢༧

དེ་རིང་བོད་ཀྱི་གཞོན་ནུ་ལྷན་ཚོགས་ཀྱིཚོཊ་ཆེན་བཅོ་ལྔ་དེ་ངྷ་སའི་རྒྱ་གར་ཚོགས་ཁང་ཞིག་ཏུ་མགོ་འཛུགས་གནང་སོང་ལ། མ་འོངས་པའི་ཉིན་དྲུག་གི་རིང་གཞོན་ནུའི་ལངས་ཕྱོགས་དང་བོད་དོན་ལས་འགུལ་སྤེལ་ཕྱོགས་ཀྱིས་མཚོན་པའི་གྲོས་གཞི་ཁག་ ༨ ཀྱི་སྟེང་བགྲོ་གླེང་གྲོས་ཆོད་དང་། སྐབས་བཅོ་ལྔ་པའི་དབུས་རྒྱུན་གསར་འདེམས་བཅས་གནང་རྒྱུ་རེད། 

དེ་རིང་ཕྱི་ཚེས་ ༢༧ ཉིན་གྱི་སྔ་དྲོའི་ཆུ་ཚོད་ ༩།༠༠ འི་ཐོག ངྷ་རམ་ས་ལའི་ཁི་ལོ་པི་ (Club House) གསོལ་མགྲོན་ཁང་དུ་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་ཆེན་ཐེངས་ ༡༥ པ་དབུ་འཛུཊ་གནང་སོང་ དབུ་འབྱེད་མཛད་སྒོའི་སྐུ་མགྲོན་གཙོ་བོར་ངྷ་ས་ཧིན་བོད་མཛའ་འབྲེལ་ཚོགས་པའི་ཚོགས་གཙོ་སྐུ་ཞབས་ཝེ་རྗེ་སིན་མོན་གྷོ་ཌེ་ཡཱ (Vijai Singh ManKotia)ལགས་ཕེབས་འདུག་ལ། གཞན། གཞོན་ནུའི་རྒྱུན་ལས་ཟུར་པ་སྤྱི་འཐུས་ཀརྨ་ཡེ་ཤེས་དང་བློ་བཟང་ཡེ་ཤེས། ཆོས་སྐྱོང་དབང་ཕྱུག་བཅས་ཀྱང་ཕེབས་འདུག དེ་མིན་ངྷ་ས་ས་གནས་མགོ་འཛིན། གཞུང་འབྲེལ་མིན་འི་ཚོགས་པ་ཁག་ཅིག་གི་སྐུ་ཚབ་བཅས་མཉམ་ཞུགས་གནང་སོང་། ཚོགས་གཙོའི་ངོ་སྤྲོད་ལྟར་ན། ད་རེབ་ཚོགས་ཆེན་སྟེང་ས་གནས་ཁག་ ༤༠ དང་། དབུས་རྒྱུན་རྣམས་ཚུད་པའི་ཚོགས་བཅར་བ་ ༡༣༠ ཙམ་ཡོད་འདུག  

མཛད་སྒོའི་ཐོག་མར་སྐུ་མགྲོན་གཙོ་བོ་མཆོག་ནས་སྣང་གསལ་མར་མེ་ཞལ་འབྱེད་དང་ རང་སྲོག་བློས་གཏོང་གནང་མཁན་རྒྱལ་གཅེས་དཔའ་བོ་དཔའ་མོ་རྣམས་པར་མྱ་ངན་བཅས་གནང་རྗེས། གཞོན་ནུའི་ཚོགས་གཙོ་ཚེ་དབང་རིག་འཛིན་ལགས་ཀྱིས་ཡིག་ཐོག་གི་གསུང་བཤདསྒྲོགས་སྦྱང་གནངཔར། ༡༩༤༩ ལོནསད་བར་རྒྱ་ནག་གཞུང་གིས་ བོད་ནང་མི་སྤྱོད་ལས་འདས་པའི་སྲིད་བྱུས་ལག་བསྟར་བྱས་པ་དང་། བོད་མི་ཚོས་ལུས་སྲོག་ལོངས་སྤྱོད་དང་བཅས་པ་བོད་བསྟན་སྲིད་ཆེད་ཕུལ་ཏེ། ༢༠༠༨ ལོ་ནས་ད་བར་བོད་མི་ ༡༡༧ ཙམ་གྱིས་ང་ལུས་མེར་བསྲེགས་གནང་། བོད་མི་མང་པོརྒྱའི་བཙོན་འོག་ཏུ་མནར་གཅོད་མྱངས་དང་མྱོང་བཞིན་ཡོད་པའི་རྒྱལ་ཞེན་བློས་གཏོང་གི་མཛད་རྗེས་ཆུད་བཟོས་མི་འགྲོ་བར་གཞོན་ནུ་ལྷན་ཚོགས་ཀྱིས་དམ་བཅའ་བརྟན་པོ་ཞུ་རྒྱུ་དང་། བོད་ནང་གི་རྒྱལ་གཅེས་དཔའ་བོ་དཔའ་མོ་རྣམས་ཀྱི་སྙིང་སྟོབས་དང་ལྷག་བསམ་ནི། བོད་མིའི་འཐབ་རྩོད་ཀྱི་རྨང་གཞི་གཙོ་བོ་ཡིན་སྟབས། བཙན་བྱོལ་བོད་མི་ཚོས་རྡོག་རྩ་ཆིག་སྒྲིལ་ཐོག་སྤྱི་དོན་ཐོག་འཐབ་རྩོད་ནུས་པ་འདོན་རྒྱུ་གལ་ཆེན་ཡིན་སྐོར་སོགས་བརྗོད་བྱུང་

