ཐ་སྙད་ཅིག་བོད་བསྒྱུར་བྱེད་ན་དང་པོ་ཐ་སྙད་དེའི་ཁུངས་འཚོལ་དགོས།

འདོན་སྤེལ། ༢༠༡༣/༠༨/༠༨

དེ་རིང་སྔ་དྲོར་ས་རཱ་མཐོ་སློབ་དུ་བོད་ཀྱི་<རིག་གཞུང་བགྲོ་གླེང་ཐེངས་བདུན་པ་དབུ་འཛུགས་གནང་སོང་ལ། ཉིན་གསུམ་རིང་གི་བགྲོ་གླེང་ཐོག་བཙན་བྱོལ་བོད་མིའི་ཚོགས་སྡེ་ཁག་གི་ལོ་ཙཱ་བ་ ༢༠ ལྷག་གིས་ཡིག་བསྒྱུར་དང་འབྲེལ་བའི་དཔྱད་རྩོམ་སྒྲོག་སྦྱོང་དང་དྲི་བ་དྲི་ལན་བཅས་གནང་རྒྱུ་ཡིན་འདུག

དེ་རིང་ཕྱི་ཚེས་ ཉིན་ས་རཱ་བོད་ཀྱི་གཞོན་ནུ་རུ་ཁག་གི་གོ་སྒྲིག་འོག  བོད་ཀྱི་རིག་གནས་བགྲོ་གླེང་ཐེངས་བདུན་པ་དེ་ས་རཱ་མཐོ་སློབ་ཚོགས་ཁང་དུ་དབུ་འཛུགས་གནང་ཡོད་པ་དང་། ཚོགས་འདུའི་སྐུ་མགྲོན་གཙོ་བོར་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གཙོས། བོད་ཀྱི་སྲིད་བྱུས་ཉམས་ཞིབ་ཁང་དང་ཤེས་རིག་ལས་ཁུངས། ནཱ་མཐོ་སློབ་དང་བཞུགས་སྒར་བོད་ཀྱི་དཔེ་མཛོད་ཁང་བཅས་གཙོས་གཞུང་དང་གཞུང་འབྲེལ་མིན་པའི་ཚོགས་སྡེ་ཁག་དང་མི་སྒེར་བཅས་གདན་ཞུ་ལོ་ཙཱ་བ་ ༢༠ དང་ བཞུགས་སྒར་ཉེ་འཁྲིས་ཀྱི་སློབ་གྲྭ་ཁག་ནས་ཕེབས་པའི་ཟུར་ཉན་པ་ དེ་བཞིན། ས་རཱ་མཐོ་སློབ་ཀྱི་སློབ་སྤྱི་གཙོས་དགེ་ལས་སློབ་ཕྲུག་བཅས་འདུ་འཛོམས་གནང་འདུག  

