སྲིད་སྐྱོང་དམ་འབུལ་ལོ་གཉིས་འཁོར་བའི་དུས་དྲན་མཆོད་འབུལ།

འདོན་སྤེལ། ༢༠༡༣/༠༨/༠༩

དེ་རིང་སྔ་དྲོར་ངྷ་ས་གཙུག་ལག་ཁང་དུ་སྲིད་སྐྱོང་མཆོག་གིས་བཀའ་ཤག་གསར་པའི་ཐུགས་འགན་བཞེས་ཏེ་ལོ་གཉིས་ཧྲིལ་བོ་འཁོར་བའི་ཉིན་མོ་དང་བསྟུན། བོད་ནང་གི་རྒྱལ་གཅེས་དཔའ་བོ་དཔའ་མོ་རྣམ་པར་མཆོད་འབུལ་སྨོན་ལམ་ཞིག་ཚོགས་སོང་

 

དེ་རིང་ཞོགས་པ་ཆུ་ཚོད་།༣༠ སྟེང་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ། བོད་མིའི་སྒྲིག་འཛུགས་ཆོས་རིག་ལས་ཁུངས་ཀྱི་གོ་སྒྲིག་འོག བཀའ་ཤག་གསར་པའི་ལས་དོན་མགོ་འཛུགས་གནང་བ་དང་བློ་བཟང་སེང་གེ་མཆོག་གིས་སྲིད་སྐྱོང་གི་ཐུགས་འགན་བཞེས་ཏེ་ལོ་གཉིས་ཧྲིལ་བོ་འཁོར་བའི་དུས་དྲན་དང་བསྟུན་ཏེ། གཞུང་འབྲེལ་མཆོད་འབུལ་སྨོན་ལམ་ཞིག་ཚོགས་ཡོད་པ་དང་། མཆོད་འབུལ་དེའི་སྟེང་དཔལ་རྒྱལ་བ་ཀརྨ་མཆོག་དང་བཀའ་ཟུར་ཀརྟི་རིན་པོ་ཆེ། རྣམ་རྒྱལ་གྲྭ་ཚང་གི་མཁན་རིན་པོ་ཆེ་བཅས་དབུ་བཞུགས་ཐོག བོད་མིའི་སྒྲིག་འཛུགས་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་ངག་དབང་འཕེལ་རྒྱས་མཆོག་དང་སྲིད་སྐྱོང་བློ་བཟང་སེང་གེ སྤྱི་འཐུས་ཚོགས་གཙོ་སྤེན་པ་ཚེ་རིང་བཅས་ཀྱིས་དབུས་བོད་མིའི་སྒྲིག་འཛུགས་ཀྱི་བཀའ་བློན་དང་དྲུང་ཆེ་རྣམ་པ། སྤྱི་འཐུས་རྒྱུན་ལས་རྣམ་པ། སྲི་ཞུ་ལས་བྱེད་ཡོངས་དང་། ངྷ་ས་བདེ་དོན་གྱི་ཁྱབ་ཁོངས་སློབ་གྲྭ་ཁག་དང་རང་དབང་ཅན་གྱི་སྡེ་ཚནགཞུང་འབྲེལ་མ་ཡིན་པའི་ཚོགས་སྡེ་ཁག་གི་སྐུ་ཚབ། ངྷ་སའི་སེར་སྐྱ་མི་མང་བཅས་ལྷན་འཛོམགནང་སོང་

 

