བུ་མོ་ཆུང་ཆུང་ཞིག་ལ་བཙན་གཡེམ་བྱས།

འདོན་སྤེལ། ༢༠༡༣/༠༨/༢༩

རྒྱ་གར་ལྷོ་ཕྱོགས་མོན་གྷོ་ཌའི་གཞིས་གྲོང་བདུན་པའི་ཕོ་གསར་གཉིས་ཀྱིས་བུ་མོ་ཆུང་ཆུང་ལོ་ ༥ ཡས་མས་ཅན་ཞིག་ལ་བཙན་གཡེམ་བྱས་ཡོད་འདུག

ཉེ་ཆར་གནས་ཚུལ་འབྱོར་བར། རྒྱ་གར་ལྷོ་ཕྱོགས་མོན་གྷོ་ཌི་བོད་མིའི་གཞིས་ཆགས་ཀྱི་གཞིས་གྲོང་བདུན་པའི་ཕོ་གསར་གཉིས་ཀྱིས་བུ་མོ་ཆུང་ཆུང་ལོ་ ༥ ཡས་མས་ཅན་ཞིག་ལ་བཙན་གཡེམ་བྱས་ཡོད་པའི་གནས་ཚུལ་བྱུང་ཡོད་པ་དང་། ཐོག་མར་ས་གནས་གནད་ཡོད་མི་སྣ་ཚོས་གནས་ཚུལ་དེ་ཕྱིར་བསྒྲགས་བྱས་ན་ཧ་ཅང་ངོ་ཚ་བོ་ཡིན་སྐོར་བརྗོད་དེ་ནང་འགྲིག་ཡོང་ཐབས་ཀྱིས་གནས་སྐབས་རིང་གསང་པ་བྱས་ཡོད་ཀྱང་། ས་གནས་བུད་མེད་ལྷན་ཚོགས་དང་བུ་མོ་དེའི་གཉེན་འབྲེལ་བཅས་ཀྱིས་གནས་ཚུལ་དེ་རྒྱ་ཡན་དུ་གཏན་ནས་གཏོང་མི་ཉན་ཚུལ་བརྗོད་པ་དང་། ལྷག་པར་དུ་སྤྱི་ཚོགས་དྲ་འབྲེལ་ཁག་ཅིག་ནང་དེའི་སྐོར་གླེང་སློང་ཤུགས་ཆེན་བྱུང་བ་བཅས་ལ་བརྟེན་ཏེ། བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་ཐག་གཅོད་ལྟར་ཕྱིར་བསྒྲགས་བྱས་འདུག

དེ་རིང་བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱིས་གོང་གསལ་གནས་ཚུལ་སྐོར་ཚུལ་སྤེལ་དོན། “མོན་གྷོ་གཞིས་ཆགས་སུ་ཉེ་ཆར་བོད་ཕྲུག་ལོ་ན་མ་སོན་པའི་བུ་མོ་ཞིག་ལ་གཞིས་ཆགས་གཅིག་པའི་སྐྱེས་པ་གཉིས་ཀྱིས་ལོག་གཡེམ་གྱི་གནས་ཚུལ་བྱུང་བར་བོད་མིའི་སྒྲིག་འཛུགས་ཀྱི་སྐྱོན་བརྗོད་ཤུགས་ཆེ་བྱེད་བཞིན་ཡོད།
བོད་མིའི་སྒྲིག་འཛུགས་ནང་སྲིད་ལས་ཁུངས་ནས་ས་གནས་འགོ་འཛིན་ཡོངས་སུ་རྫོགས་པར་གནས་ཚུལ་འདིའི་རིགས་བྱུང་ཚེ་འཕྲལ་དུ་ས་གནས་ཉེན་རྟོག་ལས་ཁུངས་སུ་རྩིས་སྤྲོད་དགོས་པའི་དོ་ནན་གྱི་བཀོད་ཁྱབ་བཏང་ཡོད། ནང་སྲིད་བཀའ་བློན་རྒྱ་རི་སྒྲོལ་མ་མཆོག་གིས་གསུང་དོན། འདི་ལྟ་བུའི་ཚབས་ཆེའི་ནག་ཉེས་ཀྱི་གནས་ཚུལ་བྱུང་བ་དེ་ས་གནས་ཉེན་རྟོག་ལས་ཁུངས་སུ་ཞུ་རྒྱུ་དང་ཁྲིམས་ལྟར་དཀའ་ངལ་སེལ་ཐུབ་པ་བྱ་འགྱུར་འདི་ག་ནང་སྲིད་ལས་ཁུངས་ལ་འགན་ཡོད་པ་བཞིན་གང་ཡོང་ཅི་ཡོང་བྱ་རྒྱུ་ཡིན། དེ་བཞིན་མོན་གྷོ་ས་གནས་གོ་འཛིན་གྱིས་ལོག་གཡེམ་ཕོག་པའི་བུ་མོ་དང་ནང་མིར་མཐུན་འགྱུར་གང་དགོས་རྣམས་ཞུ་རྒྱུ་ཡིན། ཞེས་གསུངས་ཡོད།