ཁོང་གིས་ཉེ་སྔོན་༸གོང་ས་མཆོག་གིབཀའ་སློབ་སྔ་ཕྱིར་ཕེབས་པའི་ཐད།  ཉེ་དུས་༸གོང་ས་མཆོག་གིས་འཕྲལ་ཕུཊ་ཀྱི་ལམ་སྟོན་བཀའ་སློབ་རིམ་པ་ཕེབས་ཡོད་པ་ཚང་མས་མཁྱེན་གསལ་ལྟར། མགོན་པོ་གང་ཉིད་ཀྱི་ལྷ་དགོངས་འཁྲུག་གཞིའི་རིཊ་མི་འབྱུང་བ་གནང་རྒྱུ་ང་ཚོ་བོད་མི་སྤྱི་བོ་གནམ་བསྟན་ཡོངས་ཀྱི་ལས་འགན་ཡིན་པ་དང་། བོད་ཀྱི་གཞོན་ནུ་ལྷན་ཚོཊ་ ༡༩༧༠ ལོར་གསར་འཛུཊ་བྱས་པ་ནས་ད་ལྟའི་བར་བོད་རང་བཙན་གྱི་དམིཊ་ཡུལ་གཞིར་བཟུང་ཐོག མི་ལོ་  ༤༡ རིང་འཐབ་རྩོད་རྒྱུན་འཁྱོངཞུས་དང་ཞུ་བཞིན་པ་དེ། གཙོ་བོ་༸གོང་ས་མཆོག་གི་ཐུཊ་རྗེའི་བྱིན་རླབས་དང་། བོད་ནང་གི་བོད་མིའི་ལྷག་བསམ་དང་སྙིང་སྟོབས་ཀྱི་རྨང་གཞི་ལས་བྱུང་བ་གསལ་བོ་ཡིན། བོད་ཀྱི་གཞོན་ནུ་ལྷན་ཚོཊ་ཀྱི་དམིཊ་ཡུལ་བཞི་ལས། དང་པོ་༸གོང་ས་མཆོག་གིས་བོད་བསྟན་སྲིད་མི་རིཊ་ཆེད་སྐུ་ལས་ཇི་ལྟར་སྐྱོན་ཡོད་པར་སྙིང་དབུས་ནས་བཀའ་དྲིན་དྲན་པའི་ཐོག  ཤེས་བཞིན་དུ་མགོན་པོ་མཆོག་ལྷ་དགོངས་འཁྲུག་གཞིའི་བྱ་སྤྱོད་རིཊ་ཏིལ་འབྲུ་ཙམ་ཡང་དངོས་ཤུཊ་བརྒྱུད་གསུམ་ནས་སྤེལ་མེད་པར་མ་ཟད། དེ་ལྟ་བུ་བསམ་བློའི་ནང་འཁོར་མྱོང་ཡང་མེད། ༸གོང་ས་མཆོག་ནི་བོད་མི་ཆིག་སྒྲིལ་གྱི་ནུས་པ་དང་སེམས་ཤུཊ་ཀྱི་སྲོག་རྩ། དམངས་གཙོའིའཕེལ་རིམ་གསར་གཏོད་མཛད་མཁན་ཡིན་པའི་ཐོག ང་ཚོ་བོད་མི་ཙམ་མ་ཟད། འཛམ་གླིང་སྐྱེ་འགྲོ་ཀུན་ལ་སེམས་ནང་རྙེད་དཀའ་བའི་དད་རྟེན་གྱི་བདག་ཉིད་ཡིན་པ་ནི་ཀུན་གྱིམཁྱེན་གསལ་ཡིན། ལྷག་པར་དུ་བོད་མིའི་འཐབ་རྩོད་དང་མངགཙོའི་འཕེལ་རིམ། ཆིག་སྒྲིལ་གྱི་སྙིང་སྟོབས་སོཊ་བོད་མིའི་བདེདོན་ལ་མགོན་པོ་གང་ཉིད་སྐུ་ན་ཤིན་ཏུ་ཕྲ་བའི་དུས་ནས་སྐུ་ངལ་བརྒྱ་<ཕྲག་འཁུར་བཞེས་ཀྱིས། མཛད་འགན་བླ་མེད་གནང་བའི་ཚུལ་རྣམས་ཤེས་པའི་ཐོག་ནས་སྙིང་ཁུང་རུས་པའི་གཏིང་ནས་ཐུགས་རྗེ་བླ་མེད་དུ་ཆེ་ཞེས་ལན་བརྒྱར་ཞུ་རྒྱུ་ཡིནཞེས་བརྗོད་བྱུང་

གཞོན་ནུའི་མ་འོངས་ལངས་ཕྱོཊ་ཐད།གཞོན་ནུའི་སྒྲིག་འཛུཊ་ནི་བོད་མིའི་སྒྲིག་འཛུཊ་དང་དཔུང་འདེགས་ཞུ་མཁན་དང་། བོད་མིའི་འཐབ་རྩོད་ནང་བོད་རིཊ་གཞོན་སྐྱེས་ཚོས་ནུས་པ་མཉམ་སྤུངས་བྱེད་སའི་སྡིངས་ཆ་གལ་ཆེན་ཞིག་ཡིན་སྟབས། ༸གོང་ས་མཆོག་གིས་བོད་ཀྱི་གཞོན་ནུ་ལྷན་ཚོཊ་ལ་ཐུཊ་བརྩེ་ཆེན་པོས་གཟིཊ་སྐྱོང་མཛད་དང་མཛད་བཞིན་པ་ཡིན། གཞོན་ནུའི་སྒྲིག་འཛུཊ་ཀྱི་ངོས་ནས་ད་བར་༸གོང་ས་མཆོག་དང་བོད་གཞིས་བྱེས་གཉིས་ཀྱི་སྐུ་ཚབ་མཚོན་ནུས་པའི་བོད་མིའི་ཁྲིམས་མཐུན་གཞུང་གི་སྒྲིག་འཛུཊ་ལ་ཤེས་བཞིན་མཚན་སྨད་སྐུར་འདེབས་རིཊ་གཏན་ནས་ཞུས་མེད་ལ། གལ་ཏེ། མ་ཤེས་མ་རྟོཊ་པའི་དབང་གིས་༸གོང་ས་མཆོག་ལྷ་དགོངས་འཁྲུག་གཞིའི་རིཊ་ཆ་ཕྲ་མོ་ཙམ་བྱུང་ཡོད་ཚེ། ད་རེཚོཊ་ཆེན་འདིའི་ཐོག་གདུང་ཤུཊ་དྲག་པོས་བཟོད་གསོལ་ཞུ་རྒྱུ་དང་། སླམར་ཡང་༸གོང་ས་མཆོག་གི་བཀའ་སློབ་ལམ་སྟོན་སྤྱི་དང་། ཁྱད་པར་བོད་ཀྱི་འཐབ་རྩོད་དང་བོད་མིའི་སྒྲིག་འཛུཊ་ཀྱི་ལས་དོན་ཁག་ལ་གཞོན་ལྷན་ནས་རང་ནུས་གང་ཡོད་ཀྱིས་གཞོཊ་འདེཊ་ཞུ་རྒྱུའི་ཁས་ལེན་དམ་བཅའ་འབུལ་རྒྱུ་ཡིན།ཞེས་བརྗོད་བྱུང་

ད་རེབ་སྐབས་བཅོ་ལྔ་པའི་དབུས་རྒྱུན་གསར་འདེམས་སྐབས་གཟབ་ནན་གྱིས་ཤེས་འཇོན་ལྷག་བསམ་ལྡན་པ་འདེམས་དགོས་པ་དང་། ཚོགས་བཅར་བ་ཡོངས་ལ་ཕུལ་བའི་ཡིག་ཆའི་ནང་གཞོན་ནུའི་བྱུང་སོང་བསྡད་གསུམ་གྱི་རྩིས་ཁྲ་གསལ་བ་ལྟར། ད་ལྟ་དབུས་གཞོན་ནུར་ཧིན་སྒོར་འབུམ་ ༡༢༣ ལྷག་ཙམ་ཡོད་པ་གཞོན་ནུའི་ཚོགས་མིའི་ཚོགས་དངུལ་དང་བོད་རྒྱ་ཆེའི་མི་མང་གི་ཞལ་འདེབས་བཅས་ཡིན་སྐོར་བརྗོད་བྱུང་། ད་དུང་། བཙན་བྱོལ་བོད་མིའི་བཅའ་ཁྲིམས་ལྟར་ཚོགས་པ་སྒྲིག་འཛུགས་འཛུགས་རྒྱུའི་ཐོབ་ཐང་ཡོད་ཀྱང་། ཉེ་དུས་གསར་དུ་བཙུགས་པའི་བོད་རྒྱལ་ཡོངས་ལྷན་ཚོགས་(Tibetan National Congress)དང་གཞོན་ནུ་ལྷན་ཚོགས་བར་འགྲེལ་བ་རྩ་བ་ནས་མེད་པ་གསལ་བཤད་སོགས་འཁོད་འདུག