སྐབས་དེར་སྲིད་སྐྱོང་མཆོག་གིས། དེ་རིང་བཀའ་ཤག་སྐབས་ ༡༤ ལོ་གཉིས་འཁོར་ཡོང་གི་ཡོད་རེད། བོད་ནང་གི་ཛ་དྲག་གནས་ཚུལ་མུ་མཐུད་གནས་ཡོད། རྒྱ་ནག་གཞུང་གི་མཁྲེགས་འཛིན་སྲིད་ཇུས་ལ་བརྟེན་ནས་རང་ལུས་མེར་བསྲེགས་གཏོང་མཁན་དང་ངོ་རྒོལ་བྱེད་མཁན་མང་པོ་ཡོང་གི་ཡོད་རེད། བོད་ནང་རང་ལུས་མེར་བསྲེགས་གཏོང་གནང་མཁན་ ༡༢༠ དང་ཁོང་རྣམ་པའི་ནང་མི་སྤུན་མཆེད། དེ་དང་ཆབཅིག་ད་ལྟའི་བར་བོད་བསྟན་པ་ཆབ་སྲིད་ཀྱི་དོན་དུ་རང་སྲོག་བློས་གཏོང་གནང་མཁན་ཚང་མའི་ཆེད་དུ་བོད་མིའི་སྒྲིག་འཛུགས་ངོས་ནས་མཆོད་འབུལ་རྒྱས་པ་འདི་གོ་སྒྲིག་ཞུས་པ་ཡིནཞེས་དང་། ཡང་ཁོང་གིས། བོད་ནང་རང་ལུས་མེར་བསྲེགས་གཏོང་དགོས་དོན་དེ་བཀའ་ཤག་གིས་གསལ་བོ་ཞུས་ཡོད། གཙོ་ཆེ་ཤོས་བོད་དེ་འཛིན་བཟུང་བྱས་པ་དང་ཆབ་སྲིད་ཀྱི་དམ་དྲག ཁོར་ཡུག་གཏོར་བཤིག་བཏང་པ། རིག་གཞུང་རྩ་མེད། དཔལ་འབྱོར་དབྱེ་འབྱེད། ཆོས་དད་རང་དབང་མེད་པ་བཅས་ལ་བརྟེན་ནས་བོད་ནང་གི་བོད་མི་ཚོས་སོ་སོའི་རྩ་ཆེ་བའི་ལུས་སྲོག་བློས་གཏོང་གནང་གི་ཡོད་རེད། བཀའ་ཤག་གི་ལངས་ཕྱོགས་གསལ་བོ་ཡིན། བོད་མི་ཞིག་ཡིན་པའི་ཆ་ནས་ཚབས་ཆེ་བའི་ལས་འགུལ་མ་སྤེལ་རོགས་ཞེས་འབོད་སྐུལ་ཞུས་བསྡད་ཡོདཅེས་གསུངས་སོང་

 

ཡང་ཁོང་གིས་བོད་ནང་དུ་རང་ལུས་མེར་བསྲེགས་གཙོས་ལས་འགུལ་སྤེལ་སྟངས་གཅིག་ལ་བོད་མི་ནང་ཁུལ་རྡོག་རྩ་ཆིག་སྒྲིལ་བྱེད་དགོས་པ་དང་། མཐུན་སྒྲིལ་བྱེད་དགོས་པ་གལ་ཆེན་པོར་རྩིས་པའི་ཐོག་ནས་ནང་ཁུལ་རྒྱག་རེ་རྒྱག་པ་དང་མི་གསོད་ཁྲག་སྦྱོར་བྱེད་པ་སོགས་མཚམས་འཇོག་བྱེད་དགོས་འི་ཐོག་ལས་འགུལ་རིམ་པ་སྤེལ་བཞིན་པ་དེར། ངོས་ལེན་བསྔགས་བརྗོད་དང་མུ་མཐུད་བོད་མི་ནང་ཁུལ་མཐུན་སྒྲིལ་བྱ་རྒྱུ་དེ་གལ་ཆེན་པོ་ཡིན་པ། འཛམ་གླིང་སྤྱི་ཡོངས་ནས་བོད་དོན་ལ་རྒྱབ་སྐྱོར་ཡོང་དོན་གཙོ་བོ་༧གོང་ས་མཆོག་གི་ཐུགས་རྗེ་བཀའ་དྲིན། བོད་མི་ཚོ་ཡ་རབབཟང་སྤྱོད་ལྡན་པ་ཞིག་ཡིན་པ་བཅས་ཀྱི་ཐོག་ནས་ཡིན་པ། བོད་ཕྱི་ནང་གི་བོད་མི་ཚོས་དུས་རྒྱུན་འཛམ་གླིང་སྤྱི་ཡོངས་ནས་བོད་མི་ཚོ་ཡ་རབབཟང་སྤྱོད་ལྡན་པ་ཞིག་ལ་ངོས་འཛིན་བྱེད་ཀྱི་ཡོད་པ་སེམས་ལ་བཟུང་པའི་ཐོག ཆང་རག་དང་ཤོ་སྦག་རྒྱན་རྩེད་རིགས་མཚམས་འཇོག་དགོས་པའི་འབོད་སྐུལ་གནང་སོང་