དེ་རིང་ཕྱི་ཚེས་ ༢༥ ཉིན་ནང་སྲིད་བཀའ་བློན་མཆོག་དང་ལྷོ་སྤྱི་རྣམ་གཉིས་མོན་གྷོ་གཞིས་ཆགས་སུ་ཆེད་ཕེབས་ཀྱི་ལོག་གཡེམ་ཕོག་པའི་བུ་མོ་དང་ནང་མི་ཐུག་འཕྲད་གནང་སྟེ་གནས་སྟངས་དངོས་ལ་གཟིགས་ཞིབ་གནང་རྒྱུ་ཡིན”ཞེས་སོགས་བཀོད་འདུག

གསར་འགོད་པས་ནང་སྲིད་ལས་ཁུངས་ཀྱི་འབྲེལ་ཡོད་ལ་ཁ་པར་ཡང་ཡང་བཏང་བར་ལེན་མཁན་མ་བྱུང་སྟབས། བསྐྱར་དུ་ལྷོ་ཕྱོགས་མོན་གྷོ་ཌིར་ཁ་པར་བཏང་བར། མིང་བརྗོད་འདོད་མེད་མཁན་ཞིག་གིས་བཙན་གཡེམ་བྱེད་མཁན་ཕོ་སར་དེ་གཉིས་ནམ་རྒྱུན་ར་བཟི་སྡོད་མཁན་གྲས་ཡིན་པ་དང་། འདང་ནུབ་རྒྱ་གར་ཉེན་རྟོག་པ་འབྱོར་ཏེ་ཕོ་གསར་གཅིག་འཇུ་བཟུང་བྱས་ཡོད་སྐོར་བརྗོད་བྱུང་

ཤོག་ངོས་འདི་ཐེངས་ ༦༧༠༨ ལ་བཀླགས་འདུག
རིག་པ་འདོན་པ།
ཀརྨ་རྡོ་རྗེ།
༢༠༡༣/༠༨/༢༨ ཉིན་འདོན་སྤེལ་བྱས།
བོད་མིའི་སྒྲིག་འཛུགས་ཀྱི་ཁྲིམས་ཁང་ནས། རྒྱ་གར་གཞུང་གི་ཁྲིམས་ཡིག་ནང་ལ་ཡོད་པའི། བཙན་གཡེམ་བྱས་ན་ལོ་ག་ཚོད་ཙམ་བཙོན་ཁང་ནང་ལ་སྡོད་དགོས་པ་དང་
དེ་བཞིན་མི་བསད་ན་དང་། རྐུ་མ་བརྒྱབ་ན་ཉེས་ཆད་ག་ཚོད་ཙམ་ཕོག་བགྱིད་ཡོད་མེད་དེ་ཚོ་བོད་སྐད་ཐོག་ལ་བསྒྱུར་ནས། བོད་རིགས་ཡོད་དོ་ཅོག་གིས་ཤེས་ཐབས་ལ་འབད་བརྩོན་དགོས་པ་རེད་སྙམ་ལགས།
ཤག་སྒང་པ།
༢༠༡༣/༠༨/༢༧ ཉིན་འདོན་སྤེལ་བྱས།
བཙན་གཡེམ་གྱི་གནས་ཚུལ་འདི་བོད་མིའི་གཤིས་ཀ་དང་རྦད་རྒྱབ་འགལ་སོང་བས། ཧ་ཅང་ཐབས་སྡུག་དང་ཞབས་འདྲེན་རེད། དེ་བས་ཀྱང་ཆེས་ཉེན་ཚབས་ཅན་ཞིག་ནི།