ཐེངས་འདིའི་ཚོགས་འདུ་དེ་རིངཚེས་ ནས་ བར་ཚོགས་རྒྱུ་ཡིན་འདུག་ལ། མཛད་སྒོའི་ཐོག་སྐུ་མགྲོན་གཙོ་བོ་མཆོག་གིས་སྣང་གསལ་མར་མེ་ཞལ་འབྱེད་དང་ ཚང་མ་སྐུ་བཞེངས་ཐོག་བོད་རྒྱལ་ཁབ་ཆེན་པོའི་རྒྱལ་གླུ་གྱེར་འདོན་གནང་རྗེས། ས་རཱ་བོད་ཀྱི་གཞོན་ནུ་རུ་ཁག་གི་ཚོགས་གཙོ་སྐལ་བཟང་དགྲ་འདུལ་ལགས་ཀྱིསངོ་སྤྲོད་གནང་བ་ལྟར་ན། ཐེངས་འདིའི་རིག་གཞུང་བགྲོ་གླེང་གིས་ཡིག་བསྒྱུར་སྐོར་གཙོ་བོར་བཟུང་ཡོད་པ་དང་བོད་མི་རིགས་ལ་མཚོན་ན་མི་རབས་གོང་མ་ཚོས་མི་རིགས་གཞན་གྱི་རིག་གཞུང་གི་ལེགས་ཆ་མང་པོ་བླངས་ཏེ་རིག་གཞུང་ཕྱུཊ་པོ་ཆགས་ཡོད་པ་ལྟར། ང་ཚོས་རིག་གཞུང་འདི་ཉིད་འཛམ་གླིང་གི་སྐད་རིཊ་འདྲ་མིན་ནང་ཕབ་བསྒྱུར་བྱས་ཏེ་རིག་གཞུང་རྒྱ་སྐྱེད་དུ་གཏོང་རྒྱུ་དང་ མི་རིགས་གཞན་གྱི་ལྟ་གྲུབ་དང་ཚན་རིག་ལག་རྩལ་སོགས་བོད་རང་གི་སྐད་ཡིག་ནང་ཕབ་བསྒྱུར་བྱས་ཏེ་ཇེ་ཕྱུཊ་ཇེ་ལེཊ་སུ་གཏོང་ཆེད། ད་ལྟའི་བར་བཙན་བྱོལ་སྤྱི་ཚོགས་ཀྱི་སྡེ་ཚན་ཁག་ཏུ་ཡིག་བསྒྱུར་གྱི་ཕྱག་ལས་གནང་བཞིན་འིམི་སྣ་དང་ མི་སྒེར་བཅས་གདན་ཞུའི་ཐོག་ཕན་ཚུན་ཡིག་བསྒྱུར་གྱི་ཐབས་ལམ་ཐོག་ཉམས་མྱོང་བརྗེ་རེས་དང་བགྲོ་གླེང་འབྲེལ་ལམ་གསར་འཛུགས་བཅས་ལ་དམིགས་པ་ཞིག་ཡིན་སྐོར་བརྗོད་བྱུང་ 

དེའི་རྗེས་ས་རཱ་མཐོ་སློབ་ཀྱི་སློབ་སྤྱི་དགེ་བཤེས་འཇམ་དཔལ་གྲགས་པ་ལགས་ཀྱིསས་རཱ་མཐོ་སློབ་ཀྱི་ལོ་རྒྱུས་ངོ་སྤྲོད་དང་འབྲེལ། ཡིག་བསྒྱུར་ལོ་ཙཱའི་སྐོར་ལ་བགྲོ་གླེང་གོ་སྒྲིག་གནང་བ་དེ་ཧ་གལ་ཆེན་པོ་ཞིགཡིན་པ་དང་ ས་རཱ་མཐོ་སློབ་ལ་མཚོན་ནའང་དེང་དུས་ཀྱི་ཚན་རིག་དང་ གལ་ཆེའི་གསར་འགྱུར་སོགས་ཡིག་བསྒྱུར་ཕྱོགས་བསྒྲིགས་བྱས་ང་འཚམ་ཡོད་ཀྱང་ ཡིག་བསྒྱུར་ཐོག་དཀའ་ངལ་མང་པོ་ཞིག་འཕྲད་ཀྱི་ཡོད་སྟབས། མ་འོངས་པར་ལོ་ཙཱ་བ་རྣམས་པསདེ་དག་གི་སྟོང་ཆ་སྐོང་ཐུབ་གནང་དགོས་པའི་བོད་སྐུལ་གནང་སོང་

ཁོང་གིས་མུ་མཐུད་དུ་བོད་སྔ་རབས་པ་ཚོས་སོག་ཡུལ་ནས་གྱོན་ཆས་དང་། རྒྱ་ནག་ནས་ཟས་རིགས། རྒྱ་གར་ནས་ནང་ཆོས་བཅས་ནས་ནང་འདྲེན་བྱས་ཡོད་པ་ང་ ༸གོང་ས་མཆོག་དང་ཁྲི་ཟུར་ཟམ་གདོང་རིན་པོ་ཆེ་བཅས་མཁས་གྲུབ་གཉིས་ལྡན་གྱི་སྐྱེས་ཆེན་དམ་པ་དག་གི་བཀའ་དྲིན་ལ་བརྟེན་ནས་རིག་གཞུང་དེ་དག་ད་བར་གནས་ཐུབ་ཡོད་ཀྱང་ ད་ཆ་ཕ་རྗེས་བུ་ཡི་མི་ཟིན་པའི་གནས་སྟངས་ཆགས་བཞིན་པའི་སྐབས་འདིར། འཛམ་གླིང་གི་རྒྱལ་ཁབ་གཞན་ནས་ལེགས་ཆ་ལེན་རྒྱུ་དེ་ལོ་ཙཱ་བ་རྣམ་པར་རག་ལུས་ཡོད་སྟབས། ལོ་ཙཱ་བ་རྣམཔས་མ་འོངས་པར་སྐད་ཡིག་གཉིས་ལ་ནངབྱན་ཆུབ་པའི་ཐོག་ཕྱིའི་རིག་གནས་ནང་འདྲེན་དང་ རང་གི་རིག་གནས་ཕར་བསྒྱུར་ཐོག་འབད་བརྩོན་བྱ་རྒྱུ་ཧ་ཅང་གལ་ཆེན་ཡིན་སྐོར་སོགས་བརྗོད་བྱུང་