དེའི་རྗེས་སྐུ་མགྲོན་གཙོ་བོ་སྐུ་ཞབས་ཝེ་རྗེ་སིན་མོན་གྷོ་ཌེ་ཡཱ་ལགས་ཀྱིས་བོད་ཀྱི་གཞོན་ནུ་ལྷན་ཚོགས་ཀྱི་རྒྱལ་གཅེས་དཔའ་བོའི་གཟེངས་རྟགས་དེ།  ༢༠༠༩ ལོ་ནས་ད་ལྟའི་བར་བོད་ནང་རང་ལུས་མེར་བསྲེཊ་གནང་མཁན་རྒྱལ་གཅེས་དཔའ་བོ་དཔའ་མོ་རྣམཔར་ཕུལ་བ་དང་བོད་ཀྱི་གཞོན་ནུ་ལྷན་ཚོཊ་ཀྱི་རང་བཙན་གཟེངས་རྟགས་དེ་རྒྱལ་གཅེས་རང་བཙན་འཐབ་རྩོད་པ་ཞིང་གཤེགས་དམ་པ་སྲས་འཇིགས་མེད་ནོར་བུ་ལགས་སུ་ཕུལ་བ། ས་གནས་གཞོན་ནུ་རྩེ་ཕུད་ཀྱི་གཟེངས་རྟགས་དེ་ཨང་དང་པོ་ངྷ་ས་དང་ཨང་གཉིས་པ་སྦོང་ཨང་གསུམ་པུ་རུ་བ་ལཱ་ས་གནས་གཞོན་ནུ་བཅས་ལ་ཕུལ་སོང་

སྐུ་ཞབས་ཝེ་རྗེ་སིན་མོན་གྷོ་ཌེ་ཡཱ་ལགས་ཀྱིས། འདས་པའི་དུས་སུ་བོད་ཀྱི་གཞོན་ནུ་ལྷན་ཚོགས་ཀྱི་དབུས་རྒྱུན་དང་ཚོགས་མི་རིམ་པས་དཀའ་སྤྱད་འབད་བརྩོན་ལ་བརྟེན་ནས། ཚོགས་པ་འདི་ཉིད་ད་ལྟའི་བར་གནས་ཐུབ་པ་མ་ཟད་སྤྱི་ཚོགས་ནང་ནུས་པ་གང་འཚམ་ཐོན་ཡོད་པ་དང་། ལྷག་པར་དུ་བོད་མི་ཚོར་མིག་དཔེར་འོས་པའི་དབུ་ཁྲིད་༸གོང་ས་ཏཱ་ལའི་བླ་མ་མཆོག་གི་ལམ་སྟོན་དང་། བོད་ནང་རྒྱལ་གཅེས་ལྷག་བསམ་གྱི་ཕྱུཊ་པའི་བོད་མི་མང་པོ་ཞིག་ཡོད་སྟབས། མ་འོངས་པར་རང་ཉིད་ཀྱི་ལངས་ཕྱོགས་ལྟར་འཐབ་རྩོད་གཅིག་པུ་མིན་པར། མི་མང་ལ་སེམས་ཤུགས་སྤར་རྒྱུ་དང་གཞོན་སྐྱེས་ཚོར་མིག་དཔེར་འོས་པའི་ལས་དོན་བསྒྲུབ་རྒྱུ། ལྷག་པར་དུ་༸གོང་ས་མཆོག་གི་དབུ་ཁྲིད་ལམ་སྟོན་དང་ལམ་ཁ་མ་ནོར་བ་ཞིག་གི་ཐོག་འགྲོ་ཐུབ་པ་ཡིན་ན། ཁྱེད་རང་ཚོའི་རེ་བ་དང་དམིགས་ཡུལ། བོད་རང་བཙན་གང་མགྱོགས་ཤར་ཐུབ་པའི་རེ་བ་ཆེན་པོ་ཡོད་སྐོར་གསུངས་བྱུང་

ཐེངས་འདིའི་ཚོགས་ཆེན་གྱི་གྲོས་གཞིཁག་ནི། དང་པོ། ཚོགས་ཆེན་སྔ་སྣུར་དང་འབྲེལ་བའི་གནད་དོན། གཉིས་པ། གཞོན་ནུའི་སྤྱི་ཁྱབ་དབུས་རྒྱུན་ལས་ཁང་དང་ས་རྒྱུན་ཁག་གི་ལས་བསྡོམས་རྩིས་ཁྲར་ཞིབ་བཤེར། གསུམ་པ། སྐབས་ ༡༤ ཚོཊ་ཆེན་གྱི་གྲོས་ཆོད་ཁག་ལ་ཞིབ་བཤེར་དང་འབྲེལ་ཕྱག་ལེན་ཁེལ་བསྡད་མཇུག་སྐྱོང་གནང་ཕྱོཊ། བཞི་བ། ཆབ་སྲིད་དང་འབྲེལ་བའི་གཞོན་ནུའི་ལངས་ཕྱོཊ་དང་ལས་དོན་སྤེལ་ཕྱོགས། ལྔ་ ཆོས་དང་རིག་གཞུང་གཅེས་འཛིན། དྲུག་པ། ༸གོང་ས་མཆོག་གི་སྐུ་ཕྱྭའི་སྐོར། བདུན་པ། གཞོན་ནུའི་སྒྲིག་འཛུཊ་སྲ་བརྟན་སྐོརབརྒྱད་པ། སྤྱི་སྨན་དགོངས་འཆར་བཅས་ཡིན་འདུག