དེ་སྐབས་བོད་པའི་ཕོ་གཞོན་མང་དག་ཅིག་གི་གཞི་རིམ་བསམ་བློའི་ལག་ལེན་ནང་། ཕན་ཚུན་བཟའ་འབྲེལ་མཐུན་འཇུག་ཁས་བླངས་རྗེས།

བརྩེ་བ་མོ་ལ་སྤྲོད། གོ་སྐབས་བྱུང་ན་སུ་བྱུང་ལ་ལུས་འབྲེལ་བྱེད་རྐྱང་བྱོས།

ཟེར་ནས་བཟའ་མི་ཁ་འཐོར་དུ་གནས་པའི་ད་ལྟའི་བཙན་བྱོལ་བོད་མིའི་སྤྱི་ཚོགས་ནང་ནད་ཡམས་འདི་ཧ་ཅང་གི་ཉེན་ཚབས་ཞིག་ལ་ངོས་འཇིན་བྱེད་ཀྱི་ཡོད།

ཁྱེད་ཚོར་འདི་ལྟར་དོ་སྣང་བྱུང་ཡོད་ངེས་རེད། གཙོ་བོ་བུ་དང་བུ་མོའི་འཁྲོད་ནའང་དེ་འདྲ་མང་ཙམ་རེད།