མཇུག་ཏུ་སྐུ་མགྲོན་གཙོ་བོ་བཀའ་ཟུར་ཟམ་གདོང་རིན་པོ་ཆེ་མཆོག་གིས། བཙན་བྱོལ་ནང་གི་ཡིག་བསྒྱུར་ལས་གཞི་གོང་འཕེལ་གཏོང་ཐབས་ཐོག་གསུང་བཤད་གནང་དོན། སྔོན་མ་ནས་ངའི་བསམ་བློའི་ནང་ལེཊ་སྦྱར་དང་པཱ་ལི་སྐད་སོཊ་སྐད་རིཊ་གཞན་ནས་ནང་པའི་གཞུང་ལུགས་བོད་ཀྱི་སྐད་ཡིག་ཏུ་ཅི་ཙམ་གྱིས་ཡང་དག་པ་ཞིག་བསྒྱུར་ཐུབ་པ་ལྟར། རྒྱ་གར་སྐད་ དང་བོད་ཀྱི་སྐད་ཡིག་ནང་ཡོད་པའི་ནང་པའི་ཆོས་དང་འབྲེལ་བའི་གཞུང་ལུགས་དེ། དབྱིན་ཡིག་གཙོ་བོར་གྱུར་བའི་ནུབ་ཕྱོཊ་ཀྱི་སྐད་ཡིག་གཞན་འིནང་བསྒྱུར་ཐུབ་པ་ཞིག་ཡོང་གི་མ་རེད་བསམ་གྱི་ཡོད། བསམ་བློ་དེ་ལྟར་འཁོར་བ་ཨ་ཕའི་ཕོར་བར་གཙང་ཞེན་ཟེར་བ་འདྲ་བོ་མ་རེད། བོད་ཀྱི་སྐད་ཡིག་དེ་ལེགས་སྦྱར་གྱི་སྐད་ཡིག་དང་དོ་མཉམ་པའི་སྐད་ཡིག་ཅིག་རེད། ལེགས་སྦྱར་སྐད་ཡིག་ནང་གང་མངོན་པར་གསལ་བར་བྱེད་ཐུབ་པ་དེ་བོད་ཀྱི་སྐད་ཡིག་ནང་མངོན་པར་གསལ་བར་བྱེད་ཐུབ་ཀྱི་ཡོད་པ་རེད། མངོན་བརྗོད་དང་སྡེབ་སྦྱོར་གང་གི་ཆ་ནས་བལྟས་ཀྱང་། ལེགས་སྦྱར་སྐད་ཀྱིས་མཚོན་པའི་རྒྱ་གར་གྱི་སྐད་ཡིག་ཁག་ནང་ཡོད་པའི་གཞུང་ལུགས་དེ་ཚོ་ཇི་མ་ཇི་བཞིན་དུ་སྟོན་ཐུབ་པའི་སྐད་ཡིག་དེ་བོད་ཀྱི་སྐད་ཡིག་གཅིག་པུ་རེད། ” ཅེས་གསུངས་བྱུང་ 