 

གཞན་ཁོང་གིས་འདས་པའི་ལོ་གཉིས་རིང་བཀའ་ཤག་སྐབས་ ༡༤ པོས་བྱས་རྗེས་ཆེན་པོ་དམིགས་བསལ་ག་མེད་ཀྱང་ལོ་གཉིས་དེ་ལྷིང་འཇགས་པོའི་ཐོག་ནས་གནས་སོང་ཞེས་དང་། བཀའ་ཤག་ཐོག་ནས་ཐོག་མར་འཆར་གཞི་བཏིང་སྐབས། དང་པོ་ནུས་ཤུགས་ཕྱོགས་སྒྲིག་དང་དེ་ནས་ལས་འགུལ་སྤེལ་དགོས་ཀྱི་འདུག་བཅས་པ་ཚང་མ་གང་ལེགས་བྱུང་ཡོད་ཚུལ་དང་། མཐའ་མའི་འབབ་ས་དེ་འབྲེལ་མོལ་ཡིན་སྟབས་དེར་འབད་བརྩོན་བྱ་དགོས་ཀྱི་འདུག་ཅེས་ཁོང་གིས། བཀའ་ཤག་སྐབས་ ༡༤ ཐོག་ནས་འབྲེལ་མོལ་ཚོགས་འདུ་ཐེངས་གསུམ་ཚོགས་ཚར་པ་རེད། ཐེངས་ ༤ དེ་ཕྱི་ཟླ་ ༩ ནང་འཚོགས་རྒྱུ་ཡིན། སྤྱི་ཡོངས་ཀྱི་ཐོག་ནས་འབྲེལ་མོལ་ཚོགས་ཆུང་འདི་ཐེངས་ ༢༦ པ་ཆགས་ཀྱི་ཡོད་རེད། དེ་དུས་འཐུས་མི་གསར་པ་དང་བོད་པའི་སྤྱི་ཚོགས་ནང་གི་གནད་ཡོད་མི་སྣ། རྒྱ་ཐོག་ལ་དུས་རྟག་ཏུ་ཐུགས་སྣང་གནང་མཁན་འཐུས་མི་གསར་པ་འང་གདན་འདྲེན་ཞུས་ཡོད་ཅེས་བརྗོད་ཡོད།

 

གསར་འགོད་པས་ཆོས་རིག་དྲུང་ཆེ་ངག་དབང་ཆོས་གྲགས་ལགས་སུ་བཀའ་ཤག་གསར་པའི་ལས་འགན་ཁུར་ཏེ་ལོ་གཉིས་འཁོར་པའི་དུས་དྲན་ཉིན་དམིགས་བསལ་མཆོད་འབུལ་སྨོན་ལམ་གནང་དགོས་དོན་དྲིས་པར་ཁོང་གིས། དེ་རིང་གི་མཆོད་འབུལ་སྨོན་ལམ་འདི་གཙོ་ཆེ་ཤོས་སྲིད་སྐྱོང་བློ་བཟང་སེང་གེས་དབུ་ཁྲིད་པའི་བཀའ་ཤག་སྐབས་ ༡༤ པས་དམ་འབུལ་ཞུས་ནས་ལོ་གཉིས་འཁོར་འགྲོ་བཞིན་པའི་རིང་། གཙོ་བོ་༧གོང་ས་མཆོག་དང་བོད་ཀྱི་ལྷ་སྲུང་། རྒྱ་ཆེ་མང་ཚོགས་བཅས་ཀྱི་མཐུན་འགྱུར་ལ་བརྟེན་ནས་བཀག་ཤག་གི་ལས་དོན་ཡག་པོ་བྱུང་པ་དེའི་རྟེན་འབྲེལ་མཚོན་གཅིག་དང་། གཉིས་ནས་བོད་ནང་གི་བོད་མི་ ༡༢༠ རང་ལུས་མེར་བསྲེགས་བཏང་པ་རྣམས་ལ་བཀའ་དྲིན་རྗེས་དྲན་དང་གུས་འདུད་བཅས་ཀྱི་ཆེད་མཆོད་འབུལ་སྨོན་ལམ་ཚོགས་པ་རེད།ཅེས་བརྗོད་བྱུང་