ང་ཚོ་བསམ་བློ་གཏང་རན་འདུག
དཔའ་ཆེན་དོན་གྲུབ།
༢༠༡༣/༠༨/༢༧ ཉིན་འདོན་སྤེལ་བྱས།
ར་རྫ་འཇམ་དབྱངས་སྐྱིད་ལ་རྩོམ་ཞིག་འབྲི་བའི་བརྗོད་བྱ་སྤྲད་འདུག བུ་མོའི་སྟེང་ལ་འཇིགས་པ་སླེབས་པ་ནི་ཁོང་མོར་སྐད་ཆ་བཤད་པའི་གོ་སྐབས་རེད།
མི་རྒོད།
༢༠༡༣/༠༨/༢༦ ཉིན་འདོན་སྤེལ་བྱས།
ཧ་ཧ་ད་བོད་པ་ཚོ་འདི་ལ་ཡིད་ཆེས་བྱེད་སྲིད་དམ། བུ་མོ་ལོ་༡༥ ཞེས་པ་དེ་ཡང་ཕོ་གསར་ཞེས་པ་འདི་རྒྱ་མི་དགོས་སོ།།།
ཀརྨ་རྡོ་རྗེ།
༢༠༡༣/༠༨/༢༦ ཉིན་འདོན་སྤེལ་བྱས།
རྒྱ་གར་ལྷོ་ཕྱོགས་མོན་གྷོ་ཌི་བོད་མིའི་གཞིས་ཆགས་ཀྱི་གཞིས་གྲོང་བདུན་པའི་ཕོ་གསར་གཉིས་ཀྱི་ཞབས་འདྲེན་ཞུས་པ་ལས། པདྨ་ཚོ་དང་། བོད་མི་ས་ཡ་དྲུག་གས་ཞབས་འདྲེན་ཞུས་པ་ཨ་ཡིན་ནམ། ལགས། པདྨ་མཚོ་ལགས།
མཚོ་པདྨ།
༢༠༡༣/༠༨/༢༦ ཉིན་འདོན་སྤེལ་བྱས།
མི་ངན་གཉིས་ལས་གཅིག་མ་གཏོགས་བཟུང་མ་ཐུབ་པ་དེ་གང་རེད། གཞན་དེ་བྲོས་ཐུབ་པ་རེད་པས། མི་ངན་གཅིག་པོ་དེ་གལ་ཏེ་བོད་པའི་སྤྱི་ཚོགས་གང་དུ་གབ་ཡོད་ཀྱང་མི་མང་གིས་ངོ་འཕྲོད་པའི་སླད་དུ་དུས་བབ་ཚང་གིས་ངེས་པར་དུ་མི་ངན་དེ་གཉིས་ཀའི་འདྲ་པར་འགྲེམས་སྤེལ་བྱེད་དགོས། མ་གཞི་འདི་ངན་རྟོགས་པའི་ལས་ཀ་ཡིན་གྱི་རེད།
བུ་མོ་ཆུང་ཆུང་དེས་ནོར་འཁྲུལ་གང་ཡང་བྱས་མེད་པས་ངོ་ཚ་བ་དང་སེམས་ཞུམ་ནས་སྡོད་པ་སོགས་མ་བྱེད་རོག། དེ་རིང་གི་ལྟས་ངན་འདི་མོན་གོཌ་྄ཨ་ཅང་ཅང་བཙན་བྱོལ་བོད་མི་ཚང་མའི་ཞབས་འདྲེན་ཡིན།
འདབ་པ་ཚེ་དབང་མགོན་པོ།
༢༠༡༣/༠༨/༢༦ ཉིན་འདོན་སྤེལ་བྱས།
དེ་སང་བོད་པའི་སྤྱི་ཚོགས་གནས་ཚུལ་འདི་ལྟ་བྱུང་བ་ནི། སྔར་བོད་ཀྱི་སྤྱི་ཚོགས་དང་གཏན་མ་འདྲ་བའི་བྱུང་བ་ཞིག་དང་། ད་དུང་ཡང་འདི་ལྟ་བུ་འབྱུང་མི་སྲིད་པ་དེ་བས་མིན་ཞིང་། དེའི་ཕྱིར་ཅི་ཡིན་ན་ཡར་རྒྱས་ཤིག་དང་། ཡང་ན་མིན་གཏན་ངན་ཞིག་རེད།
ཀརྨ་རྡོ་རྗེ།
༢༠༡༣/༠༨/༢༦ ཉིན་འདོན་སྤེལ་བྱས།
རང་བཞིན་གྱིས་མི་རིགས་གཞན་ལ་ངོ་ཚ་མདོག་གིས་སྦས་བསྐུངས་ཀྱིས་ངན་པ་རྒྱ་ཡན་དུ་གཏོང་བའི་ལམ་ལུགས་དར་སྤེལ་གཏོང་བ་འདི་ངེས་པར་དུ་འཚམས་འཇོག་ངེས་པར་དུ་བྱེད་དགོས་པ་རེད། ་ཟེར།
རྩྭ་ཐང་གི་གླག་རྒོད།
༢༠༡༣/༠༨/༢༦ ཉིན་འདོན་སྤེལ་བྱས།
རྫུན་གཏམ་འདི་རིགས་མ་སྤེལ་རོགས་ང་ཚོས་སྤྱི་ཚོགས་ཞབས་འདྲེན་རེད་དེ་ལྟར་བྱེད་མི་སྲིད