གསར་འགོད་པ། དོན་གོ

ཤོག་ངོས་འདི་ཐེངས་ ༤༠༩༠ ལ་བཀླགས་འདུག
རིག་པ་འདོན་པ།
ཀླུ་མཁར་བྱམས།
༢༠༡༣/༠༥/༣༠ ཉིན་འདོན་སྤེལ་བྱས།
རང་བཙན་རྩོད་མཁན་གྱི་ཚོགས་པ་ཞིག་གི་ངོས་ནས་བཤད་ན། གཞུང་གི་སྲིད་བྱུས་ལ་འགྱུར་བ་གཏོང་དགོས་ཞེས་གྲོས་ཆོད་དེ་ནོར་ཡོད་པ་མ་རེད། གྲོས་ཆོད་ཕྱིར་འཐེན་བྱས་པ་དེ་ནོར་སོང་བ་རེད།
བསྟན་ཆོས།
༢༠༡༣/༠༥/༢༩ ཉིན་འདོན་སྤེལ་བྱས།
བློ་འཕེལ་ལགས། གཞོན་ནུ་ལ་དེ་འདྲ་མ་གསུང་རོགས་ཞུ། སྐད་ཆ་ཐལ་ཆ་ཆེ་བའི་རིགས་ལམ་སང་བརྒྱུད་ལམ་ལ་གཏོང་རྐྱང་བྱས་ན་ཅི་ཕན། རང་ལ་ཐོབ་ཐང་ཡོད་སྡད་པ།ཞིག་རྩད་ན་སྐྱོན་ཅི། གཙོ་བོ་གཞུང་གི་སྲིད་ཇུས་ལ་འགྱུར་བ་གཏོང་དགོས་ལབ་ན་མི་འགྲིག་པ་ཞིག་རེད། དེ་ཡང་སྲིད་དོན་ཚོགས་པ་མིན་པས་སོ།གི་
གསེར་འབྲུག་སྡེར་ལྔ་
༢༠༡༣/༠༥/༢༨ ཉིན་འདོན་སྤེལ་བྱས།
ད་ལྟ་ཕན་ལ་རྒྱལ་ཁབ་གཉིས་དང་མི་རིགས་གཉིས་ཀྱི་ཁེ་ཕན་དེ་སུས་བླངས་སོང་། གྱོང་རྒུད་དེ་སུས་འཁྱེར་སོང་། འབྱུང་འགྱུར་ནང་སུས་བླངས་སུས་འཁྱེར་མིག་བགྲད་ནས་ག་ལེར་བལྟོས་ཨ། ད་ལྟ་གཞི་ནས་རེད་ད།
ཀརྨ་རྡོ་རྗེ།
༢༠༡༣/༠༥/༢༨ ཉིན་འདོན་སྤེལ་བྱས།
གསེར་འབྲུག་སྡེར་ལྔ་
༢༠༡༣/༠༥/༢༨ ཉིན་འདོན་སྤེལ་བྱས།
ཀརྨ་རྡོ་རྗེ།
ཁྱོད་ཨ་མ་དང་མནའ་མ་ནོར་བ་ནི་དགོད་སྤྱད་ཅིག་མ་རེད་པས། བོད་རང་བཙན་འདི། པན་འཇབ་རང་བཙན། ཀཤི་མིར་རང་བཙན། སཱིརཱི་ལངྒ་རང་བཙན། ད་དུང་བལ་ཡུལ་དང་འབྲུག་པ་རང་བཙན་དང་གཞི་གཅིག་ལ་བཞག་ནས་ར་མགོ་ལུག་སྦྱར་བྱེད་པའི་ལམ་ལུགས་འདི་ཅི་འདྲའི་ཡ་མཚན་མ་རེད་པས།
ཧ་ཧ། ལུག་ཁྱུ་འཕར་བ་དང་སྤྱང་ཀིའི་དྲོ་སྐྱིད་ལ་རེ་ཡོད་ཟེར་ན་གང་འདྲ་འདུག།
ལན་དུ།
ངས་ཨ་མ་དང་མནའ་ནོར་ན་ཡང་ཁྱིམ་ཚང་གཅིག་གི་དཀའ་ངལ་རེད། ཁྱེད་རང་བོད་རང་བཙན་དང་རྒྱ་བོད་གཉིས་སྨན་དབུ་མ་གཉིས་ཀྱི་ཁ་ཕན་ལ་ནོར་ན་རྒྱལ་ཁབ་གཉིས་དང་། མི་རིགས་གཉིས་ཀ་ལ་གྱོང་གུན་ཆེན་པོ་རག་བགྱིད་རེད་དོ། །གསེར་འབྲུག་ལགས།
འཇམ་གཅེས །
༢༠༡༣/༠༥/༢༨ ཉིན་འདོན་སྤེལ་བྱས།
དེང་གི་དུས་འདིར་རང་རིགས་མི་ཉུང་བ་ཞིག་ནས་བརྒྱུད་ལམ་འདྲ་མིན་ནང་དུ་དབུ་རང་ གི་རྩོད་གླེང་མི་ཉུང་བ་ཞིག་གནང་བཞིན་འདུག་པས་ངས་ཀྱང་དེ་དག་ཕྱོགས་བསྡོམས་ རོབ་ཙམ་ཐོག་ནས་ཚིག་ཁ་ཤས་བཤད་ན་འདོད། སྤྱིར་རྩོད་གླེང་འདི་དག་ཁ་ཁོག་མཚུངས་པའི་སྒོ་ནས་གནང་མཁན་ཞིག་ཡིན་ཕྱིན་ཆེད་ དགའ་འོས་པ་ཞིག་རེད་མོད། ཡིན་ནའང་བློ་ཕམ་དགོས་པ་ཞིག་ལ་དེ་ལས་ལྡོག་སྟེ་ཡོད་ཚད་ཁ་ཡི་མཛེས་རྒྱན་དུ་ འགྱུར་བཞིན་པའི་སྣང་ཚུལ་ཞིག་ངང་གི་ཡོང་གི་འདུག

ཆེས་དགོས་གལ་ཆེ་བ་ཞིག་ནི། རང་རིགས་ནང་ཁུལ་དུ་ལག་པའི་ནང་དུ་ལག་པ་དང་། སེམས་པའི་ནང་དུ་སེམས་པ་བཞག་ཟེར་སྲོལ་བཞིན་ནང་ཁུལ་མཐུན་ལམ་དགོས་པ་ལས་རང་ལྟ་ མཆོག་འཛིན་དང་མདུང་མོའི་སོ་ཁ་ཕུ་ནུའི་ནང་དུ་བསྣུན་རེས་བཟོ་བཞིན་འདི་མུར་ སྐྱོད་ཚེ་གོད་ཆགས་འབྱུང་ཡུལ་ནི་སྤྱི་པའི་རྩ་དོན་གྱི་ར་བ་ལས་བརྒལ་མི་སྲིད།

བསམ་ བློ་ནར་སྨིན་ཟིན་པའི་བོད་རིགས་ཞིག་ཡིན་ཕྱིན་ཁྱོད་ལ་རང་བཙན་དགོས་སམ་ཞེས་< དྲིས་ཚེ་མི་དགོས་ཟེར་མཁན་ཞིག་ཡོད་དམ། གལ་སྲིད་ཡོད་ན་དེ་ནི་སེམས་ཁམས་ཐང་པོ་མེད་པ་དང་། ཡང་ན་ལུས་ངག་ཡིད་གསུམ་རྒྱ་སྒོར་ཁོ་ན་ལ་སྐྱབས་བཅོལ་མཁན་གྱི་མི་བུ་ཐལ་ཤལ་ཞིག་ ལ་ངོས་འཛིན་པར་ཐེ་ཚོམ་གང་ཡང་མི་དགོས། ཁྱེད་ཚོས་བསམ་བློ་ཐོངས་དང་། གོ་ལ་གཅིག་གྱུར་གྱི་དུས་རབས་འདི་ཡི་ནང་དུ་ཤར་ནུབ་ཀྱི་ཡུལ་གྲུ་དུ་མར་གནས་ པའི་རྒྱལ་ཁབ་དག་ནི་སོ་སོའི་དཔལ་འབྱོར་དང་། དམག་དོན། ཆབ་སྲིད། ས་ཁྱོན་སོགས་ཀྱི་བདག་དབང་ལ་ཐོབ་ཤོར་ཁོ་ནའི་དབང་གི་དྲང་བདེན་དང་གནས་ལུགས་ལ་ གུས་བཀུར་དེ་ཙམ་མེད་པའི་དུས་རབས་ཞིག་ལ་གྱུར་ཟིན་པར་ཁྱེད་ཚོས་མི་འདོད་དམ།