གསར་འགོད་པ། བནྡེ་སྐྱབས།
ཤོག་ངོས་འདི་ཐེངས་ ༣༠༤༤ ལ་བཀླགས་འདུག
རིག་པ་འདོན་པ།
ཀེ་ཏ་
༢༠༡༣/༠༨/༡༡ ཉིན་འདོན་སྤེལ་བྱས།
དཀོན་མཆོག་ཡ། དྲང་པོར་ཞུས་ན། ང་ཚོའི་མི་དབང་སྲིད་སྐྱོང་མཆོག་གི་སྣུམ་སྔ་ས་ནས་རྫོགས་ཚར་འདུག་གཱ ཁ་སང་འཁྲུངས་སྐར་གཏམ་བཤད་ནས་བཟུང་ད་ཕལ་ཆེར་བཤད་ཡ་མ་རག་པའི་དཀའ་ངལ་ཞིག་ཡོང་གི་འདུག་གཱ གཏམ་བཤད་ཚང་མའི་ནང་དུ་མུ་གེ་འཐིབས་ནས་བསྡད་འདུག ཧཧཧཧ ཨོམ་མ་ཎི་པདྨེ་ཧཱུམ། ཨའོ་པ་མ་མཁྱེན། ཧ་ཝ་ཌི་མཁྱེན། ད་ཅི་བྱ།།
ཀརྨ་རྡོ་རྗེ།
༢༠༡༣/༠༨/༡༡ ཉིན་འདོན་སྤེལ་བྱས།
༡༦༽ ཀརྡོ་གཉེར་ཕྱག་པ་ནས།
སྤྱི་ལོ་ ༢༠༡༣ ཟླ་ ༨ ཚེས་ ༨ གི་ཆུ་ཚོད་ ༡༧ སྐར་མ་ ༡༥
བོད་མིའི་སྒྲིག་འཛུགས་ཀྱི་མཛད་གཙོ་དང་ལས་བྱེད་པ་རྣམས་ཀྱི་མཐུན་སྐྱོར་བཅས་ལ་བརྟེན་ནས་བོད་མིའི་སྤྱི་དོན་འགན་འཁུར་ཞུ་སྒོ་༼དང་། གཞུང་དངུལ་ལྐོག་ཟ་རུལ་སྲུངས་དང་། གཞུང་དངུལ་ཁྱེར་ནས་གར་སོང་ཆ་མེད་དུ་སོང་བ་སོགས་༽གང་ཅི་གེགས་མེད་ལམ་ལྷོངས་དང། གྲུབ་འབྲས་མི་དམན་ཙམ་བྱུང་བའི་བཀའ་དྲིན་གཏང་རག་མཚོན་ཕྱིར་དང། ་
༡༧༽ ཅོ་རི་ཉི་མ་ནས།
སྤྱི་ལོ་ ༢༠༡༣ ཟླ་ ༨ ཚེས་ ༨ གི་ཆུ་ཚོད་ ༡༧ སྐར་མ་ ༣༠
ཀརྡོར་འདིས་ཧཧཧཧ་དེ་རིང་ཡིན་ན་ཁྱོད་ཀྱི་བྲིས་པའི་བུ་མཆན་དེར་བཀླགས་ནས་དགོད་མོ་སྐྱིད་པོ་ཞིག་ཤོར་གྱི་བྱུང་། ངས་མི་ལོ་དག་གི་ནང་དུ་ཁྱོད་ཀྱི་མཆན་བུ་བཀླགས་བསྡད་པའི་ནང་ནས་གོང་གི་མཆན་བུ་དེར་མཚར་ཤོས་བྱུང་།་ཧཧཧཧ
ཟེར།
གངས་ལྡོམ།
༢༠༡༣/༠༨/༡༠ ཉིན་འདོན་སྤེལ་བྱས།
བློ་སེང་གིས་སྲིད་སྐྱོང་གི་ཐུགས་འགན་བཞེས་ནས་ལོ་གཉིས་ཕྱིན་པ་རེད།
ཡིན་ནའི་འོས་ཤོག་འཕེན་པའི་དུས་སུ།
ཁོང་གིས་གསར་འབྱོར་ཚོ་ཕྱི་རྒྱལ་དུ་གཏོང་གི་ཡིན་ཞེས་དམ་བཅས་པ་དེ་ད་ལྟ་བརྗེད་སོང་པ་རེད་དམ།