མིག་དམར།
༢༠༡༣/༠༨/༢༦ ཉིན་འདོན་སྤེལ་བྱས།
སྙིང་རྗེ་ལོ་ཆུང་བོུ་དེ། རང་རེའི་གཞིས་ཆགས་མང་པོ་ཞིག་ནང་ལས་མེད་འཁྱམ་པོ་ཕོ་གསར་མི་ཉུང་བ་ཞིག་སོ་སོའི་ཕ་མ་སྤུན་མཆེད་ཀྱིས་ཕྱི་རྒྱལ་ཡུལ་གྲུ་ཁག་ཏུ་སྡུག་ལས་བྱས་ཏེ་བསགས་པའི་དངུལ་རྣམས་བག་མེད་ལོངས་སྤྱོད་ཀྱིས་ཆང་རག་དང་། དུས་རྫས། དེ་བཞིན་འཆལ་སྤྱོད་བཅས་ཀྱིས་དུས་འདའ་བཞིན་ཡོད་པའི་ཆ་ཤས་ཤིག་ད་རེས་བྱུང་བའི་གནས་ཚུལ་འདི་ལྟ་བུ་རེད། ཨ་ཁ་ལས་ངན་
གསེར་འབྲུག་སྡེར་ལྔ་
༢༠༡༣/༠༨/༢༦ ཉིན་འདོན་སྤེལ་བྱས།
མི་ངན་དེ་གཉིས་ཀྱིས་བྱ་ངན་སྤྱོད་ངན་ཁྲིམས་འགལ་ཚབས་ཆེན་འདི་འདྲ་བྱས་ཡོད་ཀྱང་། (ཐོག་མར་ས་གནས་གནད་ཡོད་མི་སྣ་ཚོས་གནས་ཚུལ་དེ་ཕྱིར་བསྒྲགས་བྱས་ན་ཧ་ཅང་ངོ་ཚ་བོ་ཡིན་སྐོར་བརྗོད་དེས་ནང་འགྲིག་ཡོང་ཐབས་ཀྱིས་གནས་སྐབས་རིང་གསང་བ་བྱས་ཡོད་ཀྱང་།) ཅིའི་ཕྱིར་ས་གནས་ཀྱི་གནད་ཡོད་མི་སྣ་དེ་ཚོ་བོ་བྱུང་བ་རེད། ཧ་ཅང་ཧ་ཅང་གི་ཚབས་ཆེན་གྱི་ཁྲིམས་འགལ་བྱ་སྤྱོད་འདི་རིགས་ལམ་སེང་ཐེར་འདོན་དང་ཉེན་རྟོག་པར་རྩིས་སྤྲོད་མ་བྱས་པར་ནང་འགྲིག་ཡོང་ཐབས་ཀྱི་གསང་བ་བྱས་པ་རེད། ཅིའི་ཕྱིར་ངན་པ་རྒྱ་ཡན་དུ་གཏོང་རྩིས་བྱས་པ་རེད། དང་པོ་གནས་ཡོད་མི་སྣ་འདི་ཚོའི་བྱ་སྤྱོད་ལ་ཞིབ་འཇུག་ངེས་པར་དུ་བྱེད་དགོས་པ་རེད། ངན་པ་རྒྱ་ཡན་དུ་གཏོང་བའི་ལམ་ལུགས་འདི་འདྲའི་རིགས་བོད་པའི་སྤྱི་ཚོགས་ནང་ཉུང་ཉུང་གཏན་ནས་མིན། དཔེར་ན་སུ་ཇ་སློབ་གྲྭའི་སློབ་མ་དམར་བསད་བཏང་བ་བཞིན་ནོ།
ངས་ངོས་འཛིན་ལྟར་ན་བོད་མི་རིགས་འདི་གོ་ལ་འདིའི་སྟེང་དུ་བཟང་རབས་རྒྱན་རབས་བྱང་སེམས་ཅན་དང་སྙིང་རྗེ་ཆེ་རབས་ཀྱི་འགྲེལ་བཤད་བརྒྱགས་རྒྱུ་མང་དྲག་འདུག་ལ། མཐོ་དམན་ཚང་མའི་ཁ་ལ་གོམས་ལོབ་ཏུ་སོང་བའི་མཇུག་འབྲས་འདི་ལྟར་ཁྲིམས་འགལ་གྱི་བྱ་སྤྱོད་འདི་རིགས་སྤེལ་ཡོང་དུས། རང་བཞིན་གྱིས་མི་རིགས་གཞན་ལ་ངོ་ཚ་མདོག་གིས་སྦས་བསྐུངས་ཀྱིས་ངན་པ་རྒྱ་ཡན་དུ་གཏོང་བའི་ལམ་ལུགས་དར་སྤེལ་གཏོང་བ་འདི་ངེས་པར་དུ་འཚམས་འཇོག་ངེས་པར་དུ་བྱེད་དགོས་པ་རེད།
གཅན་བཟོད་རྒྱམ།
༢༠༡༣/༠༨/༢༥ ཉིན་འདོན་སྤེལ་བྱས།
མི་ངན་དེ་ཚོའི་མིག་དཔེ་ལྟ་ས་རྒྱ་གར་བ་དུད་འགྲོའི་སྤྱོད་ཚུལ་ཅན་འདི་ཚོ་ཡིན་ས་རེད། ཚང་མས་གཟིགས་དང་