དེའི་ ཕྱིར། མ་འོང་བོད་མིའི་རྩ་དོན་གྱི་ཆེད་དུ་སོ་སོའི་ཐོབ་ཐང་དང་ལོ་རྒྱུས་ཀྱི་རྒྱབ་ ལྗོངས་ཞིག་ལ་རེ་སྟོང་བཅང་ནས་རང་བཙན་གཙང་མ་ཞིག་རྩོད་པ་ཡིན་ན་དེ་ནི་ཆེས་མཛེས་ སྡུག་ལྡན་པའི་མཁའ་དབྱིངས་ཀྱི་འཇའ་ཚོན་ལ་ལག་པས་རེག་འདོད་ལྟ་བུའི་སྟོང་བསམ་ ཞིག་ལས་མ་འདས། ང་སྐབས་རེར་དགོངས་མོར་ཉལ་ནས་བསམ་བློ་འདྲ་མིན་རེ་འཁོར་སྐབས། ད་ལྟའི་དུས་འདིར་ས་ཆེན་འདིའི་སྒང་དུ་གནས་པའི་གཟུར་གནས་མཁས་དབང་ཁག་དང་། ཆབ་དཔལ་རིག་གསུམ་ལ་ཆེད་མཁས་པ། དེ་བཞིན་རྒྱལ་ཁབ་འདྲ་མིན་སོ་སོའི་སྲིད་འཛིན་དང་སྲིད་བློན་སོགས་ཀྱིས་ཆེས་ གུས་འདུད་ཞུ་སའི་སྐྱེས་བུ་སྙན་གྲགས་ཆེ་ཤོས་ཤིག་ནི་༸གོང་ས་ཆེན་པོ་ཆགས་ཡོད། ཡིན་ཡང་བོད་རིགས་མགོ་སྟོང་ཁག་ཅིག་གིས་དུག་ཆུའི་མྱོས་པ་བཞིན་དུ་དངོས་ཤུགས་ ཅི་རིག་ནས་མཚན་སྨོད་དང་ཟུར་ཟ་འདྲ་མིན་བཟོ་བ་མཐོང་དུས་ནམ་ཞིག་བོད་ལ་རང་བཙན་ ཞིག་ཐོབ་པའི་དབང་དུ་བྱས་ཀྱང་ད་ལྟའི་བལ་ཡུལ་གྱི་ཆབ་སྲིད་ལས་སྡུག་པའི་གནས་བབ་ ཞིག་མི་ཡོང་བའི་ངེས་པ་གཏན་ནས་མི་འདུག་དྲན་གྱི་འདུག

འགྲོ་བ་མི་ཞིག་ ཡིན་ཕྱིན་ཆོས་ལུགས་དད་མོས་རང་དབང་ཡིན་དགོས་པ་ནི་ཡོངས་གྲགས་སུ་ངོས་འཛིན་དང་ ཁྲིམས་སུ་བཅས་ཡོད་པས་བོད་རིགས་དག་ལ་ཡང་དེ་ལྟར་གདམ་ཁ་ཡོད་ཆོག །ཡིན་ཡང་ཉིན་རེའི་འཚོ་བའི་ཆ་རྐྱེན་ནང་དུ་མེད་དུ་མི་རུང་བ་ཞིག་ནི་འགྲོ་བ་ མིའི་བཟང་སྤྱོད་ཡིན་པར་ངོ་ཤེས་པའི་སྒོ་ནས་བོད་མི་རིགས་འདིའི་ཆེད་དུ་སྐུ་ངལ་ འཛེམས་མེད་དུ་སྐྱོན་གནང་མཁན་ཞིག་ལ་མི་འོས་པའི་བྱ་སྤྱོད་སྤེལ་མཁན་སུ་འདྲ་ ཞིག་ཡིན་རུང་ཡིད་ཆེས་དང་ཆ་འཇོག་བྱེད་འོས་པའི་གནས་མ་ཡིན་པས་ཀུན་གྱིས་ཡིད་ གཟབས་དགོས་སོ།། །།
བློ་འཕེལ།
༢༠༡༣/༠༥/༢༨ ཉིན་འདོན་སྤེལ་བྱས།
གཞོན་ནུའི་ཚོགས་གཙོས་གཏམ་བཤད་དྲང་མོ་བྱས་མ་སོང་ལ་དངོས་གནས་ཡ་མཚན་པ་ཞིག་ལ། ༸གོང་ས་མཆོག་ཐུགས་ཕམ་བྱུང་བ་ཞལ་ཚ་བོ་ནས་གསུངས་པ་དེ་ཐུགས་དགོངས་དཀྲུགས་ནས་བྱུང་བ་མ་རེད་དམ།
ད་དུང་ཚོགས་གཙོས་དངོས་ཤུགས་བརྒྱུད་གསུམ་ནས་ལྷ་དགོངས་དཀྲུག་པའི་ཅ་ཅོ་ཏུལ་འབྲུ་ཙམ་ཡང་སྒྲུབ་མེད་ཅེས་བཤད་སོང་བ་ཧམ་པ་མ་རེད་པས།
གསེར་འབྲུག་སྡེར་ལྔ་
༢༠༡༣/༠༥/༢༨ ཉིན་འདོན་སྤེལ་བྱས།
ཀརྨ་རྡོ་རྗེ།
ཁྱོད་ཨ་མ་དང་མནའ་མ་ནོར་བ་ནི་དགོད་སྤྱད་ཅིག་མ་རེད་པས། བོད་རང་བཙན་འདི། པན་འཇབ་རང་བཙན། ཀཤི་མིར་རང་བཙན། སཱིརཱི་ལངྒ་རང་བཙན། ད་དུང་བལ་ཡུལ་དང་འབྲུག་པ་རང་བཙན་དང་གཞི་གཅིག་ལ་བཞག་ནས་ར་མགོ་ལུག་སྦྱར་བྱེད་པའི་ལམ་ལུགས་འདི་ཅི་འདྲའི་ཡ་མཚན་མ་རེད་པས།
ཧ་ཧ། ལུག་ཁྱུ་འཕར་བ་དང་སྤྱང་ཀིའི་དྲོ་སྐྱིད་ལ་རེ་ཡོད་ཟེར་ན་གང་འདྲ་འདུག།
སེམས་བཟང་
༢༠༡༣/༠༥/༢༨ ཉིན་འདོན་སྤེལ་བྱས།
༡ བོད་ཀྱི་གཞོན་ནུ་ལྷན་ཚོགས་ནི་བདུན་ཅུ་དོན་གྲངས་ནས་ད་ལྟའི་བར་གཞུང་འབྲེལ་མ་ཡིན་པའི་ཚོགས་པ་ཆེ་ཤས་ཤིག་རེད། ཚོགས་པ་འདིའི་ལས་དོན་ཆེ་ཕྲ་གང་ཡིན་ཡང་བོད་མི་རིགས་ཀྱི་རྒྱལ་ཁབ་སླར་གསོའི་ཆེད་དུ་རེད། ཡིན་ནའང་བར་ལམ་ཞིག་ནས་ཚོགས་པ་འདི་ལ་ལབ་རྒྱུ་གླེང་རྒྱུ་མང་དུ་ཕྱིན་སོང་། དེའི་རྒྱུ་རྐྱེན་ནི་ཚོགས་པའི་སྣེ་ཁྲིད་མཁན་གྱི་གང་ཟག་གིས་བྱེད་ལས་བྱེད་སྟངས་ཀྱི་ལོས་ཡིན།

༢ ཨེ་ཌ་ལི་དང་ལ་དྭགས་སུ་༸གོང་ས་མཆོག་ནས། ཐུགས་ཕམ་གྱི་བཀའ་སློབ་ཕེབས་དོན་གང་ཡིན་ནམ།

༣ ཐུགས་ཕམ་ནི་སྐུ་ཕྱྭ་དང་འབྲེལ་བ་ཡོད་པ་ཡིན་ཞེས་དབུས་བོད་མིའི་སྒྲིག་འཛུགས་ཀྱིས་ངོས་འཛིན་བཤད་ཀྱི་ཡོད་བཞིན་དུ་ནད་དོན་འདིའི་རིགས་སྣང་མེད་ལ་ག་རེ་བྱས་ནས་འཇོག་གི་ཡོད་པ་རེད། དཔལ་ལྡན་བདེ་སྲུང་གི་ལས་ཀ་གཙོ་བོ་སྐུ་ཕྱྭར་བལྟ་རྒྱུ་དེ་ཡིན་ནམ།