ཁོང་གིས་མུ་མཐུད་གསུང་དོན།ཕྱི་ལོ་ ༡༩༥༩ ལོར་ང་ཚོ་བཙན་བྱོལ་དུ་འབྱོར་རྗེས་ཕྱིའི་སྐད་ཡིག་ནས་ཚུར་བོད་སྐད་དུ་བསྒྱུར་བ་དང་ བོད་སྐད་ནས་ཕར་ཕྱིའི་སྐད་ཡིག་ཏུ་བསྒྱུར་བའི་ལས་དོན་རླབས་ཆེན་བྱས་ཡོད། དེ་ཚོ་ཅི་ཙམ་གྱིས་ཚད་དང་ལྡན་པ་དང་། ཅི་ཙམ་གྱིས་ཡང་དག་པ་བྱུང་ཡོད་མེད་དེ་ངས་ཞུ་ཐུབ་ཀྱི་མེད། དེ་མཁས་དབང་ཚོས་བསྐྱར་གཟིགས་གནང་རྒྱུ་ཞིག་རེད། ད་ལྟ་ངས་ཚོད་དཔག་བྱེད་བཞིན་པའི་གནས་སྟངས་དེ་གང་རེད་ཅེ་ན། སྐད་ཡིག་གི་ངོ་བོའི་ཆ་ནས་ནུབ་ཕྱོགས་ཀྱི་སྐད་ཡིག་དང་ལེགས་སྦྱར་གྱི་སྐད་ཡིག་གི་འགྲོས་དང་སྒྲོམ་གཞི་གཉིས་མི་མཐུན་པར་བརྟེན། ལེགས་སྦྱར་ནས་བོད་སྐད་དུ་བསྒྱུར་བ་ལྟར་བོད་སྐད་ནས་ནུབ་ཕྱོགས་ཀྱི་སྐད་ཡིག་ནང་བསྒྱུར་བ་ལ་ཏན་ཏན་དཀའ་ངལ་འཕྲད་ཀྱི་རེད་ཅེས་ལབ་མྱོང་ཡོད། ནུབ་ཕྱོགས་ཀྱི་སྐད་ཡིག་སྤྱི་དང་ལྷག་པར་དུ་དབྱིན་ཇིའི་སྐད་ཡིག་ལྟ་བུར་མཚོན་ན། སྤྱིར་བཏང་སྐད་རིགས་ཕྱུག་པོ་ཞིག་ཡིན་པ་དེ་བཤད་མི་དགོས་པ་རེད། དེའི་ནང་དུ་དེང་རབས་དང་མཐུན་པའི་རིག་པའི་གནས་མང་པོ་ཡོད་པ་རེད། དེ་རྒྱུ་མཚན་དུ་བྱས་ནས་ནང་པའི་གསུང་རབ་དེ་ཚོ་བསྒྱུར་ཐུབ་ཀྱི་རེད་དམ་ཟེར་ན། སྤྱིར་བཏང་སྐད་ཡིག་ཕྱུག་པོ་ཡིན་པའི་རྒྱུ་མཚན་གྱིས་གསུང་རབ་ག་རེ་ཡིན་ནའང་བསྒྱུར་ཐུབ་ཀྱི་རེད་ཅེས་ལབ་པ་དེ་ཏོག་ཙམ་ཁྱཔར་ཐལ་བའི་གནས་སྟངས་ཤིག་རེད།ཅེས་གསུངས་སོང་

གཞན་ཡང་ བཀའ་ཟུར་ཟམ་གདོང་རིན་པོ་ཆེ་མཆོག་གིས་སྐད་ཡིག་གཞན་ནས་ཐ་སྙད་གསར་པ་བོད་སྐད་དུ་བསྒྱུར་སྐབས། ཐ་སྙད་དེ་སྔོན་ཆད་བོད་སྐད་དུ་བསྒྱུར་ཡོད་མེད་ལྟ་རྒྱུ་གལ་ཆེན་ཡིན་པ་དང་ གལ་སྲིད་བསྒྱུར་མེད་པ་ཡིན་ན། ཐ་སྙད་གསར་པ་དེ་ཐོག་མར་འབྱུང་སའི་སྐད་ཡིག་དེ་རང་ནས་ཐད་ཀར་བོད་སྐད་དུ་བསྒྱུར་ན་དོན་གནད་དུ་ཁེལ་བར་ཕན་པ། དེ་བཞིན་མིང་གཅིག་དོན་གྱི་རྣམ་གྲངས་ཅན་དང་དོན་གཅིག་མིང་གི་རྣམ་གྲངས་ཅན་གྱི་ཐ་སྙད་དང་འཕྲད་པའི་སྐབས་སུ། གཡས་གཡོན་གྱི་ཚིག་གྲོགས་ལ་བལྟས་ཏེསྐབས་བབ་ཀྱི་བརྗོད་དོན་ལ་དཔྱད་རྒྱུ་གལ་ཆེན་པོ་ཡིན་སྐོར། ནང་ཆོས་དང་འབྲེལ་བའི་གཞུང་ལུགས་དེ་སྐད་ཡིག་གཞན་དུ་བསྒྱུར་སྐབས་གཟབ་གཟབ་མ་བྱས་ཚེ་ནོར་འཁྲུལ་ཆེན་པོ་འབྱུང་ཉེན་ཡོད་སྐོར་སོགས་གསུངས་སོང་