ཧཧཧཧཧཧཧ བོད་མི་རྣམས་ལ་མགོ་སྐོར་གཏོང་མཁན་སྲིད་སྐྱོང་ཞིག་ཡོད།
འཇམ་གཅེས །
༢༠༡༣/༠༨/༠༩ ཉིན་འདོན་སྤེལ་བྱས།
མཐུན་སྒྲིལ་བྱེད་དགོས་པ་གལ་ཆེན་པོར་རྩིས་པའི་ཐོག་ནས་ནང་ཁུལ་རྒྱག་རེ་རྒྱག་པ་དང་མི་གསོད་ཁྲག་སྦྱོར་བྱེད་པ་སོགས་མཚམས་འཇོག་བྱེད་དགོས་པའི་ཐོག་ལས་འགུལ་རིམ་པ་སྤེལ་བཞིན་པ་དེར། ངོས་ལེན་བསྔགས་བརྗོད་དང་མུ་མཐུད་བོད་མི་ནང་ཁུལ་མཐུན་སྒྲིལ་བྱ་རྒྱུ་དེ་གལ་ཆེན་པོ་ཡིན་པ། འཛམ་གླིང་སྤྱི་ཡོངས་ནས་བོད་དོན་ལ་རྒྱབ་སྐྱོར་ཡོང་དོན་གཙོ་བོ་༧གོང་ས་མཆོག་གི་ཐུགས་རྗེ་བཀའ་དྲིན། བོད་མི་ཚོ་ཡ་རབས་བཟང་སྤྱོད་ལྡན་པ་ཞིག་ཡིན་པ་བཅས་ཀྱི་ཐོག་ནས་ཡིན་པ། བོད་ཕྱི་ནང་གི་བོད་མི་ཚོས་དུས་རྒྱུན་འཛམ་གླིང་སྤྱི་ཡོངས་ནས་བོད་མི་ཚོ་ཡ་རབས་བཟང་སྤྱོད་ལྡན་པ་ཞིག་ལ་ངོས་འཛིན་བྱེད་ཀྱི་ཡོད་པ་སེམས་ལ་བཟུང་པའི་ཐོག ཆང་རག་དང་ཤོ་སྦག་རྒྱན་རྩེད་རིགས་མཚམས་འཇོག་དགོས་པའི་འབོད་སྐུལ་གནང་སོང་
མི་རབས་གསར་པ་
༢༠༡༣/༠༨/༠༨ ཉིན་འདོན་སྤེལ་བྱས།
བཀའ་ཁྲི་བཀའ་ཁྲི་ཟེར་ནས་ལོ་གཅིག་སོང། སྲིད་སྐྱོང་སྲིད་སྐྱོང་ཟེར་ནས་ལོ་གཅིག་སོང་། མཁས་དབང་མཁས་དབང་ཟེར་ནས་ལོ་གཅིག་སོང་། འབུམ་རམས་འབུམ་རམས་ཟེར་ནས་ལོ་གཅིག་སོང་། ཅི་ཡིན་འདི་ཡིན་མེད་པ་ལོ་གཅིག་ནསོང་། ག་ལེར་ནུབ་ཕྱོགས་སྐྱོད་པའི་རྣམ་ཐར་ཡིན་ཡིན།
མི་རྒོད།
༢༠༡༣/༠༨/༠༨ ཉིན་འདོན་སྤེལ་བྱས།
ངོས་ཀྱང་སྐར་བཙན་ལྟར་སྨོན་འདུན་ཞུ།།།
སྐར་ཁྲི་བཙན།
༢༠༡༣/༠༨/༠༨ ཉིན་འདོན་སྤེལ་བྱས།
སྲིད་སྐྱོང་མཆོག་གི་མཛད་འཕྲིན་ལ་ཕྱི་ནང་གསང་གསུམ་གྱིས་བར་ཆད་མི་ཡོང་པར་དགོངས་དོན་ལྷུན་གྱིས་འགྲུབ་པའི་སྨོན་འདུན་ཞུ་བཞིན།
རིག་པ་འདོན་པ།
རིག་པ་འདོན་ན་ངེས་པར་དུ་དེབ་སྐྱེལ་བྱེད་དགོས།
འདི་ལ་བསྣུན་ཏེ་དེབ་སྐྱེལ་བྱེད་རོགས།