༤ ༸གོང་ས་མཆོག་གིས་ཕྱི་གསལ་ནང་གསལ་གྱི་བཀའ་སློབ་རིམ་པ་ལྟར་ཕེབས་ནའང་དེ་དག་ལ་རྣ་བ་བཀབ་ཏེ་རང་སྣང་གང་དྲན་གྱིས་ ༸གོང་ས་མཆོག་གིས་ཞལ་ནས་དབུ་མའི་ལམ་གསུང་གི་ཡོད་པ་རེད་དེ་དོན་ལ་རང་བཙན་རྩོད་ཀྱི་ཡོད་པ་རེད་ཞེས་ཁྲམ་པ་བྱེད་དགོས་དོན་གང་ཡིན་ནམ། མི་རེ་ཟུང་གི་བྱེད་ལས་བྱེད་སྟངས་ལ་བོད་མི་ཚང་མས་གཟབ་གཟབ་བྱེད་དགོས་པའི་དུས་ལ་བབ་འདུག

༥ ཁྱེད་རང་བོད་མི་སེམས་ཀྱི་ཉི་མ་༸གོང་ས་མཆོག་ལ་དད་པ་མེད་ན། ཁྱེད་རང་ཁོང་གི་གསུང་ལ་ཡིད་ཆེས་མེད་ན། དེ་ནས་ཁྱེད་རང་ཆབ་སྲིད་ལ་ཇི་ཙམ་མཁས་ནའང་ཁྱེད་རང་ང་ཚོའི་སྤྱི་ཚོགས་ནང་ཆེ་མཐོང་ཡོང་མི་སྲིད་ལ། ཁྱེད་ཀྱི་གང་བྱས་གང་སྒྲུབ་ཐམས་ཅད་མ་འོངས་པར་བོད་མི་རིགས་ཀྱི་སེམས་ཀྱི་རྨ་ཁར་འགྱུར་ཉེན་འདུག་པས་ཡིད་གཟབ་གནང་རོགས། བོད་མི་ཕལ་བ་ཞིག་གི་བསམ་ཚུལ་ཡིན།
ཀརྨ་རྡོ་རྗེ།
༢༠༡༣/༠༥/༢༨ ཉིན་འདོན་སྤེལ་བྱས།
གསེར་འབྲུག་སྡེར་ལྔ་
༢༠༡༣/༠༥/༢༨ ཉིན་འདོན་སྤེལ་བྱས།
ཀརྨ་རྡོ་རྗེ་ལ་དྲི་བ་གཉིས་ཡོད། འོ་ན་རང་བཙན་ཞེས་པའི་ཚིག་འབྲུ་འདི་ཁ་ནས་བཏོན་ཆོག་པ་རེད་མ་ཆོག་པ་རེད། བཙན་བྱོལ་སྒྲིག་འཛུག་གཞུང་འདི་སྤྱི་བདག་རེད་ཡང་ན་སྒེར་བདག་ཅན་ལ་གྱུར་ཚར་བ་རེད། དེས་ན་ཁྱོད་ལ་རང་བཙན་ཞེས་པའི་མི་རིགས་ལྷན་སྐྱེས་རང་བཞིན་གྱི་ཐོབ་ཐང་འདི་གུང་ཁྲན་ལས་ཀྱང་མི་དགའ་བ་དང་མི་འདོད་པ་བྱེད་དགོས་པའི་རྒྱུ་མཚན་ཅི་རེད།
ཞེས་པའི་ལན་དུ།
བོད་རང་བཙན་དང་། རྒྱ་གར་པན་ཇབ་རང་བཙན། ཀ་ཤི་མི་རིའི་རང་བཙན། འབྲས་ལྗོངས་རང་བཙན། ཤྲི་ལངྐའི་རང་བཙན་དེ་ཚོ་རང་བཙན་ཡོད་པ་ལས། མེད་ན་མི་མངས་ལ་ཕན་ཐོགས་ཆེ་བ་མེད་དམ་སྙམ་ལགས
ཡང་། བལ་པོའི་རང་བཙན། འབྲུག་པའི་རང་རང་བཙན། དེ་མིན་པའི་རྒྱལ་ཁབ་སྤྲང་པོ་སྤྲང་རྐྱང་དེ་ཚོ་རང་བཙན་བཞག་ནས་ཁྱིམ་མཚེས་རྒྱལ་ཁབ་སྟོབས་ཆེན་དང་མཉམ་དུ་ཟླ་དྲིལ་བཏང་ནས། དཔལ་འབྱོར་གཙོས་པའི་དེང་དུས་ཡར་རྒྱས་རྗེས་ཟིན་པ་བྱ་དགསོ་རྒྱུ་དེ་གནད་གག་གལ་ཆེ་ཤོས་སུ་མཐོང་ལགས།
རྭ་ལོ།
༢༠༡༣/༠༥/༢༨ ཉིན་འདོན་སྤེལ་བྱས།
ཁ་སང་དེ་རིང་གི་རྡ་རམ་ས་ལའི་སྲིད་དོན་གྱི་སྐད་ཆའི་རྒྱབ་ན་བཀབ་པའི་བརྗོད་དོན་གཙོ་བོ་ནི། གཞིས་ལུས་བོད་མི་ ༡༡༧ ཙམ་མེར་སྲེག་བཏང་བ་དེའི་ཉེས་པ་སུ་ལ་ཡོད་མེད་དེ་ཡིན་པ་འདྲ། དེ་མ་གཏོགས་རང་བཙན་འཐོབ་སྟངས་དང་རང་སྐྱོང་འཐོབ་སྟངས་ལ་ཕྱོགས་གཉིས་ཀ་གོར་ཐིག་རེད།
རྭ་ལོ།
༢༠༡༣/༠༥/༢༨ ཉིན་འདོན་སྤེལ་བྱས།
གཏམ་དཔེ། ཟོ་བ་གསར་པའི་ནང་དུ་ཆུ་འཚོག་རག་བར་དུ། ཟོ་བ་རྙིང་བ་དེ་ནམ་ཡང་མ་གཡུགས།
ཤར་མདའ།
༢༠༡༣/༠༥/༢༨ ཉིན་འདོན་སྤེལ་བྱས།
གང་ལྟར་བོད་ཀྱི་གཞོན་ནུ་ཚོགས་པ་ཟེར་པ་འདི་བོད་ཀྱི་སྤྱི་ཚོགས་ནང་དུ་མེད་མི་རུང་བའི་ཚོགས་པ་གལ་ཆེན་ཞིག་རེད།   ཡིན་ན་ཡང་བོད་མིའི་སྒྲིག་འཛུགས་ཀྱི་ལས་དོན་གང་གི་ཐོག་ཡིན་ན་བོད་མི་ཞིག་ཡིན་པས་ངོ་ནས་འབད་བརྩོན་བྱེད་བཞིན་ཡོད་པ་རེད་ད་དུང་འབད་བརྩོན་གནང་དགོས་པ་གལ་ཆེན་རེད།  མ་ཟད་ལས་དོན་ཐོག་ཡིན་ན་བོད་མིའི་སྒྲིག་འཛུགས་ལ་སྟུན་ཤེས་གནང་བ་ཡིན་ན་༸གོང་ས་མཆོག་གི་ཐུགས་དགོངས་བཞིན་འགྲོ་ཐུབ་གནང་རྒྱུ་གལ་ཆེན་རེད།   ཕྱོགས་གཅིག་ལ་འབད་བརྩོན་གནང་པ་ཡིན་ན་ནུས་པ་ཆེན་པོ་ཐོན་ངེས་རེད་དྲན་སོང་གང་ལྟར་བསམ་ཕྱོགས་ལ་འགྱུར་བ་དང་ལྟ་བ་གང་ཙམ་འགྱུར་བ་བྱུང་འདུག་བསམ་བྱུང་དེ་ཡང་དག་པ་ཞིག་རེད།
བློ་བཟང་བསྟན་འཛིན།
༢༠༡༣/༠༥/༢༨ ཉིན་འདོན་སྤེལ་བྱས།
སྐབས་བཅུ་གསུམ་པའི་དབུས་གཞོན་ནུའི་དྲུང་ཆེ་དང་། སྐབས་བཅུ་བཞི་བའི་ཚོགས་གཞོན་དོན་གྲུབ་ལྷ་དར་གྱིས་བོད་རྒྱ་ཆེའི་མི་དམངས་དང་། ༧གོང་ས་སྐྱབས་མགོན་ཆེན་པོ་མཆོག གཞོན་ནུ་ལྷན་ཚོགས་ཀྱི་ཚོགས་མི་ཡོངས་ལ་དགོངས་སེལ་ཞུ་དགོས། འདས་པའི་ལོ་ངོ་དྲུག་གི་རིང་དབུས་གཞོན་ནུ་ལྷན་ཚོགས་ཀྱིས་ནག་ཉེས་གནམ་མཁར་མི་ཤོང་བ་གསོག་ཡོད་པ་རྣམས་དག་སེལ་བྱེད་དགོས། གནས་ཚུལ་འདི་དག་སྔོན་ལ་ཐག་གཅོད་མ་བྱས་ཚེ་ང་ཚོ་གཞོན་ནུའི་ཚོགས་མི་ལས་ཕྱིར་འཐེན་བྱེད་རྒྱུ་ཡིན་པའི་གྲོས་ཐག་གཙང་མ་བཅད་ཡོད།
ཤར་ཕྱོགས་ཁུག་རྟ།
༢༠༡༣/༠༥/༢༨ ཉིན་འདོན་སྤེལ་བྱས།
གཞོན་ལྷན་ཚོགས་ཆེན་ལ་ཇུས་གཏོགས་ཤིག་བྱས་ན།