http://in.news.yahoo.com/mumbai-gangrape--how-the-girl-was-attacked-101214531.html
གཅན་བཟོད་རྒྱམ།
༢༠༡༣/༠༨/༢༥ ཉིན་འདོན་སྤེལ་བྱས།
གནས་ཚུལ་འདིའི་རིགས་མི་ངན་དེ་དག་གི་པར་རིས་དང་བཅས་འགོད་ཐུབ་ན་རྗེས་མ་ནས་གང་གཟབ་གཟབ་བྱེད་ཀི་རེད།
ཉེ་སྔོན་མ་ལེ་ཞི་ཡ་ནས་བཙན་གཡེམ་བྱེད་མཁན་མི་ངན་དེའི་སྐེ་གཏུབ་སྟེ་བསད་རྗེས་ཁོ་རང་མཇེ་དང་རླིག་རིལ་བཅད་དེ་ཁོ་རང་གི་ཁའི་ནང་དུ་བརྫངས་ནས་ཉེས་ཅན་ལ་ཁྲིམས་ཆད་བཏང་འདུག དེ་ཡང་གཙོ་བོ་མི་མང་གིས་ལས་འགུལ་དེ་བྱས་པ་ཞིག་རེད།
བོད་པའི་སྤྱི་ཚོགས་ནང་དུའང་བཙན་གཡེམ་བྱས་རྗེས་གཞན་ལ་བཤད་མ་ནུས་པར་ངོ་ཚ་བྱས་ཏེ་གསང་རྒྱ་བྱས་བཞག་པ་གང་མང་མང་ཡོད་ངེས་ལ། བུ་མོ་དེ་དག་གིས་ཀྱང་རང་ཉིད་ལ་བཙན་གཡེམ་བྱས་པར་བཟོད་སྒོམ་དང་། གཞན་པ་བཤད་པར་ངོ་ཚ་བྱས་ཏེ་གསང་བ་བྱས་པ་རེད་ལ། བཙན་གཡེམ་བྱེད་མཁན་མི་ངན་དེ་དག་གིས་ཀྱང་བུ་མོ་ཚོས་ངོ་ཚ་བསམ་ནས་གཞན་ལ་བཤད་མི་ནུས་པར་སྐབས་བཙལ་ཏེ་བྱ་ངན་སྤྱོད་ངན་དེའི་བྱས་དང་བྱེད་བཞིན་པ་རེ་ཟུང་གོ་ཐོས་བྱུང་མོད། བདེན་དཔང་དང་བཅས་གནས་ཚུལ་ཁ་གསལ་ནམ་བྱུང་ལ་ཡིག་ཐོག་ཏུ་འགོད་ངེས་ཡིན་ལ། གཞན་དག་སུ་ཡིན་ཀྱང་རང་རེའི་སྥྱི་ཚོགས་ཆུང་ཅུང་བོ་འདིར་མི་ངན་དེའི་རིགས་ལ་ཐེར་འདོན་དང་ཉེས་ཁྲིམས་ནན་མོ་གཅོད་དགོས་སྙམ།
ཡི་གེ་མི་ཤེས་མཁན་དང་ཤེས་<ཡོན་མེད་པའི་གྲོང་གསེབ་པས་མུན་ནག་གི་བྱ་བྱེད་ངན་པ་འདི་འདྲ་བ་བྱེད་མཁན་བོད་ཀྱི་ཤེས་ལྡན་པ་ཡིན་པར་ཁེ་འཆས་པའི་ཁྲོད་དུའང་ཡོད་ཚོད་འདུག་ན་ང་ཚོས་དུས་དང་རྣམ་པ་ཀུན་ཏུ་དེ་དག་འགོག་རྒོལ་དང་ཐེར་འདོན་བྱེད་པར་ཁྲིམས་དང་སྤྱི་ཚོགས་ཀྱི་རྒྱབ་སྐྱོར་སོགས་བཙལ་ཏེ་བུ་མོ་ཚོའི་བདེ་དོན་དང་ཐོབ་ཐང་། འགྲོ་མིའི་རིན་ཐང་སོགས་ལ་སྲུང་གཙི་དང་འགན་ལེན་བྱ་དགོས་སྙམ།