 རིན་པོ་ཆེ་མཆོག་གིས་མུ་མཐུད་དོན། ནུབ་ཕྱོགས་པའི་ཐ་སྙད་ཀྱི་རིག་གནས་དང་བྱུང་བ་རིག་པ། ཚན་རིག་བཅས་བོད་སྐད་དུ་བསྒྱུར་སྐབས་གཟབ་གཟབ་བྱེད་དགོས་ཀྱང་། ཕྲན་བུ་ནོར་འཁྲུལ་ཤོར་ཡང་མངོན་འདོད་ལ་ཕན་གནོད་ཆེན་པོ་འབྱུང་བའི་ཉེན་ཁ་དེ་ཙམ་མེད་སྟབས། ཞེད་སྣང་ཞེ་དྲག་བྱེད་དགོས་དོན་མེད་ཀྱང་སངས་རྒྱས་ཀྱི་ཆོས་དང་འབྲེལ་བའི་གཞུང་ལུགས་དེ་ཚོ་ཕར་བསྒྱུར་བའི་སྐབས་ལ་གཟབ་གཟབ་མ་བྱས་པ་ཡིན་ན། ནོར་འཁྲུལ་ཕྲན་བུ་ཤོར་ཡང་གོ་ལོག་ཆེན་པོ་འབྱུང་བའི་གནས་སྟངས་ཤིག་དང་ ཐ་སྙད་གཅིག་ཡིན་ནའང་ཐ་སྙད་དེ་སུས་བེད་སྤྱོད་བྱེད་ཀྱི་ཡོད་པའི་གནས་སྟངས་མ་ཤེས་པ་ཡིན་ན། གོ་ལོག་ཆེན་པོ་ཐེབས་འི་ཉེན་ཁ་ཡོད་པ་རེད། ཐ་སྙད་གསར་བཟོ་བྱེད་སྐབས་ཡོངས་ཁྱབ་གཅིག་གྱུར་ཡོང་བ་དང་རིག་པ་དང་མི་འགལ་བ། བརྡ་སྤྲོད་དང་མི་འགལ་བ། གྲགས་པ་དང་མི་འགལ་བའི་ཐོག་ནས་ཐ་སྙད་གསར་བཟོ་བྱེད་པར་འབད་བརྩོན་བྱེད་རྒྱུ་གལ་ཆེན་པོ་རེད། ང་རང་ཚོར་རིག་པའི་གཞུང་ལུགས་རྒྱ་ཆེ་གཏིང་ཟབ་ཡོད་པ་དང་ ཐ་སྙད་ཀྱི་རྣམ་གྲངས་ཧ་ཅང་ཕྱུག་པོ་ཡོད་པ་དེ་ཚོ་ཤེས་པའི་ཐོག་ནས་ལོ་ཙཱ་བའི་ཐོག་སློབ་སྦྱོང་གནང་བ་ཡིན་ན་ཡག་པོ་ཡོང་གི་རེད།ཅེས་སོགས་གསུངས་སོང་