ཤར་ཕྱོགས་ཁུག་རྟ།

༄༅།། ང་ལ་ཇུས་གཏོགས་མི་འདུག་མ་གསུངས། ལྷག་པར་དབུ་མ་པ་ཤར་ཕྱོགས་ཁུག་རྟ་ལ་ཇུས་གཏོགས་མི་འདུག་མ་གསུངས། ཡིན་ནའང། རང་བཙན་གླེང་ནས་མི་ལོ་མང་པོ་ཡུན་གྱིས་ལྟེབས་བརྩེགས་རྒྱབ་མཐའ་ན། དེ་རིང་ད་དུང་རང་བཙན་ནི་ཅི་ཞིག་ཡིན་པ་དང། ཅི་ལྟར་རྩོད་མིན། དངོས་གནས་རང་བཙན་རྩོད་ཀྱི་ཡོད་པའི་རྣམ་འགྱུར་བསྟན་ཐུབ་ཡོད་མེད་ཀྱིས་དེ་རིང་གི་རང་བཙན་ཚོགས་འདུར་གདེང་ཚོད་དང་སྤོབས་ཉམས་ཆུང་བའི་རྣམ་པ་ཞིག་གསལ་ལེར་མངོན་ཡོང་གི་ཡོད། རྙོག་གླེང་གྲངས་མེད་དང་དཀའ་ངལ་སྣ་ཚོགས་ཀྱི་འོག་ནས་གཞོན་ནུའི་ཚོགས་ཆེན་ཐེངས ༡༥ པ་བཞུགས་སྒར་དུ་མགོ་བཙུགས་ཟིན་པའི་རྣམ་པ་ཞིག་དེ་རིང་གསར་ལམ་ཁག་ཏུ་མཐོང་རྒྱུ་འདུག གླེང་ཕྱོགས་མང་པོའི་ཁྲོད་དེ་རིང་གི་གཞོན་ནུ་ལྷན་ཚོགས་ཀྱི་གནས་བབ་ནི་སྒོ་རྒྱག་དང་མི་རྒྱག་གི་ས་མཚམས་སུ་སླེབས་ཡོད་ཀྱང། ང་ཚོས་འདས་པར་ཕྱིར་བལྟ་དང་མ་འོངས་པར་བསམ་གཞིག་བྱེད་སྐབས། རྒྱུ་མཚན་གང་གིས་གཞོན་ལྷན་དབུས་ས་གཉིས་ནས་''བོད་རང་བཙན་''ཟེར་བའི་དམིགས་ཚད་དང་ལས་འཆར། འཆར་སྣང་དང་བློས་གཏོང་གི་ཚད་གཞི་རོབ་ཙམ་ཞིག་ཅིའི་ཕྱིར་ཕྱི་གསལ་ནང་གསལ་མ་བཟོས་པ་ཡིན་ནམ་ཞེས་པའི་དོགས་པ་ཚང་མར་འབྱུང་གི་ཡོད་པ་རེད། གལ་སྲིད་བདེན་དོན་དང་རྣམ་དཔྱོད་ལ་སྐད་ཆ་དྲིས་ཏེ་གཞོན་ལྷན་སྒོ་རྒྱག་མིན་ཐག་གིས་གཅོད་དགོས་ཚེ། ངེས་པར་དུ་གཞོན་ལྷན་ལ་གང་ཞིག་ཚང་ཡོད་མེད་དང་ཚང་ཐུབ་མིན་གོང་དུ་དྲངས་པའི་ཆ་རྐྱེན་འདི་དག་ནས་བལྟ་རྒྱུ་ནི་ཧ་ཅང་གསལ་བོ་ཞིག་རེད་སྙམ་པས། གཤམ་ནས་ངས་མ་བབས་པར་སྐེ་བསྲིང་པ་ལྟ་བུས་གཞོན་ལྷན་ནས་ཁ་གསལ་གཏིང་གསལ་བཟོ་དགོས་པ་ཁག་ཅིག་གསལ་འདོན་ཞུ་འདོད་བྱུང།

༡ གཞོན་ལྷན་ལ་''བོད་མདོ་དབུས་ཁམས་གསུམ་ལ་རང་བཙན་གཙང་མའི་གནས་བབ་ཅིག་ཕོ་ཟད་མོ་ལ་ཐུག་ཀྱང་རྩོད་ཀྱི་ཡིན་མིན་དང། ཐ་ན་བོད་མི་རིགས་རྩ་སྟོང་ལ་འགྲོ་དགོས་ཀྱང་གནས་བབ་དེ་ག་རང་རྩོད་ཀྱི་ཡིན་པའི་དམ་བཅའ་བརྟན་པོ་ཅི་ཞིག་ཡོད་དམ་མེད། ཡང་ན། བཙན་བྱོལ་དུ་མི་ལོ་ཆིག་སྟོང་ལྷག་གནས་དགོས་བྱུང་ཡང་གནས་བབ་དེ་རྩོད་ཀྱི་ཡིན་པའི་ཕྱི་གསལ་ནང་གསལ་གྱི་དམ་བཅའ་བརྟན་པོ་ཅི་ཞིག་ཡོད། དམ་བཅའ་དེ་འཇིག་རྟེན་ཡོངས་གྲགས་བཟོས་པ་བརྟེན་ནས་བོད་ས་ཆུང་ངུ་ཞིག་ལ་རང་བཙན་བྱུང་ཡང་འགྲིག་པའི་འདོད་ཚུལ་དང་གླེང་ཕྱོགས། དོགས་པ་རྣམས་གཏན་འགོག་བཟོ་ཐུབ་བམ།