ཐོ་རེངས།
༢༠༡༣/༠༨/༢༥ ཉིན་འདོན་སྤེལ་བྱས།
གཞི་ཆག་གི་མི་འཁྱམ་མདོ་མེད་མང་པོའི་བྱ་སྤྱོད་འདི་འདྲ་རེད། ཁོང་ཚོ་ལ་མི་རིགས་ལ་རྒྱ་ཕར་ཞོག ཐ་ན་རང་གི་མི་ཚེ་ལའང་བསམ་བློ་མེད་མཁན་དང་། བོད་མི་རིགས་ཀྱི་ཞབས་འདྲེན་བརླ་བཙོང་འདི་ཚོ་ལ་ཁྲིམས་དང་ཆད་པ་ཡག་ཐག་ཆོད་ཞིག་དགོས་ངེས་རེད། རྒྱ་གར་སྲིད་གཞུང་དང་བོད་མིའི་བསྒྲིག་འཛུགས་ཁག་གིས་རབ་ན་སྲོག་ཆད་དང་ཐ་ན་ཚེ་བཙོན་གཏོང་རོགས་འབོད་བསྐུལ་ཞུ།
བྱ་ཐུང་
༢༠༡༣/༠༨/༢༥ ཉིན་འདོན་སྤེལ་བྱས།
སྤྱི་ཚོགས་ཆུང་ཆུང་འདི་ནང་ལ་མི་འཛོམས་དགུ་འཛོམས་རེད། ངེས་པར་དུ་སྤྱི་ཚོགས་སློབ་གསོ་གོང་སྤེལ་དུ་གཏོང་དགོས། གཞུང་འབྲེལ་དང་གཞུང་མ་ཡིན་པའི་ཚོགས་པ་ཁག་གིས་འགྲོ་ལ་ཕན་ཕྱིར་ལྟ་བུའི་ཟབ་སྦྱོང་དེས་མི་ཕན་པར་དོན་ལ་སྨིན་པ་ཞིག་ཅིས་ཀྱང་བྱེད་དགོས་པར་འདོད།
ཤོག་གྲངས་: [༡] [རྗེས་མ།]
རིག་པ་འདོན་པ།
རིག་པ་འདོན་ན་ངེས་པར་དུ་དེབ་སྐྱེལ་བྱེད་དགོས།
འདི་ལ་བསྣུན་ཏེ་དེབ་སྐྱེལ་བྱེད་རོགས།