བགྲོ་གླེང་འདིའི་ཐོག་གདན་ཞུལོ་ཙཱ་བ་ཧྥ་རན་སིའིཤར་ཕྱོགས་སྐད་ཡིག་སློབ་གླིང་གི་དགེ་རྒན་ཆུང་ཚེ་རིང་ལཊ་ཀྱིས། ཡིག་བསྒྱུར་གྱི་གལ་གནད་དང་གནས་བབདང་  ཝར་ཎ་མཐོ་སློབ་བསྐྱར་གསོ་སྡེ་ཚན་གྱི་འགན་འཛིན་བློ་བཟང་རྡོ་རྗེ་ལགས་ཀྱིས། ལེགས་སྦྱར་དང་པཱ་ལི་སོགས་ནས་བོད་བསྒྱུར་ཅི་བྱུང་གི་སྐོརཤེས་རིག་ལས་ཁུངས་ཀྱི་ལས་དྲུང་བུངྷ་སྐྱབས་ལགས་ཀྱིས། འཇིག་རྟེན་ནང་ཆེས་དཀོན་པའི་བེེཌྰརྱའི་བུམ་པ་ཞིག་རྡོ་ལ་བརྡབ་པའི་སྐྱོ་གར་གྱི་སོ་མཚམས་ནས་ཁྱུག་ཙམ་ལྟ་༽ ། དཔེ་མཛོད་ཁང་གི་ཚན་རིག་སྡེ་ཚན་གྱི་ཀརྨ་ཐུབ་བསྟན་ལགས་ཀྱིས། ཚན་རིག་བོད་སྒྱུར་བྱེད་པའི་དགོས་དམིགས༽ ། བོད་ཀྱི་སྲིད་བྱུས་ཉམས་ཞིབ་ཁང་གི་བསྟན་འཛིན་བདེ་ལྡན་ལགས་ཀྱིས། བོད་ཀྱིི་ཡིག་སྒྱུར་ལོ་རྒྱུས་དང་ཡིག་སྒྱུར་ལས་དོན་ཐད་རང་ཉིད་ཀྱི་མྱོང་ཚོར་བཅས་རགས་ཙམ་གླེང་ཝར་ཎ་མཐོ་སློབ་ཕབ་སྒྱུར་སྡེ་ཚན་གྱི་འགན་འཛིན་བློ་བཟང་ནོར་བུ་ཤཱསྟཱི་ལགས་ཀྱིས། སྒྲ་བསྒྱུར་དང་དེའི་འགྱུར་ཚུལ་ལ་དཔྱད་པ་ངོ་མཚར་ལྷུན་པོའི་མཛེས་རྒྱནནོར་གླིང་མཛད་རྣམ་རྩོམ་སྒྲིག་པ་ཡེ་ཤེས་དགའ་བ་ལགས་ཀྱིས། ཡིག་བསྒྱུར་དང་འབྲེལ་བའི་གཏམ་ཐོར་བུ༽ ཅེས་སོགས་ཀྱི་དཔྱད་རྩོམ་སྒྲོག་སྦྱོང་དང་དྲི་བ་དྲི་ལན་བཅས་གནང་རྒྱུ་ཡིན་འདུག 

 