༢ འཇམ་དབྱངས་ནོར་བུ་སོགས་མི་ཁ་ཤས་ཀྱི་སློབ་སྟོན་འོག་ཕྱིན་ནས། བོད་མི་རིགས་གནས་དགོས་པའི་སྙིང་དོན་''བོད་ཀྱི་སྐད་ཡིག་དང་རིག་གནས་མི་ཉམས་རྒྱུད་འཛིན་བྱ་རྒྱུ་འཐབ་རྩོད་ཀྱི་དཀྱིལ་སྙིང་དང་གཙོ་བོར་''མི་འཇོག་པའི་ད་ལྟའི་བྱེད་སྟངས་འདི་རིགས་ལ་འགྱུར་བ་གཏོང་རྒྱུའི་གསལ་བསྒྲགས་ཁ་གསལ་གཏིང་གསལ་ཞིག་བྱེད་འདོད་ཡོད་དམ་མེད།
༣ རང་བཙན་འཐབ་རྩོད་པའི་མགོ་ཁྲིད་རང་ངོས་ནས་དབུ་བརྩམས་ཏེ་བོད་ཀྱི་རིག་གནས་དཀྱིལ་སྙིང་ཡིན་པའི་མདོ་དབུས་ཁམས་གསུམ་སྐྱིད་མཉམ་སྡུག་མཉམ་གྱི་རང་བཙན་ཞིག་གི་ཆེད་ལུས་སྲོག་ལོངས་སྤྱོད། བཟའ་ཟླ་བུ་ཕྲུག ཁེ་ཕན་གཏམ་གྲགས་མཆིལ་མ་བཞིན་འདོར་དགོས་ཀྱང་འདོར་ཐུབ་པ་དང། འདོར་ཐུབ་མཁན་གྱི་གྲངས་འབོར་མང་དུ་གཏོང་བའི་ཚད་ལྡན་གྱི་སྒྲིག་འཛུགས་ཤིག་བསྐྲུན་རྒྱུའི་ནུས་པ་ཡོད་དམ་མེད།
༤ རྒྱལ་སྤྱི་དང། རྒྱ་ནག་གི་ད་ལྟའི་ཆབ་སྲིད་ཁྲོམ་རྭའི་ནང་གི་འབྲེལ་ལམ་ནས་རང་རེའི་གནས་བབ་ལ་དཔྱད་དེ། དབུ་མའི་ལམ་ལས་རང་བཙན་གྱི་ལམ་དུ་ཕྱིན་པ་ཡིན་ན། བོད་མི་རིགས་ཀྱི་མདུན་ལམ་ཐད་འགན་འཁུར་ཐུབ་ངེས་ཀྱི་གདེང་ཚོད་དང་སྤོབས་པ་གཉིས་ཀ་གསལ་བསྒྲགས་ཀྱི་ལམ་ནས་སྤེལ་ཐུབ་དང་མི་ཐུབ་བཅས་གནད་དོན་ཆེ་ཁག་བཞི་ལ་ལན་འདེབས་དངོས་གནས་ཤིག་རྙེད་དང་མི་རྙེད་ལ་དཔྱད་ཞིབ་བྱས་རྗེས།

གཞོན་ནུའི་སྒྲིག་འཛུགས་འདི་དང་འདིའི་ལངས་ཕྱོགས་མི་མཐུད་གནས་དགོས་དང་མི་དགོས་ཐག་གཅོད་བྱས་ན་བོད་སྤྱི་ལ་ཕན་ཐོག་ངེས་ཅན་ཞིག་ཡོང་གི་ཡོད་པར་ངས་ཇུས་གཏོགས་བྱེད་བཞིན་ཡོད་ལ། གལ་སྲིད་འཐབ་རྩོད་ཀྱི་ནུས་ཤུགས་ཐད་སྔར་ལམ་ལྟར་འགྲོ་རྒྱུའི་འཆར་སྣང་འཛིན་པ་དང། མང་གཙོ་ཁ་ལ་འཁྱེར་ནས་ལྟ་བ་གཞན་ཞིག་དགོས་ཀྱི་ཡོད་པའི་རྨོངས་དད་དམ་འཛིན་བྱ་རྒྱུ་ཡིན་ཚེ་བོད་མི་རིགས་ཀྱི་མདུན་ལམ་ནང་ཕན་འབྲས་ཏིལ་འབྲུ་ཙམ་ཡང་མི་ཡོང་བ་ཚོད་དཔག་ཐུབ་པ་ཞིག་རེད་ལ། གང་ལྟར་ཚོགས་མི་ཚོས་གནད་འགག་གི་སྐབས་བསམ་བློ་གཟབ་ནན་གཏོང་དགོས་པ་དང། ད་ལྟའི་ལས་འཆར་དང་དཔལ་འབྱོར་གྱི་གནས་བབ། དམིགས་བསལ་ཚོགས་མིའི་གྲངས་འབོར། སྤྱི་ཚོགས་ཀྱི་ངོས་འཛིན་བཅས་ལ་རང་ངོ་འཕྲོད་པ་གནང་སྟེ་ལམ་ཁ་མ་ནོར་བ་ཞིག་འདེམས་རྒྱུ་ནི་གལ་ཆེན་རེད་འདོད་པས། ངས་ཇུས་གཏོགས་ཐུང་ཙམ་འདི་ལ་རྣ་བ་ཅུང་ཙམ་གཏད་རྗེས་ཤོག་རུལ་ཁྲོད་ཤར་ཤར་གཡུག་རོགས།།

༢༠༡༣། ༥། ༢༦། ཉིན།

བཙན་ནག་པས།
༢༠༡༣/༠༥/༢༨ ཉིན་འདོན་སྤེལ་བྱས།
མི་སུམ་ཅུར་བསམ་སུམ་ཅུ་དང་མཛོ་སུམ་ཅུར་རྭ་དྲུག་ཅུ་ཟེར་བའི་དཔེ་ཇི་བཞིན་མདོང་དམར་བ་ཚང་ལ་ཡང་ཚོགས་པ་མང་པོ་ཡོད་མོད་ཀྱི་ཐམས་ཅད་ལྟ་གྲུབ་གཅིག་ཡིན་དགོས་ཟེར་ན་ཡོངས་ཐམས་རྩ་བ་ནས་མེད། དེ་བས་ཀྱང་སྔར་ནས་ད་བར་མ་གྲོས་བསམ་པ་གཅིིག་མཐུན་ཞེས་རང་འགོ་རང་བསྐོར་བའི་ལས་ཀ་བྱེད་རྒྱུ་མང་དྲག་སོང་བསམ། གཞོན་ནུའི་ལངས་ཕྱོགས་ནི་ངེས་པར་བསྲ་བརྟན་དགོས་བཙན་པོའི་གདུང་རྒྱུད་ཡིན་ན་སྙིང་སྟོབས་དང་སྤོབས་པ་ལྡན་པ་ཞིག་དགོས་གཞིས་བཞུགས་དཔའ་བོ་དཔའ་མོ་དག་ལ་གཟིགས་ཞིག
ཤོག་གྲངས་: [༡] [རྗེས་མ།]
རིག་པ་འདོན་པ།
རིག་པ་འདོན་ན་ངེས་པར་དུ་དེབ་སྐྱེལ་བྱེད་དགོས།
འདི་ལ་བསྣུན་ཏེ་དེབ་སྐྱེལ་བྱེད་རོགས།