གསར་འགོད་པ། དོན་གོ

ཤོག་ངོས་འདི་ཐེངས་ ༢༡༡༡ ལ་བཀླགས་འདུག
རིག་པ་འདོན་པ།
སྐར་ཁྲི་བཙན།
༢༠༡༣/༠༨/༠༨ ཉིན་འདོན་སྤེལ་བྱས།
ཟམ་གདོང་བླ་མའི་མི་ལོ་བཅུ་ལ་ར་ལུག་བསྲེས་སྐད་སྐྱེད་སྲིང་བྱས།། སྐྱབས་བཅོལ་བོད་མས་ལོ་སྐོར་མང་པོར་གཞན་སྐད་གཡར་ནས་འཚོ་བ་བསྐྱལ།། དུས་རབས་ཤིག་གི་ཕྱེད་ཀའི་རིང་ལ་སྐད་དང་རིགས་གཞུང་གྱེར་འདོན་བྱས།། གཡོ་དང་སྒྱུ་མའི་གདོང་འབག་འཐུག་ན་ཁ་རླངས་ཙམ་ལ་ངལ་གང་ཅི།། དང་པོ རྣམ པ ཚོས ངོས ནས བོད སྐད གཙང མ བཤད རོགས།
བཙན་ནག་པས།
༢༠༡༣/༠༨/༠༨ ཉིན་འདོན་སྤེལ་བྱས།
དེང་སང་བོད་ཀྱི་རིགས་གཞུང་ཕྱི་ཚོང་ཆེད་ཕབ་བསྒྱུར་གནང་བ་ལས་ཕྱིའི་རིགས་གཞུང་བོད་སྐད་ཐོག་ཕབ་བསྒྱུར་གནང་ཏེ་རང་མི་རིགས་ཀྱི་རིགས་གཞུང་ཇེ་ཕྱུག་ཏུ་གཏོང་མཁན་ཆེར་དཀོན་པོ་ཡིན་པའི་རྒྱུ་རྐྱེན་གང་ཡིན་འཚོལ་དགོས་པ་ཁ་ཚ་དགོས་བསྟུགས་ཤིག་ཏུ་མཐོང་
ཀརྨ་རྡོ་རྗེ།
༢༠༡༣/༠༨/༠༨ ཉིན་འདོན་སྤེལ་བྱས།
ཐ་སྙད་གསར་བཟོ་བྱེད་སྐབས་ཡོངས་ཁྱབ་གཅིག་གྱུར་ཡོང་བ་དང་རིག་པ་དང་མི་འགལ་བ། བརྡ་སྤྲོད་དང་མི་འགལ་བ། གྲགས་པ་དང་མི་འགལ་བའི་ཐོག་ནས་ཐ་སྙད་གསར་བཟོ་བྱེད་པར་འབད་བརྩོན་བྱེད་རྒྱུ་གལ་ཆེན་པོ་རེད། ང་རང་ཚོར་རིག་པའི་གཞུང་ལུགས་རྒྱ་ཆེ་གཏིང་ཟབ་ཡོད་པ་དང་། ཐ་སྙད་ཀྱི་རྣམ་གྲངས་ཧ་ཅང་ཕྱུག་པོ་ཡོད་པ་དེ་ཚོ་ཤེས་པའི་ཐོག་ནས་ལོ་ཙཱ་བའི་ཐོག་སློབ་སྦྱོང་གནང་བ་ཡིན་ན་ཡག་པོ་ཡོང་གི་རེད། ་
གསལ་ལེ་རྒྱལ།
༢༠༡༣/༠༨/༠༧ ཉིན་འདོན་སྤེལ་བྱས།
བོད་མི་རིགས་ལ་མཚོན་ན་མི་རབས་གོང་མ་ཚོས་མི་རིགས་གཞན་གྱི་རིག་གཞུང་གི་ལེགས་ཆ་མང་པོ་བླངས་ཏེ་རིག་གཞུང་ཕྱུཊ་པོ་ཆགས་ཡོད་པ་ལྟར། ང་ཚོས་རིག་གཞུང་འདི་ཉིད་འཛམ་གླིང་གི་སྐད་རིཊ་འདྲ་མིན་ནང་ཕབ་བསྒྱུར་བྱས་ཏེ་རིག་གཞུང་རྒྱ་སྐྱེད་དུ་གཏོང་རྒྱུ་དང་། མི་རིགས་གཞན་གྱི་ལྟ་གྲུབ་དང་ཚན་རིག་ལག་རྩལ་སོགས་བོད་རང་གི་སྐད་ཡིག་ནང་ཕབ་བསྒྱུར་བྱས་ཏེ་ཇེ་ཕྱུཊ་ཇེ་ལེཊ་སུ་གཏོང་ཆེད།

ལ་ལ་ལ། ཨ། བྱ་འདི།
གསལ་ལེ་རྒྱལ།
༢༠༡༣/༠༨/༠༧ ཉིན་འདོན་སྤེལ་བྱས།
རིག་གཞུང་ཕྱུགས་པོ་ཆགས་ཡོད་ཟེར། ད་དུང་ཇེ་ཕྱུགས་ལ་གཏོང་གི་ཡིན་ཟེར། དཀོན་མཆོག་མཁྱེན། བ་ཕྱུགས་འདྲ་བོ་ཞིག་བཟོས་མི་ཡོང་ངམ་བསམ་ན་ཞེད་སྣང་འདུག
རིག་པ་འདོན་པ།
རིག་པ་འདོན་ན་ངེས་པར་དུ་དེབ་སྐྱེལ་བྱེད་དགོས།
འདི་ལ་བསྣུན་ཏེ་དེབ་སྐྱེལ་བྱེད་རོགས།